百份百餐廳 (新都商場)

营业中

休息中

今日中午，要搵地方食午餐，隨意咁去咗一間叫百分百嘅餐廳，見到入面都幾多人，但幸好我一個人塔枱唔使等位。打開餐牌時，拿不定主意，見到人地嘅銀芽肉絲脆麵好似幾吸引，於是我決定試下。✔️銀芽肉絲脆麵脆麵賣相十足，像一座小山咁，每條麵都經過油炸，口感滿足。整體味道唔錯，肉絲銀芽配脆麵有層次感。不過，因為脆麵偏油，吃完之後覺得有啲熱氣。✔️奶茶紅豆冰飲品方面，我選擇咗奶茶紅豆冰，味道亦都幾好，但偏甜咗少少，對於喜歡清淡口味嘅朋友可能唔太合適。總結，百分百餐廳位置方便，味道亦都唔差，雖然有啲熱氣，但我覺得值得再來！

夜晚過來幫襯百分百, 見到依個二人燉湯套餐180元幾抵食, 於是叫依個, 主菜一係清蒸或煎黃🐟花魚又或者沙薑雞🐔, 另外小菜四選一, 揀左涼瓜火🐽腩煲, 配二個燉🥣湯同二個🍚白飯, 叫的時候因為湯未煮好, 於是等左一陣, 店員先幫我們落單, 等左一陣二個湯送來, 份量都唔少, 係雪梨蟲草花茶樹菇排骨紅棗湯,飲落唔係好肥好油👍, 都熱辣辣很清甜🥰, 本身叫黃花🐟魚, 但今日無貨😅於是要轉沙薑雞🐔, 來到份量都唔少, 亦都幾靚仔👍👍, 送來二個白飯🍚也熱辣辣😍, 之後再來涼瓜火腩🐽煲, 配豆豉煮好美味好夾, 送來也熱辣辣, 不過可能我個人食比較偏淡口味, 就覺得咸左少少😆但整體算唔錯😍🥰

趕得切11:30前食早餐香煎牛扒早餐$4️⃣4️⃣牛扒煎得啱啱好，唔會韌又唔柴👍🏻個汁就太鹹流心蛋就熟咗D餐肉都煎得好香脆粟米粒食得出是罐頭貨蒜蓉多士好香口熱奶茶都好香醇，入口唔會嚡早餐大大份，又好味$4️⃣4️⃣真係好抵食

今日剛好在附近有時間可以慢慢坐低同小朋友食個下午茶於是就想起去百分百😬😋一如既往門外都是大排長龍不過都唔算等太耐⋯好快就有位了！因為已經不是第一次食每次例牌也會必叫呢幾款😂😂🍅蕃茄焗雞扒飯（芝士控超滿足）⭐️⭐️⭐️⭐️🐂黑椒牛肉炒意粉（唔算太油）⭐️⭐️⭐️⭐️🐟炸魚柳拼薯條（感覺份量比以前少）⭐️⭐️⭐️

今早入來屯門, 先食過早餐, 叫左雞扒腸仔流心蛋雞扒蒜蓉多士配熱奶茶, 賣相幾吸引👍打下卡先, 先食件蒜蓉多士, 雖然唔係脆, 不過都唔係淋, 好香蒜蓉味😋食件腸仔, 唔係好咸, 幾好食🥰 雞扒正常, 不過無乜肉味, 雞蛋正常, 亦食唔到蛋香, 但份量足夠一定夠飽, 奶茶正常味, 又唔係特別出聲, 但整體ok.都有下次❤️難怪敢多人💞🍴

那西至極，明明無晒商品湯底，卻不告知，導致魚肉味道超淡，之後近燒乾的狀態，店員竟馬虎地加清水了事，令到可謂雪上加霜，多次向店員示意卻刻意視而不見，十分失望，貼錢買難受！作為顧客，我應該得到有水準的食物和良好的服務。花錢購買卻遭遇如此糟糕的經歷，讓我感到非常不滿和難受。將這次經歷分享給大家，提醒你地在選擇用餐地點時要慎重考慮。同時，我也會向餐廳的管理層投訴，希望能認真對待我的意見，並採取措施解決這些問題。

排隊等位時已經俾門口既新鮮麪包吸引住，香噴噴，餐牌上菜式種類多，我點左午餐-犀飛利銀芽肉絲脆麵，麵條炸到脆卜卜，加埋銀芽肉絲芡汁，絕配，有驚喜！百份百餐廳港式茶餐廳連鎖店

屯門新都商場百分百餐廳，買左3份晚餐，買時收銀話要耐啲，要等35分鐘，會唔會考慮其他食物，問佢其他食物等幾耐，收銀話都差唔多時間，呢啲癈話講嚟做乜。等35分鐘照買照等，逛下商場一陣再來攞，35分鐘過後，來到百分百餐廳，外有賣仲未有，問收銀，回應要等多陣，一等又十多分鐘，仍然未有，問其他侍應，一問又10分鐘，其間有個食客氣沖沖走人，冇比錢，收銀隨即問食客收錢，原來堂食呢位客人等左個餐一個鐘有多，只來左飲品，主菜至走時佢未有，我聽到後即時再問我嘅外賣幾時有？店員去問，又喺重覆答案做緊等多陣，已經超過1個鐘，唔等，即時要佢退錢，以後都唔會再嚟幫襯。

今天國慶日吃set早餐，由落單到品嚐完需花上約40分鐘，首先叫侍應來落單花了約5分鐘，等set早餐花了超過20分鐘，是餐牌上食物，雙腸蛋米線才到，到我吃完整個餐等杯凍奶茶超過15分鐘，催侍應幾次都係得個「等」字。就算食物質素幾好，要花上40分鐘吃過早餐，時間就是金錢，太奢侈了，本人真的接受不了！如果大家趕時間，千萬別去，免浪費時間！

老婆隻眼發炎，需要去睇醫生！就求其去左新都商場 百分百餐廳幫襯早餐！我同老婆都叫左沙嗲牛麵！沙嗲牛肉質素其實唔差，但我同老婆都覺得個麵好似少梗一半！38蚊得個麵跟多樣餸，然後再配埋杯飲品！到食完個肚都係好空虛...好似冇食過野...食完睇返餐牌，原來加3蚊有麵包送...我再問問侍應 而家可唔可以加單....侍應話唔比...真係好無奈...食物味道質素係唔錯，始終係大集團！其他餐廳38蚊又有蛋又有麵包....相比之下呢價野真係貴得有d離譜！如果早餐加凍飲3蚊 加麵包3蚊...44蚊食過早餐貴唔貴真係見人見智...哈哈！其實點解侍應係落單前唔先詢問客人加唔加麵包？唔係每位客人都會睇餐牌睇得咁仔細！結果睇完眼，同老婆去置樂又食多餐破費了

當日放假，我請媽咪到屯門英皇戲院睇戲，佢請我食下午茶！她找了一間在屯門新都商場的茶餐廳 <百份百餐廳>，這間有其他分店，不過，我一直都未試過！枱與枱之間較狹窄！另有售麵包飲品Menu下午茶全日常餐：蜜汁叉燒湯意粉、蒜香牛油多士、 炒蛋 $45蜜汁叉燒意粉軟硬適中，叉燒約有5 片，偏燶，勝在不乾身易入口！炒蛋炒蛋反而給我驚喜！ 散發香濃蛋香之餘，還要帶有蛋漿那種濕潤嫩滑口感！蒜香牛油多士加入蒜蓉的多士有助提味！熱立頓奶茶 色澤都幾對辦，而且立頓奶茶口味都不會太差吧！茶味香濃，香滑度遜色！迷你焗鮮茄豬扒飯 $42以下午茶份量都豐足，飯底有點乾！熱杏仁霜媽咪至愛的熱飲！

早上9點09分入座點餐，因為趕時間已經特意點多士三文治餐，以為會比較快，等了15分鐘未有，追單第一次，到見到隔離枱比我們遲入座的都已經有得食，就追單第二次，我們也沒有任何要大吵大鬧的，但實在沒時間吃了，眼見已經過了35分鐘，一件醬多，一份芝蛋治， 兩樣都沒有，30分鐘 公司三文治都做到啦！！ 於是追第三次單，一追完10秒不夠，就有一個樓面拿著兩份有煎蛋有多士的餐問是否我們點了這個， 我家人即時比較嬲咁回應該位侍應 ：『唔係！ 仲要黎錯添！ 』 侍應覺得我地咁樣答佢有冤屈，不停唔忿氣咁鬧返轉頭！ 你地餐廳出餐混亂，我地亦唔係第一二次追單，每個樓面侍應都有耳機對話，我唔相信你唔知我地追咗咁多次單！我地坐低半個鐘裡面你地送錯兩次唔屬於我地既餐黎，將心比己，係呀，你人工唔包受氣，我地都唔係比錢受你氣！！ 唔該你地老細正視問題！ 呢個係果一個樓面既問題而已，同埋檢視一吓廚房出餐流程，唔好連累樓面比人鬧！

香烤雞扒茄汁豆煎雙蛋配厚多士- 雞扒煎得夠脆，肉質彈牙夠滑，味道醃得夠入味，蒜汁蒜味重但略鹹。- 多士夠厚夠脆，塗了蒜蓉牛油，冇得輸👍🏽- 太陽蛋做到燶邊效果👍🏽- 茄汁豆就罐頭貨色- 仲有要欣賞他們的凍檸茶，是預先加了檸檬汁於茶裡，不用吉，懶人恩物，不會因檸檬佔了茶的份量👍🏽整體唔錯，30幾蚊的價錢絕對值得再試

假日享受下午茶時光，今次點了好幾個餐和朋友一起享受美食😋1）意式蕃茄肉醬湯腸仔意粉🍝意粉唔會太淋，配搭埋蕃茄肉醬湯一向都係最佳拍檔😂絕配👍2）野菌忌廉芝士雞扒焗飯熱辣辣又有芝士拉絲，香濃而不太鹹，呢個飯真心不錯！3）香煎魚柳配薯條魚柳大大塊又脆口超抵食🤭（每次都會必選）4）厚餐肉滑蛋治足料厚餐肉配滑蛋，口感不錯，可惜塊包有點硬，如果軟少少會更加好。

1：47分落左個無骨霸王雞飯，諗住10-15分鐘內會有啦，因為平時食開都快上到餐。2：15分同侍應A講個餐未到，佢答我就出就出，咁我再等多陣等到2：25分都仲未到。我再揾侍應B講個餐等左好耐都未到，佢睇一睇張單話問下廚房整左未，之後侍應B揾侍應C話係咪冇曬？侍應C話冇早上應該要鎖機，個下即刻火到黎。之後我再同佢講話轉豬扒酸辣米線，等到差唔多2：43分左右個餐先到🤬，呢餐真係食到火滾。就算樓面唔知個餐仲有冇，咁廚房收到單都應該知冇掛，可以叫樓面同返個客講聲叫佢轉😮‍💨。我唔追係咪諗住唔理？🤔比我坐係到幾個鐘？‐------------------------------食過幾次啲野食都可以，出餐速度都快，服務還好。但今次完全係失望🙃無下次