百份百餐廳 (新屯門商場)

营业中

休息中

下午茶點雞髀沙律雞髀等咗差唔多半個鐘雞髀同沙律，放埋一齊唔知有冇人同我一樣，唔太鍾意因為雞髀啲油會同沙律撈埋一齊之後沙律本身應該係凍嘅但係又比雞髀搞到暖暖地最後飲埋個杯冇檸檬嘅檸檬茶當醫飽個肚就算

這次吃的的銀芽肉絲脆麵真是令人驚喜！😋麵條有彈性，肉絲鮮嫩多汁，銀芽清脆可口，再加上炸脆麵條，口感非常獨特。每一口都帶來滿滿的滿足感和美味！👌 如果你喜歡尋找新口味的麵食，絕對不能錯過這道菜品。一定會給你帶來驚喜。😋😋百分百餐廳的銀芽肉絲脆麵結合了不同食材的完美組合，味道豐富，口感層次豐富。不管是麵條的彈牙、肉絲的鮮美、銀芽的清脆都很驚喜，🍜🤤 一試會讓你愛上它！🥂強烈推薦！👍#好味🤤

屯門碼頭嚟講呢一間百分百嘅餐廳都算食物多種類，唯獨是比較多人等位比較耐！下午茶餐有薯條 雞翼餐 但係今次嘅薯條份量唔算多🥹如果可以大份啲就好啦！佢哋嘅坐位都幾闊落幾舒適！

百份百早餐🫶🏻揀左歐陸早餐～有牛扒 餐肉，粟米，腸仔同埋通粉‘另外嗰個揀咗魚柳炒蛋，粟米多士都係通粉精神 味道👍🏻很好 早餐梗係要揀個自己鐘意食架啦抵食 好食！

比茶餐廳高質的餐廳點解我甘講 因為佢係茶餐廳既價錢質素係餐廳質素炸物用大炸爐 炸 好脆都係即叫即整🫶🏻 熱辣辣下午茶 我地食 揚州炒飯🫶🏻食炸雞翼同西多士🫶🏻抵食

近來服務似乎係好了些，最低限度準時開放外買指，但係不明白為什麼居然無奶茶選擇，coffee就有，真是摸不着頭腦，阿華田和其它熱飲要收3塊錢，希望外買和堂食價錢一樣！

全新伺應好似第一日番工咁明明有鹹蛋蒸肉餅 但佢話我地做唔到然後隔離枱就上左碟鹹蛋蒸肉餅之後嗌完野食 係咁送錯餐 送錯野食全部好似第一日番工咁體驗勁差不會推薦其他人黎食

呢間嘅服務態度出奇地差！就算企喺門口，超過10分鐘都唔會有人帶位，職員企晒喺水吧位度傾偈，我舉手舉左5分鐘都冇人招呼，食物質素都唔算平㗎但係份量相對來講少啲，食完好快就收晒我啲嘢，超級趕客嘅茶餐廳！永遠都唔會再幫襯

餐廳太少員工經常叫唔到人 今日1個人6:30叫過外賣 要7點才可以攞因為冇白飯 都唔知點管理門口一班人 裏面有枱都做唔切食物ok唔錯 不過服務質素好差 好多街坊都食到一肚氣 已經半年冇幫襯今日一D都冇變

今朝早8:05am去食早餐，食到一肚氣！我同老公兩個去到，見到窗邊有一個卡位，想坐嘅時候被一名姓萬嘅員工喝止，話卡位只可以比兩位以上嘅人先可以坐。冇問題，我哋坐咗去另外一個位。點知望轉頭嘅時候就見兩位女士坐咗我哋原本想坐嘅卡位，該名姓萬嘅員工仲要好好招呼，我估係熟客仔掛，不過就令到我哋兩個好嬲，於是就向呢位員工提出疑問，點解我哋兩個唔坐得，嗰對女士都係兩個人啫，又坐得嘅？？！！不過呢位萬小姐唔肯過嚟同我地講，特登避開，其他職員過嚟都只肯講該名職員姓萬，唔肯透露全名。最後呢位萬小姐走過來同我哋講話係一場誤會，我真係唔明誤會咗喺邊，我淨係見到佢俾兩位女士坐嗰個卡位，既然你係咁有原則嘅，點解唔叫呢兩位女士去坐其他位置呢？？我哋亦有直接問呢位萬小姐想攞佢嘅全名，而佢亦係拒絕提供。雖然係茶餐廳，但係都唔係咁做嘢囉！

星期日 周邊逛逛，曬吓太陽，疲倦了，找個地方休息 座座，滋味下午茶☕️cafe 100% 百分百餐廳😊即食麵、輕量炒 粉 麵 飯、番茄濃湯、焗飯、三文治等等可供選擇五香脆雞翼金條西多士 $34賣相相當吸引，雞中翼（2隻）薄薄粉炸脆，肉質鮮嫩，脆皮半份西多士 、似黃金 金條😀上面放上牛油、慢慢溶化，中間夾住花生🥜醬😊好好味😋😋可以點糖漿滋味迷你焗鮮茄豬扒飯 $39鋪上芝士焗，增添味道紅蘿蔔🥕、脆肉瓜薄薄豬扒，切開小塊番茄🍅奉送餐飲：熱好立克、凍鴛鴦走甜⋯⋯食飽飽，開心滿足

今日放咗工，去咗百份百食下午茶，好多時百份百都大排長龍，但最近疫情惡化，街上少咗好多人，出街食飯嘅人亦少咗，今日去到都即刻有位。叫咗我嘅至愛—霸王雞配碗仔翅。今日雞飯有點失色，其實味道係好的，飯嘅軟硬度亦適中，但問題係啲飯好似喺豉油裡面游水咁，豉油落得重手咗，啲飯「豉油汪汪」，好鹹，鹹到有一刻想叫佢換過份，但考慮到而家飲食業難做，所以都係算啦，隔硬食埋佢，唯有返到屋企飲多啲水。除此之外，雞嘅份量都縮咗水，比以往少。碗仔翅就唔錯嘅，好足料，味道今日比較淡，但可以同雞飯中和返。凍檸茶一如既往嘅新鮮，好飲！

疫情的下午 lunch 叫咗個「潮式」蠔仔泡飯，食物到後居然見到上面有一層牛油同白色湯底，就覺得有奇怪，畢左兩啖食居然味道就係忌廉湯，仲有原本嘅芫茜不見了，就變咗白菜仔碎上，其實如果冇材料不如唔好出比客啦，點會用忌廉湯煮蠔仔泡飯㗎，趕住返工都係唔換啦，不過真係永不幫襯仲有諗起上次嘅蕃茄牛肉飯變咗「茄膏」牛肉飯，味道苦苦地好奇怪咁，真係唔多掂，就算屋村茶餐廳都唔會煮到咁，仲有一路食一路聽到侍應發脾氣聲👎🏻

下午茶兼晚餐🥣在家旁邊的新屯門中心商場百份百餐廳, 環境可以，坐得舒服五香雞翼配金條西多士$35嘩！似金條嗎！金黃色 厚厚面包上面牛油中間粗粒花生🥜醬再點少少糖漿，好好味😋香噴噴 雞翼 皮脆脆，淡淡的唔覺有五香味喎😀餐飲： 酸酸醒神 熱🍋檸檬水

我今次外賣自取，都知宜家好多人叫外賣，咁咪等耐啲囉，個個都係咁等，唔會吹佢地，唔緊要，一次比一次比一次耐都算，今次企响門口等，30分鐘未有，40分鐘都未有，有個人個号碼後過我，去吹佢，佢又即刻俾到佢，我已經開始上火，咁我咪去問職員囉，佢睇完廚房，返嚟同我講話包緊，我足足等左50分鐘，先有得囉😡😡，返到上樓，熱檸水，變咗室溫水，啲湯係凍嘅，碗麵黐埋一舊舊，想點，即係我嘅外賣一早整好，仲放响一邊唔處理，直到客人吹佢，先去包😡😡😡😡😡😡😡