百份百餐廳 (新屯門商場)

营业中

休息中

今早打算嘆個靚早餐，有個good morning。叫外賣，等左四個字，忍唔住催佢，再等左3-4分鐘，終於拎到。個櫃面d態度... 熱朱係瀉出黎既，但我趕時間，拿拿臨走。行左兩三個字，返到屋企一打開：炒蛋就冇喇，變左條腸； 茄汁豆都冇。所以我又行返去，搵經理。佢換過個餐，但今次冇左個包... 我唔同佢講佢都唔知-.- 我第二次等時有個呀叔都催外賣... d態度又唔好，成個朝早冇good過，谷氣就有份。食物方面，換過既外賣終於有返幾粒豆。但雞排有種粉嘅感覺，好似食緊煎熟咗嘅面粉咁。火腿同炒蛋就普通啦。杯熱朱...淡到似水。整體黎講，食物亦都只係中下水平。唉唔會再幫襯。

唔使返工既星期六好爽呀!一路到12點先醒~如果日日都係咁就好啦!訓醒就同老公去搵食啦，周圍行下行下，行左去一間叫「百分百」既餐廳，見到好多人排隊，聽D人講，原來開左大半年左右，一直都唔知又未試過，於是就等位啦，等左15分鐘就到啦!我叫左個「台式肉燥煎蛋飯」，我仲以為應該都穩陣啦!見佢有2隻煎蛋，仲有一堆肉燥。D蛋煎得岩岩好，全熟，連蛋黃都熟既，唔會有生蛋黃汁漏出。至於D肉燥…嘩!真係好唔掂，我見佢一堆深啡色以為全部係肉燥，點知九成都係梅菜!!! 肉燥我真係無幾何食到=.=宜家好似食緊梅菜炒蛋飯咁!!!!!但係個汁就係肉燥汁黎既，算係幾香，D味幾濃!但最搞笑係我叫個侍應黎同佢講，佢竟然無換比我既意思!呢D真係只係一次下不為例!

入到屯門已經是下午了，未食午飯，唯有在這個商場找間好座而又順眼的餐廳……經過這間比較新式而“企理”的，不妨試試。看見四周貼上不同的推介，但敵不過午餐的餐牌上“土魷馬蒂蒸肉餅飯”，像住家飯嘛！完成午餐後才知道這集團式餐廳有“咖哩牛腩天王”之美譽，所以下次會試試！

這天只有一個人吃午飯，我去了新屯門商場新開的百分百餐廳。上次吃過比一般茶餐廳做得好吃的蒸鯇魚，蒸得嫰滑之餘還有豆腐墊底，今次則試試同事推介的犀飛利銀芽雜菌雞柳炒麵。為什麼是犀飛利？好明顯是那個炸得非常澎湃的炒麵。我一向都喜歡吃大排檔的肉絲炒麵，炸得脆脆的麵條外脆內軟，吃起來比較香口，再淋上好吃的獻汁，滋味無窮。不過做得求其的店家很多時麵會做得太淋或太硬，又可以很難吃。百分百餐廳的炒麵跟平日吃的有點不一樣，炒麵是全脆版，麵炸得乾身不油膩，不過吃起來有點"呢Hea"，最適合跟家人或自己一個人來吃。