百份百餐廳 (元州街) (已結業)

成日聽人講百份百既海南雞飯好好食。今日唔執輸去試下先☺️因為我懶得落街等既關係，我打定電話落分店叫定方便一落樓就可以拎反屋企食。分店店員問我要下午茶定正價，見佢三十蚊咪平平地試下下午茶。拎完個外賣，下午茶迷你海南雞飯配足料碗仔翅。滿心歡喜既我反到屋企一打開，碗仔翅變左碗冇味米線😂媽丫，我碗碗仔翅去左邊到？原來下午茶既海南雞飯唔跟豉油果啲🤦🏻‍♀️正價先跟 得薑蓉配搭😂冇左個豉油同埋果隻少少辣既汁（唔記得左叫咩名）😭成個感覺變得好似食油雞飯咁我唔制丫 啲雞又好細同好瘦算啦 我都知下午茶三十蚊都唔方會多雞得去邊，早知唔貪平食正價咪冇事 蠢左。之後緊係打反分店問佢地點解冇左碗仔翅啦？佢仲要敷衍我話俾錯左 話同事新尼 係咁話你食啦 你食啦。我一路問 佢淨係係丫係丫 草草了事。我真係好嬲 問佢拎投訴電話佢話唔記得喇 唔洗投訴啦 我心諗：（你緊係咁講啦 將心比己 你會點？）到最後我都算數喇 我以後都唔會再尼袋😡

餓餓地行過長沙灣見到百份百餐廳,條街又熱辣辣就走左入去食個下午茶,順便嘆吓冷氣~之前都有光顧過坑口明德村嗰間,而長沙灣尼間個裝修比較有特色,係用左單車 ;路牌; 立頓茶葉鐵罐;黑白相連相架;舊式風扇黎做佈置,連遮光布既窗簾都好似麻布袋咁,好有懷舊feel,去到上海灘嗰個年代咁~我入去坐低嗰個位係啱啱有食客離座,其實個食客都食得幾亂吓,成張枱都係沙糖,侍應姐姐好快就黎執枱,仲抹得好乾淨,我叫左下午茶餐既意大利蕃茄肉碎湯意粉,配熱既立頓奶茶,嗯嗯~ 好好味啊! 濃郁既蕃茄湯配爆香左既肉碎,而意粉爽口唔同平時發脹既意粉,同我嚮意大利食既pasta口感接近,個名加左 都無改錯既~另外,立頓奶茶有茶香唔澀口,都ok喎~

有型男食家食過在何文田的百份百，感覺除了服務較差外食物也不錯，這日就特來試一試長沙灣新開的這間百份百型男說和在何文田的菜單大致上一模一樣犀飛利系列聽個名已經覺得犀飛利，仲有隻手指公，決定試下決定要這個---犀飛利銀芽野菌雞柳脆麵($49)，又犀飛利又銀芽(卡通片常聽的爆炸聲)，看看有幾勁來了之後發覺是幾勁，份量大，外型靚 (可惜忘了影相了，沒圖沒真相)麵脆得來好好食，加了湯汁後脆中帶軟，雞柳感覺新鮮又軟滑而且也沒有何文田店的漏單﹑叫極不應﹑不耐煩等問題。雖然何文田店據聞忙得很誇張又人手不足要體諒，但把忙碌壓力發在顧客身上還是不能接受，不知那店如今情況如何，希望有改善吧

最近屋企附近開左間新茶餐廳，作為街坊一定要試下佢有幾好食嫁啦，於是搵左日下午午餐去試下。一入到去，見到用左香港懷舊特色做佈置，木枱鐵椅絕對有茶餐廳特色。想知一間好食既茶餐廳師傅得唔得，我會選擇食炒野，鑊氣，色，香，味唔可以少，所以我擇左干炒牛河，係我人生其中一道最鍾意想食既菜。當店員上枱既時候，見到賣相好，香味十足，河粉食入口夠爽，一條條唔會好粉同痴牙，牛肉夠滑無根同淋，非常好食，當中加左d薑絲落去炒，少少辛辣，好開胃。今餐十分滿足，鍾意食牛河既朋友可以去試試！

成班同事收工，想找個地方食下午茶，放低架車見附近這間都裝修得幾企理，入去試一下，下午茶選擇相當多，而且價位在這區都算中高價，但竟然都人頭湧湧，應該唔會中伏掛？內裡裝修得都算幾型格，而且相隔得都算闊落，起碼唔會背貼背手挽手。門口仲有得買麵包，而且相頭都幾吸引，價錢亦合理，忍唔住買左個，三重芝士包：面層有焗得脆囗的芝士，而內涵亦有乳狀的芝士，香味很夠，麵包口感鬆軟煙韌。幾過癮。加上脆脆的芝士面，真係有三重口感。10蚊抵俾。下午茶再叫個乾炒豬扒公仔麵：豬扒份量多，抵食，亦不會太柴，公仔麵炒得夠乾身，而且加上香菇，不錯，味道適中，不會太咸，可惜份量少左ｄ，好彩食多左個包，唔係我呢ｄ大漢就唔多夠飽。

服務態度極差，五十幾蚊茄子焗飯得3舊茄子，炒飯超多油，大家可免則免啦，侍應又不友善，態度很差，不善待客人，想不到香港仍有如此惡劣的餐廳，大排檔亦比它好，希望餐廳檢討下自己啦

本人，叫了招牌豬扒飯，飯係暖䁔，番茄仲出水，紅蘿蔔很硬咬不開，豬扒肉完全無味道，後來叫杯熱o水，檸檬又苦及酸，但它裝修光猛，員工有禮貎，不過食物水準太差，最奇怪客人多數點雞煱和火煱，咁不如開火煱店，不要寫茶餐室啦！以後經過一定不會入來吧。

最近新開，門口沒餐牌，見店內裝潢中西合壁，有少少舊香港情懷又而帶時尚感，進去嘆下午茶，即有笑容滿面的接待員招呼～我點了五香肉丁煎蛋公仔麵，湯底色澤很淺以為好淡味，怎料嚐到濃厚的五香肉丁及香蔥香味，五香肉丁香口帶微辣且有嚼勁，煎蛋煎得很香且有少流心，麵軟硬適中，非常滋味！原本味道服務價錢想它給百份百，但地下有垃圾感覺不衛生扣分，就給八十八分吧！

我同老公有時都會同奶奶去深水埗買餸，經過依間裝修得幾有心思的餐廳，老公話佢之前食過都幾好，所以我地3個入去食tea。我地叫左公司三明治，個包幾脆，內面d料都算新鮮😊老公飲凍檸茶，唔澀，都唔差。之後黎個肉絲紋米，唔太濕唔太乾，幾好！再黎牛肉炒意粉，炒得幾香，不過有點辣，岩老公多d.我叫左杯凍美綠恐龍，但淡左d......

下午茶西多士，說好的三層/足5cm去了哪裡？何解我的得二層/不5cm的，服務員說圖片只供參考，但餐牌說明5cm作買點怒怒怒怒怒00000000000000000

今日經過順寧道，見到張poster就俾佢吸引咗入去。佢話2010及2013拎過廠「飲食天王」的咖哩牛腩大奬裝修都幾落本，冷氣夠涼，坐位舒服。即刻叫返個咖哩牛坑腩試試先嘩！原煲上牛腩夠大舊，淋宜不散，咖哩偏甜。同另一間＂生龍清湯腩＂比較，肉質俾佢好，但咖哩都係生龍好D，可能佢太多洋蔥所以咁甜另外值得一讚，迷你連皮薯仔，比起冇皮的，多一份質感。整體嚟講可以再嚟，下次可以試下佢D麵包。其實『百份百餐廳』係亞洲國際餐飲集團屬下旗艦品牌, 係港九新界合共有廿五間分店，下次一于去第二間試下

佢雖然係屬於大家樂的，但茶餐廳路線，比快餐更多原化，食物有酒樓的，同經典港式早餐，因為佢新開張，所以都幾多人等位，今日我們試左，方魚肉碎海鮮泡飯，台式牛肉麵，豉椒排骨脆麵。 飲品係即磨咖啡-基本7成人都係飲呢樣，而我最鍾情係紅豆咖啡冰，跟餐加少少錢就得，紅豆夠綿，飲到咖啡香味有又有奶味，感覺入口幼滑，紅豆又多好味，我推介此款!方魚肉碎海鮮湯飯，味道ok,海鮮就有d虾仁，尤魚仔，冬菇，蔥，芫茜，肉碎，我覺得方魚個脆脆太少，如果落多d更好。豉椒排骨脆麵，真係唔打得都睇到，犀飛利脆得黎係唔燶架，顏色係好淺黃，當日油份就feel到炸禁，但佢炸得禁靚真係勁過去酒樓食啦!醬同餸分開上，禁就唔會未食就淋晒，呢個設計都唔錯，好食台式牛肉麵，大大件牛腩夠淋， 湯有牛味，都唔差， 比想像中好，住長沙灣的朋友一定要去試下 中，不過都幾多人。佢門口賣麵包，麵包9點後買一送一，街坊可以考慮下

同老爺老公想食下午茶 聽老公講長沙灣開左間新野 百份百 咁去到門口又有位 就入去坐低d裝修都落本 仿古有帶點in 下午茶選擇揀左黃金魚片頭湯米線比老爺 熱奶茶最愛清清地 米線較淋 老公揀左經典茶餐豬扒蛋面+$2 鮮茄 普通野無特別 d 豬扒腌得太耐 反而飲紅豆冰加$6 咋 有懷舊味道 不太甜 紅豆沙粒 真係厚厚西多士 點忍 叫吧 不過切完偏晒 hahaaa味道可以 不過佢內餡用粗粒花生醬令到有咬d食到花生香

今天決定來這裡來一個早餐坦白說不過不失炸魚柳即炸即出相當美味 魚柳入口不會一咬就融 反而有口感 配上沙律醬更好接著就是炒滑蛋 炒得滑而不會太老 個人認為相當適中 而且都多汁 但如果要我對比以上兩樣 我反而認為炸魚柳比較出色。。。令我有點不太滿意的 是餐牌問題假設我想叫一個的餐裡面有不太想吃的東西如通粉 他卻無得同我轉其他粉 令我焗著食通粉。。環境尚算不錯 讓人用餐時都感到舒適

這天出去長沙灣跟母親大人下午茶, 佢話去呢間新開左冇幾耐既試下喎!我發覺我母親呢排特別鍾意試D新開既連鎖茶餐廳, 後生既我就鍾意去搵D舊野去懷舊多D鴛鴦焗飯 - 一半係白汁雞, 一半係茄汁豬扒! 好肚餓...食左先講!咦~估唔到又焗得幾好食喎!雞肉同白汁好夾, 有D翠肉瓜係旁邊, 感覺冇咁膩~豬扒個邊都唔差, 老實講:比某大連鎖店既焗豬優勝~檸茶 - 唔錯, 以呢一種餐廳黎講算係好飲架喇!Q版一口西多士 - 送到黎既時候我地咀仔O起了!! 咁大舊既??!唔係Q版咩??呢個份量同樣子應該叫磚頭西多士吧?!好喇...唔再研究, 食下咩味先~OK架喎!!比起我屋企樓下個兩間舊舊地既茶記好食得多!一來冇炸得過火、二來個樣睇得下呀嘛總結呢一間百份百唔錯, 價錢平得黎賣相同味道都兼顧到~比個讚佢