百份百餐廳 (元州街) (已結業)

重慶酸菜魚酸菜無味，嚼左成四五下先有小小酸菜味魚係急凍魚柳，切到一忽忽都唔可以話佢係魚片湯完全冇味，似足滾水溝出來無落味鹽啲嘢 我係鐘意食酸菜魚啲人，今次都係買完嘢經過，自己去e下肚仔，伏到不能再伏，唔會再食呢間啲嘢。之前仲有friend推介過我食呢間，真系好失望

今日經過長沙灣就試下呢間茶餐廳，我們叫了一個二人晚餐，焗豬扒飯，咖哩雞扒意粉和一個海陸空雜扒餐，整體食物質素唔錯，而且份量都好大份，我們都很滿足，此餐廳下次會再惠顧。

01 Mar. 印尼炒飯 造型獨特的一個炒飯$53 , 皆因蝦片打直企喺度挑機d食客, 味道同色都算有黑醬油的香味, 調味也偏甜, 料頭有蝦子仁, 肉, 臘腸粒粒, 不過好似少咗隻太陽蛋, 稍稍美中不足. 28 Mar. 四川麻辣牛肉炒飯 $52 好少牛肉,或者免治就係咁啦, 麻辣味都算有嘅, 唔太係自己杯茶嘅炒飯29 Mar 咖哩牛坑腩 $56 配黎麥飯但黎麥真的好少, 賣相ok但味道唔夠香只有辣, 牛腩只係合格, 靠個汁撈飯,試咗三樣做法的飯都只算緊緊合格吧,另一次試咗下午茶餐！金磚西多士配糖漿$30 造型工整, 醮蛋炸上色剛剛好, 糖漿一般星洲炒貴 $39 同平時食到的一樣,有辣而不香, 料頭算適中啦，上海嫩雞煨米線$40 呢個不是茶餐, 所謂"嫩雞"是預先煎好的雞扒再切條狀, "嫩"只是個名詞吧!湯頭還可以嘅

好少嚟長沙灣區，今日嚟聽講座， 周圍搵食，見到呢間餐廳裝修都唔錯， 價錢又平民化，所以走咗入去。我唔係好肚餓 ，叫咗個方魚肉碎海鮮泡飯， 海鮮就得 小小細蝦仔， 墨魚仔, 仲有方魚塊同肉碎，有d菜芯，唔算好多料，但湯就好夠。適合今日冇乜胃口。朋友叫咗個晚餐，咖哩牛坑腩飯配熱奶茶， 佢話牛腩都淋，加埋啲薯仔， 咖哩唔辣有椰香味，味道好惹味，另外白飯夾咗一粒粒既藜麥，又幾健康喎!呢度快餐店價錢，但坐位舒適，食物質素都ok，都係一個唔錯嘅選擇。

平時好少食開百分百，好似今晚有機會就試吓呢間好多分店嘅鋪頭😂😂我就嗌咗芝士忌廉焗雞扒·腸仔·半焗流心蛋意粉，食一啖之後我真心覺得呢個焗意粉幾好食，佢意粉又唔會太乾得嚟芝士亦都好足夠，而且芝士配埋忌廉真係好食之選，而且再加埋有半焗留心蛋嘅襯托之下，令嗰意粉增加左一份蛋香味，而且仲變得更加入味，而且雞排亦都無overcook，煎得好香之餘配合埋芝士之後更加好食，令成個意粉變得更香更昇華至另一種層次😲😲真心幾吸引👍👍👍

今天早上約了一些朋友去做運動，當然運動前需要吃一個早餐，於是來到這裏吃我的精神早餐，今天點了一個五香肉丁麵，這個面非常之好食那些肉丁又香又辣非常之有味道另外雞蛋烹調到流心，還有我最喜愛的鴛鴦茶這個早餐讓精神為之一振。

幾個月之前來食過一次，服務務同食物都好差，所以一直無再去過，但因為今日會經過呢到附近有些事情，所以必經之路又吳想再浪費時間搵嘢食，所以就決定再入去食睇下有無改善下，之前你點遽起隻手叫人落單，都無一個侍應係睇到你，真係甘忙，今次去到呢個一樣無改到，要成個人行出去係個侍應面前同佢講話落單叫嘢食，呢D服務依然照舊😅😅😅😅😅😅不過食物就好過之前小小啦😰🐠肉春卷配🐠片米粉➕熱齋啡=47元價錢就真係好平🐠肉春卷配🐟片米粉———-配料有豆卜，脆黃豆，芽菜，韮菜，肉碎，奄蘿蔔，加有小麻辣味道，都幾好食。熱齋啡——望落以為幾好飲，點知飲左一啖怪怪地，飲多一啖試真D，好難飲的咖啡，從來未飲過一杯甘難飲既咖啡，好似飲更🤢🤢🤮🤮🤮🤮所以剩反係到，吳再飲😰餐廳環境屬於幾好坐，卡位又多，地方闊落，坐位係屬於坐得舒服食物比以前好左，飲品我下次吳會飲咖啡，服務就要改善一下😅😅

其實小弟覺得自己人品相當唔錯，唔係特別麻煩我都唔會點出聲，呢個風格亦體現喺我寫食評上。但今次真係唔出聲唔得，我唔係為咗自己，係衷心希望該食肆能夠聆聽食客聲音，改善食品質素。若能成功嘅話，咁該食肆就能夠長做長有，而亦係我等食客之福。今次要講嘅係一碟銀芽肉絲炒麵。我係睇餐牌時俾佢吸引咗，佢奇特嘅造型的確引起咗我嘅食慾。等咗一段時間後，炒麵上枱⋯，我想問大家有冇拆過模型？真不知道如何入手。堅嘅，靚就係靚，但講到食就另作別論，正宗係撬口摻手，自問我個口已經頗大，都食到成個咀都係油，咁試問啲淑女又點應付呢？其實如果唔係未飽、又或唔想浪費，我一早就會放棄。我完全冇諗過食餐晏係會變成搏鬥，真係食到好攰。老實講，師傅原意好好，奇特嘅造型係出位嘅。但只要試過一次就以後唔會再點又係唔係啱呢？仲有一點係味道，完全冇特色。見呢間餐廳越開越多分店就證明佢哋係想越做越好，越做越大，希望佢哋會聆聽食客意見，改善一下食品質素啦。

新年喺長沙灣拜完年，一家大細諗住去食下午茶，本身想飲茶嘅，但係新年嘅時候去飲茶一定好貴！所以揀咗去百分百餐廳食下午茶。我哋一行九人等左大約15分鐘就可以俾我哋一齊坐！啲職員幫我地掉位先可以一齊坐，真係好感謝佢哋嘅付出！我哋每人都嗌左唔同嘅嘢食，我哋就揀咗豬扒配米線，估唔到佢仲有一個荷包蛋同埋一塊多士，真係多到食唔晒！其實食物質素都唔錯，塊豬扒都幾淋，小朋友都食得好開心！個荷包蛋好好食，入口即溶，抵讚！多士燒到啱啱好，加埋牛油汁好滑喇！嘢飲方面叫咗奶茶，奶同茶嘅比例非常之好，飲落去好滑！所以我都幾推薦大家嚟呢度食下午茶，雖然價錢有少少貴，但係份量好大，細食幾可以兩個人一齊share ！

這樣裡我是再次來到的，因為這裡的早餐可算是味道很好，價格又實惠的，所以我一有時間就會來到這裡享受回一個美味的早餐，今次我點了一個香草味香腸加豬扒麵，這個香草香腸味道有點田園上的迷逸香氣，而且豬扒烤倒外脆內嫩真的很好味道，最後也會加上一杯香味十足的熱咖啡

發現這餐廳已經有好一段時間一直沒有機會一試, 剛好踏入19年就嘗試下新餐廳吧, 在美食沙漠的長荔區,唔係話這兩區無好野食只係往往好似貼錯 price tag那樣貴丁得令人難以信服而已,  尋尋覓覓有時都會為平淡嘅生活帶出些樂趣, 這間在大街的餐廳內裡面積挺大, 不過店內有些奇怪的柱位想必最初設計樓面時多少做成些少不便吧, 大部份客人都係附近嘅寫字樓客, 而發現大部份OL 或者後生仔都食剩飯/意粉/麵, 電視台廣告都成日叫人"唔好做大嘥鬼" 但眼見呢度情況似乎那廣告未能入心入肺囉! 其實落單時講多句少飯或者一半粉有那麼難嗎? ? 何必要人幫自己攞去倒咁唔環保呢??講返食物, 呢度嘅午餐餐牌一般$45 - 53 以呢個價位係"公道"!嚟過3次, 第一次係紅白鴛鴦焗(鮮茄豬扒併白汁雞扒) $53, 一攞過來就咁睇表面分唔出兩種汁醬, 不過义開睇就會一清二楚, 兩種扒嘅處理都好理想, 大部份肉汁還鎖在裡頭, 醃味無過火,食晒真的好飽但因為好味感覺滿足!第二次試蕃茄濃湯豬扒配半焗流心蛋意 $45 呢次件豬扒同樣做得出色但就無上次咁大件, 焗的流心蛋外表白淨連燶邊都無令我懷疑係焗定煎, 但唔須要介

家裡懶得煮所以！我們就到樓下去吃啦！這家其實算是我們的日常飯堂啦，時不時早餐晚餐都會在這邊吃，味道當然是還不錯啦茄子煲，和椒鹽豬排，都是一貫水準，然而這次的牛柳就炒得過火啦，很硬很老經過討論我們都覺得上菜快的原因是東西都煮好的了然後點之後就馬上回鍋兜這樣，不然，等沒到五分鐘就能吃沒這個可能因為這是新春期間，價格都會蹭蹭上升念，往常除了會配飯還會送熱飲得，現在要加錢才有就不是很划算啦哈哈哈所以這次吃得有點貴啦

芝士蕃茄焗豬扒飯呢個焗豬扒飯我夠膽講係可以跑贏各大連鎖快餐店!果層芝士鋪面真係好正,鍾意食芝士既朋友去到長沙灣食呢個芝士豬扒飯可以話係不二之選! 蕃茄新鮮, 炒飯底又炒得好!  豬扒唔會太肥而且份量又夠!

都做吾到百份百好味12點半去到，吾多人，到走的時候也差不多，所以生意不吾算好，招呼OK啦！老人家吾知飲乜都馬上介紹杏霜。海南雞套餐(HKD60)～ 本來想叫走胸，但話吾可以，所以都系去專門店好D，有得揀；飯上枱已經覺得奇怪，雞好像被野壓到扁扁地，有一半系雞胸，好鞋好實，雞肶就靱媽媽，毫無雞味，蘿蔔更是淡茂茂，雞油飯都有D香，算是OK。咖哩吉列魚柳意大利粉(HKD52)～嘩，有兩間魚柳，差D大到睇吾到其他材料，脆皮很薄很脆很滑，好新鮮好熱辣辣 ，有魚味，配菜有薯仔紅蘿蔔脆肉瓜，無乜味，意大利粉就林左小小；咖哩就幾香小辣，都算中上吧！咸魚香菇雞粒炒飯。(HKD51)～嘩嘩嘩，真系好大碟啊，仲好多料好熱，雞粒亦好多，雖然見不到咸魚，但有好香的咸魚味，飯亦炒得一粒粒，正。咖啡～ 無乜香味奶茶～無乜茶味總體可能百份之六十六合格吧！

今日放假四圍行，帶住小朋友同朋友一齊午餐，見到依間百分百幾靚咁，所以入去試一試，一入到去好有意樂餐廳既感覺，不過餐牌係唔同、佢地係有米線同飯仲有炒麵等......首先學生餐芝士焗豬扒飯！豬扒好鬆軟配有蛋炒式飯蠔仔粥，其實都算足料大碗方魚醉海鮮肉醉飯，用魚湯底撈飯魚片頭米線，認真我第一次見一碗魚片頭米線會俾好多魚片頭，平時都係得三片咁大把，依碗起碼六片以上！依個餐廳既裝修都幾靚！一入餐廳有新鮮出爐既飽可選擇！下次試試先！