百份百餐廳 (長亨商場)

营业中

休息中

服務極差， 員工人數非常足夠，但全到留在後場位置，坐底很耐都沒人上前協助，叫餐時還很不耐煩地幫手下單，已幫襯了幾次都是一樣情況，沒有改善！ 早前 下午有再來幫襯一次，因廚房員工人手不足，需要休息一小時而無法提供炒類食品，本很諒解以上情況，但樓面員工沒有解釋沒有甚麼類別食品無法供應，需要客人我下單共5次才解釋，每次只是一句^廚房冇人^就走開，態度惡劣，主管人員得知事件後敷衍兩句草草了事！服務態度極差，希望有所改善！

不嬲有幫襯百份百石籬商場果間，啲職員好nice，食物味道亦不錯，所以琴晚去青衣長亨果邊就都去幫襯下，點知完全兩個世界叫咗三樣嘢食同三杯飲品，其中一杯飲品錯咗，同員工講，佢哋唔好意思都無講，淨係無尾音咁問：啱唔啱飲，我當然話唔啱飲之後等咗半個鐘左右，諗住叫人跟下，點知態度惡劣回覆：跟唔到，今日假期，全部嘢都要等，然後走咗，好無奈兼苦笑咗之後仲聽到佢哋員工內工喺度嘈交，認為一片混亂，建議員工要再培訓一下

太夜返到屋企無煮飯，於是落樓食野，一家四口叫左三個餐，食食下先記得影相，基本上我哋係呢到嘅常客，一入到嚟幾乎滿座，因為邨內餐廳選擇少，所以呢間係我認為邨內最好食嘅餐廳。今日叫左煎肉餅、金銀蛋莧菜、霸王雞飯，三大一小啱啱好，煎肉餅夠脆，熱辣辣，要放一陣先食到，雞嘅豉油好好味🤤雞都滑，有血水，介意就唔好叫！金銀蛋莧菜就正常，小朋友每餐都要有菜先得。另外，十分推薦咖哩牛腩同埋印尼炒飯，好香，好野味！行山經常的朋友可以一試！

本身都唔想入黎食 但小朋友要食焗飯 迫住入黎。焗飯尚算ok，因為都無技巧可言，起馬放倒入口。叫左杯熱檸水，一放低見倒好混濁，心知不妙，Liu下liu下心諗點解一塊檸檬都無嘅，但聞落去又係檸檬味架喎。試左一細啖，馬上lur返出黎，成杯野係chemical味溝出黎，問個姐姐點解熱檸水一塊檸檬都無，佢仲答我預先榨汁倒出黎嘅，叫佢倒左佢比杯滾水我算數。係咪當d客傻架，好心啦，開咁多分店，幾塊檸檬都出唔起？有乜可能一杯熱檸水係用粉溝出黎？

離遠望去，堂吃已坐滿人，門口也站着不少人，也許是八號風球的緣故吧！都被困在家，也衹能附近吃點什麼或買回家。已午後時光了。我點了一個黑椒牛肉炒意粉，配一杯檸檬茶。意粉不硬也不爛，有咬口，牛肉看上去很韌，但吃起來却很嫩，里面還有椰菜絲紅椒冬菇絲芝麻，還有粒粒的黑胡椒，炒在一起令整碟意粉吃起來香香的，還有辣辣的胡椒味，挺回味的，好吃。可惜檸檬茶是看不見檸檬的，衹有檸檬的味道，不太欣賞。

屋邨商場選擇唔多，諗住揾間最唔伏ge 餐廳外賣拎上屋企食，點一知都係期望太高。。。直奔主題：香妃雞半隻，肥淋淋，皮下脂肪多，中間夾一層啫喱狀膠原蛋白，賣相不太開胃😅結果真正食唔到幾多件。另一個嗌咗碟小菜，蜜桃咕嚕排骨，最好食竟然係蜜桃😂排骨炸得尙過得去，但皮比例較肉多，有幾舊食到淨係炸咗ge 皮冇乜肉癡住，而且感覺都冇堂食咁大碟，對比堂食，外賣真係大打折扣！不過呢餐3個人分都夠飽，下次再食建議入內進食。

以前一直都覺得百份百的晚餐小菜唔錯，時不時都會特登去食！但因為後來食品做得越嚟越差同份量每次出入都好大，最後個次上菜仲似人哋食剩的，所以就好一段時間都無再幫襯過。新裝修後家人話同以前完全唔同，好食唔少，於是就夾硬拖咗入去試下老實講，呢間的而且確係高水準過以前樓上個間，唔知係咪新開張無耐或者重新請過人，食物水準正常，員工態度都幾好。唔知係咪疫情期間所以比較小心，上菜前都會問係咪叫咗某款菜，確認啱啦先上枱，個人覺得呢個舉動十分好！希望食物水準同服務質素可以一路保持落去