百伏棧台灣小吃

营业中

休息中

第一次寫食評！好食就無謂寫啦！你估好得閒咩！但係呢間百伏，真係伏晒！咁難食既所謂台灣野，真係成世未試過！難食到要即場通知所有響灣仔返工既朋友唔好上去食！杯唔知咩薑茶，跟餐，難飲到爆個紅燒排骨麵，衰過7仔叮果d！唔記得咩雞球飯，酸過檸檬，點食？真心講一句，可以迫到我唔寫呢篇食評唔得既，呢間野算好野！我煮仲好食過佢N倍！不如改名啦，萬伏，入到去萬劫不復！真心勁勁勁勁勁勁勁勁難食！又唔係平，一d心機都無！

同事話今日lunch想去試"百伏棧台灣小吃",門面大大隻字寫住"百伏棧台灣小吃"門口開揚好容易搵到.我哋點左"至尊三杯雞" 可配原味肉燥飯/紅米菜飯或者絲苗香飯.仲會包一杯台式飲品.侍應一放上檯,真喺香味撲鼻,我哋迫不及侍地食,雞肉口感滑嫩,肉質唔會柴,好好味!原味肉燥飯,飯喺用珍珠米,口感不軟不硬剛剛好,份量又多,肉燥的肉很多,好惹味,同飯撈勻食,真是唔使其他餸都可以食飽辣肉腸拼雞翼, 辣肉腸嘅辣并非衹有辣而喺香辣, 雞翼外皮脆卜卜肉嫩,啖啖肉,再配上酸甜醬喺美味嘅絕配.招牌滷味拼盤,有雞翼,豆腐,鴨胸,豬大腸等..

平日一至五食晏時間去到，百伏都坐滿人，今次安排我地坐係出面既位置睇到餐牌有幾個set都好吸引，我地一行五人，都可以試到好多款至尊三杯雞落單個時話比五我地聽未必有，可見佢都幾搶手入面有雞肉又有雞翼，味道好想，黎到個時出曬煙熱辣辣紅燒牛肉麵見到個樣已經決定好吸引，牛肉有四五舊，唔算太多湯底好香，牛肉好唸，算係好味既台灣牛肉麵招牌滷味拼盤滷味拼盤有腩肉 豆腐 豬大腸 雞翼 同食開既滷味拼盤有既配料唔係幾同，豆腐唔滑，雞翼中間有d紅，豬大腸反而幾好，有d咬口 香酥豬排豬排好大塊，不過炸到有d乾，冇乜肉汁所有午餐可以揀配肉燥飯 紅米菜飯 或者白飯，不過我地太遲去就冇曬菜飯，所有大家都揀左肉燥飯，肉燥好碎，但係撈飯食都唔錯另外仲叫左個小食酥炸魷魚鬚呢個好好味炸皮好香，魷魚爽脆，點埋喼汁好夾呢餐不過不失

兩點半先至食午餐，店內人不多，環境算是寧靜舒適。坐下之後，店員送上兩杯清茶，想不到清茶也很好喝。抵讚。我們二人進餐，點了兩個午餐：招牌滷味拼盤、香酥豬排，都配滷肉飯，仲有一杯台式特飲，這樣便有兩餸可以吃了。我是一個大餸的人，但這裏的豬扒和滷味都份量充足， 兩款餸菜味道不錯，只是覺得滷味比較淡，可能是我習慣吃港式的鹹滷味。滷肉飯的味道夠濃，也很好吃。跟餐可選十多款台式特飲，真好。我有去過一些台式餐廳，跟餐的特飲只有一兩款可以選擇，要選其他的便要加錢。

見到間野叫百伏，都好驚伏伏地，但都試吓先啦。下午茶加一後係$48。蚵仔大腸麵線：份量唔多，但做下午茶都算適中。不過成碗麵嘅味道都係偏鹹。最敗筆之處係啲蚵仔食落係有殼... 而且好細粒。珍珠奶茶：相比起個麵線，杯珍珠奶茶好啲。份量正常，味道都正常。總結：試過之後覺得同間野個名一樣係有伏嘅。

上堂前要搵啲嘢食，行過大有商場， 貢上去睇下有咩嘢食，最後揀咗呢間面積唔係好大嘅台式小店。睇下餐牌，其實呢度食品在灣仔區嚟講相對便宜，大部分麵同飯都係只係五六十蚊左右。50最後 order 咗個豬軟骨台式麵同一杯珍珠奶茶。麵嘅質感偏腍，小弟我不太喜歡。豬軟骨雖然大碟，但很多舊都是瘦肉來喔。"豬軟骨" 就唔多覺眼。但服務員很窩心，佢在我差不多食完個麵之際，話豆腐花啱啱整好，推介畀我食。事前我無問清楚，但個豆腐花原來係凍嘅。 我仲以為整好嘅豆腐花應該係熱嘅。 除豆腐花送上三個 toppings，但我完全無興趣食。 由於係凍的關係，所以個豆腐花就唔夠滑。呢度好處，就係坐得相對舒服，而且服務的態度非常好。

落雨天閒遊等老公放工，見到佢六點半都仲有下午茶餐咪入去食住等，喺灣仔坐得舒服都係30幾蚊仲有杯台式飲品真係去邊度搵啦。我叫咗個最平嘅滷水蛋肉燥飯，嗰飯煮得濕咗d唔係幾好食，但係杯胚芽奶茶又幾好飲喎， 連埋加一，＄37一餐飯真係好抵。跟住再睇埋佢嘅晚餐餐牌，50幾蚊一個餐再加半價就有一杯飲品👍🏻。甜品系列＄34有個自製木桶豆腐花都好吸引，總括嚟講坐得舒服價錢唔貴，食物都可以推介，六點半前食到下午茶仲抵！

今天到灣仔開會，附近是大有商場，上兩層電動樓梯後即有幾間食肆，見到這間台式餐廳有人在收銀機處排隊，便以為是先買票後坐下，排隊到我的時候，收銀人員都很有禮貌地問我是外賣嗎？我説堂食，她便帶我入去坐卡位，我叫了一個午餐包括蓮藕餅肉燥飯及荔枝甘露，藕餅夠香夠熱，但肉燥飯有點咸，而那杯飲品荔枝甘露便太甜了，價錢在灣仔區來說也算合理，之後有四個人入來，接待員見到有老人家便帶他們到角落的卡位坐，以免被人撞到，也算是細心。

依間野個其實都幾好笑, 而我同朋友都唔怕中伏咁放Lunch去左食本身唔特別喜好台灣菜...不過一講台灣菜, 就會諗起唔洗加錢就有bubble tea飲!!價錢合理, 午餐選擇算係比較多, 幾足夠,  亦好flexible,   可以配搭唔同GE飯,   紅米, 魯肉, 菜飯咁餐飲<3  就更加唔洗講~~~同朋友share 餐, 叫左個瀂肉拼盤同埋腸仔雞翼飯 (雖然佢緊持係叫辣肉腸雞翼飯...)辣肉腸雞翼飯依個飯好後先有, 等左都20分鐘左右, 不過先講依個雞翼係炸既, 腸, 唔係西班牙辣肉腸就一定架喇, 但都好味,   屬於中口味,  如果再幫襯, 我都盡量唔會再叫瀂肉拼盤穩陣之選!雞翼係瀂既, 好味好多哈, 都幾多餸個底有大腸,  但我唔食大腸的:S,  還好佢係紥底的女生份量, 飲埋杯奶茶剛好唔會飽到顛,  不過男仔可能會唔夠食???可能總結百伏棧記無中伏,  究竟台灣人既伏係唔係有其它意思???LOL

餐廳食物質素如其名，百伏，老水拼盤味道淡，豬扒炸到乾柴咁，杯奶茶得小小甜味，駱克道是旦一間台式飲品舖都好過佢。我明係要將貨就價，但都要六七十蚊落樓，以前細過食嘅仙跡岩都好食過佢，依家有啲台灣人開嘅餐廳嘅價錢相若，質素更佳。至於環境方面，由於喺正商場入面，算係坐得舒服，兩點都仲好多人，但如果你對食物有要求，就算數吧啦。

今日諗住放學，行過大有見到呢間野個名咁搞笑， 諗住幫襯下， 點知真係好伏!叫左香酥豬扒肉燥飯， 同埋呢個胚芽奶茶， 其實阿姐落單都已經粗聲粗氣， 都算啦…希望野食好味補救， 首先講下杯飲品先， 點解， 台式餐廳係港式奶茶？一飲就飲到， 港式奶茶味然後，到個飯更精彩， 肉燥嚟講都係港式肉碎， 肉燥飯係濃汁， 佢個d汁淡色無味， 肉燥碎碎粒，又無肥， 又無肉味， 我諗緊我食緊咩？d飯又唔熱又無飯味， 豬扒咪似香港茶餐廳醃豬扒方法， 台式係唔會用呢種醃料， 重有點解豬扒要點泰式雞醬？重有無諗過呢d質數都會有加一服務費， 可能話點解無相睇， 我都唔想浪費我手機memory影d扮台式香港茶餐廳食物!都係個句唔使錢都唔會再嚟…P.S. 其實如果咁緊張d枱， 不如你地寫明限時， 唔好成日望實我， 其他枱又唔見佢地咁緊張…

企係門口見到百伏，即刻諗到大家諗嘅嘢。。不過門口見d下午茶餐三四十包台式飲嘢，有興趣試下叫咗個咁痾仔大腸麵線同珍珠奶茶。奶茶好快到，份量適中。茶味偏重，杯野味道ok，唔劣唔好果隻。無幾耐麵線嚟到，都幾大碗幾重手，可能食開八方雲集嗰啲size，不過呢到始終貴d，大碗都正常。賣相唔錯，撈起亦多料，麵線，痾仔（個名幾核突/恐怖），大腸，味道正路，可惜太喊。//食食下下面好似食緊粉漿咁，咩料。。不過都格硬食埋佢，食飽咗夜晚唔使食，真係幾飽下，可能我細食 🐱🐴服務正常。會唔會返轉頭？本來感覺都算中性，但睇埋呢到嘅笑喊臉比例，我諗下次有機會會試下其他食肆。（完）// 對我個review有咩感覺，話聲俾我知啊，起碼知有咩改善或者知道有人支持。我唔係嗰啲幾千個review嘅人，真係好得閒先會咁樣出下post。。。謝謝！//42+10%=$46

Having lunch here again with colleagues I choose a vegetarian noodle today($53)🥗 it's basically has some mushrooms, tofu and vegetables. I order rice noodle instead of normal flat noodle. Overall it's too salty and spicy for me. Would be better if they add less seasoned veggies. The portion is normal but male may not enough. I pick ginger tea and it taste good. Won't be so sweet and full of ginger flavour ~

灣仔一個唔多人嘅商場仔，同層都有幾多野食，企見呢間係台灣野就入左去試一試。唔洗等位而且都幾多位淨，整體黎講都幾少人。而鋪面都乾乾淨淨的。我同朋友嗌左二人餐（好似係花蓮餐定台北餐）如圖粉皮太辣，我以為係冷盤，但點知最後先上，都唔係幾想食。而且啲粉皮好似浸左好耐咁，太爛，呢個一般。滷味，一般，無咩特別，味道都係好一般，雞翼唔夠入味。炸蓮藕餅，呢個幾好食！熱辣辣咁上枱，個蓮藕味好濃，炸得好香。最好食係呢個！仲有杯野飲都係偏甜，飲左幾啖真係覺得太甜無飲lu服務態度值得一讚，佢地會企係附近等你嗌佢落單，同埋都好好禮貌。整體，適合對要求台灣野食唔高的人同唔想係食飯時間排隊的人。

晚飯時段，見有位便入去試下。叫了推界的「香蔥蓮藕餅肉燥飯」$53，加看似健康的「健脾四神湯」$52。我對個蓮藕餅十分期待，因為聽落似手工菜。亦期待個湯，想像會是一碗真材實料的湯。怎料，事與願違。「香蔥蓮藕餅肉燥飯」$53香蔥蓮藕餅：第一眼見到好多件餅好開心。可是一吃便難忘，感受不到香蔥，蓮藕也不多，感受不到蓮藕的爽脆，只有極之乾淨淨的肉，外層炸到超級硬，內裡超級乾，好乾，好「鞋烚烚」，冇乜味，要點汁才可以入口。肉燥飯：正常，不過不失。「健脾四神湯」$52一來到已經感到不開胃，「希」到好像一碗「洗碗水」。吃下來也非常似一碗焯完肉的水，冇味，不是清甜，而是一碗烚過東西的水。湯渣也不吸引，蓮子沒有去芯，沒有誠意的作品。對我來說，這一餐的味道是一般以下，不會再去。