百伏棧台灣小吃

营业中

休息中

服務態度差，上親食物d食物都會滑黎滑去。米糕硬過石頭。滷水味還可以，珍珠奶茶太淡又無奶味。唔洗講一d都唔滑。最好得個雞扒，肉少就少左d不過切口有少少雞汁，應該係生炸，可以接受。

近來經常要到灣仔開工，仲要係星期日，令人不其然感到沮喪，我想台灣了打開OR search，見有間台灣小吃係附近，就勇往直前了。下午茶主要以台灣小吃為主，太好啦，只可惜得我一個人，未能試埋其他小吃。餐廳當時8成滿坐，冇需等位，原本想點厚多士，但店員話包包未到，所以只好另作選擇，鹽酥雞併荔枝玉露吧。鹽酥雞實在太好食，所以急不及待食了幾舊才驚覺自己未影相，真失禮荔枝玉露一般貨色，荔枝味唔太重，可改善。

先前來過吃這家的下午茶，其鹽酥雞非常好吃，今日跟朋友於灣仔偶遇，又正好在大友商場附近，所以提議到這店小聚，訴訴近況。下午2點左右門口有人聚集等枱，不過都算唔駛等好耐就有位，可能跟其店名一樣，小吃為主吧！看過午市餐牌，感覺唔太有台灣小吃嘅感覺，冇鹽酥雞嘅，原來下午茶要230後先有，咁唯有叫午餐啦。我叫咗較接近台灣口味嘅香酥豬扒配肉燥飯跟熱柑桔薑茶，朋友就叫了豬軟骨米線配胚芽奶茶。朋友嘅豬軟骨米線冇咩特別，算係僅僅合格，其胚芽奶茶就唔太對板，似奶水又冇茶味，還怨白白浪費了喝凍飲嘅quota.我叫嘅香酥豬扒配肉燥飯，外表對板，豬扒尚算酥軟，但比起早前食嘅鹽酥雞，差太遠了。至於杯柑桔薑茶，冇咁薑味，帶小小甜，唔太出色。看來還是下午茶較吸引

黎食個lunch, 環境狹窄, 但服務態度還是很好~~~ 有人想要多碟汁都會照俾, 又會問我使唔使飲杯茶!!~~~~甜酸魚柳飯味道不錯!!!汁好香甜!!!魚都好脆!!!!!

灣仔食lunch真係去到邊都要等位本來想食大頭蝦（越南嘢）見等到癲咗，轉呔去咗大有百伏（台灣嘢）都要等，但係多位好多所以要等得嚟都快啲我同事第一次食呢間，佢問話呢間會唔會唔係百伏棧，係中伏棧我同佢講呢間味道個價性比都ok嘅我叫咗午餐嘅豬腳麵線，跟餐要咗杯凍胚芽奶茶個豬腳真係ok,好淋，又冇話黏住啲豬毛（食過出面其他茶餐廳嘅朋友會明）係唔係好夠味，可能佢浸住啲湯都真係唔錯可惜跟餐冇得配肉燥飯如果唔係可能仲正正當我覺得唔錯之際，頂，有隻嘢飛嚟飛去仲一嘢直衝，降落咗喺杯奶茶入面當堂覺得衛生真係...不佢哋都好好，有換過杯新嘅俾我事關我飲咗幾啖咋，唔係冇得換嘛腦細做appraisal 金句：永遠有改進嘅空間

今晚同男友放工又黎食, 天氣凍 想食得飽暖d, 嗌左幾樣野1. 至尊三杯雞個三杯雞, 我承認嗌之前, 我對佢係期望可能高左d, 黎到之後真係幾失望, 出面食d三杯雞 無論點起碼聞落夠香食落醬汁夠濃, 但呢個黎到,  一d都唔惹味, 食落仲好似冇乜味... 而且d雞瘦得很... 冇乜肉, 全程齋啜骨咁....相比台式連鎖食肆"茶x" 都好過佢....2. 三滷肉燥飯呢個我男友上次食過, 今次為求安全穩陣所以翻兜, 冇驚喜, 係個肉燥飯穩陣安全3. 麻辣雞翼肉燥飯上一次黎已經想試, 不過叫左個麻辣牛筋麵, 今次就決定試呢個.. 但我發現呢間野所有既所謂麻辣都係一d都唔辣...而且偏酸甜多.... 不過呢個雞翼已經叫算好.. 隻翼夠大隻, 係似煎香脆面而已, 不過不失4. 凍珍珠奶茶都係正常既珍珠奶茶味道, 勝在夠穩陣, 唔會好似上次飲得咁中伏, 唔會太過偏甜, 下次再黎食既話都會飲呢個5. 凍百香果多多我男友真係鍾意飲呢個飲上癮, 貪佢夠酸酸甜甜

呢間野, 逢星期日都休息唔開, 難得今日星期六想食下D香口野, 就上左黎食.逢粉飯可以半價加錢叫多杯野飲, 今晚我地叫左...1. 麻辣牛筋配擔仔麵麻辣牛筋, 係同麵分開上.... 而所謂既麻辣..  少少咸加偏甜... 連我男友唔食得辣都話一D都唔辣....牛筋就都幾淋口....  個麵就清湯.. 我加左D汁落去再問店員拎辣椒油先叫OK.. 整體來說 這個麵還可以2. 三滷配肉燥飯這個肉燥幾好味.. D肉粒有肉汁唔會乾憎憎, 送飯幾開胃, 滷水味夠入味... 雞翼我都食左隻... 好食過我D牛筋3. 酥炸魷魚鬚呢個炸得超級脆口... 第一啖 食得口 覺得平平無奇.....但點一點D O急汁就變得眼前一亮, 叮一聲變得好好味... 嗌左幾樣野食...最鍾意係食呢樣4. 士林雞排$40蚊好大塊... 如果以唔夠飽, 叫黎頂肚 真係唔錯既選擇.. 最重要係 表面上加左少少椒鹽, 炸得黎外面好脆, 但肉質仍然好嫩口... 好Juicy....  以呢個價錢黎講 真係算唔錯...其實台北夜市食既都係差唔多咁.. 得個啖啖肉字....5. 凍百香果多多呢杯係我男朋友叫既, 我試左一啖.... 偏

明！香港係好難搵到真的台灣味。尤其灣仔係冇乜特色亞洲菜，但又想食台灣菜，一於試試大有商場呢間。入到去，裝修到服務好港色，望望餐牌價錢頗合理，忍住唔叫鹽酥雞，試下個涼瓜排骨湯同麻油雞，一般又唔係太差。好！叫主菜"台北鹽酥雞"跟肉躁飯，結論係。。。冇台北士林或香港豪大大咁好食，肉躁唔夠味同D飯竟然唔係台灣米，失望

外面下着雨懶得周圍揾食, 就公司附近貪其方面不用濕立立.午飯麵餐:  麵+飲品HK$48京烤排骨麵, 麵我改了酸菜米線, 米線硬度適中不會煮過軟身, 但有一两啖係未熟狀態.  酸菜就比較淡,完全沒有酸鹹, 份量好少. 那排骨就好好味, 腍身連骨都可以咬開, 味道浸入了醬汁, 濃味. 飲品是肧牙奶茶, 肧牙味不出, 茶方面驟為甜.

同個名一樣「百伏棧」, 次次都中!! 燥肉乾嘅不等止仲要淡茂茂, 仲衰過茶記肉粒炒飯 (個湯仲淡!)豬扒又柴又唔好食... 好似仲話唔知喺香酥豬扒定咩啲食物、味道, 同台灣嘢根本一啲關係都無 (除咗個餸名)

是日晚上路過灣仔，忽然想吃個肉燥飯珍珠奶茶，回味台灣風味！上開飯search 台灣菜，見到呢間係附近，就去試吓！點了麻辣牛筋配肉燥飯，以及珍珠奶茶！首先，除了進門時聽到的「歡迎光臨」呢句禮貌招呼外，由點菜到上菜，全部店員皆黑口黑面，到埋單一句多謝，什或下次再光臨都冇講過，或許他們亦唔希望你再光臨！平心而論，食物質素ok，麻辣牛筋夠味，軟硬適中！可惜一家台式食店最基本的珍珠奶茶的珍珠，竟然咬唔開！咬開果D又未夠淋！唉，失望！須然杯奶茶係半價啫，都唔係比D咁嘅野人地飲呀嘛！本著希望提供意見，同店員講D珍珠唔夠淋咬唔開，令其有望改善，換來的竟然是冷然回應一句：啊，係呀！各位如果要試硬珍珠係咩野一回事，兼喜歡全程比人黑面，兼覺很比個位你坐比碗飯你食係莫大欣賜的話，歡迎你來！

Overall the food doesn't taste heavy and isn't oily. Even the deep fried pork cutlet and deep fried lotus root cakes are not oily. Overall a meal that feels healthy 麻辣牛筋：good, like the spicy taste香酥豬排：too bland, not crispy enough 香蔥蓮藕餅：good健脾四神湯：good, no MSG. healthyEnvironment & cleanliness: superior

很久沒有去大有商場的正村食日式定食，今日，老爹先去搵位。誰知，正村已結業了﹗老爹只好去數店之隔的百伏棧台灣小吃稍候小妹。小妹先前獨個兒試過百伏棧的茶餐，當時人客稀少，食物和服務均讓人滿意。可是，今次卻有不一樣的用餐經驗……午餐飯餐和麵餐，可選配各式台式餐飲，價錢由$44-$55不等。店內座位排得密密麻麻的，座位與座位之間更是幾乎肩摩轂擊的。身形略為碩大的小妹簡直一動一驚心，心怕不小心撞及他人。若如滔滔之輩，怎辦呢？香煎蓮藕餅配肉燥飯 $48店家的白飯香糯煙韌，口感確實不俗，略嫌偏乾了少許。肉燥灑在白飯上，味道偏淡，質感較乾。一客四件的蓮藕餅以椰菜墊底，煎得不太油膩，卻予人乾巴巴的感覺，份量也偏少，味道如何呢？一咬，藕餅夠熱，剛炸好的，內裏仍肉汁飽滿，肉味鮮香。可惜，蓮藕的味道蕩然無存，只見極其少量蓮藕的蹤跡。除了少量豉油可作調味和加濕外，整體予人淡味及乾巴巴之感﹗香酥豬扒配紅米菜飯 $47紅米飯相比下則較為濕潤，混入紅米和白菜切粒，更可增添口感。最為欣賞的，是不太油膩﹗豬扒份量明顯也較蓮藕為多，較為抵食。豬扒炸得鬆軟，既香又酥，水準不錯，蘸上酸辣醬汁同吃，味道更叫一絕﹗柑桔薑茶甫上枱，

同朋友行完美食博覽，又諗唔到食乜又唔太餓，所以就是但食D野啦行左入大有見到台式小店就試一試啦因唔太餓，又想吃得清清地就食個麵算了紫菜花枝丸貢丸拼擔仔麵~~~個麵個冇味的、個湯係冇味的、個紫菜都係冇味的，唯一有味的係丸仲叫左個油菜，都係冇味的如果想吃得清清地這小店一定做到，但冇味到尤如連鹽都冇落就有點過份吧！

　　上個月和家人在樓上的京菜館吃飯，離開時經過這一家，隨口說到下次要來這裏，於是今天便來了。但上網看這家餐館的食評後便感到後悔了，但每個人口味各異，還沒吃過不宜妄下判斷。　　這家小店環境不錯，服務員不多，收銀姐姐除了忙於收銀之外還忙於奉茶，極為忙碌，但態度友善，予人親切的感覺。　　我們點了豬軟骨肉燥飯、牛筋酸菜米線和藕餅肉燥飯。　　豬軟骨肉燥飯：豬軟骨炆得夠軟腍，很入味，有入口即溶的感覺，但軟骨的部分可以炆得更軟，以我吃豬軟骨的經驗，雖然比不上「翠X」，但比起很多餐廳，它已經是很不錯的了。肉燥反而一般，但飯卻是很大碗，好像吃很久都不會吃得完的樣子。　　牛筋酸菜米線：完全讓人失望，因為牛筋實在太硬，完全咬不開，石頭一樣似地，不光是我，我的家人也完全咬不破，別的餐廳可以做得像啫喱那樣軟而透明的，它就做不到了，而酸菜米線的酸菜也只好細細碎碎的幾顆。　　藕餅肉燥飯：藕餅端上來的時候夠熱，剛炸好的，但我似乎沒吃到有藕的味道，反而是醬汁做得很惹味。　　總結一下，到此一遊，一試無妨，但不會有下次的了。希望店家可以多加留意吧！