百匯軒

营业中

休息中

早茶時段嘅好處就梗係有唔同嘅特價配搭啦，好似呢度就有好多孖寶揀。陽光自由配（$37.8任揀兩款），揀咗蜜汁叉燒腸同鮮竹牛肉球，品質正常。精選孖寶（$56.8任揀兩款），揀咗百好蝦餃皇同蟹籽燒賣王。蝦餃皮唔算厚，蝦都算新鮮。不過燒賣唔多見隻蝦，啲豬肉嘅肉質有啲奇怪，調味又鹹咗啲😟另外重叫咗臘味糯米飯同懷舊臘腸卷，已經唔係間間酒樓有做呢啲傳統點心，呢度臘腸卷嘅臘腸質素唔錯，個皮夠鬆軟，係今餐最好食嘅點心。

中秋節前嘅星期日黎到太和食晚飯，叫左一個大約$1900/ 6個人嘅餐，真係覺得有d貴🤓🤑條魚幾好食，但龍蝦就麻麻地，壽包係蛋黃蓮蓉，炸子雞都幾好食嘅。希望下次搵到間再抵食d嘅酒樓啦！🫥🤣

呢間野，睇咗評論。應該好多客人都係“一次性”沒有下次。因為：第一，叫咗個乳鴿，咸到可以講“食鹽”一樣。第二，燒賣好似啲鹽唔使錢一樣。第三，第一次聽到酒樓點心最平都要三、四十蚊一碟既，竟連濕紙巾都唔可以俾一張，講咗好耐，嗰位部長最後同我講：“唔得嫁，我俾一張既話，經理會鬧死我嫁。”第一次感受到原來酒樓既濕紙巾係“咁紧要”和“咁昂貴”。唔會再来，我呢啲窮人食吃唔起呢間“百匯軒酒樓”既野，新界區仲貴過市區。

我哋七個人嗌咗個12人餐。嚟到隻乳豬係兩隻唔同豬拼埋一齊。個龍蝦伊麵都係兩隻唔同嘅一隻就會唔會爛爛拼埋少少新鮮嘅肉。如果佢同我講係咁樣拼嘅話我自己嗌咗新鮮嘅畀佢煮啦。服務係唔錯嘅但係嘢食真係大家可以試下。

諗住近地鐵站而且在商場內，應該不會太差，點知中伏叫了個12人餐-乳豬：拼合，有一半極肥，一半極瘦，啲肉極鞋，應該係隔夜。同個侍應講，佢淨係話好靚。再同部長講，佢話換過，換完都係咁-龍蝦：都係明顯唔係一整隻，有一半ok新鮮，一半發黑，同部長講，佢話係糕？ -蚌片：西芹幾新鮮- 羹：好腥臭，啲花膠好硬，滲得唔夠又無飛水- 龍躉：太熟應該係烚- 雞：一開始就上，啲肉梅嘅，應該前一日已經整熟左再雪過整體：食物質素極差，酒樓8點得番十分一有客。想整古朋友可以帶佢去食

太和百匯軒死蟹宴3月20號晚，有朋友由內地來一行10人來太和百匯軒食晚飯，有個輝哥一個侍應强烈推薦長腳蟹餐8人的，我哋人多又加了一個南澳龍蝦。客到，也見到了長腳蟹是生的活的，半個鐘蒸熟上來剪開後蟹肉霉烂腥味十足，可惜沒能影像留念。後來叫來輝哥說不知為什麼蟹會死，又話蒸的耐，換了一只，魚來了，魚肉是黃色的，並且發黑，口感是腥臭的，再叫輝哥來，不來，來了另外一個不知是店長還是什麼的解釋一通說換，換了一條魚殺完我們帶走，燒鵝來了，斬好凍左經過翻熱後上來的，去酒樓食飯食成肚氣，我是請客的，心情可想而知。期待百滙軒生意興隆！！！仲有啲碗里面還有黃色的污垢沒有洗乾淨！

昨晚一家人跟兩位長老食飯，因地點就腳，去試下這酒樓，食物體驗真係一般般：斑頭腩$138 只有3小塊粉絲煲粉絲份量太少涼瓜炒象拔蚌$118 只有4小塊蚌雲耳炒鮮魷$118，都係4小塊鮮魷乳鴿做雖然特價$23/隻，但太肥（其實可以幫客剪一下）看似便宜，按份量其實很貴. 感覺酒樓不太捨得放食材，食完的感覺是‘寒酸’。 老人家問是否上錯了菜，因為很快夾幾塊後每碟都只剩下配菜，空台多當然有原因。酒樓真係要多考慮消費者的體驗，多作改善。服務方面，同樣需要改善，都好cool下…

今日黎食飯，叫左呢2個餐～其實兩個餐有好多重覆嘅，我地會有兩碟燒雞、兩碟帶子、兩條魚。上菜都上得好快，Waiter服務幾好，幾主動幫你收晒d碟。隻燒雞都幾好食，有甜豉油比你點。帶子西蘭花🥦雲耳蚌都幾色彩繽紛，幾好食龍蝦份量略嫌少，d肉都OK 好食嘅魚肉較鞋，以為會好滑😭😭壽包係蓮蓉再加咸蛋黃，有驚喜哦～～薑汁糕、紅豆雜米糕幾特別，但就唔arm我食啦haha～總結：交通方便、服務有禮、食物質素合格，已是聚餐好選擇

返完大陸，諗住返太和搵食，到最後都係去返百匯軒，首先當然要食佢嘅招牌片皮鴨🦆啦，78蚊1隻，你去邊到搵呀，仲要即片，正，點知個店長介紹長腳蟹🦀做緊大優惠＄188斤，有幾靚有幾好食？自己叫隻試下啦，(或者睇相都睇到)，最後叫埋個餐，飽曬，一行9個人，食千幾蚊又有片皮鴨，又有隻大長腳蟹，真係堅抵食，一定會返嚟食多幾次。佢地呢期仲做緊個長腳蟹餐，12位只係＄2768我睇過菜單係全包，裏面包咗隻4斤嘅長腳蟹，對於我呢啲蟹控，真係覺得好抵，星期日訂，都係一樣價錢，不過我俾個提示大家，一係就訂定隻蟹，如果唔係，你夜咗我驚佢地買曬，我今日目測都買咗20-30隻，好彩我早食，就有得揀心水靚蟹。

每次到新界大埔行山，或者參與活動，一般會到太和站來吃飯，朋友一起吃過午飯，吹水聊天才分別回家。可惜在太和站附近找一家方便聚餐的選擇不太好，西餐選擇少，中餐的店太小。於是一般會找家中式酒樓。太和站最就腳就這家，雖說是沒有選擇，但酒樓的食品還可以。蝦餃燒賣、牛肉腸粉味道不用說，多春魚炸成不油不膩，茄子香口。小点的味道不能說很好但亦不可以評為差。但是咸魚雞粒炒飯卻炒成不合格，飯內的咸味不平均，即是炒得不均吧！

今日閒日星期四訂咗1930，3仟蚊一圍，埋枱坐低好耐都無侍應，十分鐘後先擺好位，然後10分鐘後突然1次過出咗4度菜，（鴨、飽魚茶、小炒王、沙巴）十度菜先出魚，d嘢凍晒，條魚極差，全部冇鑊氣，跟住先上乳豬，再上龍蝦伊面點知都係凍嘅，我唔係要求d食物嚟得要熱到出晒煙，但起碼唔好連暖都唔暖，仲有就係個九菜花小炒王，好似淥熟咗然後放落過鑊度炒幾吓，無色無味，四個字形容，不知所謂，係我近十年去過嘅一間最難食嘅集團酒樓👎👎👎。

上次食飯覺得幾好。今次冇特價片皮鴨都照食，諗著食得開心冇所謂。但換來一肚氣今次豆苗變菜苗， 上台問經理佢仲話：咩事呀，冇話係豆苗喎我： 餐牌圖明明係豆苗佢： 冇寫明係豆苗😡😡😡😡😡圖錯仲要冇打算表示不好意思，又唔比換，又話冇得取消

刚收到消费券可以打牙祭 路经太和站的百匯軒 见78片皮鴨。入內叫咗象拔蚌刺身 奉送清湯白灼。片皮鴨和𦍑蔥煀蟓。二人撐枱腳 片皮鴨皮又鞋又多油脂 咬極都唔爛 ！薄餅上枱冷兼硬 要送回翻蒸。吃了幾啖 實在吞不下。向樓面反應 個啊姐好人 再切過－碟 但質素依然－樣。象拔不過不失 中規中距 食材新鮮便是。最差是蠔 根本無落鑊亦無煀的味道。求其薑蔥加鼓油炒二下倒落預先煎好蠔身 撻上去便枱。從未食過咁差的蠔。好失望 以為可開心食晚飯 點知失望收場。經理致歉送甜點但不知點解酒樓師傅會咁差勁。平時早上飲茶 經濟實惠 估唔到晚飯係咁樣。原先安排同朋友在此晚反 怕怕即時轉埸！價錢平是招倈 但品質差 以香港人口味 難有回頭客。希望主政人仕 守住品質 唔好做壞招牌。

一家人食飯，已經太耐冇出酒樓食，不小心叫到成台都係餸🤭，第一個上菜係豆苗，其他都好快上齊，1粒鐘清哂碟👍最正係$78 片皮鴨，雖然唔係好多肉，不過我地一人食2-3件，算好抵食。記得要埋殼打包，有肉食！拎返屋企切返d 肉炒菜食😂 , 呀媽唔記得影隻殼🙈，下次再食再影想讚一讚 有一位短髮樓面姐姐職員，服務好好，因為黎錯左炒飯，佢仲好主動幫我福建炒飯👏，叫我地食得開心d.

本身諗住係隔離百佳買嘢咋，但行過見到佢有78蚊片皮鴨，忍唔住直接入去食埋晚餐！78蚊片皮鴨（唔包兩食唔連殼）其實我食片皮鴨嘅經驗都唔太多，食親都係一般街坊酒樓，所以我都講唔出佢正唔正宗，但味道都OK嘅。呢度應該半隻鴨左右啦，片得都幾好，薄薄一層肉連皮脆卜卜面皮都做得唔錯，層層分明，厚薄適中。柚子大蝦球本身上枱見到得5件，有少少失望，但一食落原來佢每一個蝦球都好扎實啖啖鮮蝦肉，加埋個汁有啲驚喜嘅！另外仲叫咗花膠浸時菜正正常常，有啲碎碎嘅花膠。成餐飯就係正正常常，一般街坊酒樓，叫餸食飯，落街想食片皮鴨都會考慮Encore的。