百匯酒家

营业中

休息中

今日同朋友去咗呢間酒樓飲茶 食物嘅味道好古怪 碟腸粉有膠味 其他食物嘅質素都極差 朋友食完碟腸粉之後更加有腸胃炎嘅情況出現 不斷嘔同埋發燒 唔知呢間酒樓到底係點樣處理啲食物 仲有環境都好污糟 同埋啲阿姐上菜嘅時候 啲汁滴到我成件褸都冇同我講 亦都冇向我道歉 係我自己發現先知 唔會再去亦都唔建議去食

百匯酒家葵湧大隴街110號石籬商場二期2樓B210, B211 & B212號舖蟹籽燒賣王粒粒都好大粒，咬落去好多汁好彈牙。流沙奶黃包好流心好重奶黃味，包香軟熟。$47.8孖寶黑椒蒸牛肚牛肚腍身入味好好味，不過某部份牛肚變咗腸粉，感覺上冇咁抵食。鮮竹牛肉球好大嚿好軟腍，點埋喼汁好好味。$47.8孖寶鼓汁蒸鳳爪鳳爪好腍好入味好正。桂林牛肉腸 腸粉皮厚薄適中，牛肉餡好味。$47.8孖寶蒜香炸春卷$31.8炸到好香脆，好好味。茄子鮮蝦炆伊麵$88茄子腍身入味，蝦配埋伊麵幾好食。黑椒牛仔骨$36.8太重黑椒味，偏重口味，太辣，但係軟腍嘅。沙律卷個餡唔算太特別，一般。

週日緊係一家人一齊出嚟飲茶，近長輩近近地嚟到百好酒樓，食物和茶正常OK。仔仔見到蝦餃燒賣真係開心到一個點。其實今日都多人，不過志在地方大，都唔使等位直接入去就有位坐。不過真係要大讚一下服務員，我哋散叫比俾點心紙服務員，佢一見到，就幫我哋將所有點心轉為午巿優惠嘅孖寶或者特惠配搭，仲要睇得超級快，等我哋食得經濟D。可能呢一間酒樓比較多老友記，未必識用電子落單，所以直接落單其實都有呢一個好處，呢份人同人之間嘅人情味喲，唔怪得老友記長期幫襯👍🏻😉

食過幾次發覺佢嘅晚膳小菜係比較好食，不過今次嚟到好多食開嘅小菜都冇左，選擇有啲少。點咗片皮皮鴨$78，個皮好脆，但係冇乜肉，個阿姐切得太差，淨係片晒啲皮出嚟，然後想要多碟醬又要加$10。 個椒鹽鮮魷好好味，即叫即炸。$128有點貴，份量唔算多。蒜蓉蒸扇貝，唔記得咗$32定$35隻，勁大隻都好新鮮。另外點左一隻乳鴿$48 ，再加三碗白飯。三個人食，埋單540幾蚊。服務質素方面好差，好似長期唔夠人手咁，啲餸都食咗一半，啲白飯都未上。叫人開茶同落單就等好耐。晚市都好少少等完都有人應你，如果飲茶，啲職員直頭唔騷你，望到都扮見唔到。

📍百匯酒家 (葵涌)葵涌大隴街110號石籬商場二期2樓B210, B211 & B212號舖==============================今晚同屋企人興祝生日，因為有老人家唔去得太遠，所以就去左屋企人樓下間酒樓食晚餐==============================🦀長腳蟹（$188/斤）因為老人家話想試吓長腳蟹，所以預早訂定左一隻，當晚去到職員即時拎隻蟹磅比我地睇約6.5斤，都好大隻😍隻蟹上枱後拆開無咩膏，不過d腳好多肉，肉質鮮甜帶微微海水咸味，老人家食得好開心😝之後仲有另外加左d小菜，味道正常👍🏻

我住喺呢間酒樓附近，最後一次幫襯係三個月之前食晚飯，菜單幾乎係定食，不過七八個小菜，份量之少真係無話可說，之後唔會再去，總之一句價錢貴質素差，服務離地。早茶仲賤格，嗰塊枱布汙糟邋遢，係咁易野掃一就俾下位客人，完全不講衛生，座位密密麻麻，仲衰過大排檔。

隨意去友人樓下飲茶，見到要拎飛排隊等位，估計點心味道應該唔錯😋！🌟三五知己假日套餐 $278-家鄉福建炒飯-鹹菜豬肚-滷水掌翼-蟹籽燒賣王-豉汁蒸鳳爪-金珠鹹水角見到呢款套餐都幾抵食，有一款主食、兩款小食、再加3款點心！炒飯黎到賣相已一般，原本仲以為炒飯真係會加蛋炒一粒粒咁，但廚師炒得相當求其，有部分仲係白飯來🫣！鹹菜豬肚個人覺得比較鹹左少少，同埋胡椒味如果再重啲就好啦🥶！另外三款點心都好食，同普通茶樓味道差唔多，不過不失！🌟 百好蝦餃王 （頂點） $41.8蝦餃王都係普普通通啦，不過不失咁，幾好食！🌟百好蒸釀魚肚（大點）$33.7呢款點心就幾好食，釀魚肚食落都幾鮮味，加分！🌟茶位 $12@1、全單再加一🫣整體而言，點心味道ok，反而炒飯同小食都可以再改善，起碼要有番啲鑊氣，相信食物出來會更香更好食！

18:07 Sat 23th Apr 2023 毛毛細雨葵涌葵盛東 百匯酒家今次就要嘗試點樣可以淨係叫1隻片皮鴨出篇食評。呢個優惠18:00開始，準時入席，冇乜人好靜。但係唔好睇睇小呢間嘢，賓客陸續入坐，好多都係街坊熟客，同啲夥計有講有笑，證明呢間嘢係有實力留住食客長期幫襯。環境乾淨企理，雖然我係村外客，部長一D唔怠慢，淨係叫一隻鴨都笑語盈盈。片皮鴨餅皮、片皮鴨、蔥、青瓜、片皮鴨醬 一次過上枱。餅皮熱辣辣，好特別係長方形，原來咁樣包片皮鴨好方便，餅皮同埋鴨件嘅數量啱啱好。個汁醬比較杰，所以唔好咁貪心落少少就夠啦。青瓜同埋蔥花 正常，數量都足夠。D鴨件片嘅手工就好一般，不過街坊酒樓唔係睇呢啲嘅。鴨件上枱嘅時候皮係脆㗎，肥脂亦都唔太多，剛剛好。記得俾$10攞埋個殼啊，返到屋企拆肉都夠煮2個餸，個殼煲埋個粥。超抵呀。

我諗緊買燒鵝脾外賣，但佢一定要配飯，個收銀就介紹我買下庄，好開心咁仲買左$30叉燒同$40燒肉。番到屋企一打開盒燒鵝，即刻心中好多粗口🤬，個鵝脾連上庄都不如，d肉去曬邊？好地地一個完整既脾仲要俾佢切走曬d肉，得番三分一既脾，下面鋪一層好薄既背脊位，得層皮，$108啊，俾d咁既嘢我，越諗越嬲！叉燒都係失敗，又乾顏色又白，燒肉都還好，皮都脆，肉質夠瀮，又唔會太鹹。總之無下次啦，$178蚊洗得真係好唔抵🤬

午餐一坐下,部長極力推介,鮮長腳蟹肉海皇窩伊麵一窩,到眼前的只有兩斷手指尾的第一段長的、大小的蟹肉,及兩隻雪藏蝦,其他都是蛋白充當,全鍋最多配料是芽菜,承惠$168,伏、伏、伏,° 隨後隔離枱的餐單,全歸我的,上菜的不管,跟住要找部長來處理,再帶來我点的單,還問我是否我寫的,我跟他說不是,他很疑惑重質問我是否全部都不是,跟住隔離桌的客人走過嚟看一下,原來是他們的,入錯單了,跟進了超過十分鐘,我的餐單食物全都到來,但一直食下去隔離餐單的食物都送到我枱上,均要同送菜員講是隔離的,這麼部長去電腦處理了什麼呢?

今日－家人本來開開心心去飲茶，4大和－個2歲的B B，茶位寫咗5個，我就叫咗個樓面改咗4個，點知佢就打咗個圈，我果仔剛剛坐低，就有急事，一杯茶都無飲過，就走咗，我就叫個樓面嚟改茶位，樓面話唔改得，樓面系無權，改唔到系正常架，甘我就叫咗黑色衫女（應該系部長）嚟改，佢又係話唔改得，根住我又叫咗個黑色衫男唧（應該係經理）嚟改，佢又話圈咗唔改得，咩嘢制度圈咗就唔改得，間酒樓係咩酒樓啊，超搞笑，－個茶位$12蚊，難道嚟到洒樓門口就要俾茶錢，同搶錢有什麼分別。茶位都係收4位，埋單$508，不過以後都唔會再光顧啦，超垃圾的洒樓

星期日去咗呢間酒樓食晚餐啲職員態度真係好差🥲冇辦法能夠理解，明明街坊生意🙃龍蝦伊麵可以話係冇龍蝦味🥲啲伊麵一餅餅😞小朋友都冇辦法食到！唯一好食嘅就係聖子！夠彈牙爽口可唔可以換晒啲職員～態度真係串到不得了！

食物質素一般，酒樓女侍應、經理服務差，疫情下要迫食客搭枱，重點隔離左右大把冇人坐既枱，偏偏要坐我個張細枱，仲話出面貼左紙寫明要（擺明就冇，扮晒嘢），完全擺明趕客走！

八珍豬腳薑屋企人說美味，我一件也沒吃過已經被一掃而空，只剩下一堆墊底的大薑無人問津。生滾鮑魚雞粥鮑魚彈牙有鮑魚味、雞不算滑嫩，但也不乾柴，粥較稀。鳳爪排骨飯不過不失。鮮竹牛肉球家人喜歡。不過不失。百好蝦餃皇蝦肉鮮嫩彈牙，蝦餃皮太厚。蟹籽燒賣皇一般般。蜆介鯪魚球還不錯，鯪魚彈牙入味，配的汁料也能稍作提鮮，不會蓋過鯪魚球本身的味道。蒜香蝦春卷每件都非常香脆、足料，蝦肉鮮嫩彈牙，調味也不錯。白灼西生菜不過不失。海皇煎薄餅乍看平平無奇，入口卻是香甜軟糯，非常高質。家鄉芋絲餅非常硬，完全不脆。叉燒包一般。

買燒味外賣 同佢講聲比薑蓉姐，都要俾佢串（你早嚮啦）😤都唔知咩服務態度一間食市服務態度好緊要，我嚟幫襯你，俾錢你賺，要比你不禮貌對待，咩世界，呢一世都唔會再幫襯你哋 完