百味香串燒專門店

营业中

休息中

📍百味香串燒專門店係香港食串燒從來都唔平😮‍💨食一串又唔夠喉食多幾串又傷荷包💸搵到一間抵食又好食既串燒店真係唔容易今次同大家分享呢間又係街坊小店‼️🍡秘製雞串燒 （$15）呢間店舖既串燒只要你係附近就會聞到陣陣串燒香凡放學或放工時間一定會勁多人排長龍買串燒🚶🏻‍♀️🚶🏻🚶🏻‍♂️🚶🏻‍♀️呢間舖頭有兩大出名串燒燒雞肉同燒豬頸肉‼️🍡今次就嗌左雞串燒🐔呢到既串燒用左秘製醬汁醃製所以雞肉本身已經好惹味當燒完之後店員會問你辣定唔辣🌶️會幫你搽上自家製沙嗲醬沙嗲醬好香花生味醬汁勁濃郁🥜可以見到串燒好掛汁如果唔太食得辣建議嗌少少辣沙嗲醬佢有唔辣、少少辣、好鬼辣三個程度既沙嗲醬建議一定要加醬‼️會好味勁多✅✅✅店舖除左串燒出名炸物既選擇都非常多有機會可以再試試佢😋總括黎講如果想食經濟又好味既串燒呢間真係超級推薦👍🏻👍🏻👍🏻

哩間串燒每次經元朗都會食，沙嗲汁勁惹味，唔會太甜或太鹹，對比泰國餐廳仲好食，雞肉串夠厚身，$15蚊一串。雞肉有陣時燒得好嫩口，有陣時擺得耐會會嚡身咗d，睇彩數。另外一串豬頸肉都係15蚊，豬頸肉都係厚身，食完一嚿已經覺得好油膩。

我先生由細食到大嘅泰式串燒，每次都必叫豬頸肉串燒同雞肉串燒！其他野食我就無試過。每次朋友入元朗搵我必定會帶佢地黎食！佢地食過一次就返唔到轉頭！每日收工時間排長龍，外賣幾串串燒帶返屋企放雪櫃，宵夜放微波爐叮一叮佢再食都超級好食！間鋪都有十幾年了，依家物價越黎越貴，先生帶我食果陣係$12一串，慢慢升到$13，依家搬左新鋪變左$15，越食越貴，疫情都汁左好多舖，希望呢間串燒會一直做下去，只要味道還在，我同先生都會一直支持落去！