百好名宴

营业中

休息中

今朝去咗百好名宴飲早茶，發現佢哋做緊超抵優惠！9.9蚊就可以自選一款點心，我揀咗**鴛鴦燒賣**，一籠有齊豬肉同蝦肉兩款，熱辣辣蒸出嚟，肉汁多到滴落筷子尖💦，呢個價錢真係抵到笑😆！ 再加30幾蚊就可以揀**指定兩款點心組合**，我哋要咗： 🍚 **鳳爪排骨飯** - 排骨嫩滑唔黐骨，鳳爪炆到一吮就脫骨，醬汁撈飯簡直無敵！ 🐮 **桂林牛腸**（原價$29大點） - 牛腸洗得乾淨冇異味，配埋酸菜同辣椒油，爽口又開胃🌶️～ 成枱點心加埋都唔使$50，仲要份量十足，兩個人食到捧住個

友人曾經於百好另一間分店飲茶，覺得還好，今次到來一嚐小菜。咕嚕肉有原塊菠蘿齊上，又幾新穎。豬肉炒得尚可，仍然保持到脆滑而不靭；可惜甜味過重，酸度不足，更完全蓋過了菠蘿香。蝦球炒西蘭花吃得出有鑊氣，蝦球大顆，亦很爽身。這碟的問題在於西蘭花極其的硬，似乎灼得或是炒得未夠火候，大打折扣。薑葱桶蠔倒值得一讚：隻隻蠔皆十分飽滿，充滿蠔汁，一口咬下，蠔香在口腔之中徘徊瑩繞！薑葱落得重手，更能突顯桶蠔的鮮香！除了蠔之外，其他都不大合意。

而家酒樓買少見少，其實呢間酒樓都食過幾次，主要係屋企人鐘意呢度夠光猛，環境乾淨今日放假又同屋企人嚟飲茶食物方面都正正常常，味道唔差1. 豉油汁鳳爪好入味，次次都有叫2. 煎薄𦉘就一般般3. 蓮藕餅入面有馬蹄，脆脆地幾好味😋4. 尖椒有兩舊好辣下，不過都算好食5. 蝦肉燒賣幾正，入面有好多蝦，呢個好推介👍6. 叫左碟唔記得乜嘢蒸雞，味道有少少怪，個底唔知放咗乜嘢苦苦地，下次唔會叫7. 鮮竹卷都可以，正正常常8. 芝士海蝦伊麵，味道可以，麵好多，蝦就唔係好多，但蝦幾新鮮9. 最後叫埋紅豆沙，幾乎冇甜味，不過都啱哂我哋唔鐘意食太甜嘅人

尋晚問前台訂咗位叫佢哋whatsapp將菜單過嚟 ， 前台話夜晚黑冇人做，要日頭先至有人可以whatsapp菜單。 現在六點幾今日打電話完全冇人有反應，跟住前台問好多資料， 問定咩人， 電話所有資料，跟住就話冇得whatsapp 菜單。 冇得whatsapp菜單又唔出聲又問咁多資料態度有極之差。 極之不建議這間酒樓， 仲未食飯都受咁多氣， 呢間酒樓真係黐q線. 所以咁多人北上.

森堡係比較便宜嘅啤酒，呢度本來賣廿幾蚊支係正常市場價錢，而家竟然賣到$38，平時同朋友嚟幫襯開，飲啤酒佔咗張單三成，講真呢度食物水平只屬一般，北角亦有唔少選擇，下次唔敢嚟喇

晚上7:50 入座，員工吹收工，叫圍餐未叫上就 八點3， 一次過上五道菜（龍蝦伊面，炸蝦球，蒸魚，燉湯，片皮鴨），真心未試過咁CRAZY，馬上叫停，之後職員話叫佢哋先再上菜大，九點又再上之後果將味，十點已經叫我地埋單，想慶祝當日當然要食蛋糕，有個經理仲話食完一圍仲食得落，果時個場無哂人，佢意思是阻佢收工，真心如果你地是十點幾收工既，人哋7點十入場你有責任同人講你地咁趕收工，一直以為十一點關門，最後十點20 分俾吹要走，真心食到好趕，好無奈，香港餐廳早收要係門口通知食客早左收，唔是無生意就可以吹D客食快D俾員工收工，香港餐廳服務員水準下降，趕收工唔想做令人感覺去酒樓不如返屋企食算，好小寫食評，感覺香港無夜市有一半原因是員工服務水準下降

百好蝦餃皇☺️蝦餃外皮薄而有彈性，餡料豐富且口感鮮嫩。蝦餃的餡料主要以新鮮的蝦肉為主，配以少許豬肉和一些調味料。這種組合使得蝦餃的口感更加豐富，同時保持了蝦肉的鮮甜風味。蠔皇鮮竹卷☺️蠔皇鮮竹卷通常會以蒸或炒的方式烹調。蒸煮能夠保持鮮竹的嫩脆和蠔皇的鮮美，同時讓兩者的味道充分融合。炒煮則能夠帶來更多的香氣和口感的層次。無論是哪種方式，都能夠展現蠔皇鮮竹卷的獨特風味和美味。蟹籽燒賣皇☺️蟹籽燒賣皇是一道以蟹籽為主要成分的燒賣點心，具有濃郁的海鮮風味和豐富的口感。蟹籽的鮮美和燒賣的鮮嫩口感相結合，為這道菜帶來了獨特的風味享受。豉汁蒸鳳爪☺️豉汁蒸鳳爪是一道美味的廣東小吃，具有豐富的口感和獨特的豉汁風味。鳳爪的嫩滑口感和豉汁的鹹香微辣相得益彰，成為這道菜的特色之一。如果你喜歡鳳爪和豉汁的組合，豉汁蒸鳳爪絕對是一道值得一試的美食。

假期想去飲茶⋯見到呢間唔駛點等位，就第一次試下呢間餐廳，點知就開始左谷鬼氣經歷⋯我地坐個個位唔近廁所，反而近廚房，但係好詭異一路坐一路聞到濃濃垃圾房味道以為自己聞錯左，就繼續坐係度點菜。等左差不多10分鐘都無人問我開咩茶，舉左幾次手都無茶黎，好彩最後都有一壺茶（不過上面有好多手茶跡）。落單上菜時間都快，味道就唔好太多期望⋯燒賣入面塊豬肉好古怪，完全咬唔爛，一條野咁。食到一半，一隻手指頭咁大的蒼蠅一路係廚房飛過黎，趕極都唔走⋯呢個都未算最噁心，食多5分鐘之後，開始感覺腳上有野爬過無幾耐，居然有隻小強爬左上檯！！！！好彩對面友人醒目，即刻用臺號牌打死佢⋯嚇死人咩⋯即刻叫部長黎睇，佢好熟手睇都無睇就整走條屍體好噁心🤮，佢好似一臉淡然咁叫我繼續食⋯唔係掛？佢見我地好似有D不滿，就係咁催我地坐去第二度⋯咁噁心你食埋我個份啦⋯同佢講我無食要走啦，佢即刻好似如獲至寶咁即刻幫我埋單，道歉都無句（真係未試過有間餐廳係咁）同佢講我地真係嚇親，一半都未食曬你唔係收正價掛？佢即刻黑曬面，話「宜家隻蟑螂爬你身上面，有無係食物入面啊？無係食物入面姐係無問題啦」佢見我地嚇親好不滿，即刻同個男部長扯貓尾，個男部長見丟

陳晚同屋企人食生日飯開心吓，原本去附近彩x, 因為有婚宴限時交檯，所以，就改嚟呢間，第一次幫襯，估唔到係一間勁差嘅食肆..連茶記都不如！未夠6:30叫左8個小菜、5支大啤(無影相、埋單要$1,624 ) 坐低先叫一支啤酒要5隻杯(杯分三次攞，仲要好污糟), 啤酒唔凍好似飲梗熱啤，之後同樓面講之前叫留左一打壽包，而家要改半打，因為，我地得7個人，個類似部長嘅男人話，唔知改唔到半打，我地話您應該未蒸， 我地而家先落單叫餸..個男人話..係未蒸但係唔知改唔改到單，跟住同另一個黑衫女同事講話要改單.半打，個女同事好不肖細細聲講唔要一打要半打，之後將改好嘅上菜紙飛落嚟檯面勁悔氣，咩服務態度！全程係無人招待(得傳菜嘅姐姐，但上錯菜)。1.白玉海皇冬瓜盅$168限量供應上菜無跟碗同匙，自己郁手潷湯 (唔係原個冬瓜湯水淡而無味，無夜香花、蝦仁、蟹肉絲，得叮屎嘅假蟹柳條，幾粒肉粒，有1粒金華火腿粒)，連史X生清雞湯都不如。2.陳皮蒸鮑魚仔6隻(韌到橡皮)明顯蒸過籠。3.鳳梨生炒小肉排(一上菜睇見賣相粉漿勁厚、唔知炸完放左幾耐，D肉唔熱，明顯唔係生炒，勾芡唔勻，無光澤)茶記絕對好味過佢。4.海鮮粉絲煲(魷

疫情過後，約埋三五知幾開心聚一聚，今日中午經開北角百好名宴門口見到片皮鴨78元，於是今晚試一試。除了點咗片皮鴨，仲點咗孖寶B:清蒸珍珠龍躉約2斤同脆皮燒鵝皇例牌，龍𧄌一上枱，全枱嘩言，好大條啊🤔馬拉盞通菜同楊州炒飯都好好味，唯獨是蜜梅欖角醬燒骨就一般，88元只有6件，其他配菜就好多，整體來講95分已上，侍應有禮，上菜快！

差，十分差加勁差！！！！不會再幫襯，食了這次後悔莫及，12元一位茶錢，收費裝修像4星級，但服務和食品水準大排檔都不如，環境嘈雜, 油鷄像馬騮咁, 只有皮而冇肉, 牛仔骨甜到似糖水,  食物又不夠熱, 點心冇上桌但仍然計數, 初時不察覺, 付了錢後, 都回頭追討, 那位收銀金毛頭髮女職員連講兩次: 已經比哂錢，而家才來追？ 作為顧客當然有權追討, 她竟和顧客互鬧:酒樓制服男人, 自稱不是經理, 但郤埋身對女顧客喝斥,  幸好一位女經理箍他頸才避免他進一步行動！半粒星都不給！！貼錢買難受，待客之道已反映食物質素,待客差勁如此,  實在有損其他同業以客為本之精神!！

呢間酒樓新開了一段時間， 今日嚟試下。 聽朋友講魚餐不錯 ，今日就點咗個蒸魚孖寶套餐試下， 套餐好平 ，178蚊 兩餸， 一條蒸魚加一碟炸子雞。 酒樓人好多好嘈 ，環境有點雜亂無章， 樓底矮， 有啲壓迫感， 坐得不太舒服， 條蒸魚好快上枱 ，比較細條， 應該冇一斤，但都算蒸得好 ，魚亦算新鮮 。炸子雞半隻 ，好細碟， 好似少咗幾嚿咁， 味道都算正常 。最差係碗白飯 ，有陣糠味 ，咁大間酒樓 ，都唔可以用啲靚少少嘅米 煮飯 ，真係令人失望。 飯後送紅豆沙， 這是今餐最滿意的 ，紅豆沙煮得 夠淋起沙， 而且不太甜， 算是個健康又好食的飯後甜品 ，補返碗白飯的不足。

那晚約了家人在北角百好名晏食晚飯🥣點菜看到鮑魚龍皇全包晏，可以點半席，而且包茶錢和加一。菜式陸續送上，半席的份量也很大碟，尤其是海皇花膠燴肚翅相當夠份量，每人可以有兩碗。西蘭花🥦半煎龍𧄌球和古法蒸龍躉頭腩非常好味😋

同屋企人晏晝去咗北角酒樓飲茶，因為係正午時段所以整體價錢會貴少少，人均$100左右。 海皇煎薄餅大塊煎薄餅，普通海鮮碎，碎蔥較多，最外邊皮都係有少少脆嘅。 蟹籽燒賣皇正常蟹籽量，裏面有蝦肉同豬肉，普通酒樓燒賣。 百好蝦餃皇個皮唔算特別薄，不過裏面嘅料好充足。 豉汁蒸鳳爪正常酒樓式鳳爪，冇咩特別，正常味道。 豉蒜蒸排骨同鳳爪差唔多嘅味，加多少少蒜味咁解。 流沙奶皇包酒樓我最鍾意食奶皇包，佢個黃係流沙嘅，鹹蛋味十足，個包熱辣辣，好食。 金珠鹹水角三粒鹹水角，外皮夠脆，皮裏面煙煙韌韌，鹹到啱啱好。 鮮蝦韭菜角個皮炸得好脆好好食，韭菜味比較重，會蓋過咗啲蝦味。 翡翠鮮蝦腸夠曬軟滑，一條有兩三隻鮮蝦。 家鄉炒米粉普通火腿絲蔬菜絲做配料，米粉炒得夠乾，正常味道。

連續三星期來這裏食野，之前兩次飲茶，今次食晚餐。5個人，叫八個餸，都算過得去，不是出色。之前兩次午餐食芝士龍蝦伊麵，都還算ok, 龍蝦新鮮。今晚試大蝦伊麵，嘩….我到底食左啲咩😂😂大舊肉又唔新鮮，啲上湯又杰撻撻……其實咁樣都可以忍受，下次咪㨂其他餸囉。最嬲係咩…. 哩啲酒樓通常晚飯都有紅豆沙送，所以就問一問個樓面有冇糖水，樓面話，冇。宜家咁多優惠，冇糖水送嫁。轉頭個樓面就係不遠處同個經理交頭接耳，我心裏都知佢唔係冇，只係你岩岩都埋左單，仲送比你做咩，唔好阻住執枱…..最嬲係幾分鐘後，隔離枱問另一個樓面，樓面就大叫，兩碗紅豆！……..所以呢，我同家人永遠都唔會再光顧哩間野。祝君好運🙊