百好名宴

营业中

休息中

同屋企人晏昼去咗北角酒楼饮茶，因为系正午时段所以整体价钱会贵少少，人均$100左右。 海皇煎薄饼大块煎薄饼，普通海鲜碎，碎葱较多，最外边皮都系有少少脆嘅。 蟹籽烧卖皇正常蟹籽量，里面有虾肉同猪肉，普通酒楼烧卖。 百好虾饺皇个皮唔算特别薄，不过里面嘅料好充足。 豉汁蒸凤爪正常酒楼式凤爪，冇咩特别，正常味道。 豉蒜蒸排骨同凤爪差唔多嘅味，加多少少蒜味咁解。 流沙奶皇包酒楼我最钟意食奶皇包，佢个黄系流沙嘅，咸蛋味十足，个包热辣辣，好食。 金珠咸水角三粒咸水角，外皮够脆，皮里面烟烟韧韧，咸到啱啱好。 鲜虾韭菜角个皮炸得好脆好好食，韭菜味比较重，会盖过咗啲虾味。 翡翠鲜虾肠够晒软滑，一条有两三只鲜虾。 家乡炒米粉普通火腿丝蔬菜丝做配料，米粉炒得够干，正常味道。