影片
更多
2023-10-02
1844 浏览
假期想去饮茶⋯见到呢间唔驶点等位，就第一次试下呢间餐厅，点知就开始左谷鬼气经历⋯我地坐个个位唔近厕所，反而近厨房，但系好诡异一路坐一路闻到浓浓垃圾房味道以为自己闻错左，就继续坐系度点菜。等左差不多10分钟都无人问我开咩茶，举左几次手都无茶黎，好彩最后都有一壶茶（不过上面有好多手茶迹）。落单上菜时间都快，味道就唔好太多期望⋯烧卖入面块猪肉好古怪，完全咬唔烂，一条野咁。食到一半，一只手指头咁大的苍蝇一路系厨房飞过黎，赶极都唔走⋯呢个都未算最恶心，食多5分钟之后，开始感觉脚上有野爬过无几耐，居然有只小强爬左上台！！！！好彩对面友人醒目，即刻用台号牌打死佢⋯吓死人咩⋯即刻叫部长黎睇，佢好熟手睇都无睇就整走条尸体好恶心🤮，佢好似一脸淡然咁叫我继续食⋯唔系挂？佢见我地好似有D不满，就系咁催我地坐去第二度⋯咁恶心你食埋我个份啦⋯同佢讲我无食要走啦，佢即刻好似如获至宝咁即刻帮我埋单，道歉都无句（真系未试过有间餐厅系咁）同佢讲我地真系吓亲，一半都未食晒你唔系收正价挂？佢即刻黑晒面，话「宜家只蟑螂爬你身上面，有无系食物入面啊？无系食物入面姐系无问题啦」佢见我地吓亲好不满，即刻同个男部长扯猫尾，个男部长见丢
我地坐个个位唔近厕所，反而近厨房，但系好诡异一路坐一路闻到浓浓垃圾房味道以为自己闻错左，就继续坐系度点菜。等左差不多10分钟都无人问我开咩茶，举左几次手都无茶黎，好彩最后都有一壶茶（不过上面有好多手茶迹）。
落单上菜时间都快，味道就唔好太多期望⋯烧卖入面块猪肉好古怪，完全咬唔烂，一条野咁。
食到一半，一只手指头咁大的苍蝇一路系厨房飞过黎，赶极都唔走⋯
呢个都未算最恶心，食多5分钟之后，开始感觉脚上有野爬过无几耐，居然有只小强爬左上台！！！！
好彩对面友人醒目，即刻用台号牌打死佢⋯
吓死人咩⋯即刻叫部长黎睇，佢好熟手睇都无睇就整走条尸体
好恶心🤮，佢好似一脸淡然咁叫我继续食⋯唔系挂？佢见我地好似有D不满，就系咁催我地坐去第二度⋯
咁恶心你食埋我个份啦⋯
同佢讲我无食要走啦，佢即刻好似如获至宝咁即刻帮我埋单，道歉都无句（真系未试过有间餐厅系咁）
同佢讲我地真系吓亲，一半都未食晒你唔系收正价挂？佢即刻黑晒面，话「宜家只蟑螂爬你身上面，有无系食物入面啊？无系食物入面姐系无问题啦」
佢见我地吓亲好不满，即刻同个男部长扯猫尾，个男部长见丢蟑螂个个人走开左，即刻施展厚脸皮无赖mode，系咁话「我无见到有蟑螂」，「我唔系当事人」，「蟑螂唔系食物入面，D食物无食安风险」。
道歉都无句，重闹翻客人，真系第一次见。
讲真，我地都唔打算唔比钱，但系你起码都要安抚下客人？重闹翻客人，我话报食环，佢都唔怕⋯个态度似系成日都有小强出没⋯
重去呢度食饭真系自求多福⋯
最后君子唔同小人争执，比足全单走人，不过以后都无可能再黎呢度食饭！！！！
张贴