百樂金宴

营业中

休息中

不是第一次幫襯，貪佢地方大門面乾淨，去完黃大仙後就來一趟。嘩 d 服務 一 次比一次差，明白人客多，但 樓面職員都夠，番工唔駛咁勞氣 ge 。講到食物，有點偏咸，3 個人 叫左 6 碟野。燒賣肥膏太多，又好咸，下次一次唔會叫 雞包仔包皮好好味夠軟，但 d 肉又係頗咸。潮州粉粿皮太厚，但粉皮比倒 ok, 所以唔硬，但無咩餡料。炸兩腸粉就真係要食，炸兩好脆，腸粉夠滑，有驚喜 ！！炸腐皮卷，d 蝦 好 ok, 炸得好好，唔太油雞扎都唔錯，兩片花膠比左呀媽食，都幾大舊架，冬姑同舊雞都 ok 好味。下次唔知何時再來，希望有所改善。

呢度嘅點心質素唔錯，個人最鍾意就係春風得意腸，外皮香滑入面夠脆。依家仲可以坐返六個人一枱，所以午餐時間都好熱鬧。如果食點心平均計返大概人均消費$100。不過黃大仙中心本身已經冇乜選擇，咁好過食翠苑嘅

百樂金宴@黃大仙中心試食指數⭐️⭐️⭐️店舖衛生⭐️⭐️⭐️⭐侍應態度⭐️⭐️⭐️⭐((每項5⭐️為滿分)) · 父親節晚市爆滿幸好我們早兩星期訂位每枱都冇透明膠膜相隔住衛生程度理想唯獨是枱布有污漬影響食慾搵個碟遮一遮可以解決😌·我哋冇叫父親節套餐散點的餐牌比平日貴1.12我們事前沒有被告知部長最後都跟原價俾我哋皆大歡喜·1️⃣錦江豆腐煲⭐️⭐️⭐️ /5夠熱份量足可惜㳄汁太厚2️⃣燒汁珍菌牛柳粒⭐️⭐️⭐️/5賣相吸引牛柳粒夠多可惜韌左啲3️⃣脆皮雞⭐️⭐️/5 咸乾只有份量係合格4️⃣菜遠蝦球炒麵⭐️⭐️/5兩面王炒麵係要乾但佢唔夠脆蝦球最好味😋5️⃣壽包⭐️⭐️⭐️⭐️/5竟然最有驚喜熱、色鬆軟、蓮蓉餡夠滑、加埋個咸蛋黃，正👍🏻·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

黃大仙中心附近可以飲茶嘅地方唔多，應該係因為地方夠大，容易等位嘅關係，百樂金宴就成為左其中一間最多人去嘅。以食物質素來講，其實不過不失。如果兩個人去食嘅話，叫得太多唔同嘅點心又怕會食唔晒，好彩有點心拼盤，有蝦餃、燒賣、馬拉糕、潮州粉果等等，如果兩個人食就應該啱啱好足夠。點心以外小食份量偏多，好似春卷，其他酒樓通常得三條，但係呢度就四條，仲要非常足料，比出面食到嘅都粗。可能因為係午市嘅時間去，冇任何嘅特價優惠，收費都偏貴，如果想慳少少錢嘅話，可以喺一座嘅時候叫佢哋收走花生，唔係特別好食，但好似都$10左右。

今晚（21/9/2020）來到這酒樓食晚餐，酒樓多以街坊生意，侍應同很多客人十分熟落。四人限聚，全場都有六至七成客，我哋並非熟客，所以一坐下，侍應就不停叫食套餐，一個接一個侍應作出推介，因未齊人，所以坐下後半小時才落單。點了一個任選四餸一湯套餐，閒日只需$398涼瓜斑腩煲，涼瓜好爽口，斑腩你脆口瑤柱貴妃雞，雞肉都好滑菠蘿咕嚕肉，幾好食，咕嚕肉唔會太多粉包住，酸甜味適中魚香茄子煲，送飯一流，有咸香味是日燉靚湯，湯夠味，湯料亦很足，雞腳好軟滑，好食，

睇住3個職員追住個老人家由收銀鬧到返位，超重怨氣文，慎入今朝早約左個老人家去飲早茶，叫得太多食吾曬，但之前已經埋單，個老人家走左去收銀處拎個外賣盒打包，我就揾緊個零錢包未即時跟上，結果老人家拎左個盒返黎，後面跟住3個職員不停鬧佢。內容係話個老人家講冇人理佢，咁你地講一次話有人跟緊咪得囉？洗吾洗三個人不停跟係老人家後面鬧佢，鬧到返到枱都仲要鬧埋我地？如果真係咁緊張比人投訴就冇咁鬧客人啦，個老人家成八十幾歲，長氣少少好正常啊。就算佢真係理解錯，洗吾洗多人、重覆、咁追住人由收銀處鬧到返位啊？衣家恰個老人家講野慢，吾識反駁咀話？上述全部都係剛飲完茶既經歷，可能會因為太嬲而1919，但如果大家打算去飲茶，勸大家吾好比錢買難受🙄

呢間酒樓飲左好多次，估唔到有咁蠱惑，收銀員唔俾單據給客人睇，已經攞咗我張信用卡去碌我即時要求睇收據，發現單據上多左一個蘿蔔糕之收費，是日點餐由我負責，故此好清楚蘿蔔糕是套餐內之點心，不是另點食品，無理由要另加收費🤬🤬🤬收銀員就扮晒嘢叫隔離個收銀摷單，再話幫我搞返條數，點知又即時碌我張卡。第二次仲離譜，碌咗$2426. 跟住話㩒多左，睇唔清楚。頂！第三次張單，我逐項加左，啱數先俾錢。不過我細心再睇睇，呢間酒樓是特登收錯錢仲「博」d客唔睇單就俾錢，每枱幾十蚊🤬🤬🤬🤬點解我咁講，因為我記得在點心紙見到單點：蘿蔔糕$34.80， 你睇返第一卡數$458，第三張卡數$426。相差只是$32，計埋加一；佢亂篤$30加落我張單，根本就唔係收錯錢🤬🤬🤬🤬🤬🤬🤬🤬所以我特登告知所有食客，食嘢真係要睇單先好俾錢；另外我最大疑問是不用簽卡，佢收錢方便，不過食客無保障😣😣😣大家真係要小心！！！

坐低先知，仲有15分鐘是下午茶時間😤😤😤原來呢度分得好清午膳入座，唔可以享用下午茶優惠😖鵪鶉蛋燒賣是套餐內可選，平時好小食，因為膽固醇太高，今日試小小，不過不失。京滬小籠包子$39.80，雖然好平，你哋都睇到個樣好似縮水咁，又硬又無肉汁，好似翻蒸再翻蒸真係難食到爆😡😡😡不過家人話唔退就算，下次唔會再叫😖點心皇拼盤$69.80，抵食！一般般蘿蔔糕是套餐可選之一，唔睇唔知。單點要$34.80，估唔到咁貴🙁不過好味就唔理價錢！香茜皮蛋魚滑窩米線是4選1，套餐$228包2款點心、2款小食、主食熱辣辣味道不錯冰鎮豬手粒😋😋😋😋😋正！好好味椒鹽魷魚鬚，都ok不過食嘢真係要睇單，收銀把蘿蔔糕打左另外付款，碌卡又㩒多左個單位變為「千」位數，真係錯完再錯都有。大家小心d

解除4人限聚，即call長輩飲茶。呢間飲茶食物價錢適中，水準都算穩定；當然同區仲有其他質素較好但價錢都較貴。方便老人家，近近地是不錯選擇。每次都叫呢個點心拼盤，因為樣樣都有，迎合各人口味，淨係$69.80有12件點心，抵！小籠包都算皮薄，味道可以；當然無上海菜館咁好味啦邪惡的椒鹽魷魚🦑，份量較單點小好多，不過小小哋唔好食咁多😈沙薑雞腳用錫紙包裹夠晒熱，沙薑另上蒜蝦春卷夠爽脆，味精不錯福建炒飯飯太硬，味精是可以不過套餐$228有飯、4點心任君選擇真心唔錯🤤長老話要食柴魚花生豬骨粥，無喎⋯⋯唯有食皮蛋瘦肉粥，好食😋

幫襯咗百樂金宴咁多年，從未試過坐低准備嗌嘢食，就被一個位扎住馬尾短裙嘅咨客叫起身，話有人鐘意坐呢張枱，叫我哋行去坐另一張枱，人哋有錢飲茶，我哋冇嗎？咁係咩服務態度😡😡😡😡😡😡都唔知呢間酒樓點請人。

初一想同家人食團年飯，路過想問初一出什麼餐，門口半短頭髮女職員反應冷淡，要等一陣才在後面拿了一個散餐牌！我問是否得這個，佢話初一可能會轉，我咪號影相想問家人食唔食，影了一邊我再問佢後面果版係唔係，佢就攞返餐牌話妳唔識合影相😤，未試過咁差酒樓，平時路過見到D員工都態度唔好，點知差到咁，真係希望佢哋D上司老細留意吓！可能都係公公婆婆多冇太大要求，由其企門口果D！唔知好似自己係老細咁，串到死，態度又衰！總之唔會再去！

放假要飲餐茶搵位都唔係一件容易嘅事，同屋企人喺黃大仙北館飲茶，等左幾間茶樓，呢間係最快等到位嘅，照入去試吓啦茶樓嘅點心款式同出邊嘅都差唔多，設有熱食區，啱食嘅可以即叫即拎<蝦餃>同出邊嘅水準差唔多，蝦都算新鮮<流沙包>流沙包一搣開啲奶黃汁即刻流晒出嚟，都真係幾流沙不過少咗啲鹹蛋香味<鮮蝦腸粉>鮮蝦腸粉腸粉皮都算嫩滑，不過鮮蝦唔多，每條大概都係得兩粒<鹹水角>鹹水角炸都有少少乾，感覺上唔係太新鮮，同埋啲餡太少喇，唔好推介<雪山叉燒包>

事情是這樣的；本應生日好好心情等候位置到下午茶開始，是非常高興的。但一座下位置就是令人發火的時候！店員來到第一件事就說：你們不要座在行人路阻住我哋出入！我即時說我們只是座在一邊，他們意然說只能座在一旁。怎麼不能有善的對我們說清楚？而要一開口就鬧人呢？之後店員就黑口黑面，令人不安！至於食物方面是可以接受的，但員工真的不友善。雖然你們是大集團；但就不能友善點嗎？還有一點是要自己沖茶的；他們只會幫我們加熱水到水樽。這點要注意一下！之於人流方面是比較多人等位的，但等候時間是正常的。希望他們可以學會尊重別人；至於推薦介紹別人我就有所保留。這是我和家人的分享；祝大家事事順利！謝謝大家。

服務態度好差，淨係要張BB櫈要左35分鐘，問左3個待應一個推一個，原來係有一個負責我地區，問個阿姐5次都係咁話好忙呀等陣啦，唔得閒呀，態度極差，但佢行行企企根本無野做緊。總於見到經理行過我再問經理要BB櫈，呢個時候個阿姐即時飛奔過嚟話我拎比你。即係我唔問經理就一直等到食晒都唔會有BB櫈。帶住BB出街同老人家一齊食一餐打算開開心心，點知只係BB櫈都懶得拎比我想一直拖到我哋食完。之後野食又上唔齊追返又係話好忙呀等等啦。想像唔到係度搞婚禮會係一個點樣嘅災難。

中秋節紅日 ，加上午飯時段要排很久隊等位是很正常的， 故事是這樣的... 五大一小去飲茶， 前身是百樂門，裝潢沒有太大改動。12：18pm 取了一張六人的票C48， 不搭枱。當時叫緊D30..等了半小時到12:42 多取一張五人票，因為細枱比較易有位。然後等到一點左右，叫到五人票， 然後我們入座 ， 走廊推不過bb車， 帶位待應說有小孩 不夠坐 叫我們回去等大枱。 既然這樣我們唯有繼續等..結果下午1點45分順利入座， 然後洗碗開茶.. 我們只有五大人，侍應說我們取了六人票要計六人茶位， 我們說初時五人枱不坐，叫我們等大枱 ，解釋完一輪， 最後他才計我們五人茶位及花生不要，已退回。菜遠紅燒石斑飯， 只有一嚿石斑肉，其他都是連骨及炸粉很多的。甜點不錯，用料豐富 ，賣相吸引。旋風奶黃包 造型特別，可惜包不夠熱。生煎花枝銀絲餅- 好食，脆口， 蘿蔔味重。最後結賬，待應說花生不要，需要經理寫單才可免。男經理說假日，六日，花生錢不能免。女經理前來又說, 「幾蚊雞下欄錢，就俾左佢喇！」然後就揮袖離開，給我們對話的機會也沒有。如果是不能退，請在開茶時說明。不好意思，因為初時沒有打算寫食評，所以沒有