影片
港铁葵兴站 E 出口, 步行约3分钟
继续阅读
特色
适合大伙人
营业时间
星期一至日
07:00 - 23:00
公众假期
07:00 - 23:00
以上资料只供参考，请与餐厅确认详情
有廠家請食晏, 老闆揀了貴一點又環境好一點既酒樓, 每次公司食野, 都係我負責點菜, 我鍾意食小菜, 同事愛點心, 所以會 MIX 甘叫!蒜頭炒白菜仔, 好夠蒜味, 只係白菜還有點硬, 如果再林身少少, 會更 PERFECT!呢個在點心紙, 叫冰鎮豬手, 但原來係藥材既, 感覺中伏, 因為我吾喜歡中藥味道!虾餃皮薄彈牙!這個很驚喜, 虾大隻, 又爽口, 份量足!啖啖肉係我至愛!燒味吾會太咸, 但豉油雞有點瘦!海鮮卷入面有不少千島醬, 感覺過多了!湯望落好油, 但好好飲, 有濃濃肉味, 暖暖胃!魚蒸到剛剛好! 望落不大, 但都搵到好多肉出來!最後蕃薯糖水, 好重薑味, 大愛!!
继续阅读
朋友介紹呢間百樂門星期六日公眾假期全日點心6 折，趁星期日同屋企人去試試。地點係kcc，同葵興地鐵站相連，落雨打風都唔怕濕身。而且係商廈，星期六日人流極少，一到即有檯，完全唔駛等，仲好自助咁諗坐邊張檯。開左茶，睇下點心紙，都係啲大路點心，仲有多一張早茶特價點心紙，選擇算幾多。見6折，咩都想食，但得3丁友，只好叫啲貴啲啲嘅！第一樣食貴啲啲嘅梗係灌湯餃！全名係竹笙花膠灌湯餃，係食到竹笙，但花膠就唔多覺，都係平價灌湯餃質素，豬肉、蟹柳、冬菇咁。另外食貴啲啲嘅梗係搵啲有蝦海鮮類嘅點心，包括：蝦餃、燒賣、蝦腸、鮮蝦菜苗餃、蒜蓉蒸鮮魷。蝦餃好大粒，多蝦，但皮略厚。腸粉質地幾好，唔會太琳。燒賣就麻麻，好大舊豬肉無剁碎。蒸鮮魷啲調味料太多又未攪均，太重口味。整體食物同服務都係一般，但以6折黎講算係假日之選。
继续阅读
一早，收到母親大人電話，說時近年尾，天氣又好，想提早去玄圓學院還太歲，免得之後人多、天氣轉冷時才去就麻煩。既然是母親大人吩咐，當然不會推搪，我倆連早餐都不吃便趕去陪她還太歲。母親大人很細心，每個步驟都一絲不苟，買生果、買糖果、寫太歲衣、奉香、奉品、化寶都好認真，整個還太歲過程差不多花了兩小時。坐專線小巴離開時，肚子已經餓到不得了。此時，輛到我們要求母親陪我們去吃午餐，祭祭我的五臟廟了。為了遷就母親口味，一於去飲茶。假日的中午，酒樓竟然那麼少人。酒樓推出假日午市優惠，果然較正價平宜得多。水滾茶靚，茶位每位$8。【明爐叉燒腸 $19.8】: 正價是$37.8。粉皮較厚，叉燒有點韌。【原籠蒸馬拉糕 $19.8】: 正價是23.8。一個馬拉糕可分為六件，件件鬆軟。【無錫排骨 $38】: 鎮江醋味濃，排骨炆得入味，軟骨部位都可以吃。【迷你福建炒飯 $68】: 絕對不迷你，材料又多，每人吃了兩碗後，還剩下半碟。要求服務員拿去打包，剛好載滿一個外賣盒。連加一，結帳只需$188，平均每人只需六十多元，很平宜啊!離開時，見門外掛出一幅大餐牌，超值全包宴半席$888、全席$1788，真平宜。母親大人說，過兩個星期老爸生日，可以來這裡吃。好! 母親大人吩咐，一於照辦!
继续阅读
老友一家移民英國兩年多，今次趁個仔學校放長假，一家三口由英國曼徹斯特「班師回朝」、「回鄉探親」之餘，順便探望我呢個老死。之前從Whatsapp 問過佢想約去邊度見面，佢話不如搵朝早去飲早茶食點心，因為佢好掛住香港的點心。還說，在曼徹斯特那邊雖然都有茶樓，但是，地點距離佢屋企好遠，而且點心的價錢好「拿脷」，一碟蝦餃閒閒地都賣五六十蚊港紙一籠，而且味道不能跟香港的同日而語，所以，兩年幾以來，去茶樓食點心的次數五隻手指都可以數得晒。對我來講食茶當然無問題，我還建議到我較早前「發挖」到的一間位於葵興工廠區的酒樓慢慢歎茶食點心，因為都係嗰句，貪佢人少，尤其是在假期。佢撇低老婆同個仔，朝早九點鐘就來到，一如所料，無需等位，任坐。睇下張點心紙，通常在假期，一般的酒樓都是會貴些，但這間卻相反，在11:45之前結賬離座就可享特價優惠。老友真係唔係講笑，一開波就狂點點心，兩個人竟然點了十一個之多。我還揶揄佢係咪在曼徹斯特睇得太多曼城同曼聯踢英超，點嘢食都要好似英超咁快速，點心數量都要學足球員出場數目11個? 哈哈!我哋點到成檯都係點心，韮黃鮮蝦腸、翡翠帶子腸、四寶滑雞扎、潮洲粉果、鮮蝦蒸粉果、鮮蝦菜苗餃、招牌蝦餃皇、蟹子燒賣、時菜鯪魚球、原籠馬拉糕和鎭店小籠包。樣樣點心都熱辣辣，好正! 同老友吹水吹到11:40，係時候結賬離座，否則要俾正價價錢。連埋加一張單都只係$270，計番如果俾正價就要 $420，平咗一大截。老友話今餐如果在曼徹斯特嗰邊食，可能要一千港紙落樓，猛話今餐抵抵抵!不過，最後，老友都概嘆一句: 「遺憾，今日無至愛的鳳爪食。」我安慰他說: 「人生留下一丁點遺憾，才算美滿啊!」相對一笑。
继续阅读
乳豬全包宴冇乳豬⋯⋯變咗燒味拼盤，過份⋯⋯仲要係叉燒黑炭........ ！那位男部長及其他送菜員服務態度超差，不知所謂！上餸又慢，上完一碟餸等咗一粒鍾，投訴後才上餸，好彩最後經理處理事情稍好！沒有下次幫襯！
继续阅读