百樂門煌宴 (已結業)

煌宴蝦餃2件=$4.80因為呢2件蝦餃皇，晨早乖乖飲早茶入去座位任揀，無乜伙記；差少少要自己斟茶😞鵪鶉蛋燒賣 （孖寶$28.80）高膽固醇，小吃多滋味，確係唔錯😋鮮竹牛肉球，唔小心叫多左；好彩都ok 鮮蝦菜苗餃，皮薄餡靚👍🏻香煎蘿蔔糕$19.80⋯⋯煎得香脆，不過唔太有蘿蔔味，算係大件夾抵食😚柴魚花生豬骨粥，粥有啲稀不過都好綿，料唔算多早市7-1130，伙記唔多，要等開茶位煌宴蝦餃皇2粒=$4.80，非常抵食酒樓唔大，平日都好寧靜好舒服😌食物質素都幾好，繼續撐落去

今日打8号風球, 去飲早茶, 叫咗幾碟点心,一碟打漏單, 另一碟蒸鯪魚球, 9:33落單, 10:10 先到. 埋單叫收銀俾張單睇睇, 佢話今日打風, 雖然今日係平日, 但價錢要當星期日咁計. 佢話因為我要睇單, 所以話俾我聽. 咁即是話如果唔睇單就唔會講, 門口又無通告, 坐低落單又無通知, 呢種生意手法不敢恭維. 其實打風收貴D係正常, 大家都明白, 只係需要預先通知, 不是蒙混過關, 要明碼實價, 不要令人感覺受騙.另外員工衛生標準必需改善, 眼見一位深紅衫女經理不小心跌了隻碟落地下, 佢隨手執返起, 用手抹吓碟面又放回原處, 毫不衛生, 十分嚇人, 疫情之下仍然如此, 此位女經理真欠缺公德及不負責任. 所以大家緊記出外用饍時, 一定要洗乾淨所有器皿.其實之前都經常都有幫襯呢間酒樓, 近排已覺得食物質素及服務越來越差, 今次之後真係短期內都唔會再黎, 始終附近都仲有其它選擇.

今日夜晚約親朋戚友食晚飯，👍今次食冬瓜盅，呢個就一定要預先叫廚房整先嘅，因為數量有限！👍👍非常之好味呢個冬瓜盅，我真係食得最多，好清甜好爽口！健康又美味！👍👍跟住壓軸甜品就係南瓜西米露，非常之好食餐廳自家親手製！👍👍

係附近反工，餐廳無咩選擇情況下，飲茶成為每星期必選地方，中午食飯時間幾多人，除左有固定點心仲有lunch set去選擇，一個炒飯，一個炒菜再加一個小食，再加熱辣辣點心，係火炭區黎講已經唔錯，抵讚既係點心全部都非常熱同味道同價錢都幾低食

小商場嘅酒樓，無乜特別，只係家常便飯，但勝在大件夾抵食👍🏻1) 唔洗等位2)份量超多仲好抵食3) 好多款簡平日真係無乜人😂沙田人想搵酒樓不妨搭一個站去火炭食，佢喺銀𨭎商場，火車站一出就係😂晚市有6選2特價menu，我地簡左2款1) 蒸沙巴龍躉$98/1條，好大條！但有少少熟得滯2) 咕嚕雞球$58/1碟，幾好食好脆，炸粉又唔會太厚3) 海皇粉絲雜菜煲$98/1煲，唔會粉絲多過菜竟然仲有帶子，蝦，北寄貝，魷魚 (雖然係雪藏嗰啲🤣)不過98蚊，食到食唔晒好抵！4) 送糖水 - 紅豆沙/南瓜西米露高質，起沙，多豆！不過無陳皮味🤣但單尾又好難要求咁高嘅🤣Conclusion:3餸 (有魚有肉有菜) + 2碗白飯 + 糖水$98+$58+$98+$10x2+茶位加一Total: 約 $310 (3位) 抵！

中秋同屋企人黎食個$2380既套餐入座既時候都已經夾住張$2380既套餐紙俾我地但點知。。。你竟然同我上個$1688既套餐！！！其實開頭都冇事，乳豬照有，生蝦照有，燕窩照有，燒雞照有（但唔知係「一品」定「黃金」），係去到條魚。。。d呀姐係後面係度密密針，拎住條魚走黎走去，走過黎放低，然後又拎走，話送錯。然後十分鐘又拎翻呢條魚過黎，放個蓋係上面當係新鮮蒸既另一條魚。當然俾我地當場揭露，叫佢地蒸過條咁最後點解會俾我地發現換左個$1688既餐呢？就係碟：「碧綠醬爆雙蚌片」竟然有蝦。佢地送餸黎手上個張廚房紙仔係寫住「$1688 碧綠蝦球蚌片」咁仲唔俾我斷正？！怪不得拎住碟魚走黎走去😡咁我地就同呀姐講啦，佢地都承認係出錯。原因係同第二張枱既套餐調轉左。（咁前面你又送岩？）所以將我地既餸俾人地，人地既餸俾我地😑 最後「大家姐」送個桂花糕就了事。野食普普通通算係咁，冇話特別好食或難食，但環境真係又亂又逼。自己樓面請唔夠人，d呀姐做到踢哂腳，呀姐們係客面前嗌交🙄唯一扺讚係有一個呀姐，上菜好笑容，又識講唔好意思，主動同我地跟單追廚房。但全場就真係得佢一個咁好，就連「大家姐」都係講價既語氣，求了事既態度去

入錯單話我地剔錯...算我地有剔叉燒包佢都記得但冇入單...算之後比錢有兩碟叉燒腸改單之後減優惠的不減貴的...算如果叫兩碟叉燒腸我會剔兩碟優惠唔會剔一碟優惠一碟正價吓😡收銀極到不願意改單退錢，特登要我地等之後問點解減優惠不減貴一句我係收銀咩都唔知再揾樓面話佢地係咁計好，幫你宣傳街坊幾廿蚊真係小事，我係要唱衰你🤬

食物 : 普通飲茶會叫嘅食物賣相 : 7.5/10，不過不失味道 : 8.5/10，所有食物都好好食，而且十分之熱，有即叫即製即出嘅感覺環境: 6.5/10，整體環境不錯，但咁啱做咗係牛欄隔離，員工成日又出又入，着外面熱嘅空氣帶入酒樓入邊，感覺好差價錢 :hkd 70/ 1人性價比: 7/10

因今日接到電話知道細佬入左院，所以放工後成家去了醫院探佢，探完病後，因弟婦今日搞我細佬入院好攰，想快快回家，但又唔想煮飯。所以搭車去到火炭呢間酒樓快快脆食飯跟著佢趕返屋企瞓覺。其實我對呢間酒樓冇咩好感，因為上次媽咪在呢度擺生日酒時都遇過一個經理好不禮貌，但既然趕時間，就求其去呢度食啦。媽咪打開個餐牌好耐都揀唔到想食乜，後來由我發板求其揀幾樣餸快快食完返屋企便算。第一個係春菜黃豆排骨煲，春菜有點老，但好腍，排骨好大舊，但冇乜肉，個上湯味道都還可以。魚香茄子煲好香魚香味，個茄子份量好多。全煲都夠惹味，送飯一流！潮式煎蠔餅好大碟，好多蠔响入面，外面脆漿炸得好鬆脆好香口，入面蠔餅好香好夠味！沙巴龍躉蒸得好滑，好新鮮，好快被我們一口氣食晒。菠蘿咕嚕雞球冇咩特別，酸酸甜甜，不過不失。呢度既白飯用上砵仔蒸，份量啱啱好！飯後有甜品送，可揀紅豆沙或蕃薯糖水，我地就揀左蕃薯糖水，食落都幾重蕃薯同薑味，只係甜左少少！六個人連茶介加一大約食左六百蚊，在百樂門食飯，呢個價錢差唔多了。

話説叫左個午市套餐，叫左碟炒芥蘭，點知芥蘭好苦，跟本食吾落口，叫個無名牌既黑衫男人換，佢竟然話大廚話炒得無問題，可以食嫁喎，我地話吾緊要，甘換碟菜心俾我地得吾得，佢堅持話吾換得嫁喎，大廚話無問題喎，話吾係佢問題，甘我都知係菜苦姐，吾係大廚問題，黑衫男講到大廚問題甘，態度勁差！跟本佢無解決過，但佢話可以炒過第2碟俾我地，我地即刻話，反正你地都炒過第2碟，點解5可以換碟菜心呢？佢地死都5肯換，我都未試過有酒樓係甘既服務，之後炒新一碟，其實係同一碟，只係過左水，真係好差，之後搵左另一個黑衫男講，黑衫男試左條芥蘭，佢自己都話，係有點甘苦，係時令問題，話問一問，之後個個都扮5知，無理過我地，可能係因為我地幾個女人，佢地就恰我地。但今時今日處理手法真係好差，甘大間酒樓態度都甘差。以後5會再去

因媽咪在火炭住,所以每年都來這裏食開年飯,佢哋真的好飄忽食物水準, 今年好咗啲 ,但係佢哋始終啲人手都好唔夠, 坐入面都好擠迫。 今年乳豬全體個皮夠脆肉質好正, 龍蝦伊麵 ok啦, 百花球 好彈牙, 發財好市大利…… 嗰豬利嘛嘛哋, 紅燒花膠龍皇翅 不過不失, 海螺片扣玉掌 打個芡汁太傑撻撻, 清蒸大虎斑 條魚蒸得啱啱好……好好食, 金雞報喜 ok啦, 臘味糯米飯 賣相唔靚 但係都幾好食, 最尾嘅甜品 薑汁棗糕 呢個真係好好食 薑汁味夠。 整體都算係咁啦……不過不失 食呢啲開年飯都係咁㗎啦😀😁恭喜發財…… 身體健康😊

在火炭工作，經常都會煩惱午餐食咩好因為選擇真是少之又少當成team人話一齊食，成8個人一齊食team lunch , 最多時候就係來呢間食今次叫左16個點心加一個星州炒米同一碟時菜。第一次叫呢個雪山叉燒包，好有驚喜，外面甜甜地，好好食個星州炒米，我自己就麻麻地不過同事話唔會太辣，味道都可以次次都會點個春卷，因為自己鐘意食香口野，幾脆卜卜有位同事好鍾意食炸魷魚鬚，所以次次都會點。但係今次個炸魷魚鬚好明顯炸得太過火了 午市來飲茶都會送個糖水，不過期望要低啲，可能因為送掛，好浠，唔夠豆呢個養顏薑汁糕好夠薑味，讚！

今日full team meeting，同事們高興起就話meeting後一齊去飲茶！近近地就去左附近商場既茶樓，百樂們煌宴揀佢既原因主要係平靚正，又方便，服務都ok～餐紙同普通茶樓差不多，美中不足就係搵唔到煎薄餐除左點心，仲有好多小食添個人黎講最鐘意係星州炒米，超級大碟，8個同事食都夠食味道剛好，唔會太辣，亦都夠配菜，唔係得返d米粉～飲茶3寶，燒賣走唔甩新鮮蒸出黎，如果多幾粒蟹子就perfect la腐皮卷，卜卜脆，又熱辣辣皮薄又多餡炸鮮魷，其中一個同事勁鐘意食，次次都要叫，但我就感覺太煎炸，都炸得燶左少少不得不讚叉燒酥，好好食！好鬆脆，唔會太甜，加埋幾粒芝麻就更加香食左好多野，最後仲有糖水送添如果無送既話記得提下d樓面姐姐紅綠豆沙，任君選擇同事們飲下茶，講下笑下，好開心食物係會為人帶來歡樂

早幾晚出席朋友媽媽嘅壽宴，由於佢地住火炭，就腳選擇呢間酒樓擺酒。開席前酒樓在房內安排了幾圍雀局，見d uncle auntie 碰！上！ 打得好開心，腦筋仲靈活動過我。第一道菜當然係乳豬，皮脆肉嫩，幾好食。第二道菜叫 `鵲巢海中寶'， 大家見到個雀巢都好開心、好期待，點知個雀巢有油益味唔食得。 荷蘭豆、 帶子、珊瑚蚌都ok。百花釀蟹鉗，新鮮炸起， 唔係返炸，肉都幾鮮甜、彈牙。原隻鮑魚扣玉掌，味道ok紅燒海黃花膠翅，唔係好多翅， 不過而家要保護鯊魚，唔食咁多翅都好驚嘅。清蒸大海星斑ok瑤柱花膠絲扒翡翠，花膠食左都唔覺煌宴一品脆燒雞ok瑤柱海皇炒飯炒得幾香上湯水餃伊麵~ 一般添壽蟠桃~唔好食！紅豆沙燶嘅！芝麻糊冇芝麻味，完全唔香。差！

今晚出席一位婆婆九十幾歲嘅壽宴， 她身體好壯健，頭腦非常清晰。忠心祝願她年年有今日歲歲有今朝， 身體越來越壯健!我返酒樓嘅食物:紅運乳豬全體~ 皮脆肉滑 ，都幾好食鵲巢海中寶~ 啲海鮮同蔬菜 ，都ok ，但係個雀巢有油益味 百花釀蟹鉗~ 新鮮炸起熱辣辣， 都幾彈牙原隻鮑魚扣玉掌~ 鮑魚炆得幾耐， 鵝掌多肉 ，味道都幾好紅燒海黃花膠翅~ ok啦清蒸大海星斑~ ok啦瑤柱花膠絲扒翡翠~ 花膠太碎， 唔係太食得出煌宴一品脆燒雞~ ok啦瑤柱海皇炒飯~ 都幾香上湯水餃伊麵~ ok啦添壽蟠桃~ 唔夠好食， 皮厚、 黏口糖水~ 紅豆沙有陣燶味 ，經要求後 ，換咗芝麻糊 。芝麻糊完全冇芝麻味， 連最鍾意食芝麻糊嘅老公 ，食咗兩啖都放低注意 : 原來商場嘅免費泊車要十點前處理。 我哋唔知，10:20先走，畀咗$104泊車