皇冠(呂宋芒)專門店 (耀華街)

营业中

休息中

平時好少行去耀華街，除非去飲酒，但每次經過都見到要排隊，今日同朋友出去食飯，食完諗住行吓去散步，見到竟然門口冇人排隊，就衝左入去食，雖然唔使排隊，但係人流都好多。首先入到去環境不錯，之後老闆哥哥亦都細心解答我們的問題。上菜時間亦很快，至於食物質素我覺得很滿意，以前食開都好似飲糖水咁，但今次我覺得個甜度適中，芒果亦很新鮮很甜。價錢亦唔貴。難怪每次經過都見到有人在排隊。係一個很不錯的體驗，會推薦給朋友👍

平時經過耀華街，見到呢間鋪人頭湧湧，大排長龍，今日食完飯見到時間尚早就排左一陣間，好快就有位入到去試。試左芒果小丸子，芒果鮮甜新鮮，小丸子口感煙煙韌韌，不會黐牙。一個人嘅食量太少，下次要叫多啲朋友來試👍👍

一試就愛上😋不得了::::::::::::::::::::::::::::::食材新鮮，真材實料啊！難怪排哂長隆啦原來係原因既！係值得架！「招牌皇牌」個份量大碗到呀😅d芒果多到呢⋯要2個人食先食得哂，食得岀係真芒果味並唔係芒果醬同假芒果🥭真係冇揸流攤嫁禍店員肥哥哥仲誠意推介左個新岀品「芒果蛋餅」齋睇賣相覺得平平無奇….原來有驚喜㗎入面用咗（吉士醬），酸酸甜甜好惹味好開胃🤤令我哋一試難忘，每次去都一定會必點！睇到個餐牌種類多款到，想每款都叫🤭但可惜眼闊肚窄，唯有下次叫多幾個人一齊去先得🤗咁就可以試哂所有西式甜品中式糖水

聖誕節喺時代玩完飄雪，行吓行吓 無意中發現到一間隱世芒果糖水舖😨第一次試，肥哥哥職員態度好好，好有趣😂雖然佢個樣非常凶狠🤣但見佢同全部客人都有講有笑😂發現佢有好多fans皇牌芒果，勁大碗😂😂建議兩個人食絕對對得住個價錢 啲芒果多到食唔晒🤣仲試咗個店員推介嘅朱古力窩夫即叫即整，入邊仲要有麻糬！！ 勁多人排隊，如果可以多啲枱就更好了。仲有好多嘢都好想試 想試晒成個Menu嘅下次必須會試店員推介嘅椰皇燉桃膠糖水

不嬲都留意到銅鑼灣同灣仔唔多糖水舖有紫薯糖水賣，不過終於俾我發現呢間甜品店有！！超足料非常好味非常濃郁，啲紫薯煮到好淋好粉好好食👍🏻👍🏻又夠薑味，個糖水包六粒煙韌芝麻湯圓，我媽咪同家姐都好鍾意食！見佢個Menu都好豐富有好多其他好多選擇，好多唔同款嘅芒果甜品，又有麻薯窩夫，又有刨冰，仲有燉椰皇蛋白！下次會試吓佢哋d凍嘢🤪，呢幾日天氣凍就食返暖笠笠嘅嘢先🤤😝誠意推介👍🏻👍🏻👍🏻

刨冰成碗貓肉泥咁，一嚟到賣相已經唔好，荔枝好酸。店員態度差，問雪糕有咩味揀答得唔清唔楚，好細聲咁樣講咗句芒果煉奶朱古力，但又冇示意叫我揀咁，又唔理人，又行到好遠。窩夫$86 得半件份量好細，雪糕勁爆甜，而且浸味好假。如果唔係甜姨多人唔會食佢，冇下次！！食完成個口好甜到好唔舒服。

尋晚經過銅鑼灣好想食一個熱嘅糖水暖暖身入到糖水舖唔知食乜好問問店員有乜好介紹店員好有耐性了解一下我中意嘅口味之後介紹我食椰皇雪燕桃膠燉蛋仲話我知啱啱新鮮出爐😁咁我就叫咗個椰皇雪燕桃膠燉蛋食店員果然冇介紹錯👍🏽👍🏽非常極之啱我口味😋😋個燉蛋嘅蛋好香蛋味🥚🥚慢慢嗒落去仲有一陣陣嘅椰皇香味🥥🥥仲要非常足料👍🏽極力推介呢個椰皇雪燕桃膠燉蛋$82一個 個好值得一試😋尋晚食完真係一試難忘😍即時愛上❤️經過銅鑼灣嘅你一定要試下佢👍🏽

中午諗住食返個糖水啦，入到黎已經見個四眼阿姐掛住撳電話，都無咩理我， 一出聲 就會悔氣氣 😤叫左個鴛鴦紅綠豆，點知煲燶咗少少， 有少少燶味， 我食咁耐佢撳咁耐，機不離手，勁

芒汁芒果西米露冇味西米露口感有啲爛個員工咩都唔識… 連menu有咩都唔知又貴又難食。 八達通機又唔係好work 啲嘢又冇味 芒汁得好少同埋個汁本身係冇味 非常可怕。 要自己買芒果汁倒入的去先食得落口

店舖裡面的職員服務態度非常惡劣。安排座位前用較惡劣的口吻問食甜品目的是食野或是聊天。當時店內有一張長枱，但他沒有及時安排座位，只是用質疑的口吻了解我們來甜品的目的

9個人想入去，見有張大吉枱，個肥仔極度唔耐煩咁問我哋：食嘢定傾計？我喺香港三十年，未聽過入一間糖水店只可以食嘢。原來食糖水最近兄唔應該傾計。多謝。以後唔想再經過。

系百樂中心食完飯之後喺附近搵咗間糖水食，隔籬嘅甜姨姨好爆場，行多幾步見到有另外一間糖水舖就入咗去岩岩食飽飯唔想食得太heavy ，叫左個養生的陳皮紅豆沙紅豆沙$40$40一碗紅豆沙，價格都算系偏高，不過份量又相當大碗下紅豆沙偏甜，食左半碗太甜食唔曬雖然真心大碗，但紅豆沙偏水狀，面個半碗都系糖水，要食到底先真系有紅豆食，麻麻地至於陳皮味唔知系咪煮得太耐，食到陣陣苦味

話說琴晚食完野去食個糖水，入去叫個楊枝甘露，點知啲西米係未熟既，硬到石頭咁，又苦，啲芒果又唔甜，啲西柚又乾，成碟都搞唔掂，仲要收我$58，好嬲下次點都唔會再黎幫襯

今日經過諗住再食 去到原來裝修左 每次嚟銅鑼灣都一定會食既甜品 因為我係芒果控 必食招牌皇牌綿綿冰 老闆講過綿綿冰係自家製用返新鮮呂宋芒整 唔似出面啲甜品用糖漿加工 招牌轉咗做甜道SweetDose 問過老闆因為想跟返其他分店統一招牌

呢一間糖水舖係我哋食完飯之後隨便搜索出嚟嘅舖頭 附近食完一啲好Heavy嘅嘢，想食一啲芒果嘅甜品 而呢一間好似係主打芒果嘢，所以就過咗嚟食當時大概10:30到都唔使特別等位 我自己叫咗個雪糕楊枝甘露，因為本身食糖水都係會嗌楊枝甘露，天氣咁熱就加咗個雪糕嚟到覺得個碗好靚 如果雪糕就係普通嘢冇咩特別 成碗嘢個味道其實OK 但係就略嫌啲料係唔係好夠 平時食開楊枝甘露係會有滿滿嘅芒果啦 而呢一間係爭咁啲嘅 我會覺得佢似係一個飲品 因為整體比較稀一啲 但佢個味道係幾好嘅 我建議真係加多足啲料 係會更加滿足以朋友叫嗰個係芒果西米露個感覺都係好似我個碗咁樣