皇后米線 (皇后大道中)

营业中

休息中

看食評，還算不錯，帶媽媽來一試對小店都不會期望很高，只是想吃得愉快但是一試即中伏湯底係用湯包開出來的味道米線未咬已斷整間店更是無服務可言服務員呼喝客人，漏單，聽了客人的要求視若無睹，繼續自己做自己嘢聽了三次都是說全單$110，到過了數，竟然責罵我們聽錯，應該係$115，相信是服務員半咸淡的廣東話導致的結果味道不好不要緊 但服務態度極不友善一定不會再來此店大家不想受氣也千萬不要光顧此店很不愉快的經歷！

天氣變化莫測，時凍時熱好難捉摸，今日特別熱，連肉都唔想食。入米線舖叫左個冬菇時菜米線都食到出汗，即加15蚊叫左杯水果荼飲下解熱，點知一到超大杯，正~不過飲完飽到一個點。

早兩日去上環做野,中午習慣唔食太heavy,咁啱經過見到間米綫店,見舖內好多人,應該唔會中伏,叫左個酸菜豬大腸加腩肉米綫,習慣食有湯既野都會先飲啖湯先,個湯得D食物唔會差得去邊,個湯飲落去有濃濃牛味,都幾甘香鲜甜,米綫質感唔錯,起碼唔會過諗,豬大腸處理得幾好,冇果D騒臭味,同埋滷出黎都幾香,我食湯類野好少配搭腩肉,今次贪得意試下,都入味既,五花腩,中意食豬既應該會滿足,另外打包左3款小食比公司同事食,有莞荽花生,海带同木耳,我自己冇食,所以不予置評,總括來説,係ㄧ間有誠意,用心做既米綫店

原本想減減，但想起杯鴛鴦又忍不住來食😅。今晚嚐燘五花肉飯，加凍鴛鴦都是$43。晚餐來說，價錢抵食。一碟五花月，細細粒的，不算特別多，但肉夠淋，而且入味，還伴雪菜，餸飯不錯哩！而且還伴青翠的生菜，不吝嗇的，因為有一小碟，平時食店都是伴兩三條仲要見到唔想食。所以我覺得，這個飯有肉有菜👍。記得第一次在這裡飲過凍鴛😍，但之後幾次都未嚐過，還以為轉了人？！今晚特意著店員啡濃點，來的味正是我第一次所飲的😋。晚市，這區真的要坐得舒適，食物同價錢👍，真的難搵。這店是好選擇

之前試過飯及湯米線，都不錯。我一向對撈粉麵的興趣不大，但今晚見到鄰坐的食客的撈米線看來幾好，就一試吧！我叫了炸豬扒撈米線，走芫茜，再加杯凍鴛。店員一送來，稍眼看，雪菜咁多，我怕鹹，故立時撇開一邊。第一放入口的，就是花生。講真，有些食店的花生可以難食漏氣的。但這店很香脆，亦沒有油益味👍😋。幼幼的青瓜絲，香濃的肉燥與米線撈在一起，味道很正。我所怕的鹹雪菜，居然最後是全部食晒，因為撈埋米線，一點不覺得太鹹。這碗撈米線味道鹹度適中，配料夾得好。還加上鬆脆的炸豬扒，真的無得彈😋。

今日，12/02/18, 中午食晏，突然想食米線，一個人去左上環呢間自家米線店，試一試佢好唔好食，因為成日都見呢間野好多人食，但始終無去食過，今日便知水準如何。舖位門面比較細，入到去，都見到有好多張枱嘅，都好多人黎食，但一個人都應該揾到位搭枱，唔駛等。呢間點好有自己特色，有多款 set好嘅午餐，有飯，有米線，唔同出面 d米線舖，好多款餸比你自由配搭。我就選左一款兩餸嘅米線：鹵大腸酸菜紅燒肉米線 $42佢係用鍋仔上架，份量都適中，唔算少了，但餸就少左 d, 因為佢切到好細件架，但係自己店做嘅鹵大腸，紅燒肉，好多人食架，食落真係好好味由其係紅燒肉，半肥半瘦咁，好好食但少左 d 囉，酸菜食落又好新鮮架喎，鹵大腸就好少，但都好味。其實呢款米線有餐架，$50 就包埋一杯鮮果茶凍飲，好大杯，抵食 d架。下次再黎就要試試等二款了。

叫左個黑椒🐔扒乾撈線$38，加$5要🍋水. 單看賣想，好okay啊。。撈下d面和餸。。吓，甘多水。。食完都仲有幾匙湯餘。。甘叫”乾撈“?!黑椒🐔扒係炸完，加2匙黑椒醬上去😕。有大量雪菜和滷肉碎，本應是很香口的，奇怪係d雪菜好似泡過水，完全無味😔成碗野， 除咗份量足， 花生脆之外，冇什麼可讚😓。中午時段去食，人多，座位迫， 上菜慢。 埋單時仲好笑， 總金額模糊了， 收銀姐姐連38+5也計吾到， 我話43佢仲要找計數機。

米線好食過譚x,小店有heart,就算是額外加雞翼是3隻，雞翼入味，大腸又入味，酸菜亦見有炒過，不是死酸，水果茶值得一試，跟餐加$15，另外叫$28，水果入面有蘋果，梨，番茄仔，青檸，橙，檸檬，楊桃，百香果，一點也不hea,希望多點人幫襯有heart小店

今天到這家開業不久的皇后米線，雖然未到七點晚飯的peak hour，但店內的客人數量算不少。不過點餐後很快便有食物送上枱，今天我點的是海帶滷大腸牛腩米湯。由於我不好吃辣，所以要了原味，茄湯、麻辣和辛辣要另加$2。說回我點的米線，賣相很不算，但份量好像偏細碗，我一個女生吃完整碗都不覺得飽肚，所以有朋友同行的話，不防可以加點小食，又或是加錢多加幾款餸。至於味道方面，米線很滑和煙韌，牛腩也很好味，不過滷大腸則有輕微騷味，連我這麼愛吃豬大腸的人也有點介意，另外海帶也有點腥味，大家點這款米線時要注意。

又係急急腳搵食午餐，見呢間門面都幾吸引，就入左去食一個米線，而我本人都好鐘意食米線架！入面的姐姐都好親切，雖然人手唔算好足，不過都睇得出佢地好想用心快手為你服務。我叫左個紅燒肉生菜小鍋米線，清湯，同凍檸茶少冰，杯飲品幾大杯，不過可能少冰，就好似甜左D,下次要叫少冰少甜。米線的質感係我鐘意的冧身，好多酸菜，好少辣，生茶和肉都算幾多，紅燒肉有少少肥，醃得幾香，都夠冧身，幾好味，好夠熱，令人食到返尋味！

反工成日經過，從來都無留意到里度有間米線店，今天约左人傾野，又末夠鐘，出到來咪周圍行下望下，成個鄉下佬甘。 我係門口比個海帶小食燈箱吸引到(除左海帶仲有好多，例如木耳)，但海帶係我至愛小食之一。入到店舖里面，除左我都係得三幾個客人，D亞姐都算安靜，有個男人應該好留一意我，因為我一有動作，佢就很快係我附近，幫我落單，仲差D成個人扒係枱上先上海带，正ah酸酸辣辣好開胃加上海帶爽口岩晒我口味，值得推介大腸米線(肉就無味)，個湯底比較淡，忍吾住將海带D汁倒落去個面度一齊食，成個感覺吾同哂麵質oK(但吾係出色)，但用煲仔上有驚喜，可以keep得熱D，我食面最鐘意熱辣辣。最後來杯凍lemon tea,甜到ah ma都吾認得，飲左一啖就放棄，D糖漿吾洗錢，一定係，除非吾係

放假時當然要周圍去走走，與友人們一同到了中上環一帶行行懷舊小店、尋尋古舊的建築，而且還可以拍拍照，準備過一個開心的週未！🤣🤣🤣行完差不多一整天當然要坐底醫醫肚啦！選擇了一間不太起眼的上環小店！滷雞翼米線～雞翼滷得十分入味，有淡淡香料的味道！米線份量十足，十分飽肚！🤣🤣苦瓜黃豆排骨湯～此店有不少老火燉湯選擇，材料十足，燉湯清甜，十分像媽媽煲的老火湯一樣！愛飲湯的絕不能錯過！凍檸茶～大大杯，茶底不會苦澀，正常的選擇！價錢十分大眾化，味道也不錯！👏🏼👏🏼👏🏼

晚上冇乜胃口，想到這店的米線不錯的，再嚐一次。叫了肉片米線，另加炸豬扒。這次進步多了，第一次光顧時，由落單到送來，足足等了廿分鐘。但今次落單的爽手，上菜速度也進步。先來碗肉片米線，看是清清的，但味道是足夠，我喜歡，因為不會過濃。最怕深色那些店，湯又油又鹹。這裡的湯底幾好。豬肉片白白色，但不淡味，而且很滑。塊炸豬扒，只加$8，都算大塊喎。很抵哩！外脆內軟，粉皮不會太厚，黏貼豬扒，很好味！下次試下酸辣先。

晚餐來試紅燘五花肉，上菜都幾快，飯餸分開我最愛。蒸飯比上次進步，飯粒一粒粒的，不像上次咁淋，份量足夠。五花肉的味道，我覺得是鹹的鹵水汁，肉質略硬及乾，皮煙靭，質感是可以的。只是味道偏鹹。最欣賞的是伴有幾條青菜，幾靚的菜心，好健康，又滿足。因為肉鹹，最後我要加$5叫了杯凍鴛鴦。啤酒杯，幾大杯，味道濃，啡味夠。下次再試下酸辣米線

晚餐同午餐都是同一餐牌，價錢沒有異同。叫了冬菜蒸魚飯，但是來了梅菜蒸魚，冇所謂啦！蒸脘魚，都幾大，面上舖著梅菜。梅菜沒有什麼味道，而且過淋。舊蒸魚，很滑啊！而且感到魚肉的鮮甜，還配了幾條生菜，十分健康。還有配飯，應該也是蒸上的。面頭飯粒幾靚，但食到底，飯粒開了淋了。$38蒸魚飯，不包飲品。我覺得晚餐來說，十分抵食。