皇后米線 (皇后大道中)

营业中

休息中

經外賣平台點的米線，第一口已嗆喉，一整碗都是醋，不是湯，餐廳不願意退款，外賣平台只賠償$15 ，白白浪費了$66和食物，連肉也是酸的，完全不能進食，影響了一整天心情，現在已生意難做，為什麼不認真做生意？

頭先想講吓呢間餐廳嘅服務員態度非常好，而且好熱情🥰🥰。正當我喺門口糾結緊要唔要入去試吓呢間餐廳嘅時候，餐廳入邊嘅女侍應就推開到門問我要唔要入嚟試吓，而且佢係面帶笑容非常友善，果下我即刻俾佢嘅親和力吸引到。然後二話不說就入咗餐廳試吓，所以呢間餐廳嘅服務態度同埋親和力絕對一流🥰🥰✨✨。萱其次，當我入到餐廳嘅時候，我見到老闆娘親力親為為餐廳嘅每一位客人服務，係幫我點餐嘅時候同埋為我加飯嘅時候都係面帶笑容非常好態度👍🏻👍🏻👍🏻👍🏻。咁就梗係唔少得要降吓佢嘅食物，$59可以一湯一菜一餸一飯真係好抵，佢個湯仲要係好好飲，而且蟲草花燉𦟌肉，唔單止個湯好飲，而且個肉嘅份量都好夠，你可以當成第二度餸！跟住講吓佢嘅牛腩，牛腩我覺得就中等好食，喺水準以上！不過就會有啲牛腩有啲韌，但係整體嚟講都唔錯。仲有佢有多一碟菜俾你食對於要食菜嘅人嚟講真係太開心🙌🏻😂！！跟住仲有最重點係佢可以加飯！！再講多次佢可以加飯！！對於一啲食量大嘅人嚟講，簡直就係恩物🤩🤩🤩！！！所以整體嚟講$59有呢一個嘅體驗真係非常好✨✨✨！！！

估唔到啲飯同埋湯真係燉出嚟，好夠熱👍🏻又有唔同燉湯嘅選擇可惜餸嘅份量就少咗啲，雖然味道都好好菜方面，唔會太多汁油，我覺得配合濃味嘅大腸同酸菜一齊食，就好夾啦

#皇后米線we walk pass it many time.hopefully find a place to eat dinner.we encourage ourself to try one time as i always said, all resto deserve one chance.so we walkin.place are narrow. the menu sticks on wall.whole deisgn is just like china place.we expected the food likes china taste.we order two rice noodle.noodle texture good , chewy, not overcooked.but the soup is very tasty. but it is very clear. u cant see and meat inside.by the taste we know, it is china chemical soup.we called it. elementa

晚上9點45分去到買宵夜，入到去一個客都冇，得老細兩公婆，環境又好一般，可以講有少少污糟，都覺得有少少伏。本身係想食個酸菜魚米線，入到去老細有呢樣又嗰樣又話食雞翼又話食豬扒，我話我要食酸菜魚米線，佢就同我講係剛剛有個新出套餐，魚蛋米線，我就同佢講我係要酸菜魚湯底小辣，佢就話得得得得得得，跟住又夾硬叫我食個套餐整咗杯水果茶，本身48蚊變成68蚊。好啦，過咗幾分鐘佢包咗碗米線出嚟我已經重新問佢我要酸菜魚米線，點知返到屋企係一碗清湯魚蛋米線，個湯底仲勁鹹。絕對冇下次，blacklisted

今次終於有機會試吓呢家鬧市中嘅隱世美食天堂，牛腩米線真係不得了！🐄 牛腩煮得軟綿綿，牛味夠濃郁，咬落去真係咁滑咁香，正！加埋辣得啱啱好嘅湯底，辛香惹味，係咁陣陣暖笠笠上心頭。雞翼亦都好得意，酥脆外皮包住多汁嘅肉，食落去啱晒鍾意食雞嘅朋友😉。豬腸米線，我要讚一讚，豬腸清洗得非常乾淨，柔軟唔會有難聞嘅氣味，夾埋米線食，真係超滿足！我建議各位唔好食得太著急，慢慢享受呢個美味旅程，細細味每一啖嘅完美。整體嚟講，呢個經驗係非常正！實話告訴你，我已經諗住下次再黎探頭探腦啦！🍜🔥😌

第一次試呢間，叫左外賣兩碗米線，一個黑椒雞扒，一個紅燒肉加雞翼。個雞扒同雞翼係咸到唔食得，可惜我唔係堂食，如果唔係一定會退，真心我寧願食南記/譚仔好過，中哂伏，一啲水準都冇…..

因為今日夜咗返市區但又唔想食西式快餐，就搵咗十點幾仲開的皇后米線。叫咗茄湯豬扒時菜米，到左之後先飲咗一吓湯，雖然應該有落茄膏但仍有鮮茄肉喺度，而且夠温度，時菜就硬咗少少但都唔算生，米線淋度剛好，所以唔錯。豬扒都係即炸所以都OK ，味道係一般大路小食店咁入到口唔算特別。以$44堂食來計加上冷氣夠凍，算係咁啦！

我叫左酸菜大腸米線，中辣味，酸菜得幾粒，但味道似雪菜多過似酸菜，😭啲湯淡而無味，淨係得個辣字，麻辣味一啲都係，其實真係吾知想點！上環咁多餐廳，我吾會再揀佢囉。

所以話口味嘅嘢人人唔同呢間米線響Openrice好多喊喊🥲但其實又無咁差啵叫左個撈米線套餐滷水腩肉好老實覺得一般但個撈米線係真心唔錯😗仲有青瓜絲，酸菜，花生伴食而且套餐可以揀燉湯或者招牌水果茶（真係真材實料燉盅燉湯，唔係味精湯）Set價錢只係50幾蚊🤩咁嘅價錢咁嘅質素，我真係絕對比唔落喊喊下次去會試其他餸或者客飯套餐🤭📍 #皇后米線 (#上環美食 )#上環 #皇后大道中 370號地舖美味指數：☻☻☻☻抵食指數：☻☻☻☻☻性價比： ☻☻☻☻☻

今日去左你地九龍城店食野，向你哋店員落單時叫豬腩肉米線餸，圖中店員叫我地「望吓張紙」，重複咗幾次呢句，首先我哋唔知佢講咩紙，再三詢問下先知原來喺收銀處貼咗張紙係寫冇咩餸，然後原來佢係想表達冇豬腩肉，其後因為店內冇嘅餸太多，所以我哋都行咗出去兩三轉最後先成功落到單，店員話叫我哋自己出去睇係因為佢今日已經講咗好多次，講到口水都乾，但我哋作為食客今日只係第一次光顧你哋，亦都係最後一次然後進食期間，其他人叫咗一樣冇嘅餸卻沒有叫客人出去睇，而係會直接告知，自問我哋都算好好禮貌，落單時有叫唔該，落完單都有講唔該，唔明呢位店員發生咩事要顧客受氣最後臨走時因為我哋其中一人係坐喺收銀處隔離，店員直行直過撞到我朋友，身為服務業員工連一句唔該借借或者唔好意思都唔識講？

無味，得個辣字，好淡 唔知食左啲咩。 極失望叫左酸辣米線，點知完全一啲酸同咸味都無。 自己煮仲好食過佢。到塊雞扒，又薄又唔好食，乾爭爭，好似得雞皮咁，建議唔洗特登去搵呢間野食，極為失望。

呢排都好想食撈米線，但港島好難搵到一間好味嘅米線舖，咁啱見到呢間叫自己做「皇后米線」就入去試吓先黑椒雞扒乾撈米線雞扒新鮮炸起，粉漿有啲似連鎖店嘅炸漿仍保持到脆口，而黑椒一早已經混入炸漿所以大有濃濃黑椒味反而雞扒份量唔多，肉質感覺上有少少梅但冇酸味嘅失望嘅係明明叫乾撈米線，但係水汪汪似係湯米線多啲酸菜嘅份量好慷慨，但略嫌過多搞到成碗麵好鹹好重口味反而鍾意佢米線嘅質感，爽身偏幼身比較彈牙份量比較少，加上環境衛生有待改善，食完都唔係好滿足

既然叫得自己皇后👸我估應該唔太差？（可能只係因為佢位置係皇后大道上面😹▪️麻辣豬耳撈米線酸辣要加$4，麻辣加$2。為了有啲辣又唔想加錢就選了麻辣豬耳😂🙈豬耳份量唔少！但米線偏少～ 味道不過不失！

🐈✨✨✨✨✨✨✨✨✨🍽 皇后米線📍 上環皇后大道中370號地舖公司附近一間細細嘅米線舖，舊同事臨走之前同我講話好好食可以去試吓，如果結果好食!!!佢有好多唔同嘅米線揀，有普通米線/撈米線/燉湯，我就食開湯米線～👨🏻‍🍳🤳🏻時菜紅燒肉米線 $38❤️‍🔥呢個價錢份量真係算性價比高🥹 有幾舊紅燒肉，肥瘦適中，勁入味，仲煮得幾好好易咬開😍 我嗌咗酸辣微辣都辣到完全頂唔順😵‍💫 叫多咗碗清湯俾自己🫣😂之前仲叫過時菜冬菇滷雞翼米線外賣，個雞翼好出色🥹🥹🥹❤️‍🔥 冬菇都夠曬淋 🥰 個燉湯好多料🤓米線控/中上環翻工/咁啱喺附近都可以去試下~ 雖然同區可能有好多其他打卡cafe/餐廳，但呢間都好值得去試下!!😙