皇后飯店

营业中

休息中

叫咗個tenderloin + 鵝肝，鵝肝OK，但個扒有好大浸雪味，唔值呢個價。Not recommend 🫠另外仲叫咗個魚俾阿媽，但阿媽都唔滿意，味道一般，都係唔值呢個價。

兩個人係黃竹坑The Southside搵地方食晚飯，亞仔提議去Queen’s Café。之前食過幾次北角港運城分店，感覺不過不失，都知道係高級版快餐店，但今次感覺差咗好多，dinner set 二百幾蚊有two course，加多幾十蚊有three course，我地怕食唔晒，所以各自叫咗two course，除咗main course，仲可以揀湯或appetizer二選一，我地揀咗是日餐湯：粟米忌廉湯，湯單價要$79，main course揀咗俄國牛柳絲飯同比目魚意大利粉，單叫都要二百幾，即係叫set變相送湯同飲品。收得呢個價錢，但食物冇水準，粟米忌廉湯冇乜料，絕對唔值80蚊，仲要俄國牛柳絲飯係店內signature food！我覺得大會堂間Maxim’s Café 嘅俄國牛柳絲飯出色好多，可惜已經執咗～比目魚超多魚骨，suppose煮簡單食物但收得貴，價值就在於工夫，但整體感覺係，湯+主菜+飲品都係街邊茶記質素，攞5百幾蚊去食Pizza Express仲好味過佢！

由於公司喺附近，所以一路都有幫襯開近排水準好咗好多午餐嘅咖喱都好好食有時放工就會食佢哋嘅鵝肝加龍蝦芝士龍蝦焗得好香，蟹鉗仲會幫我拆埋殼個鵝肝仲有合桃伴碟真心好食原來而家仲有出牛油雞卷 不過應該冇乜人知我都係響Menu度忽然間發現 估唔到個牛油雞卷最好食嗰part係個薯蓉 嗰啲牛油同埋雞嘅香味，溶咗落個薯蓉度真係好好食 感覺尚味道有啲似灣仔年代估計應該轉左廚師團隊啲食物好似有heart咗好食到我隔咗兩日都帶咗媽咪嚟食多一次始終牛油雞卷，唔係好多地方有得食

以前我係又一城間 queen’s cafe 嘅常客，今次特意去到南區試呢間重新開業嘅 queen’s cafe。明顯比以前又一城嗰間細咗好多，門面同裝修就幾好，服務同衛生滿意，星期日夜晚入座一半都冇。我同另一半各人叫咗一客晚市套餐，我就叫咗西冷牛扒，我嘅另一半就叫咗牛柳配鵝肝，兩者都7成熟。另有麵包同經典羅宋湯。羅宋湯可謂 queen’s cafe 嘅經典，水準得到保持，但d麵包好硬，難以下咽。西冷牛扒我覺得唔錯，同以前水準持平，但個牛柳好厚，好老又乾，小d牙力都唔得，有d令人失望。兩個人最後接近800蚊埋單，希望餐廳可以正視水準下滑嘅問題，唔好敗壞咗 queen’s cafe 嘅聲譽。

剛喺呢個新商埸睇完戲想食埋晚飯， 行過見到呢度有間皇后飯店，記得上次去皇后飯店都已經是十年八年前嘅事。當時我最喜歡食佢哋嘅《羅宋湯》，《焗豬扒飯》，《薯仔沙律拼俄國雜錦火腿》。 今次咁有緣見返呢間港式俄國西餐廳， 都想再回味吓佢哋做嘅焗豬扒飯。因有點倦，最後決定外賣一份焗豬飯回家食。 等候焗豬製作時睇吓餐廳個menu，食物款式選擇唔多，餐牌上依然保留餐廳過往出名菜式，食物定價進取， 一份牛扒餐，算上平均$3xx幾， 對我來說， 這個價錢我可在其他餐廳有更好選擇。個焗豬扒飯睇落唔錯， 茄蓉汁配上大量蕃茄青豆等配料 ，調味得宜，味道甜甜酸酸 。 豬扒薄切煎香，鬆化軟淋夠入味。 炒飯底乾身唔太油，加上汁醬，豬扒一切食， 好味，舊時食過嘅回億味道返晒嚟。呢個焗豬扒飯仍算出色。

I recall always passing by this restaurant in north point though have never had a chance visiting it. Was tempted to try the baked pork rice on the menu so we had a go.Lunch set— $130 with soup and drinks. It’s pretty pricey in my opinion, given that the quality is not rather outstanding. First up with their soup, I personally find the borscht akin to the typical ones you’d get from a Hongkongese western diner. Nice to find plenty of veggies and even a bit of beef brisket in the soup, plus it ta

在黃竹坑食夜晚飯，之前都諗過想食皇后餐廳，今日平日冇乜人走入去試一次，入到去睇到餐牌其實好似選擇唔多，同埋價錢好似有一點貴…..最後選擇左個牛尾，佢可以選擇白飯同意粉，就要左個意粉（但涼的），另外一個海鮮意粉…當晩得三四台客，比較清靜… 牛尾來到其實入到口，但係最難接受係得三舊牛尾（兩粒細一舊大）大家都知牛尾中間係舊骨，可想而知根本碟牛尾冇肉食，仲要$250未計+1😅😅😅海鮮意粉就正常發揮….OK嘅, 但同出邊一般的餐廳冇乜分別，另外叫咗兩杯Mocha , 正常價錢40幾蚊, 但杯野真的不理想😅😅所以只此一次，下不為例⋯⋯同以往銅鑼灣的皇后餐廳相比真係差勁了.如果都係咁，半年應該難維持喎⋯⋯今晚兩個人食咗$660，真係都幾貴，唔值…..🙈

已經開了差不多一年的皇后餐廳，最近終於有幸去嘗一嘗，平常午飯時間的時候總是大排長龍的皇后餐廳，今次終於鼓起了耐性去等待。原來他是有最出名的一款午飯其中就是那個焗豬扒飯，他配合一個餐就會有一杯嘢飲送。如果說豬扒飯是周圍的快餐店都有得吃的話，這裏的豬扒飯真的對得起他的價錢，雖然比起其他地方或快餐店的豬扒飯，感覺上價錢相對貴了一點，但他的味道真的不是蓋的。非常濃厚的茄汁味及很厚的豬扒，配上白飯真的令人非常之開胃。

上星期因工作需要，跑到南竹坑，中午搵飯食時，見到一間好耐好耐無來過既餐廳，細路時，家人曾帶我食過，相隔已有好多年，在這個新商場見到這餐廳，好有親切感，自己一人來，都要入去食番餐。中午時段，好彩早早坐低，一會已要等枱，午市套餐有八款可選，記得細路時是食皇后焗豬扒飯，可今日被D餐~紅酒燴牛肋條配闊蛋麵吸引，選了D餐。餐湯羅宋湯好濃香主菜紅酒燴牛肋條，好入味，牛肋條好淋，一咬已脫骨，配菜蘿蔔都好好食。闊蛋麵，我個人不太喜愛，如果是天使麵或意粉更好。

首先等咗成個鐘先上齊嘢 (嗰陣得幾枱客)三舊水嘅扒份量仲少過我拳頭 嗌5成熟都又老又柴 叫佢第二次再上都仲係咁 建議佢哋去學下數學5成同十成嘅分別喺邊先😁套餐+80先多杯野飲同個湯加包 野飲仲要淨係可以加咖啡 茶嗰啲 講嘢啲侍應扮聽唔到 大佬你想扮聽唔到就唔好咁心虛喺到行嚟行去😅環境都相當嘈 最後埋單人均四百幾 但係換嚟嘅質素十分唔成正比 完全係茶記水平 價錢貴 份量少 食物質素差 環境差 服務差呢間唯一嘅好就係連星期日夜晚都唔使排隊😁

sirloin,tenderloin,lamb filled當晚同太太去黃竹坑一個新商場食晚餐，當晚大約7點半入座，餐廳大約坐了一半食客左右，我一座下就落單，落單後大約30分鐘左右就嚟西冷扒，5成熟剛剛好，之後牛柳，羊扒都到，全部5成熟，煎得非常好，味道很好，配菜都很美味，最後食甜品香蕉船，做法很以小時候的模樣，非常好味，到差不多8點45分才離座，當晚真是一頓非常美好的一餐，加上服務差到非常貼心，令到我和太太二人非常滿意。

9月28號一家人去食生日飯,我們一家四口,我老公叫左西冷4成熟,我個女叫左肉眼5成,我個仔叫左牛柳鵝肝3成,我就叫左豬鞍,點知黎度,全部無10成都有9成,硬過我條命,切度手指痛,諗住成3百蚊嘅扒,會有番咁上下水準,點知差成咁,點樣攪好香港經濟呀～以後我都唔會再去

🌻🐷🐷🐷約會又是找餐廳的時候，由於我們有工作坊會一齊去出席，所以選擇較近金鐘站的餐廳，今次揀了黃竹坑站Southside的皇后飯店。🌻皇后飯店北角分店都一齊去過，大家好鍾意！知道有新店開張，好想去試試，因為我們都喜歡探店。黃竹坑店佈置不及北角舖，懷舊的擺設沒有，一般西餐的設計，有點遜色，看食評評服務態度不好，但當日服務正常，不是差評。🌻翻看餐牌點餐，當天有供應午餐，我們選擇單點加自己喜歡的湯或飲品。鵝肝多士$90鵝肝香口是日南瓜湯+$80南瓜味濃羅宋湯+$80湯香濃蟹肉牛油果青瓜沙律$148清新組合燒羊架配椰菜花烤薯仔蘑菇$288羊香口扒海虎蝦、雪魚扒配牛油檸檬汁$288魚香口嫩滑、蝦爽口其實想經濟啲可以選午餐，普遍客人都點午餐，下次再去會選擇！

今次嚟到黃竹坑嘅Queen’s Cafe食lunch。佢哋平日有lunch set,每個set都有配餐湯🥣、餐包🍞同飲品☕️（凍飲唔洗另外加錢㗎😏）。我哋下午1點左右去到都唔洗等位😊我哋叫咗2個lunch sets:✅鴨胸紅菜頭沙律🥗$118份量幾大，配沙律醋，酸酸地幾開胃😋鴨胸同紅菜頭都唔少，食完係飽肚的👍🏻✅澳洲和牛漢堡配薯條🍟及沙律🥗$158新鮮熱辣出爐。和牛漢堡幾juicy👍🏻配大量薯條🍟2個人埋單（連加一）$304，lunch嚟講都幾貴。不過想歎西餐嘅可以考慮一下。

老牌的皇后飯店，Queen's Cafe，始於1952 年，是香港少有的老店。但它並不是一直在同一地點，甚至不在同一區。現在的新店在黄竹坑港鐵站，Southside 商場內。餐廳是屬於貴的，午餐套餐百多元一位。我挑了經典的焗猪扒飯套餐。這裡是真材實料的，落足配菜，味道不算驚為天人，但客人大概是收貨的。皇后飯店的原型是俄國餐。所以它的羅宋湯是必點的。蕃茄薯仔红蘿白洋葱西芹，落到足，絕不手軟。還見到很多的碎牛腩。麵包則很一般，露了底。偏硬。是不是當天的新鲜麵包？我不肯定，多數唔係。焗猪排飯，也是很足料。again，蕃茄红蘿白洋葱西芹磨菇，鋪滿。一般坊間的茶餐廳所不能及。至於塊猪扒，就... OK 啦，合格的，但不算很出色。飯呢？普通，不覺得它有炒過，但卻又有碎的炒蛋夾在裡面。餐茶叫了熱咖啡。 OK。埋單，連加一，是 $ 151。怎麽講呢？我並不珍惜這一百多元，但這種老牌店，客人專誠跑去，是想找回昔日的感覺，這裡卻未能滿足，没有懷舊的感覺，座距又太近有如快餐店，工作人員太稚嫩，無甚出錯已算萬幸，難言有甚麽貼心招待。事實上很多細節位，是可以做得更好的。我是有去過以前的皇后飯店。最初的利園山道就