皇后飯店

营业中

休息中

以前去過北角分店嘅皇后餐廳，但始終感覺都係舊式嘅港式西餐，所以都好少幫襯，12月見到黃竹坑開左新商場，當然要睇下有咩好嘢食，見到黃竹坑分店嘅menu好驚喜，除左有d懷舊嘢食，仲多左好多新嘅食物，睇落都好吸引😍其實聖誕已經幫襯過一次，叫左個龍蝦意粉同牛扒，意粉真係好岀色，好好食，另外牛扒都好滿意，因為完全冇落鬆肉粉（我好憎食個d醃製牛扒），所以上次已經諗定下次試下其他新嘢早幾日再幫襯，發現呢度嘅燒雞都好好食，好特別，真心推介大家試下，不過一向冇相機食先嘅我，冇影到相share比大家睇但唯一失望嘅係樓面嘅service真係要改善，樓面好似唔識得主動serve客人咁，應該有個我估係經理嘅男人? 對客人嘅語氣同對staff講嘢嘅態度都麻麻，有個種舊式西餐d old seafood嘅態度 平時都好少打食評，但黃竹坑開左新line嘅皇后餐廳，我實在太開心啦，係南區嘅小確幸，食物質素真係幾好，係值得去試下嘅，唯一係樓面招呼改善下就會好好多

無得旅行就留港消費吧, 去黃竹坑呢個新商場閒逛, 開既鋪頭唔算好多, 食肆有幾間, 呢間皇后最多人, 等左一陣先入得.餐廳環境夠寬敞, 坐位舒適, 感覺好relax. 燒羊肉骨扒配青豆蓉烤薯仔蘑菇, 羊肉骨扒脂肪平均, 肉質唔會太乾, 夠軟腍. 青豆蓉夠特別, 入口又唔覺淡味, 感覺好健康, 夠清新, 解左肉既飽濟感.西冷牛扒配薯條, 七成熟恰到好處, 雖然牛扒都比較厚, 但係肉質一樣保持到軟腍, 而且肉汁豐富好juicy.薯條即炸夠香脆, 雖然熱氣但令人越食越想食.加埋周打魚湯夠creamy, 湯夠濃郁, 材料豐富, 飲完好暖胃.

相信大家都認識皇后飯店，皇后飯店係一間幾著名嘅老店。老店搬咗過嚟黃竹坑，今日老公放工後約咗我過嚟食晚飯。餐廳裝潢好精緻，好得體，係一個好適合食西餐嘅地方。1.皇后經典$248我地叫咗個餐廳經典嘅套餐，套餐有湯、主菜意粉同飲品。羅宋湯好香甜，蕃茄味好濃郁，有好多蕃茄蓉。雜菜有西芹、紅蘿蔔、椰菜等等，用料好足，而且雜菜已經煲到好軟淋～ 經典俄國牛柳絲意粉意粉煮到剛剛好，口感唔會好淋，有啲咬口。意粉超得香噴噴好惹味。牛柳絲份量多，牛肉味濃，調味都好好。咖啡或茶Set仲配有咖啡/ 茶。2. 頂級肉眼扒配薯菜$338頂級肉眼扒都係餐廳必點之一！肉眼扒大大快，表面煎到微焦，特別香口。肉眼扒肉質軟淋，牛味香濃，點少少鹽已足夠。薯條新鮮、熱辣辣，啱啱炸起好香脆，點埋蕃茄醬一流！周打魚湯$78周打魚湯好creamy，好滑，飲落好濃郁，另外有啲魚六～蒜香炸雞翼$88炸雞翼即叫即炸，食落好香脆，外皮薄薄一層，好酥。雞翼依然juicy，充滿肉汁。

黃竹坑竟然開皇后餐廳， 我身為忠實fans, 係又一城幫襯咗十幾年， 舊年關門後， 到年尾聽到朋友介紹， 在黃竹坑開新分店， 即管試下去捧場， 仍然食到 ，保持水準的焗豬扒飯， 羅宋湯稍稍失息， 但同坊間餐廳水準比較， 相信仍然維持全港頭二名以內， 因為好多餐廳已經走樣， 焗豬扒飯 ，始終保持應有水準 ，值得一讚， 餐廳走全新風格裝修路線， 同又一城老店， 北角分店， 截然不同 相信餐廳希望吸納新一代食客， 值得支持， 服式上亦有大量改變，唔再黑褲白恤衫， 食物維持以往水準， 全間餐廳亦畀人有活力嘅感覺， 服務亦可以維持在關心顧客嘅水準， 只見一位打著領呔的中年男子， 可能係餐廳supervisor， 非常體貼地問 ，食物水準是否保持？ 食物如有任何問題， 都可以向佢反應， 我哋的反應 ，先係對呢間餐廳最大嘅支持， 今時今日 ，邊度仲有集團式餐廳 ，可以有咁嘅服務與關懷？ 又要畀個讚， 埋單後， 仲要畀張公司卡片我哋， 提議需要訂枱，可以直接打公司電話， 會盡量安排我哋有舒適嘅位置， 我自己一個人落去食飯， 都可以如此細心體貼， 食物水準亦能維持高質素， 好難唔叫朋友一齊再去捧場， 一

服務好差，坐樓面嗰位疑似經理嘅中年男士態度極度惡劣，擺出一副高高在上嘅姿態同客人講嘢，對其他員工亦都呼呼喝喝，食物都普通，就算呢度未開其他餐廳，都唔會再嚟，貼錢買難受

知道黃竹坑開咗皇后飯店，所以專程去試一試。結果去到只係得午餐供應，冇其他選擇選擇。我哋揀咗焗豬扒飯同龍脷柳。先講焗豬扒飯，份量細到以為係比小朋友食，龍脷柳味道好一般。而餐湯一紅一白尚可，咖啡就完全不能接受。好希望佢嘅食物水準可以回復當年灣仔分店嘅水平。佢價錢唔平，食物又咁一般。好難會去第二次。

我第一次打食評因為覺得食物及服務非常差!忌廉湯唔熱, 係凍凍地豬扒飯唔熱, 豬扒入面係凍食牛扒想落黑胡椒, 佢哋竟然冇!員工不知道在忙什麼, 舉手五分鐘做冇理會不會再來!我第一次打食評因為覺得食物及服務非常差!忌廉湯唔熱, 係凍凍地豬扒飯唔熱, 豬扒入面係凍食牛扒想落黑胡椒, 佢哋竟然冇!員工不知道在忙什麼, 舉手五分鐘做冇理會不會再來!我第一次打食評因為覺得食物及服務非常差!忌廉湯唔熱, 係凍凍地豬扒飯唔熱, 豬扒入面係凍食牛扒想落黑胡椒, 佢哋竟然冇!員工不知道在忙什麼, 舉手五分鐘做冇理會不會再來!

細個嘅時候跟屋企人食西餐耐唔時都會去銅鑼灣間皇后飯店今日特意來到黃竹坑找尋兒時的味道新店嘅 Southside 商場第一次嚟 泊車輕鬆 不過未有太多商店進駐星期日人流唔多餐廳裝修古典輕奢風格 氣氛舒適 坐得舒服羅宋湯濃郁 唔係味精味 吃很出真材實料餐包微熱帶脆 有誠意係略嫌未有上麵包碟其實最想食到嘅係忌廉周打魚湯希望佢哋之後會做返啦英皇飯 即係雞皇飯 保持舊日美味 雞肉鮮嫩 汁有雞和疏菜鮮味 好味 😋喜歡薯條有以前薯波波的質感整體好滿意

每次新商場開都會去睇吓，見到有皇后飯店依舊有啲人排隊，等咗一陣就入去試吓。好耐冇去過皇后，以前成日同同事去又一城嗰間食，今次新開就睇吓。飲咗個羅宋湯，主菜英皇雞飯，咖喱魚羅宋湯牛肉味好重，唔係茶餐廳嗰種羅宋湯，有少少辣。果然係招牌羅宋湯值得推介有埋熱嘅餐包，不過就焗太耐乾咗，同侍應投訴佢換咗另一個俾我。英皇雞飯，忌廉汁配雞髀肉，比較清淡，我比較重口味就未必習慣習慣，鍾意食忌廉嘅就可以試吓。 忌廉汁都算香濃。咖喱魚有驚喜，同以前皇后飯店嘅賣相明顯有進步，感覺冇咁古老，個魚皮煎得脆脆啱啱好，配咗咖喱汁喺底，有菠菜有薯仔皇后味道新嘅配搭同埋相。 睇得出皇后落咗心機改變，裝修冇以前咁古老，都幾多梳化位坐得幾舒服。服務就合格有待改善，啲侍應有啲生手。 可能係新開嘅原因，下次會再過嚟

落錯單，態度差，其實用QR 點餐仲好，用人手點，又要落錯單，仲要態度差。口味又吾話好好食，其實如果人手吾夠，就吾好將餐飲分開上，直接一次過上，想扮高級餐廳，但又做吾到高級餐廳服務，就不如學下其他快餐店

今日到咗boxing day🎄係聖誕假嘅最後一日啦🥀決定嚟黃竹坑新商場The Southside行吓試吓新餐廳。新商場今個月先開幕，原來仲未完全裝修好，好多舖位都仲封緊板。餐廳方面唔計呢間好似都係得一間茶樓、一間冰室同一間快餐店。話哂聖誕都想食西餐，就嚟咗呢間喇。我嚟到嗰陣係午飯時間，餐牌就係午市套餐我今次就叫咗皇后薯仔沙律配巴馬火腿，配是日餐湯同熱奶茶今日嘅是日餐湯係南瓜忌廉湯，賣相一般，味道就都幾好。餐包🍞味道一般，但都ok係熱嘅配埋牛油🧈主菜賣相唔錯👍🏻味道都好👍🏻沙律除咗薯仔🥔仲有青瓜🥒、紅蘿蔔🥕同雞蛋🥚，食落味道口感都幾好👍🏻旁邊都有配少少沙律菜🥬巴馬火腿🥓味道都算好鮮好有味，唔錯👍🏻餐飲熱奶茶☕️就一般正常發揮啦餐廳環境唔錯，有音樂🎶、裝修尚算雅致，座位闊落舒適服務方面員工態度就麻麻哋。有啲都仲ok嘅，有啲面上已經寫滿唔耐煩。有客人見同枱客人嘅餐都上哂就嚟食完，就叫個員工跟跟，員工就只係唔耐煩一句「整緊㗎啦」就算。我自己入座時帶位個員工諗緊安排邊個位俾我，另一個員工就一句「叫佢(即係我)坐嗰邊咪得囉」，雖然唔係直接同我講，但兩個員工喺餐廳兩邊大呼小叫真係好破壞餐廳個氣氛😅價錢

廚房和工作人員極度混亂點餐一個小時都沒有上齊菜沒有叫的飲品都照上最少上錯四次落單又落錯，如果下單時未聽不清楚為甚麼不問？枱號又冇，買單時又搞左好耐！隔離枱都不斷舉手投訢飲品很久都未到，但都無人理會如果未能服務到位，麻煩先培訓好員工做事速度，再開業！真心建議唔好來吃一肚子氣