皇后餅店 (已結業)

呢間皇后簡直不知所謂到極點呀!!有錯又唔認衰,啲CAKE可以有垃圾嘅!!!

TEA SET 唔多抵, 比散叫只係比多你蝴碟餅. 任何既CAKE 份量都幾細下, 味道都唔突出. 服務就OK, 去果陣成店得我地, 好似包場咁.

叫得自己做餅店,d cake好難食,佢邊有面子見到餅界既鄉親父老呀?tiramisu唔掂,食空氣,勁多cream,衰過美心blueberry cheesecake比一督仔blueberry jam就當係,cheesecake一d都唔香其他cake都唔得,硬到痺,好明顯係雪左好耐,價錢就值頭貴啦,佢既cake咁細件,我寧願比多少少真係去食大酒店好過!起碼唔洗比4星價錢一星品質都無!

我都同意佢係唔夠人手, 但係佢d service都唔係太差, 都叫做肯做呀. 希望佢地會改善下啦!!至於食物就真係唔多抵, 比較貴, 味道唔係好好0者, 比較好味係個羅宋湯, 好多料呀. 成日都好多人等位, 晚飯時間一定要等.

同意service超差,價錢勁貴而蛋糕質素普通,食cake我一定揀pageone唔揀呢度,大件d又好味d黎呢度只係會買鳥結糖,健怡曲奇都唔錯

我係復活節假期去過Queen's Konditorei ...當時舖都不算繁忙..但係個侍應好似好忙咁...我們叫了幾次佢先理下我們. 當佢走過來招呼時,佢又好似好趕時間咁又行開左.. 仲要好唔耐煩咁答我們..."出面的價錢的take away價.."又走開左.... 我們叫一次食物, 佢都走開了兩次... 後來, 我們落了order 啦.... 但係越諗越唔順氣,點解今時今日仲會有咁的服務態度????? 我同我個朋友都好唔順氣, 走了, 走時仲叫佢取消order... 咁的服務態度及價錢...絕對唔值..去過一次(雖然都未正式食過),但以後一定唔會再去,唔想貼錢買氣受...

價錢貴，食物差，去過一次後，一定不會再有第二次。

酒店價錢，但服務連茶餐廳都不如。<br />人手不足，似乎沒有店長，只有二個waitress serve 10 張檯，一個阿嬸沖茶，一個waitress 賣cake, 有時幫手serve table. 看來佢地係不滿工作量高，又冇人管，語氣態度十分差。<br />我離遠叫waitress，無人應，其中一個見我遞手，在櫃台處離我十呎叫出來問我要乜，又唔肯行過來，我唯有離番佢十呎叫番出去話我杯coffee 要cream, 佢好似聽唔清楚或者唔知cream 係乜，隔空互叫了一輪，佢終於明白，拿了杯milk 給我。<br />Tea Set 包一件cake 1 杯茶，每位$80, 二人set $140 再加一。單件cake 賣$25-$30, 即係杯茶賣$50, 仲貴過文華，雖然環境好，但絕對唔會再去，我會去樓上page one, pacific 或Key West，平多多也好得多。

皇后鳥結糖我由細食到大.皆因我媽咪係佢Fans~呢度d cake幾精美,環境又靜.傾偈一流!

a new one in New Town Plaza (Shatin)plus:bread is poor,cakes are good in appearance but taste are average and expensive

其實o係度坐下傾下計真係幾好o架~呢度d cake 好好味~推介鮮奶條...係甜ge 麵包~好好味!!

臨出街見到d 食評話皇后餅店d 鳥結糖幾正, 咁o岩我又約o左人去又一城食飯咪買o黎試下, 買o左奶油味, 都幾正哎, 好香唔太甜..見到裏面d 蛋糕同生果tart 賣相好靚, 希望下次有機會試下la!

去完澳門之後，就對鳥結糖情有獨鐘～之後又睇o左呢度的評語後，咁係前兩日就去o左買來試試喇～去到見到有好多種味道，咁我就首先買o左包花生味番屋企～的確幾好味～好軟熟～o的奶油味都好香～包裝都算幾靚．．．簡簡單單就是美～唯一缺點．．．就係價錢略貴下次去到，我一定會再試埋其他味道的～

皇后餅店的鳥結糖我都覺得唔錯,亦很出名和奶味香, 但"媚媚"介紹的"車厘哥夫"的紐結糖我都試食過, 真的很軟很花生香, 口感都不錯.每個人對喜好都各有不同, 就算唔同意都唔應該惡意去踩人地, 食評係舒發自己既感受, 你覺得人地唔0岩聽,自己都可以寫意見,但話人地bad taste, 自己就更無品,兼降低自己個格.

皇后餅店的鳥結糖真係好正!我係旺角MTR station 都試過..不過那兒的款式少o的...