皇埔滙海鮮酒家

营业中

休息中

今年新年年初三和親戚在這間酒樓食飯慶祝，食物味道十分出色，而且份量充足，當中炸蟹鉗十分好味，配雜果沙律，呢個搭配現在已經很少見。另外鮑魚鴨掌亦都分足料。另外糖水紅豆沙和糯米飯亦十分美味，龍蝦伊麵也十分出色，啲龍蝦剛剛熟，食落彈牙新鮮。只係掛住食唔記得影相。至於環境方面，我哋坐兩圍包房，食飯之前可以打麻雀同埋唱卡拉OK，可以先同親戚一齊玩吓吹吓水，再埋位食飯，而且房間位置闊落，職員服務親切，整體嚟講所有嘢都很好，價錢合理，會再黎encore。讚👍🏻

同家人一家大細一齊做冬！好多人幫襯…雖然要排隊…好彩唔洗等好耐只係等咗10分鐘就可以入座！裝修環境ok…地方乾淨舒適…餐牌選擇多…亦有特價菜選擇…食物有質素好食…店員服務良好…有笑容，order落單不需要等太耐…上菜快手！食完同屋企人可以傾吓偈…店員亦沒有催促…限時限刻埋單…不過見店外有人等位都唔好意思坐太耐！最搞笑有糖水添食亦都不太甜…啱我口味！同家人過咗一個開心的晚上…下次有機會一定再幫襯！👍🏻👍🏻

本身食物質素正常，臨埋單嘅時候check一check單先發現茶位收咗個Double, 我哋14個茶位，收我哋28個茶位，足足收多二百幾蚊，唔check單真係唔會知。同侍應反映，最後個經理態度好差咁樣走出嚟，就咁撻張單出嚟喺枱面，問佢拎泊車飛仲好串咁話一早唔出聲。今時今日咁嘅服務態度，就唔好怪人哋個個都北上消費啦，出嚟食飯仲要受氣

與多年係呀好友相聚，揀咗黃埔呢度食飯，好坐舒服，叫左燒乳鴿，好香好嫩口，燉湯好清甜，黑松露南非鮑魚，口感爽滑香口，臘味生炒糯米飯👍🏽，四川辣子雞，香，不過可以再辣啲，服務環境都很好！會再嚟😀

這間是朋友經常撞介的酒樓，在黃埔區內質素好的一間，今晚不妨試試，出地鐵行去約5分鐘，近住吉之島船尾果邊，隔離有大家樂、譚仔米線，都算易搵…我們3位共餐，見餐牌有火鍋套餐，見凍凍地打邊爐。 咗麻辣、清湯鴛鴦鍋，叫咗一條魚、4隻鮑魚、一份火鍋併盤有數片牛肉片、豬肉片、蝦4隻、什丸、鮮冬菇、芝士腸、金菇、幾片魚、菜放在碟底，賣相可以，另加一碟枝竹、豆腐卜～ 埋單幾錢$$300左右～

今年提早同屋企人食中秋節飯，經朋友介紹選擇去呢間皇埔匯海鮮酒家試試。不是中秋正日都已經全場滿坐，所以當日上菜慢左少少，但可以理解。服務員態度不會人多而態度差，仍然笑容滿面。值得一讚。食物方面質素好好味，份量充足。其中一味花生大豆芽好特別，夠爽口，值得一試。龍蝦伊麵同其他酒家煮啲伊麵質感有啲唔同，但反而我比較喜歡食。其他餸菜都好味。而本人最愛就係碗翅，因為夠足料。紅豆沙湯丸簡直無得頂。大家不妨試試。

試新嘢……..試新嘢!朋友介紹第一次去值得一讚，屋企人生日，魚翅可以用筷子夾起，扁皮鴨皮薄，第一次食嘅椒鹽鮑魚外脆內軟、食物質素可比5**⋯⋯服務員經常換碟，茶水都10分足夠，大家都不妨一試

今晚同朋友做生日順便提早做埋中秋節，又揀左黃埔哩度食飯 皆因上次試過認為唔錯餸菜方面今次都好好味啊 嗌左條牛肋骨啦(老細話平時訂定好 因為唔係經常有😭😭）咁我都明既 好野唔會成日有。叉燒必叫（燶邊半肥瘦），小炒皇送酒就例牌（夠鑊氣韮菜花亦無渣），老細介紹食條鹽煎老鼠斑，仲有半隻雞添（雞好滑 仲有芝麻香味）我自己最滿意隻雞 可惜無影低個姬松茸栗子雞湯好精緻可愛，一杯可以品嘗又唔會撐胃，香甜無得頂絕對落足料去燉，最後送上綠豆沙，完美結束今次飯局

經常前來的一家酒家，會堆介朋友來，價錢公道食物好味，我們一行八人，求其點了各式各樣點心，上枱後，點心賣相精緻，名副其實好味，不會有中伏感覺。一定會再前來幫襯～ 正正正

中秋前夕，與家人到酒樓慶祝中秋節，沒目的吃什麼東西，看餐牌時候，侍應推介煎方李魚，心諗不妨一試～ 上枱賣相唔錯，香脆可口。龍蝦伊麵，芝士伊面底芝士汁煮得出色，好掛汁～ 黃埔區最好的酒家～

今晚同朋友食中秋飯，介紹左黃埔哩間酒樓，哩間酒樓啲野又幾好食。小炒皇，夠鑊氣。叉燒，半肥瘦剛剛好，好好食。送左壺功夫湯，好過癮。滿意，希望下次可以再同朋友再次聚會，15號生日啊

出咗去二個月，一落機第一餐梗係飲早茶，呢間喺區內，二個月前我肯定可以講，呢間喺我心目中係數一數二，但經過呢次⋯⋯本來我無打算寫，但真係忍唔住，所以今次相片唔多～見諒！ 呢度最令我印象深刻係～鮮竹卷，之前係有啲濃汁喺底，上面浸住炸過嘅鮮竹卷，脆口之餘又有濃汁伴住，果種嗞味係一試難忘！但係今次上枱⋯⋯好似三條『迷你越南』炸春卷放碟，完全係二回事～失望！ 牛肉腸粉算係最好，皮薄多料。 鳳爪～個色水係我有生以來最深色嘅一次，差不多全黑。（離譜） 其他嘢都已經係水準之下，埋單時問姐姐，原來個零月前已經換晒人，包括老闆，真係怪不得無晒原來嘅味道。 回頭度：2/10

食過翻尋味。可能係黃埔數一數二比較好食嘅酒樓之一。酒樓環境乾淨企理。冷氣夠凍。菜式款類多。 用料靚。海鮮生猛及非常新鮮。 菜式味道非常可口美味。另外 酒樓內的員工 對客人的態度及服務亦非常好

當天相約了6位友人，但有一位朋友早到。不知道有留位。開了一張4人台還洗碗了。當然要換台啦！服務員很好把洗好的碗筷都幫我們拿過去。來回了3次。好吃的雲耳青瓜沙薑豬手錦歯雲吞叉燒酥，雪菜火鴨絲米粉的火鴨絲就太硬了。會再給他們機會的。

今日經過黃埔搵咗這間海鮮酒家食晚飯，這間酒家俾我哋有啲驚喜，我哋叫咗碟叉燒啲叉燒又香又軟，跟住叫咗碟炒飯炒飯係我食個鐘最好食嘅一個炒飯，其餘其他小菜都炒得很好味，所以值得推介😋😋😋