皇埔滙海鮮酒家

营业中

休息中

同同事講開想食乳鴿，之後上黎OPEN RICE 搵搵，見到黃埔有間酒樓做緊$28蚊隻，嘩咁抵! 加上我地係西九高鐵站去黃埔20分鐘就到，於是黎個即興飯局啦.去到當然即刻點左乳鴿先，你知架啦，做特價既好快售罄架啦，一心黎要食乳鴿架嘛，呵呵. 原來係每兩位ORDER 1隻，剛好我地4個人可以ORDER兩隻，之後再掃下睇下有咩推界，見到D炒蟹好吸引，同事話不如黎個避風塘炒蟹，但我唔食辣既，諗住食小小試下無妨。之後再點左個冰鎮鮑魚。好喇乳鴿黎到，比我想像中多肉，皮脆，邊個話平野無好架，正!之後避風塘炒蟹，嘩賣相唔錯，以為好辣，但原來唔係，味道剛剛好，超惹味，重點係D蟹好厚肉，少食海鮮既我都覺得好味!其次係個冰鎮鮑魚，第一下食落去感覺好FRESH，對於我食海清淡既黎講都ok架.下次可以帶埋屋企人黎試多幾款野。

難得約齊腳，湊夠一個墟岀嚟食飯，正煩腦緊食咩之際，同事介紹黃埔呢間中菜酒樓，起初都一半一半，不過同事話個招牌避風塘炒蟹好正，一向最迷避風塘炒乜炒物嘅我，梗係要試啦！3個人點了個避風塘炒肉蟹、BB乳鴿、醉酒冰鎮鮑魚、啫啫通菜煲、燒鵝叉燒雙拼。碟碟都有驚喜。避風塘炒蟹:蟹肉結實，蒜蓉夠乾脆惹味，我一匙一匙咁樣不落口食👍🏻👍🏻👍🏻👍🏻👍🏻紅燒BB乳鴿: 乳鴿皮脆、肉多汁又夠亂 👍🏻👍🏻👍🏻👍🏻啫啫通菜煲: 個煲上枱時，D汁仲渣渣聲，真係好嘢味。同場笑料加映，個friend 一咬通菜，d 汁bee左去對面😂👍🏻👍🏻👍🏻👍🏻燒鵝: 本身吃貨嘅我起初覺得係酒樓食半隻3xx 都幾貴，不過我個friend 話想食，咁叫左個例牌試下，嘩、嘩、嘩，真係一分錢一分貨！真係冇得輸。👍🏻👍🏻👍🏻👍🏻👍🏻醉酒冰鎮鮑魚: 本人就覺得酒味唔夠濃，不過個老闆帶左個大廚岀嚟解釋，話因為佢哋係用清醉浸，我諗係sake 卦，所以冇一般花雕咁濃烈。👍🏻👍🏻最後送咗碗綠豆沙糖水: 唔太甜，免費我又覺得ok 喎！

朋友介紹呢間酒樓， 地點位置在黃埔海花園8號水產隔離，今次已經是我第三次來，食物水準依然保持水準，避風塘炒蟹、菜心炒牛肉、蒸星斑、欖菜一字骨～ 食物水準超高，值得一試

最近同家人去左哩間酒樓食飯 啲野食好有驚喜 好好食。服務態度亦好好，餐廳光猛舒適，地點都算方便。講番食物，嗌左叉燒拼燒鵝，黃金豆腐煲，Xo醬蘭度炒鮑片，蒜蓉炒莧菜，菜遠炒牛肉。燒鵝肥美，不得不讚叉燒 好軟淋好入味，黃金豆腐煲個咸蛋好香 好creamy 有陣奶香味 唔知系咪有加奶呢😂豆腐又嫩滑 個煲入面仲有啲魚片同蝦。菜遠炒牛肉 看似普通野 但炒出嚟一啲都唔普通 好夠鑊氣，經理哥哥無介紹錯。同行家人都好滿意 哩個價錢食到咁既質素中菜 下次一定會再幫襯

屋企人生日，去左依間野試下。好耐都冇去過酒樓食過咁有鑊氣既小菜。平日唔打食評既我都忍唔住開返個Account 黎講講呀！環境唔錯，地方舒適。部長服務態度熱情有禮，仲好好咁介紹菜式俾我地！叉燒唔肥又好淋，炒菜鑊氣十足又唔油 ，仲有個海鮮黃金煲足料又香滑！部長仲介紹食小炒王，可惜太飽食唔落，下次去食返先得 ><

週末同屋企人去食中菜，揀左間新酒樓試下，點知有驚喜。店舖位置非常方便，出地鐵站行3分鐘就到！店內環境乾淨，座位闊落，唔會好似有啲酒樓為左做多幾枱客就坐到好逼咁，所以嗌野食前已經對呢間餐廳加分！野食方面就更加surprise！以為新餐廳質素仲未穩定，點知意外地高質！上湯龍蝦伊麵爽口彈牙，清蒸老鼠班鮮嫩多汁，姜蔥炒蟹好夠鑊氣，招牌海皇蛋白炒飯鮮味十足！蒜蓉炒芥蘭、叉燒燒鵝例牌有水準！送嘅糖水仲要唔係普通酒樓嘅紅綠豆沙，而係木瓜燉雪耳，真係少之又少。同店員傾計先知，呢間店個老板拎過中華廚神獎，所以對食物出品質素非常嚴謹，所以難怪每樣都咁好食啦～已bookmarked皇埔匯呢間中菜，會再encore！