皇庭匯

营业中

休息中

酒樓轉佐名，重新開業開返個多月，但d餐具已經變成咁。真心一打開茶壺，見茶壺個口係爛成咁，有擔心究竟會唔會有玻璃碎片跌落啲茶入面，嘗試叫職員換，跟住個職員答全部茶壺大部份都係咁，所以冇得換。唯有自己飲茶嗰陣時望清楚先飲，自己小心啲，全村唯一一間茶樓冇得揀才會去。講返食物，同之前差唔多，冇乜大改進。希望酒樓見到呢個comment，可以食物都改善一下。

轉名轉名又轉名我哋由皇庭匯開始食 到而家叫茗悅軒 都食左兩次一次中秋前食晚飯 一次今日飲早茶再之前都係食晚飯但已經係新年 未叫茗悅軒之前，嗰次印象都出奇地好講返今日 點心都幾穩陣蝦餃燒賣令我地有點頭讚有水準，好大粒，有咬口！蝦餃皮係透得黎煙韌，絕對唔係好重粉/硬嗰啲！-黑芝麻馬蹄糕令我地諗左好耐點樣黑芝麻/馬蹄糕法 諗過係黑芝麻糕+馬蹄糕，結果真係mix!加左芝麻（粉/糊）就無平時馬蹄糕咁彈牙，但好香芝麻味，少少甜+大量馬蹄粒，仲要煎得唔油！所以值得推介嘅！我地坐房仔，眼見枱枱都有叫-媽媽居然會叫甜薄撐！（平時一定係咸薄撐）個賣相好ok! 料都好足！不過太足料？對我地黎講都太甜！大可以落少一半糖！-最後我地都有咸薄撐都好食嘅，煎得好好，有蛋味，又唔會太厚成舊粉，亦唔會薄到爛（你懂的😏），係油左啲-其他就都係咁，都好食嘅，抵食嘅-唯獨出餐真係好慢好慢，同大多數想你快手食完返多張枱嘅營商理念好唔同😂唔夠時間就ok嘅，慢慢欣賞下食物咁😂-完。得閒出返中秋晚飯🙃

呢間茶樓都OK嘅，喺廣源邨入邊唯一一間茶樓，所以好多街坊街你都成日去呢一度飲茶，但係佢呢有兩層嘅，如果你唔想上上邊嗰層飲茶啊，都可以喺下面嗰層類似地庫嘅位置度食下午茶餐，佢炒粉麵飯，鍾世茶餐，米線米粉，林林總總嘅都有！咁我呢排喺呢頭附近做嘢都叫冇乜選擇，所以都成日去呢一間酒樓嘅地庫度食午飯，仲當正自己飯堂咁，可能佢哋啲侍應經理招呼開嘅都係一啲街坊街里老友記一家大細，所以呢服務都係比較街坊鄰里食，如果你唔係熟客嘅話就唔會話太過殷勤。

今天是年25。$168嘅燒味拼盤加魚湯時菜孖寶套餐，分量不足。比碟咁小嘅肉我哋同經理質疑佢話係咁小！隔離枱嗌嘅$30下午茶燒味叉燒米線，數量同我哋差不多。我也質疑話你俾嘅叉燒淨係值$40佢話$168就係呢個餐冇錯但係我兩個月前都食過呢一間我哋嗰陣時七個人嚟食同一個餐比嘅藥量份量多過今次好多。所以我懷疑佢睇人嘅數嚟比個餐嘅份量，今次係縮咗水。過咗一陣樓面阿姨同我哋講$138半隻燒鴨加米線嘅孖寶套餐肉嘅份量都比我哋多！我覺得明顯就係見到我哋四個人食嗌咁多菜，佢就俾個份量細嘅我哋。太差了，不可原谅。

星期六去飲下午茶，我哋三個人，見到有個伙記執緊張細枱，我哋就行埋去問佢「可唔可以坐啊」佢隻手一揮，就話「唔坐得㗎，去第二度啦」但係成個場都冇晒細枱，於是我哋就坐咗一張8人枱，第二個阿姐走埋嚟問，你哋幾多人呀？我話三個，佢話三個唔坐得呢張大枱，咁即係點呀，細枱唔比坐，大枱又唔比坐，個個侍應啲態度都差到冇人有，隔一陣見到有一張細枱埋單，我哋就行過去坐。點心冇一個係好食嘅，勉強食完就埋單嘞，下次真係唔好再嚟，態度差啲嘢又唔好食👎🏻

啲食物唔新鮮蝦蚊燒賣有陣縮味，難食到嘔，啲炒粉面又係好唔掂，店員服務態度差，好似好有怨氣好唔開心咁，應該係個老闆平時好刻薄佢哋，枱櫈亦唔乾淨周圍都油淋淋咁，真係請我都唔會再返去食！

食過最垃圾既酒樓，不可一不可再，大家千其唔好過黎食。兩點幾叫伊麵，小朋友一直等食，3點17分，追左3次先黎。酒樓部長，一直唔承認自己漏單，明明係自己落漏，怨枉我地自己冇落。質問左2句，先真係承認係漏單。另外，有個女同事落胡椒粉既時候，成樽跌左落去碗粥到，話會再上過碗比我地，到最後又係三催四請先上返。呢種質素既酒樓，真係唔好浪費時間去幫襯。希望可以有更外其他優質食肆進駐，拯救下廣源呢個美食沙漠。

飲下午茶，2:45pm入場遲左，但不致於一半點心賣哂掛，蝦餃燒賣冇，釀辣椒煎薄罉又冇，咁你點開酒樓？只係憑小區內獨市至未執咋。服務？人手不足就梗架喇，仲要態度差，所以只會平日下午茶較多人幫襯，週日加多三蚊就少緊d，去哂石門。食左六碟野，連茶錢及加一都近$170，下次去唐記買外賣都冇咁慶。

極度惡劣，8個人等碟伊麵等左將近一個鐘：我們於14:30落單，於14:50追該碟伊麵，1️⃣員工自己落漏單，反指顧客冇落單，2️⃣10分鐘後再追一次，話出緊，3️⃣再過10分鐘後再追一次，都係話出緊，最後總共追左三次，最後碟野50分鐘後先到。8個人坐係度呆等，白白浪費50分鐘x8。埋單時搵店長投訴，店長並沒有要處理，只說會改進。同時也不願意提供總公司電話，說總部也沒有人接。店員過失不承認，店長失職，包庇下屬。十分失望，服務極差，永不光顧。

蘿蔔絲酥無限個「劣」，個皮勁厚，完全唔係正常蘿蔔絲酥嘅餡料，食落有油益味和酸味，即刻lur返出嚟龍蝦鮮竹卷腐皮有怪味，完全入唔到，餡料哪喳，又係完全食唔落黑椒牛仔骨好難食，醬汁古怪，顏色好似金錢肚咁，肉質一個字梅，唔知擺咗幾耐菜苗餃塊皮厚過塊面，菜苗唔新鮮全部點心超過一半食唔落，入不了口呢一間簡直係劣食嘅冠軍，未試過咁嘥嘢！劣劣劣劣劣劣劣劣劣劣劣劣劣劣劣劣劣劣劣劣劣劣劣劣劣劣劣劣劣劣

踩完單車返屋企, 滿心歡喜以為屋企煮咗飯屋企一個人都冇，全部出咗街我喺我屋企廚房都係得返公仔麵無奈之下就換衫落街搵嘢食突然之間好想食魚香茄子，咁我就攞咗去酒樓下面間餐廳，九點鐘一個人都冇，仲以為已經收咗好彩仲未事不宜遲咁就叫咗個魚香茄子煲茄加個白飯，可惜一個人食唔可以嗌多幾個餸魚香茄子煲過賣相吸引，原來佢係樓上酒樓廚房整嘅，望落去好有鑊氣，炒得唔會燶，茄子好淋，又夠味好似去咗大排檔食咁不過下次多啲人嗌多幾個餸食得開心啲

同其他屋邨一樣，一定要有間酒樓！作為米線狂的我，起身第一件事就係搵米線食，今之就搵下有冇驚喜先！門面都是一般酒樓格局，不過今次是在燒味部那邊，都幾隱匿的酒樓茶餐廳~餐牌同普通港式茶記差不多食物之前試過食茶餐，發覺麻麻，唯獨今次米線有驚喜喔！即叫即煮，辣得黎唔咸，好過癮

團年飲茶，因為要遷就父母，所以嚟咗呢度食，但真係好難食，點心全部唔熱兼味道勁差，我同親友簡直要遴選全餐飯最難食嘅一樣嘢，最後贏嘅係腸粉………………其實椒鹽脆豆腐呢啲煎炸嘢都好難整得難食，但竟然都可以好難食，我地本身最鍾意食炸豆腐，但竟然只係食左少少就無人食，成碟剩返晒……真係好難得，竟然可以整到樣樣嘢都咁難食……………………雖然呢度係近父母，但我都係唔會再嚟食……真係唔好意思，真係食唔落………………

平時食開都無咁難食，今日唔知係咪臨近新年廚師放假，難食到爆........食物不夠熱，味道又難食，連平時最鍾意食嘅火鴨絲湯米都可以做得咁難食.......珍珠雞又係，個餡食到想嘔..........仲有椒鹽脆豆腐，成大陣千年油味............叉燒腸粉又正唔透,入面凍嘅......唯一好少少的就係香煎魚蓉釀虎皮椒,其實只係中規中矩，但相比起其他極難食嘅野，已經屬於好好.......仲要無人執檯，又無人加水，個個都扮忙，全部野要自己嚟......價錢又唔平，每人都成$70sorry, 真係唔想再食

星期日黎飲茶，5個人，自助式揾到張搭枱，就坐底左先，另半張仲未走，等緊個吉盒打包走，家人見人地未走，又見到旁邊有張吉左但未執嘅枱，想轉過去，叫侍應執枱，第一個侍應行過冇見到，第二個黎遠望到行過專登唔望e邊，仲話有人做緊，等左一陣有個阿姐推住車仔黎打算執枱，但個样超唔情願，仲反曬白眼，見原本個枱g嘅食客話佢真係就走，就坐返去原本張枱...點知另一個侍應走過俾個盒食客，仲兇我地其他食客等個盒都等咁耐，執枱邊有咁快，暗示我地無耐性，即刻話返佢咩野態度可以咁样對食客，佢發難仲話咪唔好黎飲茶。而間酒樓d侍應真係好懶，唔沖茶、唔執野、掛住同其他熟客係度吹水，但收足服務費。