皇庭匯 (已結業)

晚去重開酒樓食飯，叫孖寶 乳豬+蒸魚，條魚等極唔到，半小時過去，追問了三次，只話蒸緊，結果一個鐘了，再追問才去廚房跟，原來無落單去廚房....服務極敷衍...原來無跟過.....只係敷衍道歉，好啦，跟完半個鐘又未出....餓親老人家，又激到佢地好嬲....結果我講公道，要佢除開條魚錢...埋單算數.....但真係好嬲....埋單個阿姐仲要拗，實在不知錯，敷衍公屋民眾，出面酒樓點會甘丫，實在太離譜......# 7點幾等到9點,

由於好耐都無見過契爺同契媽，所以我們今日特意去咗他們嘅屋企觀塘翠屏邨探望他們，之後契爺就提議話喺翠屏商場最近新開張嘅「皇庭匯」食晚飯，因契爺話早幾日已經食過覺得幾好，所以我們就去咗食晚飯！我們叫咗西芹百合炒鮮淮山用呢三樣材料嚟一齊炒，係一個相當出色嘅配搭，因平日食開嘅通常都係用翠玉瓜或勝瓜嚟炒，所以感覺都幾創新，而鮮淮山切得好大片同好厚身，質感非常清新爽脆，百合好鮮甜爽脆，西芹亦都無草青味，最好嘅就係完全無油膩嘅感覺，而且份量相當多！濃湯豬骨鷄煲翅係用新鮮豬骨同鷄去餚製，所以湯底嘅味道極之濃郁，而翅係分開另上，唔會一直浸著喺湯入面，而令到質感變到諗晒同散開晒！孖寶優惠：脆皮一品燒鷄「一隻」嘅皮燒得好香脆，肉質好鬆軟嫩滑！清蒸大海斑「1斤半」一上碟嗰陣我們每個都嘩咗出嚟，因喺餐牌上寫嘅係1斤半，但嚟到嘅大海斑超級大條肥美，「就咁睇」嘅話起碼有2斤，真係超斤両十足同超抵食呀，而且師傅控制蒸嘅時間火候，調教得恰到好處，肉質極之鮮甜嫩滑，完全唔會有「嚡」嘅感覺！

昨晚同家人食飯訂了2圍，酒樓服務態度差，叫片皮鴨兩食，可以得一圍有，竟然可以食左片皮個食唔見左鴨囉! 問左幾次，再追幾次話整緊，追到食完喇！都仲未黎！最大粒個呀叔仲要問有個枱係咪食左2碟！係咪痴線嫁！落單每樣餸一樣，你地話落一張枱叫自己分都由佢。。。仲要搞到咁亂後問人係咪食多碟！有個圍個碟所謂鴨鬆，完全係炒豬肉粒咁款!都唔緊要喇，最後埋單查單發現寫多左飯囉！好彩查單姐！仲要話無得簽信用咭！話門口寫左張紙囉！根本就無！正垃圾服務態度！

開張只係幾日已聽到唔少人講，野食遲遲未來，等45mins - 1 hr枱布咁大間酒樓，開業唔係預足夠有餘嫁咩？竟然出現唔夠枱布問題自己去親身睇下係咁真係垃圾到咁啦，第一次去食早餐，都還可以今日第二次去食早餐，身邊幾圍枱都吹野食，我們呢⋯⋯一碟生菜都等成個鐘綜合：惡劣到極點

7月21日開張當晚已經率先品嚐左1次。芝士焗龍蝦仔一隻$78加伊麵底$38，只有龍蝦仔有芝士，伊麵底完全無汁無芝士仲要係白烚，埋單2百幾3百蚊都0k接受範圍，結帳方式好記得係碌卡！係碌卡！係碌卡！覺得龍蝦仔幾好食又唔貴，於是今晚帶埋屋企人去食，3個人叫左2隻芝士焗龍蝦仔$78x2，今次冇加伊麵，始終上次個伊麵已經中左伏！！再叫多個孖寶，埋單$414，食飽飽打算埋單走人既時候，收銀丫姐就話我地冇碌卡嫁，未申請到。仲要拍收銀張枱話已經貼左紙。問心而論，第一次食飯可以碌卡，相隔2星期話卡機未申請到？你張通告紙剩係貼係收銀位，真係要到人埋單個一刻先知？如果無咁多現金係身呢？係咪訂幾圍酒席既人都要帶定2,3萬現金係身？重點係部長態度超級差，當時情況係，我問收銀丫姐:冇得碌卡？開張個日我落黎食都係碌卡埋單。企係格離有個部長即刻話:唔洗理佢，佢敢唔比錢出門口就報警。真心覺得，如果我一入門口已經知道呢間集團式酒樓係無得碌卡既，我可以選擇去㩒錢再黎食/直接食第二間，而唔係食完比錢個一刻先知，有種比人老屈左既感覺。而且咁既服務態度，真係永遠唔會再幫襯。

見樓下間酒樓新開張，而且裝潢唔錯，是晚去試試。是晚7:00到達，已有8成入座率。我地o係被片皮鴨優惠吸引去試晚飯，所以一入座已經order片皮鴨及冬瓜盅。部長話叫因片皮鴨一定要叫一款小菜，所以我地選左蘿蔔牛腩。講真 $68有片皮鴨真係好抵，咁既價錢 我地覺得質素算係唔錯。下次可以encore! 冬瓜盅都幾好飲同埋足料～三個人每人分到兩碗有多！o係夏天解暑一流既湯水之一。蘿蔔牛腩，炆得夠入味👍🏻，而且仲有好幾舊牛筋。

下午茶時段2-4:30，本人兩點半到，已數點心售罄，三點已沒有腸粉和飯食，伙計還聲大大說已收爐。最後叫了一碟雪菜肉絲炒年糕$23，可能年糕太矜貴，只有19‘超大’片年糕，平均$1.21一片。大大碗义燒米只需$16.8,難道年糕比米粉貴好多？