影片
附加资料
餐廳將於9月重開。
营业时间
星期一至日
07:00 - 23:00
以上资料只供参考，请与餐厅确认详情
招牌菜
午市點心.方便妹, 來了合和食.都係一般點心午餐.媽要飯, 冇飯唔"飽"...所以叫了一個义飯.點知一上, 义燒的鼓油係生抽, 咸到爆!完全冇蜜味.唔得呢...妹的楊枝甘露"瓊"左!!!!其他點心都ok, 服務唔得, 人手唔夠.唔會再黎.
继续阅读
之前同屋企人係新年前食過一次晚飯. 諗住佢話哂集團唔會差得去邊.點知真係好差. 個日叫左半隻雞, 炒斑球, 一個小菜煲+白飯. 除左個煲之外樣樣都凍, 半隻雞好咸. 服務更差, 叫加水成日都無人理. 其他枱d人都發哂脾氣. 結果埋單只俾幾蚊貼士齊頭就算.今次一大班屋企人食飯. 食物算好少少. 點知埋單時出事喇, 有個經理黎埋單之後走左, 之後有個侍應走埋黎問邊個人埋單, 跟住同埋單個個親戚講問佢攞幾十蚊貼士, 又話係公司規矩一定要俾. 我親戚費事同佢嘈就俾左幾十蚊cash佢. 其實我都唔知個個侍應有無自己袋左. 呢件事好離譜, 點會諗到有人兜口兜面問人攞幾十蚊貼士, 而且個個侍應唔係負責埋單或serve我地,點解會由佢問. 如果係個經理開口都可以理解, 因為佢負責埋單ma.最後想問大家, 係咪真係有規矩一定要俾幾十蚊貼士咁多? 我地已經俾左加一服務費啦,就算俾貼士都只係會十蚊八蚊. 講真以佢地d服務黎講十蚊貼士已經俾多佢.
继续阅读
未試過咁火!!1)一坐埋位,點心紙都冇,叫左幾個侍應先拎到一張出黎!!2)等左九個字先有野食,我地寫字樓放飯一個鐘ja!3)最尾陣係黎左一半野食,結果我地叫埋單,點知埋單埋左十五分鐘都冇人黎,4)出去同佢理論,佢地怒視番我地轉頭!仲話"咁部機有事,我地唔想嫁嘛"是日搞到我地返公司遲到,檯檯都嬲住走!!仲要再嗌外賣食!全香港真係諗唔到有邊一間酒樓的態度可以差過佢,(((((麻煩openrice一定要幫我張貼呢張食評,我們發誓沒有侮辱、挑釁、捏造事實誹謗他人或人身攻擊之內容,我們所講的全部都是事實!!)))))以免無辜的人客呆等,要知道寫字樓地區,冇可能野食都黎唔到,除非大家有三個鐘頭放飯時間,同埋唔介意離譜咁差的服務態度,如果唔係千祈唔好幫襯!!(是日陣係食左$60,因為d野陣係黎左一半)灣仔區一公司仝人
继续阅读
前幾天星期日,諗住本身想去皇上皇食,但上到去先至發覺原來已經冇左,只好選擇這間酒樓食,大中小點一律同價都幾好,不過要搵侍應時有時都會感覺好困難,態度又唔係太好......不過講食方面,叫左珍珠雞,燒賣,兩碗粥,腸粉等等......味道幾好味既......不過唔知那間店的侍應係咪唔優冇得做,佢地真係有幾個做野真係實在太馬虎啦......,這難怪很多人對這間店不太滿意的地方就是這樣吧
继续阅读
６／１２／２００７ 晚ａｎｎｕａｌ ｄｉｎｎｅｒ唔想寫太多浪費自己時間１） 服務十分之差，叫待應做少少野推三推四２） 環境好唔得，唔適宜攪多於１０圍的聚餐。３） 野食一樣唔得～份量唔夠～ｄ野又唔新鮮～好彩 食左串魚旦先黎４） 價錢唔合理，平日都要成＄２６８０一圍，但就 無咩野食～搵笨
继续阅读