影片
电话号码
26657282
营业时间
今日营业
11:00 - 23:00
星期一至五
11:00 - 23:00
星期六至日
10:00 - 23:00
公众假期
10:00 - 23:00
以上资料只供参考，请与餐厅确认详情
613 浏览
唔食唔知道，原來「皇朝明珠」已經有40多年歷史，我本以為會如南丫島海鮮酒家般的格局，想不到如此舒適雅緻，原來去年10月重新裝修，走中高檔粵菜路線。酒家面向海，有很大空間及停車場，設置露天餐桌及室內空調舒適雅座。中午主要食點心，造型精緻，很有水準，此外非常欣賞燒乳豬，即點即做。招牌脆皮乳豬（例）$228多年來的手本名菜，盡享地利，即點即做，的確出色，乳豬皮非常鬆脆，肉質鮮嫩多汁，這餐我最欣賞這一道。魚翅羊肚菌灌湯餃 $138/位足料製作，大大隻灌湯餃，伴以迷你鮑魚、羊肚菌各一及若干魚翅，濃湯香醇，美味的享受。上湯金魚餃配水晶球 $48/位金魚維肖維妙，賞心悅目的蝦餃升級版，啖啖蝦肉，味道鮮美，配清香雞湯及時蔬。白玉翡翠餃 $63色彩吸晴，翡翠綠與白鴛鴦配，餡料有豐富白菜及豬肉，味道豐富。黑毛豬鮑魚燒賣 $68/件鮑魚已經矜貴，再加埋黑毛豬做的燒賣，冇得輸！黑松露素皇餃 $22/件賣相矜貴，金箔綑邊，黑松露香味四溢，值得推薦。陳皮山竹牛肉球 $58許久沒有吃到有水準的牛肉球了，唔錯呀。手袋和牛酥 $58匠心之作，手工精緻紮實，可以拿起手袋仔，酥皮夠脆，和牛餡料很滋味。啤梨鹹水角 $68啤梨做型極似，黏柔軟熟味道好。甜梅菜黑豚叉燒腸 $78鮑參翅肚羹 $128 週末要善待自己，鮑參翅肚吃得開心。金箔千層紅棗糕 $58紅棗味香。服務到位，寫意環境，食物有質素，喜歡在戶外享受佳餚多一個好選擇。
继续阅读
2368 浏览
上次去三門仔遊船河先知有間區內出名嘅餐廳，聽講因為地方較隱秘，有好多明星黎，呢個周末想走遠少少郊遊下就選擇左係口袋已久的呢間餐廳，呢間就係三門仔嘅皇朝明珠。早知道係走高格調路線，但價錢還不算太誇張，因為食物都同樣精美又好食，特別喜歡佢嘅大廳裝修，好適合一班人黎食飯。好多人打卡嘅上湯金魚餃配水晶球，金魚餃嘅蝦大到好似會隨時爆發咁，水晶球都一樣，但相對無上湯金魚餃咁搶鏡，而佢哋清湯都好甜，就算伴碟嘅菜都好食，呢個絕對值得叫。黑毛豬北菇燒賣，雖然相對下個樣平平無奇，但食落去都幾好味。皇朝蝦餃皇真心好靚，個蝦餃皮先至做得好，晶凝通透，入面嘅蝦肉又係澎湃到不得了，仲勁過上湯金魚餃。我相信應該係第一次三個味嘅腸粉，皇朝三式蒸腸粉，三種內容有鮮蝦，叉燒，牛肉，一碟腸粉，各有支持者，又唔駛煩邊個食呢樣個樣。枱上嘅人都愛牛油果，見到椒鹽牛油果太特別所以叫下，食落去又幾得意，都幾有興趣之後自己試下整呢個。呢個秘製XO醬煎蘿蔔糕，相對有點失色，可能前幾個質素太好，如果叫點心又唔夠多人，先選前幾個點心會好少少。係因為呢個乳豬才過來，當然一定要食招牌明爐燒脆皮乳豬，個皮好薄，而且個豬都算幾嫩滑，算係必點菜式。叫了兩個湯時令燉湯同海參酸辣羹，海參酸辣羹酸同辣都做得好平均，個人好喜歡，不過海參唔夠多同太幼細。我勁欣賞呢個荷香籠仔海蝦蒸飯，炒得好靚嘅飯，仲有佢好多炸蒜加上幾靚同大隻嘅開邊蝦，而且價錢相對好抵食，一班人食最好，令到我想再試下其他炒野。呢到service都幾好，茶葉又好靚，尾聲仲送糖水，幾個位都幾令人加分。經過今日之後，有興趣去北區飲茶，除左Hyatt同小白露之外，都多過好選擇。
继续阅读
上個星期去咗三門仔呢一間新裝修嘅茶樓度飲茶補祝父親節，門口就有泊車位，仲有充電樁可以付費充電🔋 餐廳有室外位置可以望住海景進餐好舒服，室內裝修好別緻，眼見都有好多唔同嘅藝術品，每張枱都好有私人空間，店員好快就備好茶水，全部人都好有禮貌，就算同外國客人都溝通得好好～點心方面都好多選擇，而且部份可以按件數order，變相可以按人數或食量去調整，非常貼心👏🏻🥢上湯金魚攪配水晶球一上枱就吸引曬全枱人嘅眼球，因為真係靚到唔捨得食呀！！！嗰個即刻攞電話出嚟影相打卡，金魚其實係蝦餃而水晶球係上素餃，兩者都皮薄餡夠多👍🏻🥢黑毛豬北菇燒賣好得👍🏻👍🏻豬肉餡整得好滑身🥢皇朝蝦餃皇每粒都好飽滿，啲蝦好爽口🥢陳皮山竹牛肉球真係食到陳皮味👍🏻 出面好少食到👍🏻👍🏻🥢蜜汁黑豚叉燒包個包好軟熟，叉燒餡肥瘦適中🥢皇朝三式蒸腸粉有齊鮮蝦、叉燒、牛肉，咁就唔使拗一次過滿足三個願望🥢蘿蔔千絲酥外皮好鬆脆，入面嘅蘿蔔又煮得好鮮甜，非常好味🥢招牌脆皮乳豬見店員推介佢哋自家燒嘅乳豬就嗌咗一個例牌試下，果然係好鬆脆值得一試🥢荷香籠仔斑球蒸飯熱辣辣一大籠上枱，打開嘅剎那蒜蓉嘅香味飄曬出嚟🤩 魚肉好滑蒸得剛剛好，蒸飯吸收咗荷葉嘅香氣🥢鮑參翅肚羹濃郁嘅湯底加上名貴嘅食材，每一啖都係精華嘅所在，為我哋呢日嘅午餐作總結實在最好不過門外嘅環境超舒服～如果天氣唔熱應該會好chill🫶🏻
继续阅读
好味指數：8/10性價比：7/10今次放大假帶埋BB同家人入三門仔一齊去飲中茶，順便帶埋BB去打卡同Chill下，遠離市區，當去咗一日遊。❣️ 招牌明爐燒脆皮乳豬 ：熱辣辣乳豬皮香脆肉嫩❣️ 皇朝三式蒸腸粉：鮮蝦，叉燒，牛肉，一次過有三種享受❣️ 欖菜肉碎炒本地有機時蔬：欖菜香濃，唔會過鹹，非常惹味❣️ 上湯金魚餃配水晶球：非常吸引既擺盤，顏色配搭及手工十分細緻，配上鮮甜雞湯，令我哋好深刻❣️ 皇朝蝦餃皇：蝦餃皮晶凝通透，餡料非常足夠❣️ 黑毛豬北菇燒賣：黑毛豬燒賣，菇味濃厚，肉質鮮嫩❣️ 手袋和牛酥：手袋造型創意十足，酥皮內裏的和牛令人垂涎三尺❣️ 黑蒜帶子餃：帶子十分鮮甜，配上黑蒜，係新穎而好味配搭❣️ 鮑參翅肚羹：羹內的鮑魚彈牙，個人幾滿意❣️ 鮑粒鹹水角: 可愛嘅啤梨形狀既鹹水角，外皮炸得酥脆，鹹香適中，鮑粒餡料令口感層次提升❣️ 鮑魚福建炒飯：炒飯粒粒分明，味道係高水準之作❣️ 楓蜜脆蛋散題外話這裏的經理及侍應非常親切，亦不停為我們加茶，值得加分及表揚。 這裏的茶用了菊花普洱，味道香溢濃郁，香港已經很少酒樓有得飲。
继续阅读
放假跟家人來吃午餐，食物整體很有水準，用料新鮮上乘；座位舒適寬敞，佈置相當雅致；環境及食器十分整潔衞生；員工工作認真積極，非常友善。他們推薦的菊普味道甘醇，加上淡淡的花香，喝完一口接一口。 室外座位很寫意，可以看看山海，往下走更可以遠眺慈山寺觀音像。蝦餃皮薄煙靭，內餡飽滿實正。蝦味濃郁，調味剛好，十分爽脆彈牙，是食過最好味的蝦餃。金魚餃造型像真，鮮蝦內餡和蝦餃一樣。水晶球外皮晶瑩剔透，可以看到入面餡料非常飽滿。配上味道淡淡但層次豐富的上湯，值得一試。帶子超級新鮮，口感柔軟，味道鮮甜獨特，有驚喜。內餡和蝦餃一樣飽滿實正，真材實料，香氣十足。兒時有見過三式糕，三式腸粉真的第一次見，非常適合想試多款口味的食客。腸粉很嫩滑，口感軟糯，內餡肉質鮮嫩。賣相絕對滿分，是打卡的首選。外層酥餅鬆脆，入面的汁煮和牛非常軟腍。小啤梨的造型超級可愛，咬開餡料有輕輕的柚子香，不會油膩。菜心很新鮮，脆度煮得剛好，而欖菜肉碎的味道又不會掩蓋菜心的清甜。炒飯很有鍋氣，粒粒金黃色，炒得非常好。餡料十足，有鮑魚，瑤柱，雞粒，原隻鮮蝦和帶子，整體調味不會搶過食材的鮮味。外皮超脆，肉味甘香，不喜歡肥膩的食客也可以嘗試這道菜。海味用料十足，整體味道很鮮甜，口感細滑。蛋散超級鬆化，入口即溶。楓糖醬分佈平均，甜度剛好。
继续阅读
您可能会有兴趣的...