皇爵麵包西餅

营业中

休息中

賣蛋撻個阿姐態度非常惡劣,買五個蛋撻換来一肚氣,不吐不快,不會再幫襯,今時今日咁嘅服務態度,一定要負評.負評.負評.負評.負評.負評.負評.負評.負評.負評.負評.負評@.@ 蛋撻食落一般一般……

兩個月前過食過蛋黃酥都仲係四蚊個好好食，蓮蓉又多皮又薄，今日口痕走去買，見加咗價$4.5買咗幾件，食落皮厚咗蛋黃少咗蓮蓉又少咗，真係唔好食差咗好多，加咗價反而唔好食。

雖然蛋撻好食，但阿姐就呃人錢，你比硬幣佢佢就偷雞唔找錢，買兩個蛋撻8蚊，明明成個袋得一個5蚊兩個2蚊比佢，佢睇咗一眼就放落個錢兜度，我叫佢找錢，阿姐話 比咗8蚊佢，明明比咗9蚊，佢死都話畀咗8蚊，不過算啦！1蚊就費事同佢嘈，所以奉勸如果去買麵包蛋撻，唔好比散銀佢，比紙幣佢找…

#gianna麵包 #gianna深水埗 #gianna唐餅.繼續為大家推薦我最愛嘅麵包🥳今次試左深水埗嘅小店～入面除左有好多舊式唐餅（圖二）仲有好多新式麵包！價錢仲要超級親民，最平$3-5就有交易！見到佢近排新推出左乳酪包！！！！有大有細🤩超級吸引，但今次個胃淨係夠位食蛋撻🥲所以就無買到.1️⃣酥皮蛋撻($3.5@1)⭐️⭐️⭐️⭐️(4/5)望落就知食得過🤪酥皮超級多層，咬落口仲要有脆嘅口感，唔會淋左！對於一個一直對酥皮無咩好感嘅人，已經即刻加曬分🤤蛋漿仲要好滑，唔會無蛋味，好似食緊雙皮奶咁😆不過宜家肺炎我唔敢即刻係街食，拎到翻屋企已經凍左🥲我諗如果可以熱辣辣出爐食會更加好！.🎡皇爵麵包西餅地址：深水埗桂林街81號地下#hkig #hkfoodie #foodiehk #foodiegram #foodiegraphy #foodlovers #foodstagram #hkfood #hkfoodblog #hkfoodblooger #foodphotography #foodie #hongkongfood #chinesefood #localfood #香港美食 #深水埗美食 #吃貨

路過深水步見到麵包鋪人多多,好似唔洗錢咁,D麵包係咁出爐門口熱櫃賣緊蛋撻3蚊一隻,一打30蚊, 平到笑呢仲有蛋黃蓮蓉酥,皮蛋酥都係3.5一隻,好大隻,食飽飯就無買,下次先試另外仲有老婆餅,鮑魚酥叉燒酥,叉燒酥最好賣!幾乎人人都買~買左隻蛋撻試下,色澤金黃,唔會因為價錢平而做細隻左,一樣咁好食酥皮鬆化,無千層都有百幾層的了,蛋漿香甜,中間仲要熱的~好想買一打返屋企到麵包區,排下隊望下有咩買先,比較特別竟然有甜紫薯乳酪包,仲有紅豆抹茶算係比較高級的麵包款式,但都只係$9一個,平時呢類台式麵包賣緊30-40蚊一個架~好抵呢!牛奶包2.5一個, 2隻4.5,日式芝士包都係同價3蚊隻雞尾包,應該都係全城最平,餡料勁多,夠香甜,佢D麵包大部份都拎上手都係熱的 (中午下午買)波羅包3蚊個~最吸引係芝士火腿包,4蚊個,另外仲有一些甜品杯,8蚊杯,好便宜蛋糕一個50蚊,真係窮人天堂味道也不錯,朋友買了一杯芝士杯吃吃#深水埗 #深水埗麵包 #深水埗美食 

本人都有長期幫襯這間麵包鋪 ， 今天去買麵包時， 負責清潔麵包櫃的職員， 唔知係咪趕時間收工， 硬係要攝埋嚟清潔， 一個不小心撞到我， 我原本夾緊的麵包就跌了落地， 她就好大聲同我講跌落地都要畀錢， 我就話你撞到我， 她就好惡地凶翻我: 「我有撞到你咩! 」只是一個麵包，好男不與阿姐鬥 ，咁我唯有算啦！ 負責收錢的職員仲好笑， 問我跌落地的麵包要唔要？要就包埋畀我， 我梗係唔要啦！ 一間麵包舖為了賺多$3.5,就得失了一個長期顧客 ，同賺多了一個負評

本人挑選這一間麵包店比起另一間好，因其麵包較香，外皮沒那麼紙皮的感覺吞拿魚包餡料挺多，雖然底下的麵包紙，總是會黏着麵包底部，但是皮薄餡靚，味道不錯。丹麥條的味道也相當不錯，有一種酥皮的感覺，雖然提子粒不算太多，但是甜味也剛剛好，不會太長，不會太油膩，小小一條。另一種現今的麵包店比較少有的麵包，就是叉燒包了，內裏竟然洋蔥不多，貨真價實，叉燒份量多，餡料還非常之豐富，好吃得來尋回兒時之回憶👶🏽赫然發現這家店子的菠蘿包底下，招紙竟然寫著是「櫻桃麵包西餅集團」！？菠蘿包新鮮熱辣，外皮易剝落，挺鬆軟，不太甜，味道不錯。芝士蛋包只有面頭一塊仔芝士，但味道也剛好，配合小塊蛋也蠻搭調。

今天行經此麵包鋪，剛剛見佢地有蛋撻出爐，$2.50/只，都算抵食，加上有牛油皮及酥皮兩款，於是每款各買了一只。兩個蛋撻都熱辣辣，牛油撻皮又薄又脆，算是不錯。酥皮就略嫌不夠鬆化。至於D蛋，有蛋色但沒有蛋味，不過甜度還算夠，用來填肚的話，它們也算ok的。

之前買過泰昌蛋撻比爺爺食,,但佢話皇爵D蛋撻仲好食... -0-真唔真ar?!如果唔係爺爺介紹,, 我諗我呢世都唔會知道皇爵蛋撻嘅存在._.如果唔係爺爺買皇爵蛋撻返來俾我當下午茶,,我諗我都唔會食到呢間野嘅蛋撻一打開個蛋撻盒,,蛋撻嘅香味四處洋溢...香噴噴!!令人流晒口水試下味先....蛋撻熱辣辣!!! 好新鮮!!! 真係幾好食喎!!!啖咬落去...個酥皮真係好酥好酥ar!!!我就嫌佢個酥皮厚咗啲啫....太厚la,薄番D會更好;)另外,,個蛋真係好滑,,好嫩,,唔錯唔錯!!!皇爵蛋撻一D都唔會俾泰昌遜色!!!一試無妨而且呢間嘢啲蛋撻好平,,都係$3咋! 抵食!抵食!!