影片
营业时间
今日营业
07:00 - 22:30
星期一至日
07:00 - 22:30
以上资料只供参考，请与餐厅确认详情
相关文章
皇牌冰廳，位於佐敦百加士街10-24號地舖。下午茶 ～ 咸牛蛋治$32、 蔥油豬扒撈麵$48、 凍奶茶$3、茶走。 ▪️咸牛蛋治$32 ～ 鹹香味不足，咸牛肉份量一般。 ▪️蔥油豬扒撈麵$48 ～ 蔥油幾香，但豬扒口感硬。 ▪️凍奶茶$3 ～ 味道正常。 ▪️茶走 ～ 煉奶夠，茶味可以再濃些。 有進步空間，但可以一時。🏷️溫馨提示～ 整個用餐體驗均屬個人分享意見， 只作參考😊。 皇牌冰廳 (百加士街)地址: 佐敦百加士街10-24號地舖
继续阅读
點左一個飯一個黑白金磗，好難食，飯超硬過夜飯咁，凍飲少甜但超甜，拎下午茶menu點餐收午餐價錢，仲要屈我哋點午餐，收銀店員態度超差，可以掃黑的一間店，以後唔會幫襯。
继续阅读
服務態度勁差！因為喺附近返工，又覺得味道過得去，所以成日都會嗌佢嘅外賣自取，但今日發生咗一件事，令我永遠都唔會再去。話說我每次都係喺OpenRice網上落單外賣自取，咁今日去到餐廳攞外賣嘅時候，咁個阿姐就話例飲西湯好冇？因為我每次嗌外賣就算冇跟湯我都會加錢跟例湯 咁我嗌咗幾個月嚟佢一直都係比中湯我 所以我咪以為間餐廳剩係得中湯囉 然後我就話想飲返中湯 然後個阿姐就開始鬧我 話我唔一早講定 我話我喺網上訂單係冇得選擇中湯定西湯 加上我嗌咗咁耐一路以嚟都係俾我飲中湯 咁我點知佢會無啦啦比西湯我 我都已經勁好聲好氣，請阿姐可唔可以換中湯俾我 我亦都解釋咗好耐，我真係唔知要講定飲咩湯 但係經過禮貌解釋後 嗰班更年期阿姐都係咁話我 直頭好似我欠咗佢咁 其實你唔想換中湯俾我 你好聲好氣同我解釋話今日得西湯 又或者你話已經畢咗啦，可唔可以今日飲西湯啊？ 只要禮禮貌貌我都冇所謂 但一嚟就喺度話我 唔怪得知咁多人話啲阿姐態度咁差 原來係真 我真係嗌咗外賣咁耐都未試過特登去寫差評真係好嬲 以後都唔會再去
继续阅读
之前番工lunch會間唔中黎食 味道一般 得過且過 今日夜晚咁去開呢頭 諗住求其食個晚餐 點個例餐既普通咖哩焗飯 點知等成4 5個字都未有 隔黎幾檯客遲我勁多入 d野食都全部到齊 連蒸水蛋都攪惦上埋菜 仲同我講焗野係耐d 唔好玩我啦 你地茶記d焗飯咪又係所有野都煮熟左 求其焗燶少少個面就算架啦 你真係放d咖哩落去焗4個字成個飯都著火啦 咁算啦 我真係冇時間食 我話取消 一個貌似老闆既女人 態度極惡劣 埋單仲要收我廿蚊杯檸檬茶 真係太誇張 完全唔識做生意
继续阅读
今日午飯時間去了佐敦百加士街揾食，揾到了一間頗為大間的皇牌冰室食午餐，由於午飯放工時間，幾乎坐無虛席，好彩早到一步，唔使等位。蒲燒鰻魚炒飯套餐(套餐奉送中湯或西湯和一杯飲品，$57，凍飲加$3）有鰻魚粒、粟米粒、紅椒粒、洋蔥絲和木魚絲，炒飯落了鰻魚汁炒，粒粒米飯都粘上了鰻魚汁，炒得頗為均勻及乾身，味道不錯，但可惜鰻魚粒卻少了一點和切得太細粒，沒有口感。蓮藕紅蘿蔔豬骨湯熱辣辣的蓮藕紅蘿蔔豬湯，大大舊的蓮藕和紅蘿蔔切件，它們的味道都溶化落了湯裏面，味道濃郁。
继续阅读