目利きの銀次Royal Grill (已結業)

一向都好少去新世紀食飯，今日就約左朋友黎食個quick lunch，既然有人攞位，食咩都冇所謂啦！咁就去左食日本野啦（笑）入到餐廳，由於係食晏時段都好多人同埋有點嘈，坐位分隔都算近，隔離講乜都聽到哂（爆）刺身沙律上面嘅甜蝦好大隻喔！什錦刺身加埋有沙律醋嘅菜，夠哂醒胃，大熱天時食呢個都唔錯啊！軟殼蟹卷就一般啦！始終覺得唔係間間店都做得到好好味嘅軟殼蟹，點呢個只想有啲飯到肚咋。再叫個銀鱈魚西京燒，甜甜嘅醬油加上我愛嘅銀鱈魚，嫩滑嘅口感我最喜歡。朋友怕唔夠飽冇精神開工，再叫多個炒麵奄列，嘩。。。個蛋面佈滿左好多醬，確係吸引到我，炒麵味道就係一般大坂燒嘅甜甜味道，蛋皮亦煎得好薄，係唔錯嘅，不過有點膩啦。最後冇甜不歡嘅我叫左呢個香蕉pancake ??? 好似係，唔記得左添，我想講好難食，旁邊嘅焦糖可唔可以做好啲，燶哂苦嘅。。。搞到冇哂mood，果球柚子雪糕甜到喊，冇下次囉（嬲）

好失望，都有一段時間無黎食，前幾日呢就同屋企人黎食野，落單時個短髮女侍應已經好無禮貌，之後叫佢拎幾隻碗就黑口黑面咁 之後野食黎到，想問下野同落單，見個經理係到諗住叫佢過黎，誰不知佢掛住發呆同禁電話，完全無一個人留意我地，之後佢見到我地啦，我地問佢啲野 點知佢er足半分鐘疾咗好耐仲要問其他人先答到我地，佢仲要係經理，唔係應該好多都識架咩？之後又見佢繼續係門口禁電話，其他人就係到吹水，一係同水吧入面既人吹水，一係就當住客面前企係到禁電話，你地咁近客人又近門口都可以禁電話，大聲講大聲笑？經理都咁，難怪大家有樣學樣。之後個日，我地又黎食lunch，坐係琴晚張枱附近，都係近門口既卡位，又見到琴日短髮女侍應，不過態度依舊 我地個set照計應該有沙律同湯，點知我地同佢追幾次都無，只係叫我地等，之後湯同沙律都係比唔足人頭，我地再追，佢就話沙律無哂要等，點知等到我地食哂都無，最後搵第二個人跟就即刻有。真係谷到我地一肚氣，本身想投訴佢，不過諗諗下都係擺上呢到同大家share，無謂大家又比錢受人咁嘅閒氣啦。不過咁，雖然係呢到有好多服務唔好既侍應但我地都遇過一個幾好既，呢個侍應係小妹妹黎細細粒長頭髮既，不過就

我地九人book左枱，去到見佢安排我地坐房，其實唔錯，因為我地比較嘈，怕影響其他客人，而且坐得幾舒服。其實間房係好細，好應聲，所以如果有其他客人坐入黎，係大家會聽到晒大家講野，有一圍就係坐坐下出返去坐。野食方面，叫左個大蟹子飯，蟹子好大粒好新鮮，不過好細碗。個燒魚賣相唔得，燒到黑蚊蚊，但味道不錯的，係過隆了。苦瓜炒蛋，苦瓜唔苦，加埋魷魚食味道幾得意，夾埋食只有魷魚味。軟殻蟹壽司都好好味，軟殼蟹都有少少脆。仲有飲品方面，巨豐堤子梳打水好好飲，但蜜桃梳打水好似藥水味，好難飲。價錢方面每人食左接近三百，因為d野偏細碟，要叫好多先夠。

曾經和女朋友多次來這裡吃飯，本身也感到不錯，食物水準和服務態度也很好。所以十分推介這裡給朋友。但上幾次來發現大不如前，食物水準也有一點不穩定，但最大問題的是侍應的態度，雖然星期六日是限時，但坐低下也可見全埸差不多爆滿了。剛剛坐下，便有一位帶眼鏡 身型較豐滿的女侍應來招呼我們向我們推介有新鮮魚，初時也有一點興趣，但後來我和女朋友商量一下，誰不知那個侍應又來sell，好像迫我們要嘗試這樣，然後我們準備點菜，又是那個女侍應跟我們落單，我們已經拒絕了，但誰不知她依然繼續sell，女朋友已經不滿意，但最後落完單就算。之後再一次和朋友來吃晚飯，巧合地又是星期六日，又碰到上次女朋友不滿意的那位女侍應，一坐低 又和上幾次一樣馬上走來推介今天的魚，朋友想叫一條試下便問她魚的質感等等，誰不知我的朋友對魚很熟悉 說她根本只靠吹水，連魚的味道也亂吹水，根本不是完全知道每條魚應該怎樣食才最好，最後我們也叫了條魚吃，也很不錯。但我們等待食物期間，我留意那位侍應對於每一張新到的客人也是落力hard sell，即使對方不想嘗試也落力說服，我和女朋友已經感到十分反感。 到平日我們又到這裡試多一次，希望那位侍應會有所改善

約左好耐無見的朋友食飯～有人話依見好食就黎左試，果然無失望！吞拿魚腩拌飯 依個真係好好好食！！！我同朋友一致認同佢係最好食既！！！初初我都驚魚生＋雞蛋會腥，但d吞拿魚腩真係好肥美好香，入口即溶，加埋雞蛋更香話。同飯一齊食真係好正，份量亦好足夠，三個人完全夠分shabushabu～個人覺得普普通通，肉都幾滑，但少左d肉味，湯底亦無咩特別，似普通豬骨湯。黑豚肉拉麵。味道不過不失，湯底香濃。鹽少牛舌又係另一個驚喜！厚切咬落去非常有口感，牛味十足！燒既時間剛剛好，好入味，推介！！服務都好好，餐廳職員有禮貌，環境乾淨唔太嘈

旺角moko商場餐廳選擇多。身為日本菜嘅Big Fans。選擇咗呢間沖繩料理作為我第一個食評。牛油果大蝦沙律～本身牛油果味道麻麻。配上芝麻醬味道提升咗唔少。D大蝦大大粒好爽好fresh 。炭燒豬頸肉～肉質煙煙Un Un 。燒到啱啱好。味道令人想一食再食。美中不足份量少了一點。整體普通之上。地點方便。值得一試

見到openrice 食評不錯而且門面裝修特別於是入去試下呢間眼見附近食客都叫信用卡套餐但信用卡套餐不岩心水於是我地選擇單點食物一人一杯叫了一杯飲品巨峰梳打同埋柚子燒酎雜錦魚生沙律唔好食，刺身唔新鮮海膽汁燒蠔，明太子玉子燒，牛舌 好一般! 試一次就夠清酒蜆okay~其實店內服務，環境都幾好，食物質素麻麻

是日食lunch,食到個咁大個人食過最難食既雞肉親子丼等左成25分鐘先到...D蛋超級超級少仲要完全冇味,落左好多好多7味粉先塞到入口張相係個飯一上個樣就係咁,未掂過ga好懷疑個廚有幾hea先接受到呢碗野見得人絕無下次

食過銅鑼灣店覺得幾好，諗住試埋新世紀廣場啦。餐廳裝修都有日本居酒屋感覺，有沖繩產物作裝飾，整體環鏡乾淨舒服。但服務同食物質素都差D！前菜點了份大蝦牛油果沙律都幾鮮甜。清酒煮蜆是到居酒屋必食菜式。肉厚鮮美無沙，清酒輕輕的不會蓋過海蜆的鮮味，都算OK。到了黑豚關西燒，等了好耐超過成30分鐘，可惜食緊才知上錯變了章魚關西燒！面頭淋滿醬汁，底部的椰菜絲清甜脆身，吃下酸酸甜甜，整體來說也算OK。最後到了碟三文魚炒飯，追完再追，足足再等多超過30分鐘！完全冇侍應經理過來解釋回應吓，好失望最後足足食了超過2小時......

這篇文章存在電腦中也很久了，一直沒有發文的原因，是由於文章本來留來發在一個地方的，怎料計劃一拖再拖，那麼現在就把它發岀來，給孩子作個參考吧。這天來到旺角新世紀廣場的目利銀次吃晚飯。這兒的裝潢很別緻，木系元素加上不同的日本風格掛飾，令人有種日本夏祭的感覺。明太子煎蛋卷$68: 軟綿綿的煎蛋捲，包著嫩色的明太子，上高還放上大量蔥花和蘿蔔蓉。一刀切開，明太子在蛋卷中緩緩流岀來，令人心動。吃下，蛋捲軟熟濕潤，不會煎得過長，內裹的明太子咸香十足，加著雞蛋同吃就岩岩好，當中還有蔥花提香，口味豐富。超豪華卷$180: 一卷中有海膽，吞拿魚蓉，帶子及魚籽。 吃時就像玩層層疊般，想像辦法抽岀卷物，同時又不會令上高的材料跌落碟中。由於材料的份量認真的的，眾人認為要令材料不倒是個"mission impossible". Haha.吃下，口感很豐富，刺身很厚實，帶子軟牙中帶軟綿，加起壽司飯同吃，是令人心動的。軟殻蟹天婦羅(兩隻) $118: bagel很喜歡吃軟殻蟹，可恨的是，香港很多餐廳供應的軟殻蟹都做得不太理想，不是炸得不夠脆身，就是軟殻蟹不夠肥美。軟殻蟹甫上桌已感肥美飽滿，蟹身位置脹卜卜的，快快手拍過

實在係…我俾佢成間鋪既裝修引誘左，整個門面既裝潢都好日式，裡面有凍櫃放左好多新鮮既魚，唔食你都會覺得好吸引，再加上佢地知我地係4位女仕時，仲特別俾張圓枱我，個位圓don don 包圍住我地，自成一角，出面幾嘈都唔覺

吾明白點解大排長龍！我見2、3個星期六12點就有人排隊，於是叫工人12點排住隊先，點知真係寧願自己排吾到食吾到，肯定以後吾會去！1）個湯烏冬黎時已經冬左，攪到d牛肉有d"星”味2）個飯又係已經泈曬3）個飯同烏冬都無味4）個侍應又無禮貌，掉個碗飯在台上其實佢價錢都幾平，98$有個定食，可能甘有甘多人排隊，但只要食過1次我相信無第二次

每次來到「目利きの銀次」都有好多想吃的，尤其旺角東新世紀廣場(MOKO)店Royal Grill Ginki，menu比其他分店多加不少鐵板燒和居酒屋小食，食物款式選擇更豐富。午市時段有lunch set，每份午市定食＄58起包括沙律、前菜、味噌湯、飯和咖啡或茶，相當抵呢。食物選擇有壽司、刺身、熟食和烏冬、麵類等，款式定期會轉換，當人少少就最適合吃個lunch set。不過午市定食始終每期只有6款，未必款款也剛好是想吃的，而且亦沒有包括一些我們最喜歡的菜式。所以當人數多的話，我們多數都會選幾份lunch set以外再另加單點菜式。這日我們一行8人，從lunch set中點了2款，包括「什錦壽司定食」 ($108)和「山葵燒黑豚豬軟骨定食」 ($68)。「什錦壽司定食」 一客有8件壽司及一份3件的卷物。紅身魚和白身魚都有，都頗新鮮，大家可以各取所愛。「山葵燒黑豚豬軟骨定食」，山葵味不太明顯，肉質相當軟腍入味，加入爽口的軟骨，口感豐富。跟set的沙律、前菜和味噌湯。最喜歡就是沙律，菜夠爽脆新鮮，溫度亦剛好夠涼（不會過冰或熱），很好吃。「鮮蝦牛油果沙律」 ($68)，蝦肉爽甜，配上軟滑香甜牛

This restaurant started at 12:00, Although it just started its operating hour, but I saw many people going in,that is a popular restaurant! This shop is quite considerate, it provided both ordinary tissue and wet tissue. On the table, there is soysauce, and japanese spice powder. The chopsticks are dispoasble as well.This salad and appetizer are served with every lunch set. I feel suprised and delighted that even sunday have the lunch set. In the salad, the portion of seasame sauce is enough. It

睇完戲見門口唔算多人，拎飛無耐就入得上菜速度其慢，每度菜之間等足十五至二十分鈡侍應經常跌野好嘈！仲打爛野搞到碟ge碎片彈左去我背脊，同隔離台ge食物上面仲錯野果個仲唔識過來say sorry,得個經理有講過最後埋單，一碟炒飯又計左兩碟，成班人真係發緊夢食物只是普通，但無服務可言，加一都唔想比一點都唔似日本餐廳，無服務可言