真味坊

营业中

休息中

繼續葵芳掃街之旅🤪，除咗喺葵廣，地鐵站附近都有好多美食🙂，今次一次過係葵廣同葵芳掃下街🙋🏻‍♀️❣️咖哩魚蛋 $8❣️靚八爪魚 $15❣️爽脆牛柏葉 $15全部都可以額外加咖喱汁，咖喱味比較淡同唔辣🤓，魚蛋本身就可以揀辣味，都幾辣吓，魚蛋選用陳皮魚蛋，魚味都幾濃，$8有6粒算喺咁🤪，牛柏葉同八爪魚就超級爽，過吓口癮都唔錯嘅😂👅好味度：7.5（10分滿分）🍽️真味坊 葵芳葵富路2-11號好爵中心地舖

真味坊身為葵芳人，食咗接近廿年呢間「真味坊」都未寫過食評，其實葵芳站A出口有兩間街頭小食，佢哋同「強記」差唔多咁歷史悠久，我自己就鍾意「強記」多d，人地辣得嚟唔會咁霸道，慢慢辣出嚟好味d！1.燒賣（5粒）$8（9/10）買咗兩串，比起之前夜賓州平好多，好煙韌，有魚肉味，人地都係賣埋秘制辣汁，會辣到上天花板！2.咖哩魷魚$14（9/10）一串有六舊魷魚，爽口彈牙！3.靚八爪魚$14（8/10）一串有六舊八爪魚，爽口彈牙！4.美味麵根$12（2/10）一串有四舊麵根，好硬好乾，唔好食！5.索味腐皮卷$12（6/10）一串有八舊腐皮卷，索唔到辣味，哈哈！2人總共價錢$68個人口味總評分：6.8/10地址：葵芳葵富路2-11號好爵中心地舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#真味坊 #葵芳 #葵芳好去處 #掃街 #燒賣 #魚蛋 #街頭小食 #香港美食 #hkfoodie #hkfoodblogger #hkfoodpic #hkfoods #hkfoodsha

有個紮頭髮，瘦猛猛黑蚊蚊嘅阿姐，掛住吹水唔做嘢。打斷咗佢吹水，我話要嘢食佢話冇，仲要黑口黑面。之後佢隔離個阿姐話有。即係我打斷咗佢吹水，就連生意都唔想做俾我？其實唔想返工咪唔好返，晨早流流比啲咁嘅服務態度我？

🍴燒賣$8 5粒 (7/10)燒賣都好煙靭，夠曬淋，有魚肉嘅香，甜豉油都香甜嘅，正常中上質素，鍾意食燒賣嘅可以試吓~推薦指數: 7/10見到有Foodie IG介紹過話8分就覺得還好？中上質素，不過喺葵芳地鐵站附近都算幾就腳，仲要開24小時！

今早經過地鐵站，看到小食店有粢飯賣，好想吃，於是買了一個回公司作早餐。粢飯是迷你版，細細個，回到公司打開，還是熱的。裡面有菜脯，肉鬆及油炸鬼等等。配料味道不突出，不是太多，糯米也不是太硬，整體味道正常。如果想吃不同類型的早餐，這個是一試無訪的選擇。

黎葵芳一定要食既野！真味坊！連對面海既人都知既小食店！最出名，係佢個辣汁，鐘意食辣既人唔可以錯過，唔鐘意食辣既人食完都話好食😏最聞名既配搭係牛丸+辣汁而我係，無食到牛丸😂因為食過太多次啦，今次食魷魚（其實仲有好多野揀，都好好食）好爽口好正 YAY

事發係返工有時都會幫襯下佢，買返件腿蛋治既，佢地不嬲都整定晒係道，一拎上手完全攤凍左，咁咪諗住拎過件囉，點知個阿姐話你重咩，我咪同佢講攤凍晒想過件，換完後之際，點之個阿姐就爆句出黎，小心呢D人拎多件，真係火都黎，大佬我俾晒錢架，諗住換過佢，都可以咁既態度，bad

踏入2019年，24蚊已經買唔到m記嘅優惠套餐了，不過慶幸嘅係我仲可以用呢24蚊買到另一種快樂“一串牛雜、一串大腸，喺度食，搵隻碟一次過裝住“成為咗我最近每次黎都必講嘅對白，因為呢度嘅牛雜、炸大腸係我食過最好食嘅，宜家幾乎食到上癮。一定要叫佢攞碟裝住，如果唔係佢將牛雜放在公用鐵盤上，就感覺唔太衛生牛雜夠曬大件而且彈牙，真係我食過最大件嘅牛雜，最重要係冇蘿蔔！因為我覺得明明叫牛雜但俾埋我蘿蔔嘅話，成件事會好搵笨。淡淡嘅果皮香再淋上芥辣，惹味到極，宜家諗到都流口水炸大腸味道會鹹d，所以我每次都係食完牛雜先食，佢最出色嘅地方係出面脆，入面夠彈。淋上芥辣，青辣味融合炸大腸嘅騷香，天衣無縫。我食過其他店嗰d，入面淋曬，口感就唔好。呢間口感同味道都係一流的！不過今次有dd失望嘅係佢唔係即炸，以前明明係即炸嘅，宜家只係預先炸好，所以我覺得唔夠熱希望之後都係死守呢個價錢吧，在百物騰貴嘅年代，用24蚊買到呢仲快樂，真係好難得

今晚工作關係遲了放工想搵間小食店買嘢食醫吓肚姐，點知捱左肚氣！見葵芳地鐵附近好多鋪頭關晒門，咪幫襯真味坊lor⋯記得4-5年前幫襯呢間鋪頭阿姐態度已經差，以為過左咁多年有改善，結果仲差過之前！明明我排隊先，講左要食咩⋯點知阿姐完全ignore我，問另外一邊位男士食乜⋯ 明嘅，異性相吸，同性响斥！於是又叫我講多次⋯ 點知佢問個男人係咪要呢d呢d，再問我第三次！我話：我已經講左好多次！阿姐：咩姐！你同佢把聲疊住左吖嘛！我話：其實係我黎先⋯d食嘅時候，魚蛋味道麻麻⋯個樣衰到似痾出黎，食落去好鞋⋯ 一d都唔彈牙！燒賣d皮就爛晒咁⋯ 奉勸各位寧願行遠小小買都唔好幫襯呢間嘢⋯真係食完會背脊骨落！

利申先：本身真係超級鍾意呢間嘅牛雜，因為佢唔會好似其他舖頭咁得個甜/鹹，而係有層次咁香，另外佢件件都好飽滿，分量仲好足，唔會好似其他鋪頭咁成一半都係蘿蔔，我試過唔同店鋪嘅牛雜，冇一間俾到我呢種感覺但係今次真係超級失望，我見好耐冇食牛雜，口痕買黎食，仲好重手咁一次36蚊買咗3串，諗住食餐勁一入口......咁苦澀嘅？！我都唔知話自己好彩定衰運喇，唔係牛雜本身處理得唔好而苦，即係仲食得啦，但係d調味真係勁苦。我知佢地本身係會落果皮去煮，所以一直都有果皮獨有嘅香味，但唔知點解今次苦得咁緊要，已經唔係單純果皮味，而係令人味蕾窒息嘅苦最後我唔想浪費食物，都係頂硬上食曬，但真係唔太開心，因為今餐破壞咗佢一直在我心目中嘅形象，好失望，仲有d莫名嘅心痛

我一向着迷路邊小食，今日黎到呢邊穩美食。見到葵芳真味坊小食，就唸住試下。我叫左一個炸魷魚小食，一咬落口竟然係凍冰冰嘅，我以為自己叫錯，但望落去的確係炸魷魚嘅樣。佢嘅炸粉成尺厚，實在太可怕，如果拆哂所有炸粉，魷魚只得幼幼幾條，我覺得自己買嘅唔係炸魷魚而係炸粉，而且味道并唔好食，無味，14蚊唔算十分貴，但呢個小食的確令人好失望

今日放假，便到葵涌廣場去行下，行了2個小時左右便準備離開，走到巴士站附近就發現有一間小食店，由4-5位姨姨負責，細望下，發現食物的款式多樣，好吸引，例如有三文治，炸物，煎釀三寶，中式早餐奶茶等等。我在門邊左望望右望望後，就決定食靚八爪魚及黑椒牛根丸，等了約1-2分鐘，就可以享用了。黑椒牛丸根三粒($10), 好大粒，肉質易咬口，黑椒味濃郁，好惹味，正。另靚八爪魚一串有6小粒八爪魚($10), 彈牙爽口，配搭秘製醬料，好入味。

放工后有少少肚餓, 靚姨1串牛柏葉!!靚姨問我要不要辣，我反問她會不會超辣 (多數是想嘗辣，但又怕真的會好辣的食客會這樣問-->即是本人呀😂), 她話不太辣，最后發覺是超辣😅😅果然大家口味不同😅平平無奇的牛柏葉，有了這超辣醬汁變得不平凡，惹味!! 牛柏葉夠爽!!下次還是點不辣😂

收工後有點肚子餓，黎附近桔串魚蛋！最後叫左一串魚蛋，一條腸，要辣汁 再加一串燒賣，哈哈，叫得有點多…阿豬好鍾意呢間既魚蛋，佢好有咬口煙韌十足，更有微微的陳皮香，超like！呢種魚蛋不會索味，所以一定要靠醬汁，醬汁非常香辣，但領人食到停唔到口。燒賣質素好差，無燒賣味，口感差，完全係食醬。食完好辣，立即過對面許留山食甜品！

每到長假,紅日都預左一個人過,有時真係覺得自己好似比人用來攝時間一樣,當知道今次都差不過,所有心情真係好差...就走左去葵芳走一轉,掃下街,心情應該會好點..地鐵站有間咩都有的小食,齊係我覺得最好食,不太酸,甜甜地,今次叫埋韮菜餃,煎得不夠香,同唔脆,加多飲豆漿,總算心情好一點...