真味坊

营业中

休息中

由於地理位置優越，係地鐵站對出，所以經常都有好多人排隊買小食～由其係早餐～會有2至3行～分別買腸粉，燒賣同三文治～不過我就比較鐘意食一串串即淥既野～有八爪魚，魷魚，生腸，牛柏葉同各款丸～野食總算新鮮～最喜歡魷魚～一串一隻～大大隻好吸引～特製醬汁做得出色，令淡口既海鮮類即時變得惹味～辣味醬汁更帶有麻辣既感覺～之前都試過佢啲3寶，炸丸同其他炸物～3寶比出面大件～但相對價錢較貴～其他炸野可能比較少人買，放係到太耐，所以多數都凍咗或淋咗～但成日經過口痕都會忍唔住買返串食下～不過衛生同服務態度就真係唔係幾好～

每次到葵芳都總會心癢癢腦裡面不斷出現很多一串二串的小食不過說到最愛，就是燒賣我對燒賣要求甚高葵芳最愛的其中一間“真味坊“燒賣咬落不會死實是煙韌的，就算只點豉油也好味道

葵涌人在家住葵涌返工葵涌，幾乎每天都經過葵芳，一個星期總會有一、兩天是在葵芳掃街解決晚餐。星期一，又是我的Green Monday，本來應該回家吃素算了，但因為有點東西要買，所以迫住要去葵芳逛逛。我一向都唔餓得，七點幾放工，又要逛街買東西，一定是平靚正掃街。葵涌廣場本就有一大堆小食檔，各有特色，但如果要吃素而又想掃街，真味坊選是比較多選擇的一間。由於地點關係，這店人流不錯，早上有早餐賣，放工時間有許多人在這店吉番幾串。平時的小食店，多數只是賣魚蛋豬大腸燒賣三寶牛什，通通唔食得，好幸好這店有幾款小食可以給素食者，包括：酸齋、蘿蔔絲餅和麵根。這店的多款小食我都基本上試過，麵根是我最喜歡的一款。點了後，這店的姐姐會即時把一串麵根放入滾水中灼熱，之後會稍微隔去水份，再點上秘製的醬汁。基本上，各式丸類、柏葉、豬皮等都是點這個醬的了，有辣與不辣。我每次都是點辣的醬汁，很濃的醬汁，有點豆豉味，麵根會吸滿這醬汁，很滋味的。

1, 食粢飯已經是較便宜的選擇, $9還好, 吃一件可以頂到下午一時但其實回想, 小小的一件粢飯, 其實材料很少飯很腍, 其實我想正宗的, 小時候吃的都應該較硬較韌的內裏的榨菜、肉鬆 都是一般的貨色, 沒有特別跟本人的杯子相比, 就知道有多小吧2. 三文治+飲品是否我太天真太傻是虛幻昃幻覺?另一天, 又是上班途中, 來到此店看到三文治、飲品 $14好就叫個蛋牛治+茶走盛惠$21所謂三文治, 就是兩塊白麵包夾著少許餡料其中角位3cm x 3cm 的位置是空白的, 即4.5平方釐米是白麵包其他有餡部分還好但其實塊包都像是做了放著很久, 放到包都已軟綿綿, 就像星期一, 打工一族一早爬起床那樣軟綿綿幸好, 茶走挺好,茶味濃, 甜度亦剛好.但三文治+飲料, 我想$15 都可以了吧

今天與旫天一樣要留守在公司，並沒有外出，可是昨晚在下去了深水埗掃街，今天便遊走葵芳，繼續掃街。同樣地，在下於公司尋找好一些目標食店後，便前往目的地，為在下展開饞嘴之旅。今晚第一站，便是到地鐵站出口的真味坊。這真味坊前身為一間麵包店，後來就變成了這間小食店。這小食店已經開了幾年，可是在下一直都沒有嚐試過，今晚一於試試吧。從門面看來，這店子頗大，而且各款小食應有盡有，不愁沒有東西吃，，如果吃齊的話，那麼晚餐便可以省卻了。不過在下只是點選了龍蝦丸，墨魚丸，魚蛋和燒賣。首先在下吃掉的是墨魚丸。從表面看，頗巨大的，而且有三顆，吃下時仍然是熱的，而且墨魚丸都幾＂實＂的，但不至於死硬，而且都幾彈牙。可是輪到隔鄰的龍蝦丸，已經擺放了一段長時間，已經放涼了良久。所以吃下的時候是冷冰冰的。雖然是凍了，但是其本身亦和黑魚魚丸一樣巨大的，而且很’實＂但有點彈牙。然後就到了魚蛋。在下最近減少吃辣，所以魚蛋以原味為主，沒有加辣。魚蛋亦算好味彈牙和沒有粉味，都算幾爽的。至於燒賣，是魚肉燒賣，魚肉尚算幾滑，沒有腥味，算係咁啦。整體來說，除了龍蝦丸之外，都不過不失，但是龍蝦丸認真要再炸熱過才放出來。說到龍蝦丸就少不免要

葵芳區食過的腸粉之中，以呢間最好味，所以間中搭地鐵經過都會來買。$10一包其實都偏貴。之前係賣$8的，加價後好像份量多了一點，有四至五條腸粉。腸粉夠滑，醬料足，多芝麻，好味。今日加了一串燒賣，但係燒賣就真的麻麻，太實。尚有其他早餐食品、飲品等，但我未試過，所以只會推介腸粉。

勸你地係冇乜人既時候唔好幫襯試過買左串唔知咩丸(好似係龍蝦丸), 凍既頂唔順, 食左一半就丟鬼左.d魚旦燒賣又淋pak pak, 如果唔係貪佢係地鐵站出口都唔會幫襯

2010年1月10日 ( 4 ) 大嶼山行山後 街邊小吃今天在大嶼山行山，由東涌溯六合石澗登老虎頭，終點到達陰澳，然後...乘東涌線往麗景轉車至葵芳，到達葵芳後，肚子有點餓，在好爵中心下之真味坊，購買了一件蘿蔔球，蘿蔔球 ： 比小時候的蘿蔔池大些 ， 呈球狀 ， 外觀不甚好看，內餡看到有蘿蔔，少量紅蘿蔔，咬吃時...外皮脆，皮略嫌厚硬一點，餡料蘿蔔添上五香粉調味，很好味。

今日收工都成七點嘞，有啲肚餓，去到葵芳地鐵站見到呢間小食店都有幾多人買嘢食，仲有唔少人圍住個檔食緊，我就睇吓有啲乜嘢啱食！呢個小食店都幾大，賣嘅嘢款式真係好多，我由左邊掃到右邊，睇真啲佢賣嘅嘢食！佢嘅最左手邊係一大盤冰鎮嘅凍咖啡同埋凍奶茶，跟住係各式各樣嘅串串小食：有咖哩魚蛋、咖哩魷魚、牛柏葉，黑椒根丸、牛丸、香菇貢丸、墨魚丸、龍蝦丸、紅腸、廚師腸、雞腎、螺肉、麪筋…真係好多！再過啲係牛雜、豬腸粉、炒麪、燒賣、牛肉、酸齋同埋串燒，仲有煎釀三寶、炸多春魚、炸魷魚鬚、炸春卷、咖哩角、炸大腸；最右手邊嘅有炸蕃薯餅、炸芋頭餅同埋蘿蔔絲餅，連熱狗，三文治都有，三文治都十幾款，真係多到我眼都花埋，差唔多所有街頭小食佢都齊晒，真係厲害！最後我揀咗炸蘿蔔絲餅因為唔係成日見到！呢度嘅蘿蔔絲餅都幾大嚿，因為啱啱炸起，皮仍然係脆嘅，不過就比較粉多而且厚，入面嘅蘿蔔絲餡有好大朕五香粉味，除咗白蘿蔔絲仲有紅蘿蔔絲，食味同舊時食到嘅差唔多，幾好！白蘿蔔絲好軟，紅蘿蔔絲就有啲爽脆，配合得唔錯！雖然啲蘿蔔絲切得唔夠幼細，不過食嘅時候一絲絲扯出嚟，又幾好味喎！因為個餅都幾大個，所以食完都幾飽，不過我都知呢樣嘢係好肥嘅，

燒賣幾好食6蚊一串魷魚好大串煎(讓)三寶味道尚可只是秘制醬汁...真的很辣連我朋友平時愛辣都覺得好辣...@@a路邊一間有時食下回味下以前既小販

** 此 食 肆 的 第 二 個 OK **上次3-11-2008晚同爸爸o係醫院睇完媽媽後返屋企,其實唔只o係金溪買飯盒,之前係o係o度買o左小食,只係搵唔返呢間,今晚返o黎時被我記低o左.o個晚我o地用o左$16.00買兩年釀燈籠椒,兩件(釀)矮瓜,一件炸蘿蔔同一串酸齋.返到屋食企打開o黎食,原來炸蘿蔔裡面係蘿蔔絲同一啲菜絲,味道一般.酸齋都中規中矩o既,燈籠椒亦然,不過(釀)矮瓜原來唔係(釀)矮瓜,係冇釀o野,少少被騙o既感覺,不過算啦,都唔係好貴,可接受o既.

此店位處葵芳地鐵站到巴士站必經之路,開業經年上星期才第一次幫襯,只因突然想吃三寶而已。小店後面是廚房,前面佈滿各式港式小食,如腸粉、燒賣、牛雜、魚蛋、煎釀三寶一應俱全,視乎食客選擇。三寶($5/4件)新鮮炸起,先來茄子、魚蛋、辣椒各一份,再見到體積巨型的蘿蔔絲,這也是很久沒有吃過的,又點了兩個。三寶件頭也不算細,以這個價錢來說是可以的,魚肉內有紅蘿蔔絲和小量蝦米茸,算有誠意的了,只是魚肉份量有點薄,可以加多一點更好;茄子/辣椒質素ok,只是魚蛋反而不太好吃,炸得太硬了!很容易弄傷口腔哩。炸物中除一般材料外,還有一種我以為是炸冬菇的炸皮蛋,有趣!蘿蔔絲size巨型,內裡也有很多被五香粉調味過的蘿蔔絲,吃起來除五香味外還有點點蘿蔔汁,味道跟兒時吃過的都算相像,只是外皮就差得多了!!厚厚的粉漿一點也不鬆脆,整個硬硬的像個雞蛋糕,失敗!下次經過都是望一望好了,食物列陣比味道優勝。