真滋味美食

营业中

休息中

好幾年無食過，記得以前燒髀好好食又香又Juicy， 今次諗住重温返，點知中晒伏。燒髀又乾又硬， $33隻完全唔值仲難食過普通街邊嗰啲舖頭。 老細態度又差又唔耐煩，真係貼錢買難受。

是日西環遊, 事前搜尋了這區的美食, 這店是其中一間熱推, 便來光顧。小店四周大致是圍封的, 只有付款的位置與外間相通, 大大降低食材接觸車路灰塵的時間, 乾淨衛生。差不多12:45來到, 未見人潮, 看了看餐牌, 雖然食物款式不少, 組合蠻有彈性的, 唯事前已吃過, 不是太餓, 只叫了必食推介的馳名烤雞髀和炸墨魚嘴。本想另加一串炸雞皮, 可惜姐姐告知炸雞皮暫未有供應, 唯有只叫兩款, 過過口癮。購買流程暢順, 沒有遇上傳聞中的不友善對待。兩款食物交來時熱氣迫人, 即使由小店慢步至堅尼地城海旁的一段路程, 也降不了多少溫, 享用時小心燙手燙口。馳名烤雞髀 $33/隻炸墨魚嘴 $23/串炸墨魚嘴肉質爽口彈牙, 調味十足, 淨食的確是偏鹹, 但絶對是鬼佬涼茶的良伴。馳名烤雞髀手掌般大, 啖啖肉, 入口不乾不柴, 有肉汁。雞皮烤得香脆, 每啖均有蜜糖, 黑椒和孜然味, 有BBQ之感。

跟住餐牌點食物，到俾錢時價錢多於標價，影埋個牌俾佢睇，佢就係咁鬧人，淨係問你想點，唔知係咪覺得我係遊客，當我講明你個牌寫嘅同收嘅價錢唔同，佢唔出聲，咁樣樣胡亂收錢，仲要唔講道理鬧人。

其實疫情後都去幫襯過好幾次，知道炸髀係好食，今日諗住好耐冇去，就再試一次本身有啲攰，同女友諗完食咩諗住佢會叫，到叫野食既時候佢又叫我落單，即刻唔記得晒諗左啲咩，但都第一時間叫左炸髀先。店員又問係烤髀定炸髀，我就再答多次炸髀，佢就話依隻係有你特色既炸髀。唔知最近係咪易左手，個男店員好似唔同左樣，唔似以前既老闆，明明前面兩個內地女生，我諗係大學生，都仲係度撩佢地食咩，點解到我個態度差到咁。事後諗佢話有特色既炸髀，算唔算係兇緊我🤔諗左好耐出唔出依個食評，到底比好評定係差評，但到落筆我會揀差評。新人去食可能係食緊食物試緊新野，但我原來係食緊回憶，我明白香港依家生意難做，雖然唔係住果頭，但都算係西環人，我都想撐返香港舖頭，但好評真係落唔到手。總結態度差食物質素下降炸薯餅來貨唔同左，細塊左。如果未食過想試下既，或者都可以一試（如果唔怕態度參差）如果有人知係咪最近轉左手可以留言講，等我得個知字。

If you want to ask me whether eat here, I can tell you, don't. I asked for two meals, have been sold out. When I asked about the third one, I said, this one won’t be sold out, right? The original words of the owner (a one-eyed freak with no qualities) were: "You're a piece of trash". Sorry my friends, I can't maintain any respect for such a person after being abused like this late at night. This kind of insult from a shop owner to a customer when the customer did not behave inappropriately is un

晚上經過。想幫襯。問下啲食物點賣，幾多錢。男店主以極度惡劣嘅態度回答。”20蚊！！” 跟著我話要一串燒賣。佢開始鬧我，問我要邊隻燒賣。我指俾佢睇係蒸櫃入邊嗰隻燒賣，佢繼續大聲鬧，聲稱佢自己有好多款燒賣買。怪我只係講燒賣。我覺得無謂同只會幫襯一次嘅店主討論或者嘈交。唔知佢係覺得自己係超級名店，全港嘅人都應該要知佢間店有咩食，定係佢本身唔係好控制到自己嘅情緒。總之，無下次。燒賣用豉油浸住，冇錯，係浸住喺個袋入面俾我。啲豉油勁鹹。以食物而論，大部分只係炸加工食品。唔係肚餓，頭先都唔會去試。伏！

今日我啱啱去完，開頭諗著電視介紹，講到啲店員點親民，又同啲街坊點老友，啲烤雞髀又點好食，一心諗住去試吓，今時今日，香港都冇幾多間咁嘅地道小食舖頭啦。點知今日去到，我同間鋪個店員講，我想要兩隻烤雞腿，問佢仲有冇得賣（因為電視講，如果冇訂，就可能會冇得賣），佢一開聲就凶神惡煞咁問我想要乜嘢，啲態度不知所謂，跟住我再問佢啲煎釀三寶點賣，佢直程唔睬我，但當時並非有人排隊或等候，只是淨得我一個係度幫襯，現今竟然仲有啲咁嘅店員，同咁嘅服務態度，我唔會同佢一般見識，我買完嘢就走，我一定一去冇回頭，今時今日，咁嘅服務態度，包尾都不如，啲嘢食，味精多到不得了，絕對不像電視所說的咁好食，除非閣下鍾意受氣去使錢啦，呢啲咁嘅舖頭，絕對可以不去。

已經來二刷了～～～ 早前就聽說過他們在堅離地城必吃之一沒吃過這家 就像沒去過堅離地城一樣 上次宵夜時份去本來路上也沒什麼人 誰知道他們的店 卻滿滿人龍 還愈排愈多偶爾吃一下邪惡重口味煎炸的宵夜 哇～人生的快樂呀～～椒鹽炸燒賣 $13/串炸得脆脆的外皮 又不會過硬 而裡面是我們很常吃到的街邊燒賣味道而加調味料的時候 店員問了要不要辣～ 難得都要吃邪惡美食那當然要辣啦 哈哈哈😆吃起來就是爽～～滋味炸物 - 2薯餅、1吉列蝦 $20/3件哈哈😆上一次已經吃過他們的薯餅了 真的好贊（個人覺得比早晨套餐吃到的更好吃😋這次一定要一人一塊 薯餅外微硬脆 內𥚃軟軟 但又保留了一顆顆薯粒感他們真的炸得很剛好 而且再配上他們的調味粉 熱🔥辣辣 邊呼 又邊想繼續吃下一口吉列蝦 不像平日日本🇯🇵料理中的吉列蝦 這條重點是在吃他的麵包🥯糠炸皮炸得香脆 咬起來好爽 哈哈哈😆 （可是只有一條 好可憐 哈哈哈 好想再試別的～～馳名烤雞髀 $33/隻這烤雞脾 笑死😆 我跟另一半在聊到底這隻好吃😋 還是泰國🇹🇭路邊攤的那家好吃 😆堅離地城這家的雞脾的香料裹得滿滿 每口的香料感濃 可能因為他們的要再翻熱一下不是即烤 所以會

講真，依間舖頭我諗咗好耐到底要唔要介紹好，正所謂「吾之蜜糖 彼之砒霜」，因為佢真係真係好重口味，唔係個個人都接受到，但係佢又係我唯一會係夜晚為咗想食佢嗰炸墨魚咀，特意去到西環咁遠，所以都係介紹一下，因為最尾都係你們自己決定去唔去舖頭好細，基本上都係得一個人係到做曬所有工作，所以好追求速度，唔想比人鬧，就諗好咗食咩先，唔好企係點餐位諗食咩好咁依一間鋪頭除咗雞髀好食之外，其他小食都同樣出色，例如吸引我特登去食嘅墨魚咀墨魚咀（$23/1串）推薦指數🗯️：🌟🌟🌟🌟🌟價錢雖然有啲少貴，但係佢真係好食到可以為咗佢特意嚟西環，就係為咗食佢！表面炸到脆脆哋再加上辣粉，好惹味，而且入面又好彈牙，不過小心佢有機會爆汁，而且大小剛剛好可以一啖一粒，好滿足🤤炸物（$20/3件）推薦指數🗯️：🌟🌟🌟🌟我今次就揀咗雲吞、薯餅和韭菜煎餅；首先雲吞炸到好脆，咬落去聽到好清脆嘅聲音，而且食到餡料嘅時候，入面仲會有少少湯汁（要小心唔好一啖食晒，因為入面好熱）不過味道我個人就覺得鹹咗少少韭菜煎餅就大約一個五元再大少少，雖然唔大嚿，但勝在皮薄多汁，一咬落去就食到滿滿嘅韭菜餡，而且好juice ，不過食一個就有少少唔夠，因為份量真

態度惡劣！食物難吃！絕對不會再來光顧！通常不會寫差評，因知搵食艱難，但這家實在過分且無法忍受。點餐時各種不耐煩，語氣惡劣舉止粗魯，況且食物質素亦十分之糟糕，祇有鹹味与油味，已經毫無食材本身味道。來香港多年，從未見過態度及食物均如此糟糕的餐廳。本身不是遊客密集區，全靠街坊幫襯，這樣態度不如乘早關門大家開心！千萬不要被排隊假像欺騙，以為這家很受歡迎，實際衹是店主有意拖慢而已。這種店家不配繼續經營，料想也不可能用什麼好食材。囉嗦寫這麼多，就為標个差評，也提醒大家多多提防！

嚟到西環梗係要食下依間好出名嘅宵夜小食店當然唔少得就係要嗌佢嘅烤雞髀同埋墨魚咀！熱辣辣嘅雞髀好Juicy雞肉仲好嫩滑！墨魚咀亦都好爽口👍🏻排我前面啲人每一個人都有嗌烤雞髀證明真係必食！

岩岩幫襯完呢間野，除左烤雞脾$33蚊可以一試之外，真係唔好幫襯其他野，好貴唔合理，3粒魚蛋，三件韭菜餅41蚊，我唔打開個袋都唔信！真係貴到一D都唔合理，第一次都係最後一次！

自問成日嚟幫襯，因為佢嘅燒雞髀係返學嘅回憶嚟，之前喺呢邊返學成日買。今晚都排咗至少15分鐘隊，想買隻烤雞髀。自問態度都唔差，同佢講「唔該，想要一隻烤雞髀」，講完佢無反應，望住我唔我就再重複講多次，都唔該前唔該後，對佢態度客客氣氣。點知佢態度極差，語氣勁西咁講「講呀」同啤住我。個下真心嬲，事後好後悔點解仲繼續畀錢買，因為都講咁，所以照買幾好食都無用，幫襯佢都要無端端受氣，而且味道真心一般，只係西環得佢一間。

堅尼地城重口味小食店 喺西環幾出名 開到凌晨三點 方便人哋食宵夜 見到OpenRice 全部人都推介食烤雞髀 呢日夜晚去試下.今日keep住有幾個人排隊 等落單大概排左10分鐘⭐️馳名烤雞髀$32雞髀落單即刻 係焗爐拎出黎🔥出品勁熱 好辣手 影相都有困難😋落左調味料 重孜然粉 蜜糖 黑椒粒 芝麻等等😋呢個味道唔難想像 相當重口味 BBQ常見👍🏻雞皮烤到少少焦 金黃色好香口 （黑椒蜜糖味雞皮😋）👍🏻雖然整定準備係焗爐 但冇烤到乾哂👌🏻某部份肉質仲算滑 小小肉汁但小食雞髀過$30up 算小貴整體雞髀好食 路過 可以一試.#hkfunfoodrecord窮遊香港#hkfunfoodrecord_堅尼地城.#真滋味美食 (西環)地址：西環堅尼地城卑路乍街163號地下.⭐️評分：味道：3.5/5環境：-/5服務：-/5抵食：2.5/5.‼️想睇更多資訊‼️ig/youtube/mewe： hkfunfoodrecord‼️fb:funfunfoodrecord.#飲食 #美食 #優惠 #抵食 #hk #hkfood #hkfoodie #foodiehk #hkfoodblogger #hkblogge

今日同fd食完阿元，行經真滋味，就諗住買d食。但因為好飽，就話要一串雞軟骨。一個阿叔扮聽唔到，重複幾次，然後”乜你只要一串雞軟骨”（想象下態度比這個差十倍，同埋語氣好唔耐煩）最後邊炸野，邊同後面嘅店員話“以為買好多，無諗到只買一串雞軟骨”，最後收錢仲眼藐藐。超級無禮貌我唔明都是客，仲分貴賤，又無低消。唔知係唔係d名頭慣出來雞軟骨都只是一般，我知這裡出名是雞腿，但想象到態度，不會再來！