真滋味美食

营业中

休息中

記得曾經聽過朋友講，西環堅尼地城有間小食店，仲開到好夜，好多人都會去買黎做宵夜，難得經開即刻買黎試下。馳名烤雞髀呢度招牌之一，新鮮焗起拎上手熱辣辣，雞髀大大隻好厚肉，皮烤得微脆帶蜜味甜甜地，肉質唔算好嫩但又唔會乾，調味適中夠入味，帶微微辣幾惹味。炸墨魚嘴一串五大粒，墨魚嘴彈牙，調味適中，味道鹹中帶微辣香口惹味，但價錢稍貴。食物味道都唔錯，但食完有啲口渴，環境衛生可以，服務唔錯，雞髀價錢可以，其他食物部份少少偏貴。

真滋味美食 is a place that made people flock to. A take away only stand, this place is popular and queues are found late into the night.It serves everything fried. Yes, everything. And it's displayed right in front of you.Menu is in Chinese only. There is no English and no 10% service charge. But then again, you don't need English. Just point what you want and they'll fry it.We heard that the chicken leg was the thing to get. Costs $33. We read reviews and people raved about. Proclaiming it to be the

據稱係西環名物🙈終於一試烤雞髀$33 🌟就咁聞已經好香孜然味🤩🤩入口就覺得調味真係好正💯雖然有少少鹹，但啲香料醃得好入味，好有層次感好香😋😋雞肉就不過不失，唔會老/柴，但都唔係滑嫩多汁我會話係好食但又未至於超級好食？（唔知係咪需要但可以早15分鐘打去訂，咁就唔駛等）蒸燒賣$11質地就好麻麻，無乜魚味同少少硬，但個豉油但特別嘅🤔

上次去完阿元菜市場食芋圓火鍋之後好似有D空虛朋友提議不如去買宵夜去海傍食為食妹表示no problem估唔到9點幾10點去到都有好多人排隊一邊排隊一邊聞到好香雞髀味我地叫左兩隻燒雞髀、一串炸牛舌同一串炸墨魚咀由於燒雞髀太受歡迎排到我地要等15分鐘買完之後拎去海傍食特別有feel燒雞髀熱辣辣好好食牛舌都好驚喜，夠彈牙炸墨魚咀好爽脆唔錯下次有機會要試埋其他小食

唔係住堅尼地城嘅朋友仔，總覺得食到真滋味係要靠緣份，一間細細間嘅小食店，總係伴隨著一條小龍，可見極受歡迎有緣底下，品嚐了🍽<火雞腎 $15>大大隻，好有咬口🍽<蟹鉗+墨魚餅+雞中翼 $18>蟹鉗可以連殼食，墨魚餅彈牙，雞中翼有嫩滑多汁早兩日都見到老闆通告來緊5月下旬到6月頭會停業翻新，期待新景象嘅來臨，會有新品種可以嘗試，係呢段時間都無得過來排隊等食，唯有要忍忍口，等有新面貌嘅時候再來食最馳名嘅烤雞髀

我成日都係西環出沒，呢間都係一間幾出名嘅小食店。聽過最出名係佢嘅吼雞髀，今日經過我終於試一試。有少少，不過隔個膠袋都聞到勁香。佢行得比較脆，但係有少少窿！另外我都叫咗一個炸雞脾，佢嘅肉質就相對好啲多汁啲。

無可否認烤雞髀好好食，但可惜態度和服務就唔可取了。店主（老伯和老女人）每每在人流高峰期故意嘆慢板，專登製造人龍，其實大家放工都已經很攰，想食少少香口野，確實唔需要咁樣做去阻大家時間⋯

真滋味細細個已經成日食，幫襯咗十幾年，但最近幾次食真係好差😅叫一份炸物+炸燒賣+雞軟骨，打開竟然發現冇咗份燒賣😡錢就識收，少少野都可以俾漏，仲笑笑口咁😡俾漏都算，拎走去附近海旁都只係10分鐘都冇嘅路線，發現d炸物竟然係凍，炸物擺咗成日油淋淋，連個手抽膠袋都係油😡好懷疑佢到底有無再返熱過先俾人😅😅阿姐冇乜禮貌都算，叫3樣野都可以俾漏人，實在太離譜，西環有咁多好野食，真係唔好浪費quota食啲又貴又冇質素嘅野👎🏾👎🏾

隱世小店❤️西環街坊應該大部分食過，雖然我唔係西環嘅街坊，但今晚肚餓想食宵夜，突然記得呢間街坊小店，因為突然好想食烤雞髀，可惜今日諗住嗌雞髀🍗點知老闆夾俾我嘅時候，三隻都烤到黑晒，問我介唔介意食脆口啲，但係黑晒真係食唔到，於是就轉左炸雞髀，肉質嫩滑多汁，不過可以再炸耐少少。炸黑椒牛丸，炸得唔會太油又唔會太乾，老闆仲加咗椒鹽味好香口☺️炸豬肚丸同炸芝士魚蛋都OK嘅中規中矩🤩真滋味美食西環堅尼地城卑路乍街163號地下

呢間係我由細食到大嘅小店，泥到呢度一定唔可以唔食烤雞髀，係我心目中呢度嘅烤雞髀一定係香港No.1️⃣，好多人特登揸車過嚟就係為咗食佢地嘅烤雞髀，烤雞髀係即叫即烤嘅，所以要預先打電話過去訂，唔係嘅話可能就要等10至15分鐘，去Instagram Pier 影相可以順便試下呢度嘅烤雞髀🤤​.​🍗馳名烤雞髀（$30）​隻雞髀成隻手掌咁大，隔住個膠袋都聞到陣香味，拎到上手佢仲出緊煙，雞髀滴到成個膠袋都係雞嘅汁同油，因為雞髀係烤制而成，可以鎖住曬啲肉汁🔒，雞皮烤得超級脆，雞肉嫩滑，每一個位置都咁滑唔會烤到老曬，好容易咬得開，而個味道醃料係自家秘製嘅，真係一試上癮㗎！​好食程度：🌕🌕🌕🌕🌕.​📍真滋味美食​西環堅尼地城卑路乍街163號地下​

本小姐一直都喉住嚟間舖嘅烤🐔脾，好耐嚕。終於有機會可以同朋友晚餐時段一齊嚟到堅尼地城區，我梗係事不宜遲，即刻提出我哋當晚頭盤就係真滋味的烤雞脾啦！個晚仲掛三號風球，本小姐都不理，堅持要到食到雞脾。嚟到舖頭，好開心冇隊要排，同老闆落咗單就即刻有得囉！好運！仲係熱辣辣嘅添。由於太過肚餓，忘記要影像，搣咗一舊，想住擺返已經太遲。哈哈 導致佢賣相不佳雞肉醃製得好入味，入到每一啖都好有味道。不過老闆好似烤過攏，肉有少少乾，不過大致上係好吃嘅。並冇失望。

由細食到大既小食店，之前被新聞報導而大排長龍已經有一段時間冇食，見最近人流唔算多就幫襯下因為本身剛食完晚餐，所以只係叫左烤雞脾話呢隻烤雞脾係"鎮店之寶"一d都唔誇張，因為10個人黎9個都為左佢，會見到有10隻以上既烤脾係焗爐入面等待被認領每一次拎上手都唔可以即刻食，因為實在太熱，用紙巾包住都hold唔到，但咁樣就令你更想食，不斷流口水雞脾有成隻手掌咁大，咬落去肉質係好軟熟，唔需要特別用力咬開，可能因為係烤，d肉汁鎖哂係入面，係會多到瀉出黎係個袋到雞皮都烤到好脆，連埋肉一齊食，真係一大享受。呢隻係我心中世界第一既烤脾

如果你係港島人，夜媽媽口痕想搵宵夜食又驚中伏😎西環有間出名開到凌晨四點，有好多捧場客嘅小食店溫馨提示，馳名烤雞髀真係個個都會叫，唔想等可以預先打個電話☎️黎預訂我依舊叫咗炸燒賣 $12，炸墨魚🦑咀 $18同必點烤雞髀$30炸物唔會食到成口油，而佢秘製辣粉調味都好惹味，令人停唔到口！馳名烤雞脾真係唔係浪得虛名，烤得啱啱好，皮脆肉嫩，爆汁，加埋調味辣粉等大大隻但都唔夠喉🤤一邊打openrice睇返啲相，我今晚都好想去食宵夜😋

估唔到咁滋味！！西環經過見到咁多人幫襯，就試吓！佢有唔同嘅選擇，乜都有得炸🤭個人認為炸餃子🥟同炸燒賣就最出色，其他炸物都唔錯。因為佢哋炸完都唔會太油，重點係佢哋嘅秘製醬汁，夠辣又好惹味。

老闆娘好冇禮貌，問多兩句黑口黑面，轉左手諗住去試一次，結果我買都買唔落手，態度差到爆！！！！！！老闆娘好冇禮貌，問多兩句黑口黑面，轉左手諗住去試一次，結果我買都買唔落手，態度差到爆！！！！！！