真滋味食館

营业中

休息中

今晚四名好友飯聚，在鴨脷洲光顧小店 ...先往鴨脷洲街市買點海鮮，由於大家都是下班才到，街市已收得七七八八，但還可以買了些好東西，包括1/一條剛仙遊的老鼠班，＄200，2/一盤奄奄一息的九節蝦，但還活著的，＄150，3/三條中型墨魚，生猛，＄200 ...這條老鼠斑仔，香滑，“抵到爛”，蒸得剛好，肉吃完了，脊骨還有點血絲，證明火侯掌握得十分好。由於蝦已奄奄一息，所以用豉油王煎蝦碌方法烹調，全部開肚，蝦鬚蝦腳剪得乾乾淨淨，走油，殼炸得脆卜卜，薄薄的一層豉油汁，幾乎連殼也可以吃，十分美味。三條生猛墨魚，師傅提議不是椒鹽就是白灼，我選了香口的做法，但可能炸得有點久，有點韌，整體還是美味的。凍冰冰，吃完海鮮，再點個“羊腩煲” ... 很多塊都帶皮，騷味不十分重，足料，香，最後添了兩盤生菜，很過癮。不夠菜，還點了一個“啫啫通菜煲”，爆炒過的料頭，有蝦米、肉碎，香，惹味！連啤酒汽水，小店收了我們九百多，連海鮮費，每人才三百多，抵吃！

今日天氣凍，又心思思想食羊腩煲，可惜打電話去訂嘅時候，已經賣晒啦！幸好老闆娘阿芝，介紹我試一個連菜牌都冇嘅，胡椒豬肚雞腳骨煲！於是我就買來試一試，看看味道如何！嘩，胡椒雞湯超甜，我先喝了一碗湯，然後才開始吃其他！用料豐富，豬骨豬肚雞腳分量十足，還有粟米和冬瓜，非常豐富！我買嘅時候仲擔心唔夠食，所以加多一份枝竹，但其實都不用了，因為我同老公兩個人都吃不下！豬骨雞腳和豬肚都很霖和入味！我個人覺得最好味係豬骨，因為骨肉勻稱，非常美味！

第二次再買佢哋嘅羊腩煲，水準仍是一樣的好！今次再細心問吓禮貌好好嗰位小姐，還有什麼好推介！她說說牛腩煲和黑椒豬肚骨煲，都很好味！下次會再去買，試完之後再話俾大家知！這位小姐叫做阿芝，原來就是老闆娘，他先生成哥就是主廚，小倆口一文一武，合力經營這間小小的食館！我和他們之前從不認識，但從一煱羊腩煲之中，食出了他們對食物的堅持和美味！我會繼續嘗試去食其他的小炒，吃完之後，會以不偏不倚的態度，再告訴大家我的看法！

我年初三嗰日，喺呢間店度，買咗一個二到四人份嘅羊腩煲，份量非常足夠，羊腩煮得非常之美味，其他的馬蹄蘿蔔枝竹也份量足夠！最值得讚賞，就係負責樓面及幫我安排羊腩煲嗰位小姐！佢唔單止有耐性，仲非常體貼！我今日又會再返去，外賣多一煲羊腩煲，到時會問埋佢嘅名。到時再告訴大家！這間小店雖然少，但很有煮食物的誠意！我睇菜牌，都仲有好多其他想食嘅小菜，會慢慢去試！今天先再吃多一次羊腩煲，因為實在太好味了！董太留言