真秘鍋 (已結業)

今日去咗尖沙咀行街，順便去真秘鍋食晚餐。之前已經聽聞過佢哋嘅極牛盛宴，好抵食，今日終於有得去食，表示超級興奮。強力推介： 極牛盛宴包括有和牛、牛小排、牛脷、牛白肉、牛頸脊同雪花牛柳粒。最鍾意食佢哋嘅牛小排，肉質超級靚，見到牛肉花紋，肥瘦啱啱好。令一個抵讚嘅位就係，真係色香味俱全，擺碟好靚，將牛肉拼成一個玫瑰花，仲喺牛肉上面放金箔做點綴，完全滿足視覺和味角。養生首選： 白雪玄鳳（桃膠雪燕烏雞）拼山珍百菌（鮮菇湯）真係落足料，見到好多藥材係湯裏邊，紅棗可以寶血氣，對身體好有益。同埋將雞嘅精華，融入湯裏面，真係超級大大補湯上餐速度快，店員服務有禮，成個晚餐都食得好舒服，如果下次再嚟尖沙咀，一定會再食多次。

原來呢度聽朋友講可以訂VIP房，裏面唔止可以打邊爐仲可以唱歌！唱住K打邊爐，真係好chill，仲可以慳埋唱歌嘅錢～又唔洗麻煩轉場同埋服務幾好，最緊要係環境衛生又舒服鮮菇湯拼麻辣湯我覺得好多菇，同埋湯料都好多！最緊要係大大份又可以揀埋麻辣，因為我哋有啲朋友唔食辣就可以專注食鮮菇湯啦！滋味又補身！同埋招牌龍蝦湯龍蝦湯好鮮甜，真係有成隻龍蝦喺裏面！我都覺得好驚訝同埋打卡都真係一流！仲有牛小排，香濃牛味，又夠份量，食完之後好滿足呀！然之後我哋覺得響鈴都好爽脆，而且味道非常好，最緊要係加埋啲湯底汁味道好好！非常正！下一次都可以再訂VIP,抵食又抵玩！

香港人最鍾意咩？香港人最鍾意打邊爐啦！呢度坐得舒服而且環境裝修都唔錯最適合一班朋友過嚟一齊打邊爐傾下計～補身烏雞鍋拼溫補麻辣鍋，一邊養生一邊就夠惹味，我覺得兩個都好好味，而且料好足夠！下次都想試下其他湯底，今次好滿足啊！ Prime牛小排雪花紋清晰可見，而且牛肉味道好濃郁，牛脂分佈均勻！我同朋友都好鍾意食！牛頸脊呢個感覺上唔會咁油膩，而且好有咬口！食完又想食多啲啦加拿大A蚌刺身份量超級多！而且爽口鮮甜好味道，同朋友都覺得同邊爐好夾！下次同朋友出尖沙咀都可以試返呢間野，因為抵食又好味！

有得一班人出嚟梗係要去打邊爐！😁想搵間餐廳地方大啲可以坐耐啲舒服啲🥰一班人嘈喧巴閉咁樣先至係最好玩，呢一間餐廳最好就係附近好多泊車位，啲揸車人士一定唔會投訴囉！我哋咁多人帶咗兩個雙拼嘅湯底！冇諗到啲料係有咁多嘅，兩個火鍋共四款火鍋湯底，花膠雞湯拼菇湯；藥材魚湯拼麻辣湯！花膠同雞多到瀉出嚟！藥材魚湯直情係驚喜冇諗過呢一種配搭係可以咁好味😋抵食夾大件淨係食湯料都好滿足！例牌叫到一枱都係餸！因為有人生日仲特登叫咗一隻蟹添！so far碟碟都好新鮮好精緻，但係絕對唔係細細碟囉🙈

傾生意最好一大班人打邊爐，聽朋友講尖沙咀呢間出名夠多樣化又真材實料，所以去試吓。湯底方面清清地叫咗玫瑰香杞拼山珍白菌，真係好多菇類，隔離個湯我都叫咗花膠雞湯夠滋補。除咗火鍋料呢度都有刺身可以點，即刻試咗推介活魚刺身，大大碟真係要即刻影相，擺盆又夠靚，活魚切成一片片，有口感夠新鮮。另外象拔蚌都係推介之一 超好味夠鮮甜。板海膽都唔錢，唔會腥，啖啖鮮味。牛肉方面叫咗頂級牛小排，個碗好靚，每塊牛小排都好有牛味，入口即溶，一試難忘。咁有氣氛而且咁好食嘅火鍋店，下次我都會再同朋友來幫襯。

一年四季我都鍾意打邊爐！今日同朋友去咗真秘鍋，先知道打邊爐真係可以令我大開眼界，佢哋嘅火鍋料層出不窮，超多食材款式。湯底方面我揀咗白雲玄鳳拼山珍百菌，真係好足料啊，成個湯都已經被菌類覆蓋，滾起嘅時候忍唔住試咗啖湯，好鮮味。我朋友好鍾意食蠔，所以我哋叫咗超大筒蠔，你睇吓隻隻都有我手掌咁大！非常肥美。海鮮方面仲叫咗桂花蚌，新鮮夠爽脆我鍾意呀！當然唔少得牛同豬，我即刻點左黑毛豬豚肉，大大碟而且脂肪均勻，佈滿油花。而且仲叫咗餃子拼盤好啱打卡之用，有多達五六款餃子，切好擺上台後好特別。另外仲叫咗蔬菜拼盤，五顏六色好有營養！我最鍾意食嘅秋葵都有喺度。

我成日都係尖沙咀出沒揾食，依次俾我發掘到間好正既打邊爐地方--真秘鍋😋除左食物高質，環境仲好舒服添，服務一流啊😍等我開心share下其中一d美食la🤩為食餐單: 菇湯拼麻辣湯🥘分開兩邊既湯底，麻辣湯適合仲意麻辣濃口味既，真係好刺激好辣好過癮好惹味😝菇湯就好重香菇味，我連d湯都飲埋🤤雪花牛柳粒🐮高質牛柳粒淥完即食雪花位令到牛柳粒口感好好，剛剛好既油脂分佈帶出牛既香味😎雜菇🍄有唔同種類既菇，全部好新鮮，放落湯底浸下菇索曬精華，好味😘滷水拼盤🍜我一向都好仲意食滷味，依度既滷水拼盤都好啱我口味😋好入味😍冰鎮秋葵🥒秋葵好爽甜，點埋附上既醬汁食，食到唔停口😏

平時同同事一齊食lunch喺尖沙咀都已經唔知有乜嘢好味道嘅嘢食，最近同事就同我講佢發現呢間舖頭好味道，而且環境舒服，最緊要真係抵食！午市套餐，可以跟餐有兩款配菜再跟飲品一個人都係六十左右啊！！！今次食左滷水雞翼肉燥刀削麵份量好多而且刀削麵好有口感同埋雞翼都唔少啊，我覺得份量好多食到好飽最緊要係坐得又舒服而且上菜都好快！唔駛驚食飯遲到又食到高質野！如果早啲知道呢間舖頭就好啦！希望下次可以試埋佢哋其他午市套餐

一大班朋友尖沙咀gathering，我地選擇咗去真秘鍋食。預先book定位，到場就可以直接入去。呢道裝修好精緻～坐得舒服。湯底方面我地選擇咗「花膠雞湯」，滋補滋補一下。材料都好豐富，有一隻雞，大量花膠，玫瑰作點綴。飲啖湯底，好濃郁，膠膠地嘅骨膠原，淡淡玫瑰香，好正！加咗幾款配菜，鮑魚、扇貝、蓮藕、生菜、金菇。鮑魚同扇貝都好新鮮，啖啖肉，有嚼口，高質！雪花牛柳粒都超好味！花紋靚，淥一淥，咬落去肉汁滿滿，軟腍，入口香嫩無比，一口一粒多奢侈！😊

最近去咗真秘鍋食lunch~~Lunch主要做肉燥飯便當.因為見到隔離枱食緊三文魚拼鰻魚肉燥飯.鰻魚個賣相相當不錯👍🏻👍🏻所以我叫咗呢set~Lunch都唔少人,但員工都好快手,服務慇懃好快便當就到咗.整體賣相精緻.左上有兩款前菜,醒醒胃!鰻魚肉質厚實有嚼勁,鰻魚醬汁拌飯好夠味.三文魚肉質堅挺,有入口即溶的感覺.真的不錯!飲品我就選擇了自家製桂圓菊花茶~潤一潤~甜甜地,桂圓味好養生.有桂圓肉添!

魚湯藥材濃，用左三種唔同既魚熬製而成，食之前一定要飲返碗暖下胃！菇湯有菌嘅鮮味，鐘意清淡嘅朋友啱晒呢度嘅桶蠔大過手板，真係第一次見咁巨型啖啖肉嘅蠔！桂花蚌爽脆一啲都唔腥，時間掌握得好淥一淥就食得黑毛豬片油花均衡肉味濃，手工包嘅餃拼盤同秘選菜籃都大大個份量足清清地健康簡單的一餐火鍋值得一提，服務生非常有禮貌，態度一流，值得一讚如果想私隱度高啲，打邊爐兼唱K，原來佢哋有特色VIP 房可以選擇，min charge 都非常合理，下次試吓先！

阿哥生日，我地一行十五個人book咗一間房食飯唱k飲酒。佢d房可以唱埋k呢一點好好，食完飯唔使諗下場。😂因為我遲到，所以好多野都冇影相。叫左兩個煲底，龍蝦🦞煲同藥膳雞🐔煲。因為龍蝦煲近我，所以我淨係食龍蝦湯底果煲，碌野之前飲左碗湯先，好鮮甜！飲左兩碗，搞到要加湯。😂😂因為叫咗好多嘢食，唔一一介紹，淨係講d個人認為特別嘅。臺灣水簾菜(應該冇打錯) stuff推薦嘅，碌五秒就食得，好爽口！我估一個人應該可以食曬一盤。一口牛都好味，牛味好濃。懷山好粉，我估應該係我食得最多。象拔蚌 同 牡丹蝦 刺身好新鮮，不過好快冇曬食完可以唱k飲酒玩啤牌，真心方便!

作為真秘鍋嘅忠實fans，黎咁多次點得最多嘅都係「九五之尊」龍蝦鍋，湯底超級鮮味海鮮味超濃！每次打邊爐之前都一定要飲一大碗，最正嘅係呢度加湯係會加返原汁原味龍蝦湯，唔係加滾水👍🏻👍🏻一直保持水準，非常之有誠意。作為海鮮迷點可以唔點近一個豪華海鮮拼盤😍用呢個龍蝦湯淥就最夾最perfect。日本元貝同南非鮑魚全部都真係手掌咁大隻！啲海蝦腳全部都郁郁吓超生猛，啲friend都話除咗入到西貢鯉魚門嗰啲，都好少見咁大隻咁高質嘅海鮮，認同我真係冇介紹錯呢間火鍋店！😆悶左咁耐難得一班朋友出嚟聚下，決定食餐好，除咗海鮮拼盤，仲點左象拔蚌刺身，都係新鮮高質，食咗咁多海鮮雖然花費高咗少少，但確實係非常之咁滿足！未影相就已經就嚟食晒

雖然夏天熱辣辣，但仍然無阻我哋一班朋友打邊爐聚會嘅熱誠！老友話食開呢間真秘鍋，出名湯底真材實料，於是就跟大家去試一試。老友預訂左VIP房，坐低就先點左幾份小食，其中我哋最鍾意嘅係呢個鹽酥雞，$68份大大份炸得酥脆香口，我哋去嗰個時段大部份食品仲有全單八折。響鈴$58，係打邊爐其中一個靈魂，火鍋店即叫即炸唔用call貨先為之有質素👍🏻湯底點左白雪玄鳳，即係桃膠雪燕烏雞，飲得出應該真係冇味精。鴛鴦鍋另外一個係楚香麻辣，我哋揀咗中辣，小小麻得來溫和唔”乸”喉，唔係四川嗰種好油嘅麻辣鍋，而係加咗好多藥材，呢個我好鍾意❤️牛肉我哋揀咗呢隻頂級牛小排Prime，造型幾別緻成個燈籠咁，入口幾嫩！其他食物都唔錯，蔬菜拼盤大大份砌得好靚，丸拼盤係手打丸。而湯底入面嘅烏雞，侍應仲會主動幫我哋另外拎出嚟切好，感覺貼心👍🏻整體來講大家都食得滿意開心，適合朋友聚會！

而家黎到尖沙咀有得食真秘鍋坐低就叫個小食先，叫個鹽酥雞，幾脆幾大份。點咗烏雞湯拼麻辣湯，足料熬出黎嘅湯底飲完一啲都唔口喝冇味精。打邊爐慢慢食最緊要坐得舒服自家即炸響鈴好鬆脆桶蠔擺盤好靚，超大隻飽滿懸燈結彩 係牛小排，雪花好靚，肉嫩牛味重桂花蚌新鮮爽口，記得淥嘅時候要睇住時間仲有我最鍾意嘅手打丸拼盤，一間餐廳有冇心就係睇佢多唔多手工做嘅賠了整體來講湯底超班，其他配料水準ok，訂座又有優惠折扣，坐得舒服尖沙咀地點方便，又成為我另一飯堂啦