知味小館

营业中

休息中

家庭式經營嘅上海小菜館，開左十幾年都有。係馬鞍山呢個每幾年舖位就轉手嘅地方嚟講，真係好難得。佢地嘅售價set係連鎖快餐店咁上下，仲有例湯送，有栗米湯同酸辣湯，我就每次都點酸辣湯，開胃又足料。一路都鐘意食佢地個糖醋排骨，炸得脆脆地，糖醋味又夠濃。但今次食真係無乜肉，排骨嘅軟骨又硬，我又唔想浪費食物，食完牙骹攰左成晚🫠其實除左排骨，佢地仲有糖醋豬排可以揀，不過未試過，驚中伏😂😂我諗無論個汁再吸引都好，下次都係食返獅子頭算😂

呢間係食過幾次都覺得勝價比好高既上海菜，超符合經濟效益，同男朋友一人叫左一個上海客飯。男朋友再encore 麻辣豆腐菜飯，我就叫左糖醋豬扒菜飯，叫菜飯都會送一碗湯（豆腐湯/酸辣湯），我地都叫左酸辣湯味道岩岩好，雖然個湯係送，但一啲都唔馬虎，有齊晒酸辣湯有既料（豆腐，冬菇，木耳，肉絲⋯⋯）係餐牌見到叫一碗都要$28嫁><到主菜啦，我地都加左$5轉菜飯，菜飯真係香好多喔建議唔太食得辣既可以叫小辣因為真係超夠辣，配飯一流。糖醋豬扒超足料，味道唔太甜同酸，個人中意酸啲，覺得佢可以落多少少醋，不過呢個價錢已經超抵了，我同男朋友諗住走既時候，咁岩隔離枱既情侶都叫左一模一樣既客飯估唔到大家既口味咁似。

第一次食，本身想試下個小籠包，點知7點去到話賣曬，以為啲嘢好好食啦！等咗半個鐘問佢先上碗一裝就有嘅湯，仲要問返我地嗌咗咩湯，之後嚟咗回鍋肉同糖醋排骨，碟回鍋肉有色無味！伏伏伏過直升機🚁 糖醋骨炸到乾曬又無肉似下欄嘢，勁難食！！杏仁奶茶完全無杏仁味，溝水咁。芒果多多完全無益力多味。唯一覺得正常喺個煎餃子。真係唔會再幫襯第二次！完全唔知自己食緊啲咩？？？？！！！！嬲到第一次openrice寫負評！！！

男朋友喺馬鞍山返工٩( 'ω' )و 所以每個星期六都會一齊喺馬鞍山 lunch！而每次都會想黎呢間上海野食飯🤣 價錢唔貴之餘足料又好食～ 聽講已經開左超過十年甚至更耐🧆 紅燒獅子頭飯 $56好大好大粒！好少食獅子頭🤣 感覺就係一粒好大既肉丸 但係覺得呢個偏淋咁 無乜肉既質感( ˙-˙ ) 唔識講因為太少食🤣🍖 糖醋排骨飯 $56每次都係叫呢個🥹 佢係偏細粒劑排骨同軟骨 炸得好脆！個糖醋酸甜度剛剛好♡♡♡ 而且份量好多～食到夠喉為止🤣🫔 炸春捲 $24炸得勁香脆 皮又薄！餡料有肉絲 菜 冬菇絲等等～ 配埋醋解膩就啱啱好(๑•᎑•๑)🥣 跟餐既酸辣湯次次都好足料 全碗都係料 而且唔會太辣😆 佢地既青蘋果綠茶唔會係好假既糖漿味 反而好香綠茶同青蘋果味！如果住附近或者黎開馬鞍山唔想食咁貴～ 呢度都係一個唔錯既選擇❤️

住馬鞍山本來都好少食呢間，係食得悶終於輪到佢，叫了外賣豬扒菜飯跟酸辣湯，菜飯份量少，估唔到碗湯仲少， 一打開得半碗， 好似俾人飲咗一半咁...真的一般， 略嫌孤寒了一點

係網上外賣平台 叫左個雲吞雞砂鍋麵點知食物送到發現係創新到直接將冬菇雲耳蒸雞到落水去煮成湯 再加兩粒雲吞就煮成雲吞雞 😅味道唔係超級差 不過就係冬菇雲耳蒸雞果加咸湯味咁 自行想像 另符圖有圖有真相 😂🤣註：由於叫外賣 所以環境 衞生同服務方面評分只係揀中間 並不代表立場

唔想等外賣等太耐就先打電話去落單點知由落單到拎走有35~40分鍾呀感覺都係去到店果下佢先做咁點左~酸辣湯一碗味道OK既都好多材料下肉絲啦冬菇啦雞旦啦豆腐啦呢個合格既朋友就話以前杰身D~小籠包呢個可以既皮唔算好薄裡面有湯汁保留到一讚係比埋醋同薑絲~上海炒粗份量都幾好好多粗麵少量肉絲冬姑同菜呀個人覺得再可以濃味DD~涼拌青瓜呢個失色左DD好多青瓜籽連住味道叫OK唔會過酸可取既係份量幾多下

平日嗌佢個外賣，等成兩個鐘都黎唔到，打俾佢幾次都hea你話啱啱出咗單，但最後都係出過，完全冇誠信，嘢又唔係特別好食，又少又細件，送到黎都凍哂，可以話係食過最差嘅一間餐廳

今次無意之中喺馬鞍山呢個美食沙漠發現到呢一間食上海菜小店反正自從連鎖式嗰間小籠包執咗之後都冇點樣喺馬鞍山食過上海菜就一於試一試小店內大概只有不多於20個位所以人多嘅時候都要等一等等咗一陣終於可以入座啦睇一睇個餐牌全部都係好平民嘅價錢選擇亦都算多食上海野又點少得食小籠包上海小籠包六隻$42普普通通唔會一夾上手就穿不過就唔好期望佢入面有好多湯汁菜肉雲吞$42入面係白菜豬肉餡料好飽滿夠曬大粒加埋佢個菜湯好清甜上海炸豬扒米線$42湯底同菜肉餛飩湯係一樣味道炸豬扒醃得都好入味不過就嫌佢炸完之後直接放喺湯入面變相個炸豬扒浸淋咗呢個價錢算係響呢個美食沙漠來講叫唔錯下次想試埋佢個菜飯同埋擔擔面

我之前都留意到有這間上海菜飯，但是由於另一間有寫什麼「擔擔麵菜飯專門店」，於是就先去試那間，這次是禁堂食之後，走了一輪地鐵站附近商場，沒有什麼喜好，又發現外買賣都有不少人，終於才回到這一間，同樣試試豬扒菜飯。價錢和那間其實都差不多，接近$50 ，這兒亦都沒有什麼飲品，只包豆腐湯一碗。豆腐湯，想不到，原來，同埋質地好像酸辣湯質地，但起碼，心想這種豆腐湯會不會豆腐亦都是酸酸的，但結果反而，只有美味的豆味，沒有酸味，也算是難得。在回去途中，都聞到陣陣香味從膠袋傳來。打開個盒，就發現肉味道濃郁，而且豬扒都非常大塊，看起上來應該有兩塊叠在一起。吃落，發現中間的部份還是比較乾，痴骨的部份當然亦都是比較肥瘦均勻，雖然比較乾，但是豬扒都入味而且夠林，不算乾瘦痴牙的那一種。菜飯，想不到這麼大盒，反而有兩塊豬扒，但菜飯反而偏少。而且菜飯沒有什麼汁醬，就只但求菜粒以及豬扒的肉汁去拌飯。仔細看清楚，才發現原來菜飯是用菜心切粒來做菜飯，真是無奇不有。但是看看價錢、質素、以及所謂的名氣，好像這一間比起那間三哥豬扒，更加划算，但亦都不至於要回頭再吃。

其實知道間店都好耐，但因為唔就腳所以一直都冇試到，今日心血來潮收工揸車去買，點知真係冇選擇錯👍打開十分驚喜，豬扒好多，菜飯好軟熟又唔爛跟餐送，好多料涼拌青瓜中規中矩

為咗方便弟弟放工趕來便選擇在馬鞍山食團年飯上openrice睇見呢間近市中心又有好評又唔係連鎖店都可以在馬鞍山開到甘耐一定有佢過人之處於是便決定訂呢間知味小館試吓有幾知味心急夜晚9點打去訂位老闆聽到就話好少有人訂位 通常來到有就坐 無就等等可能見我甘有誠意要訂位食團年飯 佢就話會盡量留比我，準時來到就好安排些！我哋三個人六點45到咗門口，見到有四五個人排隊店內可坐二十人內才知道原來此店甘受街坊歡迎但仍有兩大一小未到怕唔比入住豈料老闆打來再問我們是否過來中我即刻話我哋有一半人到咗佢都比我哋入去坐低叫住野食先又留左最大既引圓枱給我們服務十分周到我哋叫咗一些上海特色菜及老闆推介的年糕都覺得好好食 而且價錢十分相宜我哋食到飽先三百幾老闆同各個食客都有講有笑又記得各人喜好真係一間好有人情味的街坊餐廳

呢間上海野已經屹立不倒左至少廿年，佢旁邊嘅店已經轉左幾次手，但佢地都仲係度，好受打工仔同學生歡迎。學生要出街食飯，都知道要食呢間，中午時間會排長龍。熱烈推薦佢地嘅茶飯！個菜飯唔只係菜撈白飯煲咁簡單，可以食得出佢地有用少少高湯去煲個飯。所以飯會有點點水份，菜係有口感嘅，唔會煲到發黃或者淋晒。今次再食佢地嘅排骨菜飯，配埋豆腐湯，都幾抵食架！唯一美中不足嘅係佢地個排骨有點overcook，同埋骨多過肉，但個飯就仲保持到！個豆腐湯有點咸，not so impressed... 所以，如果你想食一煲靚飯，可以揀呢間，個餸就腸下你果日嘅運氣啦！

今晚突然想吃上海菜，想起附近那間小店，已經䇄立係馬鞍山頗長時間，今天是假期，想著七點應該會比較容易揾位，由其我們只得兩人，結果也等了差不多半小時才有位呢！我們兩母女同樣鍾情於菜肉雲飩麵（$33），還加了一客煎餃子（5只）（$30），喜歡這裡的雲飩真的是皮薄餡靚，麵質也不錯，但湯底略為淡，個人建議加上豆板醬就剛剛好，才不致太過清淡！煎餃子也煎得不錯，是油了一點！外賣了一個手撕雞肉燥飯（$46）給囝仔，還送一碗酸辣湯，寫著是台式的肉燥飯，但回家一看，實在令人失望，無論賣相和味道，一點台式風味也沒有，這個飯相對起菜肉雲飩麵實在失色太多，以後也不敢再在此店吃甚麼肉燥飯了！好在酸辣湯也不太差，在此店都是要吃正常的上海餸菜較安全！

平時經過好多人排隊，今日見無咩人排隊就直接入去食lunch... 🔻上海小籠包 $40睇個樣好似好乾咁，但食落去又唔係喎😂都幾juicy，所以凡事唔可以就咁睇外表🔻回鍋肉粗炒 $60好有穫氣，少少辣令到成個粗炒無咁膩，配菜都好多🔻煎餃子(5 隻) $30皮薄，且韭菜豬肉餡好香好足料，係略嫌煎得個底唔夠脆😗🔻菜肉雲吞  (8隻) $40白菜豬肉餡，同餃子一樣啲餡都係非常足料😛🔻上海炸豬扒菜飯 $46個菜飯非常好食👍🏼 就算唔夾餸都可以就咁食，豬扒炸得好鬆脆，而且炸得一啲都唔乾。跟餐仲有碗粟米豆腐湯送🔻滷蛋2隻 $12滷蛋相對其他顯得一般般😅老闆同店員好nice，上菜速度都幾快，小店仲唔洗加一👍🏼👍🏼下次都會再黎食