知味小館

营业中

休息中

人人都話馬鞍山係美食坊莫，其實都係睇鐘數。如果你能夠在十點前喺新港城去尋寶，一樣可以搵到好嘢食。喺新港城三期地下商場有一間叫做知味小館屹立咗好多年。佢入面嘅糖醋排骨同埋回鍋肉都係我嘅至愛。有陣時一個麻甩佬走落去食飯我都會嗌一個糖醋排骨彷彿就好似男人的浪漫一樣，而且入面係家庭式經營入面嘅廚師定係前台收銀抹枱都非常熱情有禮。老闆亦會主動同客人傾計 我覺得係一個好有溫度嘅餐廳。另外佢哋嗰啲餃子麵其實都值得一試，不過今次我只食咗個糖醋排骨飯啫，整體嚟講都推薦大家去嘅。

星期日6點55分到達即時入座，點了的食物如下:1酸辣湯 - 點餐後很快就送到，是跟飯送的湯，有豆腐湯及酸辣湯可選擇。酸辣湯不算辣，也很足料，開胃好味。2香炸豬扒肉燥飯 - 等了20分鐘，等候時間稍長。上海肉燥是肉碎加菇，有點像梅菜肉碎的味道。炸豬扒不脆不熱，更像放久了的煎豬扒，味道一般。3茉莉奶茶 - 飲品足足等了超過35分鐘!! 飯都吃完，而且催了4，5次才有...服務員只會說好，老闆就說已叫人沖，但一直沒有，最後老闆自己進去沖。重點是飲品超級難飲，沒有茉莉味也沒有奶茶味，只有淡淡的苦味，強烈不推薦。

正當男朋友問我晚餐想食什麼時，我就突然間想食上海菜，於是我提議及帶佢食呢間餐廳。餐廳唔算好大，但無壓迫感。去到餐廳時都幾多人，大約等左2-3分鐘就有人埋單走人。幸好我地早到，唔係有排等🤦🏻‍♀️晚餐價錢都幾親民，唔算太貴。我點了干煸四季豆客飯（50元），我覺得味道不夠均勻，味道完全分開。我男朋友就點了糖醋排骨客飯（50元），味道酸酸甜甜，排骨都幾香口，味道不錯。例湯有2款，我男朋友同我就各點不同口味。佢揀左豆腐湯，而我就揀酸辣湯。2者材料都幾足。

喺馬鞍山區想食上海嘢，真係選擇唔多，呢間舖其實經營咗好耐㗎喇！六點幾人流唔多，可以即入， 叫咗回鍋肉飯，附送酸辣湯或者豆腐湯，我選了豆腐湯，清清地都Ok, 之後發現鄰近幾張枱都叫回鍋肉飯，心諗應該唔差……結果味道一般，一啲都唔辣，到7点時巳坐滿客，開始要等位了……總括嚟講50蚊係平，但食過就算……

最近D人成日討論馬鞍山呢個美食沙漠到底有咩美食，好多人都講呢間知味小館，所以就同屋企人去一試，不過其實呢間野都好似開左十幾年嫁喇，不過住左成廿年都冇試過~懷著期待的心情去到，先係門外坐坐等位，都好快姐等左十分鐘都唔洗~主要係食上海菜，有回鍋肉、上海粗炒、菜飯、擔擔麵等等。首先我地叫左個叫炸松子黃魚都唔錯既，幾脆既，骨又唔算好多，都幾香，同埋個汁都幾好味回鍋肉粗炒 D肉都OK唔係好鞋既，唔算好濃味，同埋有D細碟附送兩碗豆腐湯~非常多渣炸雞翼D人話一定要叫佢地既炸雞翼，D雞翼好脆，不過OK啦唔係話超好食之後唔飽仲叫左個炸豬排菜飯，不過冇影到，油味比較勁，菜飯就OK個人覺得正常味道，未必再食，不過好多街坊幫襯，又唔算好貴，希望佢繼續係馬鞍山生存到啦~

係馬鞍山想食上海野，除咗幾間連鎖嘅上海菜之外，突然醒起呢間位於第三期嘅小店。喺新港城中心要接駁一條行人天橋先會到達，地點算幾隱蔽呢間小店比我嘅感覺，無論係食物種類同裝修都停留係十幾年前嘅感覺。但最重要嘅係，價錢都似喺十幾年前嘅感覺酸辣湯+豆腐羹每個客飯都會送一碗湯同白飯，湯有辣有唔辣，認真隨心所欲。豆腐羹好足料，滿滿嘅豆腐配上海鮮粒，非常滿足糖醋小排骨（$48）用咗黑醋煮嘅小排骨，每一件都夠入味。未放入口已經聞到濃濃嘅醋香，酸酸甜甜嘅味覺消除了肉類嘅肥膩感。炒鱔糊 （$60）鱔嘅份量足夠，芽菜炒完都夠爽口，鱔條咬落亦都好彈牙，同出邊上海館比，呢度嘅鱔糊會煮得比較清淡，適合唔喜歡濃味嘅人香芋珍珠+豆漿個客飯係不包嘢飲嘅，但另加每杯飲品可以照原價減$5。你杯豆漿有豆味，冇其他餐館嘅豆漿咁甜，而杯香芋珍珠嘅珍珠煮得夠淋，但香芋味可以再沖得濃香少少馬鞍山上海野平價之選

店舖細細, 主要做街坊生意, 繁忙時間好多時都要等位, 酸辣湯係我至愛， 每次都會選擇酸辣湯餃子， 酸辣湯好啱我個人口味， 好酸的我, 會自行再加醋， 但餃子皮比較厚左少少， 可以改善一下，今次想推介比大家的有炸排骨， 一份$32， 人少可以要半份$16，即叫即炸, 好香口， 糖醋排骨， 甜酸味適中， 配碗白飯一流，自家製酸梅湯，足料夠味。

馬鞍山人帶路，佢知我鍾意食上海野，特登帶我黎！小店位置都好吊腳，真係唔係跟住朋友黎都唔會識行。7點入到黎見到已經滿座，証明唔差啦！眾裡尋他千百度，馬鞍山終於有啲正常嘅嘢食啦。朋友叫咗上海排骨菜飯，佢話上次來的時候大概有一塊豬扒，但今次有差不多兩塊豬扒，超誇張！菜飯餐附送左豆腐湯，味道還好吧！另外再點左豆漿，超飽！菜飯好好食，微微咸。而我就叫咗酸辣湯麵，你睇下～都好足料架！裡面有豬肚、雲耳、豆腐、肉絲等。今次嗌咗粗麵，其實有點後悔，因為原來粗麵唔係好索嗰啲湯汁，感覺同酸辣湯唔係好夾，如果下次係返上海幼面，應該好正啦！一定會再黎！

夜晚六點半到食兩個人大概等10分鐘到就有位食親呢間上海菜館我都一定會叫佢哋嘅菜飯餐炸豬扒或者排骨個個都好食另外都會要一個排骨上海粗炒佢啲排骨真係整得好入味好正飯餐都會跟一個湯 每次都係叫酸辣湯另外都會叫杯香芋珍珠同埋椰香珍珠奶茶飲之前食過佢哋嘅小籠包同埋雞絲粉皮就真係好一般小籠包成個感覺有啲老好似蒸左好耐雞絲粉皮就個醬同出面食過既好似唔係好一樣

我本身個人都幾鐘意食上海野，見過幾次都好多人等位食，今日就入去試下先，等左2張2人枱，約10分鐘就到我地，鋪仔細細，睇見客人一般都唔會坐好耐，食完就走。店裡面老闆員工都nice,我叫上海炸排骨菜飯，佢都會自動講一次排骨係一粒粒果種，我估有客人曾經誤會以為是一塊塊既豬排，反而我今次真係特登試下排骨，幾香口，即炸，菜飯偏乾身，平時出面食是多汁d,送酸辣湯，料多，如切碎d會好d,炒鱔糊一碟有好多，但汁唔夠濃，但價錢真係幾抵，又夠飽。想叫小籠包都食唔落。。。唯有下次再試啦！

打黎叫過幾次外賣每次都得自己一個食所以叫一個餐每次聽電話個呀嬸都問:得一個咋？我以為佢話唔送點知又送幾次都係咁今日一樣但多左怨言完全無禮貌可言！！你都係做街坊生意態度咁樣點留客呀姐？！你咁唔想送就索性話一個唔送公司行唔開又要食飯嗌一個係咪好正常？然後我立刻打返轉頭話唔要老實講另一個男人態度唔會咁野食黎講其實真係無咩特別係馬鞍山選擇少姐

老字號小店，多年後再次光臨，仍舊是一如以往的一般水準。上海燒排骨湯面 : 排骨是炸的，肉味欠奉，本來還算香口，可惜不是分碟上，排骨在湯麵裡很快變淋。鱔糊粗炒 : 這個粗炒非常油膩，黃鱔魚肉厚肥大，問題在於多骨，我多年來還是第一次尣到那麼多骨的鱔糊。另外，本來點了滷水拼盤，等了很久差不多吃完還未有出菜，問伙記佢hea答"就得"，最後吃完麵還未到，埋單時原來他根本沒有下單... 何來"就得"? 好在沒有長等下去。整體而言，着實有點失望，如有下次，希望食物及服務會有所改善吧。

老老寶寶我一直都好支持小店，尤其係馬鞍山呢個名聞於世既美食沙漠。呢間既菜飯都唔錯，今日淨係去試下個 “小籠包” 真係大開眼界。我寧願收貴啲都保持小籠包應有既水準吧…小籠包入面既湯汁呢?乾、好乾、乾到（不雅用語）, 乾到一滴湯汁都冇既，大佬我係美食沙漠入面比滴湯汁我滋潤下都好丫。利申：繼續幫襯會繼續食菜飯

幫襯過幾次，不過不失，但又吾止於話好食。 今晚同老公食完後，吾會再幚襯。Order 左碗担担麵，未食過咁難食，啲麵好似浸到發漲嘅感覺，又鞋，吾識點形容 , 食左幾啖已經放吾到入口

星期五，好多時因為要接小孩放興趣班而流落在馬鞍山，因為夜了，我們亦不想煮飯食，所以會留在市中心內食晚飯，有時會簡單去快餐店，有時會平平地去食茶餐廳，有時候會氹小朋友食 Pizza 或壽司，有時候，又想發掘一些從來未去過的食肆既。是日，我們就決定去一間大家都未去過的食肆，是一間都算做左幾耐下的上海館子，名字叫《知味小館》。馬鞍山的小店不算是太多，所以這一些專做街坊生意的小店，經常都好好生意的，而我們來到，就要等一等，才有位食。三個人，點兩個客飯，所以一人有一個湯。不辣的，有這一個很清的豆腐羹，看樣子感覺可以，但食落就很淡，我們多口問這是否一個素湯，店方說不是之後，而阿仔又唔肯飲，最後我一個人飲晒兩個湯。另一個湯，好味好好多，因為是味道濃郁的酸辣湯。這湯，算是是日的最佳品，酸味同辣味得到平衡，而且湯料也十分多，我單是飲了這兩碗湯，已經半飽。太太茹素，店方特別為她炒了一個蕃茄蛋，這茄蛋，許多蕃茄，而且蛋亦炒得相當的嫩，只是味道都是偏淡口。獅子頭，是我最喜歡的上海菜之一，味道香，外皮帶輕輕的脆，內心夠熱，軟綿綿的，一啖獅子頭，一啖飯，幾好。小朋友扭計，想食麵，那就好吧，我們加點一個麵。原因其實