石磨坊 (已結業)

飯後逛逛廟街作散步運動, 行至旺角我們來了一個飯後甜品. 我怕肥於是點了香芒涼粉撈, 實際是鮮芒果刨冰加涼粉. 夏日炎炎加上長途步行由佐敦走到旺角, 大汗疊細汗吃這個準沒錯! 嗯, 呷一口果真透心涼! 下次要試西瓜刨冰^^

天氣炎熱，食刨冰是最好不過的了。我倆點了一份蜜桃刨冰，冰柱真的蠻高的，而周圍鋪滿了蜜桃，底下還有些許涼粉，陣容是有了，而味道只是一般。因為刨冰是沒有味道的，只靠糖水來調味，而糖水的甜味太甜了，感覺就像喝糖水加冰，很不好。蜜桃不見得是新鮮的，涼粉切得碎碎的，失去口感。就這樣，兩人都食不完一份刨冰，還剩下了許多。下次還是食糊或西米露安全些!

本想去松記，但到門口才記起禮拜天休息的....但糖水癮殺到，忽然好想吃紅豆沙加豆花呢。不喜歡發記和滿記，最後選了好久沒來的石磨坊。椰汁芒果刨冰：夠奶夠椰奶，甜度剛好。芒果好肥美。冰溶得好慢，可以慢慢嘆了~ 最後冰糖水加涼粉一起吃，好解渴哦！冷綠豆沙：有驚喜！！雖然顏色黃黃的，但綠豆和臭草好香，煲得好沙...點冷就夠冷...這個可以再encore!冷紅豆沙涼粉：沒有綠豆沙出色，因為有點豆還豆，水還水。幸好味道總算不錯，紅豆亦夠淋身。可惜不夠冷呢，加了涼粉就更顯奇怪。

椰汁刨冰加芋泥,底部還有點點涼粉。冰涼透心,而且可以慢慢吃,不錯。自己向來吃得較淡,所以覺得味道偏甜,不過夾著冰一起吃,亦可接受。份量方面,不是很大碗,$24也不是特別抵,但賣相甚佳,而且芋泥很飽肚,所以都很滿足。um...下次要試試紅豆泥刨冰。

時不時都會幫襯, 因我好鍾意食糊, 覺得它的糊類真是做得幾好, 不過其他西式冰類及甜品就一般啦.試過幾款, 包括杏仁, 栗子, 合桃, 芝麻. 各款都好滑好香, 又杰杰地有食糊的感覺, 推介呀.

無心插柳柳成蔭！睇睇下嘢忽然驚瞥"石磨坊"三個字就盅咗入去…( 上次講咗掛念佢d 糊呢！)叫咗杏仁糊($13)及腰果糊($18)。兩者真的很幼細很滑~ 口感細膩！前者不但很香杏仁味，而且滑得像雪糕，亦像我愛的cappuccino 那層泡沫輕薄的感覺。後者不但很香濃腰果味，曾經估腰果係咪有炒過再磨~ 真的香到像食緊一粒粒腰果一樣。但亦因為咁對比杏仁糊係更快飽膩感…讀書時成日同朋友嚟食佢個招牌刨冰~ 但到長大後反而不懂欣賞。一來食那個刨冰真的要技巧係有點煩人，二來最普通的糊類糖水反而最見真章！因為度度食嚟食去都食唔到好糊…我認真的。>3<

不亦樂乎！晚飯過後，吃糖水也是餘興節目之一。陪外國人要一個名叫咩冰山的東西，其實是芒果刨冰造成高柱狀，週邊放上新鮮的芒果肉，底下加涼粉。刨冰本身無味，只吃其口感。反而粒粒鮮甜的芒果肉更加吸引；涼粉放在底，使這芒果甜品無咁單調，又可以賣貴幾蚊，也是不錯。另一友人的芝麻糊合桃露賣相吸引，也得好評。呢個笑面，一半是俾這糖水，另一半是俾我們難得一聚的心情。希望在不久既將來又可以坐埋一齊食糖水。

跟朋友來吃, 現在晚上也沒有以往的人頭湧湧, 天氣寒冷, 最好就是吃一些熱熱的甜品暖一下。這裡叫石磨坊, 叫糊應該錯不了, 我叫了腰果糊, 朋友則要合桃糊!腰果糊很香濃, 很滑, 幾夠味, 而且幾「漏」, 如果一個人吃飽飯不久吃腰果糊, 要吃一整碗, 真有點難度呢!不過我吃飯也有一段時間, 也吃得下去, 但吃罷這個腰果真的有點飽肚的感覺。朋友的合桃糊也很香, 但明顯不及腰果糊濃厚, 但都算滑, 朋友都覺得OK。我來這裡真的是吃罷就走, 很少會在這裡跟朋友談天, 畢竟坐位連椅背也沒有, 坐久了是很累的, 加上裝修及陣設都有點舊, 而且餐牌也要換換新裝了吧!!純以吃甜品來說, 這裡算OK, 想吃糊的不坊試試!!

和男友去完深圳玩，慶祝我的生日後。我地係旺角落火車。黎了呢度食個甜品先。都十點幾，係門口都仲有好多人等位，等了十五分鐘，有位。我地點了芝麻黑(米需)米芒果卷，栗子露和椰子露。芝麻黑(米需)米芒果卷，好特別，用芝麻卷包住黑(米需)米和芒果，暖暖地，好好味，由其係我呢個芝麻卷lover. 勾起我童年美好的回憶。栗子露和椰子露都好好味。兩樣都好香濃，滑溜。好好味道!好多謝男友細心的安排，讓我有個難忘的生日。

食完飯，同友人食甜品，有上次另一間分店的不好經歷，今次都沒有期望。點了合桃芝麻糊，今次比另一間好好多，起碼食的時候有芝麻香味，有點滑，不過都是比不上以前的水準，個糊都是比較稀。與同區的甜品店相比，她的水準都是不差的，但是同以前的她比較，現在最多只能說水準降至同一般的無異了。

OK la! 因為佢靚所以今次又食囉!但冬天食真係太凍啦...=.="

石磨坊同老婆食完飯之後，想去食甜品，專登去石磨坊食。我地叫了:1. 芝麻糊+湯圓- 糊好食好滑，湯圓都不錯。2. 同心糕- 好有誠意，唔太甜，有花香味，配埋紅豆，係好清既一個甜品。

同男友食完煲仔飯，跟手去埋食甜品，入到去只有一個客人坐係度，之後我地坐咗唔夠５分鐘，越黎越多人，Full晒．１．補腦合桃糊（熱）－稀咗少少，唔太甜，加錢加幾片年糕，好煙靭．２．朱古力燉奶（熱）－滑滑既朱古力燉奶，上面鋪一浸朱古力粉，濃濃的朱古力味渗入我口腔中．多謝承惠HK$31．

點了一個花生糊溝芝麻糊，味道好不好已經不是主要，睇到個賣相已經很有Feel，如果大羹一揮，絕對無情破壞，唯有慢慢來處理吧！就在慢慢處理的同時，竟有另一個得著，就是可嘗到花生糊、芝麻糊與及花生糊溝芝麻糊三種食味！花生糊比起芝麻糊好得多，但兩者已經較很多坊間甜品店的已超越不小；另見得是磨製的，很幼身，這兩點所費的功夫可不小，而烹煮時沒有大量添加米漿，故出來效果不會太杰身，不負石磨坊的名聲。其他的什麼冰什麼樂園似乎是大時代洪流中的必然生存技兩，但始終正道甜品總離不開傳統至愛，始終簡單會是好一！

其他糊都ok, 例如合桃糊, 杏仁糊, 芝麻糊...淨係腰果糊次次外賣永遠得半碗!其實e度的甜品比一般都貴d, $19一個糊(腰果),只係有半碗, 我覺得唔老實.