石磨坊 (已結業)

星期六．五時，出奇地少人不想吃常吃的糊類、乜乜沙，要了：１）推介的朱古力鮮奶燉蛋($17)：ok滑，朱古力味很重，蓋過奶味，味道可以啦，像朱古力布丁。不過我不會再吃了。２）有紅豆蓉的椰汁刨冰($26)：很喜歡紅豆蓉，刨冰不太覺有椰汁味，不過『撈』紅豆蓉很好，夏天吃一定超爽。但$26我就覺唔多抵喇，成本超低。雖然唔多超值，但我都想下次試芋頭泥椰汁刨冰，喜歡『蓉』的口感。

說到最愛的中式糖水小比來來去去都是那幾樣離不開芝麻糊+湯丸~~南北杏雪耳燉木瓜~是夜到石磨坊~就要了前者~始終石磨坊的糊類說是其招牌熱的芝麻糊+湯丸~很快便來了滿滿的一碗~印象不錯濃稠度也不錯~無.....無......無味ge...有其色而無其香~淡淡的~~~好失望!係就係知道自已食緊糊~但如果掩著眼~大概嚐不出這是芝麻糊!反觀湯丸都算不錯~個人偏愛這種黑麻蓉~皆因滿記加的湯丸是白麻蓉~吃罷2粒湯丸也放口了~留給大比吃大比想吃最最最簡單的東西~就來了個椰汁西米露而已~一來時~~嘔泡ge~hahah~應該係撞椰汁時的泡泡就真西米做不到分明的效果~但至少不會不熟透算是平平的一個作品原想吃刨冰~~不過吃過元朗的綿綿冰之後~都不會再留Quota比其他的了~haha這店~又不知會隔多久才來多一次

個日行過, 癮起想食甜品, 又唔想成日食發記, 滿記個d, 米去幫襯下呢間law....之前都試過d椰子糊, 芝麻糊....滑就幾滑既, 不過就唔夠香...今次去食, 老實,真係覺得不知所謂law...我地叫左個香芒黑糯米芝麻卷同乜乜芋蓉什麼涼粉~(唔係好記得叫咩名)香芒黑糯米芝麻卷~ 香芒唔夠香, 而且仲酸既, 有忽熱, 有忽凍, 簡直唔知係咩, 成舊野d味根本唔夾! 乜乜芋蓉什麼涼粉~ 芋蓉甜到呢~~ (>_<) 甜過你情人同你講"我愛你"阿陰公, 好杰身, 同d冰, 涼粉溝唔埋黎食~~ 食物唔得, 唔緊要, 服務仲更加~~ 激死你~~個d姐姐仔真係好叻, 佢攞兩隻碟同义俾我地食香芒黑糯米芝麻卷, 我一睇, 覺得真係好有問題law...兩隻碟都濕林林, 應該啱啱洗完, 唔該你都用布抺乾d水先俾客人用啦~~到我地臨走個時, 有6個人行入黎, d姐姐仔叫佢地坐4人枱, 個個客人話, 我地有6個人喎, 個d姐姐仔話, 6個人都應該住得落架, 你地坐迫d米得law~~ (問你死未?)我諗除左乜糊乜糊係可以做得下外, 唔好學人搞咁多花臣啦!! 以後唔使錢, 請我食我都唔

食左個奶皇燉奶..奶皇唔夠滑..燉奶唔熱又水...澳牛好好多倍...男朋友食完個芝麻糊個胃唔舒服..仲有發現左一樣野..d店員好似無connection咁...大家唔同大家講野=_=

我己經係唔知第幾個俾"OK" 叫了:1) 凍朱古力燉蛋白$17男朋友唔多鍾意食，我試左一口都覺得麻麻地~ >.< (由其佢d on top 既朱古力粉)2) 熱芝麻糊$13唔係d人所講既咁好食。普通啦~呢度都有d迫夾,快快食完快快走喇。我下次會去下人地所講既"黑布街正店" 睇下同呢間相差有幾遠。

其實係2月21日的食評，至今才補寫。唔想同人迫，所以早D，一個人約下午六時黎到，堂食。時間尚早，連我在內得3個客，叫左碗凍芝麻糊加湯圓3粒($19)。食過呢樣幾次了，質素穩定，淡淡的芝麻香好味架，湯圓唔痴牙，不過硬身少少就正。整體比附近發記更好、也更平。又係芝麻糊加湯圓發記賣$23呀。店面尚算整潔，不過張過膠menu有點sticky。值得一試。

前幾日同朋友食完飯去諗住去食糖水，因為喜歡食傳統野，於是去左石磨坊。我地一行八人，去到時要等一陣，之後佢話有位，於是入去，點知佢比張六人枱我地，要我地八個人逼落去。天氣凍，大家都著得多衫，本來坐六個人都逼既枱點坐八個呀??個待應仲要串串地不斷話坐得落...........唔好意思or sorry呢D野既字眼都冇句其中一個叫「MXXX」既待應最離譜, 話佢知坐唔晒咁多人，佢只係講句..坐唔哂,其他果D係出面等啦??出面......係出面食咩呀??仲要未食完就開始執你張枱......真係唔會再幫襯LEE間分店~~

石磨坊d糊都真係唔錯o架!!!有熱/凍食...本人覺得熱食會香d.(相中的是:合桃+芝麻糊)

尋晚同3個朋友想食糖水就有人介紹去試一試我自己一心想食湯丸又諗住'石磨坊'個名, d糊應該好味咁就叫左個杏仁糊+芝麻糊($14), 另外加$6三粒湯丸一黎到, 個碗幾可愛~ 有d公仔(幾吸引小妹妹,哈)d糊幾好味, 杏仁同芝麻味都出就算混埋一齊~不過...........粒湯丸表面...好似粒魚蛋!!!!d麻容好粗... 咁就6蚊...後悔加左...另外我朋友叫左個咩朱古力(menu第一版)唔好味, 我試左一d... 好少朱古力, 好淡我諗都未必會再食.

** 此食肆的第十三個OK **前晚(19-1-2008 Sat)同女友人CK睇完戲行埋街後就食甜品,佢話o黎呢o度,啊!好啊.之前我o黎過兩次都係同佢同啲朋友o黎,次次都等幾耐吓,但今晚約10:23pm o黎o度,唔太多人等喎,果然,好快有位.CK話想試逢星期五至日先至有o既杏汁燉木瓜,睇餐牌,話即叫即製,同價錢都唔平,細o黎都要$30.00,而且唔知要等幾耐,於是佢揀o左熱栗子糊拼杏仁糊,我就要o左熱朱古力燉蛋白,兩樣都係$17.00.等o左一陣,我o既朱古力燉蛋白先到,唔係咁滿o既燉蛋加上唔知係咪面上o既朱古力粉影響,睇落好似唔滑咁,覺得有少少遜色.’o畢’落去,裡面係淺啡色o既,原來內裡都有朱古力,食落,都食到蛋白味,而朱古力味就要靠面上o既朱古力粉加強.但CK話冇面上o既朱古力粉會好食啲.滑就唔夠港澳義順o既燉奶比.食完,原來盎裡面o既膠兜都唔係好深o架咋,份量都唔係好多.味道: 3分抵食: 3分而CK o既熱栗子糊拼杏仁糊,佢話而底o既杏仁糊好熱,但面o既栗子糊微暖,不過兩樣o野都好香好好味,但可惜佢冇乜胃口,食o左半碗就唔食喇.味道: 4分抵食: 4分環境:枱與枱之間好迫

order 左合桃糊,而朋友則order 左栗子糊. 栗子糊- 口感唔滑,味道只是一般合桃糊- 有點酸,比較下覺得滿記較為好食.相信唔會再去食糖水,下次或者會試其他甜品

師傅食得唔係好飽情況底下, 繼續四出搵野食, 搵下搵下終於搵到呢間食店, 師傅覺得食個甜品都好, 於是乎決定入去!一坐底個伙計即刻放底個餐牌, 效率相當之高, 睇左一陣師傅要左個椰香芒果刨冰, 要友人要左個杏仁糊湯丸!甜品好快就到, 師傅一見到個椰香芒果刨冰就覺得好開心喇, 一條高高冰柱, 而周圍鋪滿了芒果, 底下還有少少涼粉, 賣相一流, 不過食落口發覺唔係咁特別, 最主要係糖水太甜, 感覺就好似淨飲糖水, 不過刨冰就依舊好冰凍清涼, 芒果就好甜都幾好味, 但係食左一半已經覺得好凍喇; 杏仁糊湯丸師傅就冇食到, 不過見到個賣相都幾好, 加上見友人食得津津有味, 應該唔差!總括黎講師傅食物就普普通通, 唔係咩咁特別同咁出色, 加上價錢又唔係平, 廿六蚊個刨冰都算貴喇, 不過個刨冰柱個賣相都幾吸引, 值得加分! 下次或者可以再黎試下佢其他食物啦!

侍應服務態度不錯糖水方面;份量算適中，甜度也恰到好處最推薦都是他們的所有糊類，如:芝麻糊,杏仁糊,花生糊之如此類。裝修雖然比較簡單，也未至於差最近去過，反而感覺越來越去。不論在食物方面，侍應態度方面，還是價錢方面都不賴，值得一試!

食飽去左食甜品~來左石磨坊~叫左個芒果刨冰，朋友叫左個燉蛋~覺得d 燉蛋有d淡~~還是長洲的好些芒果刨冰~唔錯~賣相幾好~d 芒果又幾甜~d 冰夠曬多~~見人地食o個d 甜品賣相都幾好~服務都幾好~無咩人會趕你走~mk 都唔趕你走算係咁~

同女友和友人K小姐食完飯之後,就去左呢度. 因為都飽,所有嗌左:奶黃蛋白燉鮮奶同水蜜桃刨冰.燉鮮奶好食呀超滑! 個刨冰一般啦.食食下會覺得佢冇味只係得d冰味囉. 但係d桃幾好食.MK食甜品佢稱霸!=) 不過話說個姐紅收走個燉奶既時候佢將d匙跌左落個刨冰度呆左小心d啦唔該.