石磨樂豆

营业中

休息中

2025年1月24日 星期五返埋今日工就可以放個漫長既新年假期休息下，所以一放工就黎到呢間餐廳諗住買外賣返屋企慢慢品嘗餐廳係大圍開左唔夠一個月，但係其他地方都見到有分店，聽講係新加坡有30年既老字號品牌，最近先黎香港做過江龍，希望可以令品牌年輕化，用追求健康既目標打入香港既市場，而又的確香港好多輕食都係比較油膩同煎炸，好少有健康既輕食見到門面既凍櫃都擺滿左飲品同甜品，最吸引我嘅當然係最底層既甜品，用左好大個膠杯裝住，價錢都唔算太貴，最平20幾蚊就有一大杯豆腐花，於是要咗幾款甜品返屋企慢慢同屋企人分享最後一共叫咗兩杯飲品同兩個甜品，都係大約$150返到屋企已經急不及待打開飲品，首先奶蓋芋泥小丸子，未打開個樽已經見到奶蓋佔咗成杯飲品嘅4分之1，一打開充滿芝士香味，每一啖都食到芋泥，同奶蓋非常夾，而且仲飲到一粒粒嘅小丸子，十分煙靭另一杯飲品就係抹茶紅豆小丸子豆乳，完全係落足料，紅豆同小丸子非常多，飲落去甜甜地，完全飲唔到抹茶嘅苦澀味，有啲似宇治金時，但入口比較順滑甜品方面有期間限定嘅蝶豆花茉莉豆乳凍，冇諗過豆腐花同蝶豆花都幾配合，既食到豆乳香，又有蝶豆花同茉莉嘅香味，幾清新最後有三色芋圓西米

聽聞圍方開新甜品舖 二話不說就去朝聖呢喺新加坡最出名嘅豆乳品牌 亦係我嘅最愛呢間主打嘅係豆乳飲品 同健康嘅即製吐司甜品質素性價比高 好想食晒餐牌所有款式種類真係花多眼亂 間中仲會推出季節限定聽講仲有熱飲供應 不過無堂食只可以外賣甜品舖會提供個保溫袋同擺放好 相當貼心-HK Style港式風味-Chicken Curry Toast ($35)咖哩雞肉吐司 ($35)賣相好精緻 重點係即叫即做夠晒新鮮吐司烤得好香脆 雞扒肉質都較為鮮嫩配埋滿滿嘅咖哩肉碎 食落口感勁豐富對於吃貨嘅我嚟講 份量多啲會更加好-Tofu Pudding豆乳布甸-Taro with Tofu Pudding ($24)香芋豆乳凍 ($24)香濃嘅香芋味 食落唔算好甜啱啱好口感細滑 而個容器可以循環再用㗎-Milk Foam Series 豆乳奶蓋-Iced Milk Foam Soy Milk with Taro Paste and Mini Rice Ball ($39)奶蓋芋泥小丸子 ($39)用咗罐裝型嘅樽 成件事好可愛奶蓋鹹香味濃郁 芋泥綿密順滑重點係啲小丸子彈牙 好有咬口呢款真係夠晒驚喜 強烈推介呀

大圍圍方呢間石磨樂豆Jollibean原來係新加坡嘅老字號豆乳品牌，佢主打新鮮石磨的豆乳飲品，包裝都幾靚，亦都唔係太甜，啱晒鍾意甜品又追求健康嘅都市人🤓。今次就試咗佢嘅飲品、甜品，同埋吐司嘞。🥤奶蓋芋泥小丸子顏色鮮豔，口感香濃豐富。🥤抹茶紅豆小丸子豆乳經典嘅抹茶紅豆加上豆乳，好香滑，小丸子加上大大粒紅豆，滿足視覺同味覺。🥪鹹蛋黃碎蛋吐司鹹蛋黃+雞蛋碎真係好難唔好食，濃郁蛋香，正呀！🍡三色芋圓西米露豆乳西米露香滑，三色芋圓口感煙靭。可惜我胃口有限，其實仲有好多嘢想試，例如佢有期間限定豆腐花；另外佢仲有幾款熱飲，例如即磨咖啡豆乳，下次我要再試。

仙草最令人失望，碎碎的兼份量少，已特別加購了買保溫袋放冷甜品，結果熱的一款甜品也一併包裝在保溫袋內，紙盒外賣包裝，自取回家已有漏湯問題，同一價錢其實有更好的選擇。

原來而家喺大圍都食到Jollibean😍～唔講唔知，呢個品牌喺新加坡🇸🇬已經有30年歷史，堅持每日石磨製造，每啖豆乳都係新鮮又健康～抹茶紅豆小丸子豆乳（$47）🍵🫘一打開蓋就見到翠綠嘅抹茶豆乳，底部有好多香甜嘅紅豆同煙韌嘅小丸子，抹茶濃郁回甘，好飽肚😋好立克豆乳($27)熱飲有三款，好立克豆乳係其中之一，豆乳質地滑順，豆味濃郁，鍾意好立克嘅朋友一定唔可以錯過😉田園慢煮雞扒吐司 ($41)🥪厚切嘅慢煮雞扒嫩滑又juicy🐥，吐司外脆內軟，仲有蕃茄同生菜🥗三色芋圓西米露 ($39)三色芋圓煙韌Q彈，西米入口即溶，甜度適中👍呢間外賣店會不定期推出期間限定嘅menu，今次我就見到「川貝枇杷膏豆腐花」，好特別～

來自新加坡的30年老字號品牌，主打豆製飲品、甜品和吐司。自設5000呎廠房，並引進台灣全自動化磨豆機，確保生產效率與品質。選用嚴選A級加拿大黃豆，每日石磨鮮製，保持新鮮口感。品牌堅持每晚浸豆、每朝煮豆的傳統工藝，致力為顧客提供健康美味的選擇。有3款熱飲供應: 好立克豆乳 / 即磨咖啡豆乳 / 9 °微甜濃豆乳 好立克豆乳（熱飲）豆香濃郁，與好立克味道平衝得好好，口感順滑，豆乳選用新鮮的A級黃豆，保留了自然的營養成分，無添加防腐劑，健康又安心，而且岩晒秋冬天氣飲。🩷期間限定🩷川貝枇杷膏豆腐花好特別的豆腐花味道，豆腐花滑順細膩，融合了川貝枇杷膏的甜味和清香。枇杷膏的獨特風味為傳統豆腐花增添了層次感，搭配少許糖漿，整體味道平衡，清新而不膩。🩷期間限定🩷鹹蛋黃碎蛋吐司吐司外脆內軟，搭配香濃的鹹蛋黃和碎蛋，味道濃郁，做早餐或下午茶都是不錯的選擇。椰乳仙草西米露椰乳的濃郁與仙草的滑潤口感，搭配Q彈的西米，椰乳的香甜味道為整道甜品增添了層次感，又不過於膩口。粒粒仙草配料十足，入面好豐富，有珍珠、芋圓、小丸子、仙草，珍珠和芋圓 Q彈有嚼勁，帶來不同的口感層次

近排公司搬咗去大圍一班OL周圍搵食，睇吓有咩健康之選今次target左新開嘅呢間Jollibeans大部份豆制產品都係高鈣低脂又想食好味，又想減肥呢樣都係我地近排最愛雖然平時有套餐，有得加配我最鍾意嗌嘅微甜濃豆乳好啱冬天飲但係今日俾期間限定款嘅爆餡芋泥吐司吸引咗好多芋泥同肉鬆都好夾細細份好岩唔想食太多澱粉嘅我哋我再加左杯即磨咖啡豆乳有得揀無糖或者微甜試左無糖估唔到都唔差雖然咖啡可以再濃啲最後同同事cheat左個椰乳仙草西米露share有甜品食成餐即刻滿足晒🥹🥹🥰🥰

Jollibean係來自新加坡嘅豆乳專門店 ，30年嚟都堅持每日浸豆煮豆，確保新鮮👍每款豆品都選用A級加拿大黃豆，喺香港廠房每日新鮮石磨🙆🏻‍♀️💜奶蓋芋泥小丸子 芋泥同小丸子都好多，仲有層奶蓋層次豐富，豆乳味好香 🧡木瓜雪耳雪梨豆乳 飲落好清甜，濃濃既木瓜、雪耳同雪梨，有滋潤嘅感覺好養生 店員仲推介好立克豆乳、咖啡豆乳、微甜濃豆乳。間中仲有期間限定款🥰🤍三色芋圓西米露超多西米、芋圓煙靭，好大杯💛鹹蛋黃碎蛋吐司蛋黃香味好濃郁，鹹蛋黃同碎蛋mix埋一齊，食落每啖都好rich

第一次上openrice留評語，以前從來唔寫，只要唔係太差都唔計較。但.. 26蚊食碗咁嘅嘢👎🏻食咗幾啖已經想倒🤮真心想講呢間Jollibean連豆腐花點整都未識，我想上載相片但唔成功，不過可以形容畀大家知，正常豆腐花應該軟稔稔好滑，佢碗黑糖豆腐花係可以筆一邊食到底，而淨返嗰邊係屹立不倒，想知豆腐有幾硬可以自己去幫襯吓☠️我食過好食嘅豆腐花例如有間喺大埔市政街市對面，人地價錢平一半，所以貴唔一定好食😕

呢間我會稱為健康輕食首選，有A級加拿大黃豆作為原材料，配合有5000呎廠房內嘅全自動化磨豆機，然後每日石磨鮮製，健康又新鮮！爆餡芋泥肉鬆吐司 $39餡料豐富，口感層次多樣，佢嘅味道剛剛好，甜鹹適中。香芋豆乳凍 $24口感滑順綿密，香芋的濃郁香氣與豆乳的清新完美融合，甜度適中，帶有淡淡的豆香。樽裝木瓜雪耳雪梨豆乳500mL $36豆乳結合木瓜的甜、雪耳的滑與雪梨的清潤，口感豐富且滋潤，養生又美味。抹茶紅豆小丸子豆乳700mL $49抹茶香濃，小丸子Q彈有嚼勁，豆乳的濃郁令整體口感更加溫潤，層次分明，適合喜歡濃郁茶香的人。所有食物都係新鮮製造，所以要盡快2小時內食完！唔鍾意等或趕時間嘅時候，可以用會員app，除咗獨家優惠之外，可以有預設自取功能。

大圍終於開咗一間專門食荳品嘅小店！原先為新加坡的30年品牌，豆品係用A級加拿大黃豆，每日新鮮製作！仲有店舖有季節限定餐目，每次都有唔同荳品可以食到！今期限定商品：鹹蛋黃碎蛋吐司/ 蝶豆花茉莉豆乳凍 / 川貝枇杷膏豆腐花✨【蝶豆花茉莉豆乳凍】$24口感嫩滑，蝶豆花花香好出色，再加上茉莉味豆乳，豆香濃郁！甜而不膩🤓【黑白芝麻豆腐花】$28 (熱)經典款✨芝麻糊+豆腐花一定係perfect match! 芝麻糊濃郁 仲有好香嘅芝麻味，而豆腐花豆味濃郁，2款夾埋食 甜度岩岩好！【抹茶紅豆小丸子豆乳700ml】$49滿滿嘅紅豆同小丸子！超級足料，飲完一杯可以唔洗食飯🤓🤤Rating: 8.5/10📍石磨樂豆大圍車公廟路18號圍方5樓Kiosk 05號舖

諗住「豆乳X人」終於有競爭對手啦，但sorry，真係無對比無傷害。叫左「三色芋圓布甸」，成兜嘢$32，好失望。芋圓硬過我條命，淡過我啲口水，連糖水都唔浸下，𡁻嚟都覺得嘥牙力。啲布甸好似食大菜糕咁，成兜嘢硬瓜瓜，乾爭爭（見圖）。可能係我嗌錯，或者豆腐花或豆乳飲品會好啲嘅，但呢個item都係食返佢對手好過啦。

Singapore soy-based brand @jollibean.hk with over 30 years of history has just opened a new location at @thewaimall The Wai, Hong Kong 🌱enjoy soy desserts like tofu pudding 🍮 and soy drinks with taro or espresso 🥛 made with Grade-A non-GMO identity preserved Canadian soybeans 🫘 and healthy toast sandwiches 🥪新加坡30年老字號豆乳品牌 @jollibean.hk 進駐香港圍方 @thewaimall 🌱 盡享多款豆腐花搭配黑芝麻糊或三色芋圓 🍮 豆乳搭配厚綿芋泥或即磨咖啡🥛 採用A級加拿大黃豆，每日石磨鮮製 🫘 仲有健康現烤吐司三明治 🥪🖤 黑白芝麻豆腐花 HKD$28black and white sesame tofu pudding 🎨 三色芋圓豆腐花 HKD$32taro b

🫘大圍 圍方｜Jollibean今日行圍方嘅時候見到呢間新開嘅餐飲店原來佢係來自新加坡嘅品牌，創辦人喺新加坡旅行嘅時候偶然間發現到呢間30年嘅老字號，就將佢帶咗嚟香港！佢哋嘅食物同飲品唔單止好味，更好有營養❤️田園慢煮雞扒吐司這道雞扒真的超好吃，慢煮的過程讓肉質變得特別嫩，咬下去汁水四溢。搭配那片香脆的吐司，口感簡直太棒了！還有一些新鮮的蔬菜，讓整體吃起來既美味又健康🏁黑白芝麻豆腐花這個甜品簡直是絕配！滑滑的豆腐花加上黑白芝麻，香氣四溢。每一口都有不同的口感層次，甜度剛剛好，不會膩。吃完後心情都變好了，真的是餐後的完美選擇。❤️好立克豆乳這杯豆乳超順滑，豆香味濃，喝上一口真的讓人覺得很滿足。完全沒有那種豆腥味，喝起來特別舒服。無論單喝還是搭配其他菜，都是個不錯的選擇，讓人感覺清新又健康。💕奶蓋芋泥小丸子芋泥甜而不膩，再加上那層奶蓋，簡直就是完美的搭配。每一口都能感受到濃濃的芋泥味，還有奶香，加上小丸子吃起來就是幸福感滿滿。

因為差唔多生👶🏻，可以食一啲清淡及清涼的甜品。睇完戲之後在大圍發現到這個30年星加坡老字號品牌的， 除了保持傳統風味之外，亦都非常迎合香港人口味，以健康清淡為主的石磨的豆品店😍，當然要買少少滿足一下啦。（5⭐️最高）鹹蛋黃碎蛋吐司(5⭐️)鹹蛋黃相對味不算太濃厚，但碎蛋吐司的味就比較突出，是即叫即製的🥰，所以入口是外脆內軟。而且包裝亦都十分體貼，美觀之餘亦都不失用途，好窩心🎈。香芋豆乳凍（5⭐️）清香的香芋味放在豆乳中，豆乳較一般豆腐花為硬😀，加上香芋的味以清淡為主所以入口是香濃幼滑。 甜度是微甜，適合不太喜歡甜的朋友😛。抹茶紅豆小丸子豆乳（5⭐️）一向是抹茶控的我，當然要試吓抹茶紅豆小丸子這種配搭🤩。抹茶相對茶味濃郁，紅豆甜度及軟硬度非常適合小朋友食用；小丸子入口😍煙煙韌韌。加上豆乳香濃幼滑，飲完真的是超滿足👍🏻。 樽裝木瓜雪耳雪梨豆乳（5⭐️）把兩款傳統的甜品混合在一起，其實都真是有一番風味，木瓜雪耳雪梨是滋潤而清甜的中式糖水❤️，加上豆乳香濃又滑；所以每一啖入口都有清甜的香味🥰。