石磨樂豆

营业中

休息中

呢間舖頭主打豆乳製品、甜品同埋吐司，啱晒做下午茶或者輕食！首先係田園慢煮雞扒吐司$40，雞扒好嫩滑，唔會乾爭爭，調味啱啱好，吐司烘得好香，夾埋雞扒一齊食，口感豐富！份量都幾足夠。跟住試咗三色芋圓西米露$39，芋圓煙韌Q彈！西米露夠晒滑，甜度適中。黑白芝麻豆腐花$28都幾好食，豆腐花滑溜細緻，黑白芝麻嘅香味好濃郁。最後試咗凍即磨咖啡豆乳700ml $38，份量十足，夠晒大杯！豆乳嘅豆味濃郁，同咖啡嘅味道融合得幾好，唔會搶咗豆乳嘅味道，而且唔會太甜，啱晒我呢啲鍾意飲咖啡又鍾意豆乳嘅人。呢間舖頭仲會間中出季節限定款，下次再去想試吓佢哋嘅期間限定甜品！佢哋仲有提供三款熱飲：好立克豆乳、即磨咖啡豆乳同埋9°微甜濃豆乳，啱晒秋冬飲用。

之前去新加坡旅行偶然發現到呢個30年老字號品牌，竟然比我發現到係圍方開左分店，而且保留左新加坡傅統小食，仲楺合左香港地道特色風味，今次終於食到啦✨爆餡芋泥吐司吐司係即叫即做，烘到個底好酥脆，然後爆多芋泥好足料，而且芋泥夾埋肉鬆食真係好夾，鹹鹹甜甜咁好惹味🤤黑白芝麻豆腐花豆腐花好嫩滑，豆味濃郁之餘有淡淡芝麻香，簡直係完美配撘，作為甜品一流💕好立克豆乳(熱)估唔到好立克都有豆乳，入口好順滑，真係意想不到好夾🤩而且暖笠笠飲落好舒服🥰奶蓋芋泥小丸子奶蓋濃郁幼滑之餘仲好香香芋味，入面仲有小丸子超有口感，而且甜度岩岩好，值得一試👍🏻

來目新加坡🇸🇬三十年老字號，香港自設廠房志，每日石磨鮮製，嚴選A級加拿大黃豆，營養高、抗氧化。主打豆乳、沙冰、甜品、豆腐花、吐司。今日黎到大圍圍方新分店，環境乾淨衞生。🥪鹹蛋黃碎蛋吐司 $33～鹹蛋黃帶有濃厚的風味，鹹香十足，與雞蛋的柔和口感形成對比，讓每一口都充滿層次感。🍡 三色芋圓西米露 $39～ 色彩繽紛、豆香濃郁，口感柔滑有嚼勁，唔會好甜。🍡🥛奶蓋芋泥小丸子(凍） $39～ 芋泥小丸子柔軟彈牙，搭配滑順的奶蓋。🥤 即磨咖啡豆乳(熱） $39～ 結合了新鮮研磨的咖啡豆和乳製品，可以享受到咖啡的濃郁與乳香的柔和。

食嘢不單為了飽肚，現代人進食也會講究營養及味道。「石磨樂豆」保留新加坡傳統小吃，加入了香港地道特色風味，經常推出季節限定或期間限定款式，例如最近的蝶豆花茉莉豆乳凍、川貝枇杷膏豆腐花…等等。另外，還會有熱飲供應。天氣凍時，飲杯暖暖胃，感覺也不錯！😋是日選擇：1️⃣蝶豆花茉莉豆乳凍🍽蝶豆花天然的色彩與茉莉花的香氣，增添了豆乳凍的特色。2️⃣奶蓋芋泥小丸子🍽奶蓋的白色，芋泥的淺紫色，讓人一看就想品嚐。3️⃣粒粒仙草🍽材料多多，包括：珍珠、芋圓、仙草、小丸子，煙煙韌韌，不會過於甜膩。4️⃣抹茶紅豆小丸子豆乳🍽抹茶帶點點苦，紅豆帶點點甜，配合起來，特別誘人。

位於大圍的星加坡品牌豆乳店，九龍新界都新開了幾間分店，主打豆製品的飲品、甜品，還有吐司；還不時會推出期間限定，如沙冰系列；秋冬熱飲，如好立克豆乳；香港地道特色產品，如川貝枇杷膏豆腐花等等。即製吐司：爆餡芋泥肉鬆吐司吐司切開一半，方便食用。以三文治機夾實並烘過，外層脆口，四邊封實，裡面則是滿滿的芋泥蓉，上面灑上肉鬆。芋泥甜甜的，配上鹹香的肉鬆，鹹甜交集，還蠻配的。特色甜品：黑白芝麻豆腐花一整碗豆腐花，份量大碗。豆花口感非常滑溜。黑芝麻糖水則較稀，糖水可以另外附上。豆乳飲品：樽裝木瓜雪耳雪梨豆乳傳統的中式糖水配搭，木瓜雪耳雪梨，以豆乳代替糖水，變成樽裝飲品，飲用之前最好先拌勻底下的材料。豆乳飲品：抹茶紅豆小丸子豆乳抹茶豆乳選擇了無糖，啖啖清新的抹茶清香；而底下有半杯紅豆蓉，甜甜的，以及煙韌的小丸子，口感豐富。

見到新舖，見到有支紅棗桂圓豆乳擺喺櫃display出嚟嘅好似好足料，有差唔多四分一嘅沉澱材料，所以買返去試，點知返到去一啲料都冇，完全冇紅棗味淨係得少少桂圓碎，係少少或者好少!咁即係算點？豆乳個味道本身唔算差，都ok嘅.但係，重點係，真係冇紅棗桂圓嘅感覺囉，桂圓都仲可以叫做勉強，紅棗就完全搵不到痕跡.但係重點都係display出嚟嘅就好似好足料咁.實際就完全唔同樣.仲有新開張服務員嘅態度都仲可以咁差，問多句都係唔想答你嗰隻.個市咁差，都仲可以咁樣嘅品質同服務，祝佢好運.

等咗幾個月終於開幕，沒有座位，只有外賣。見到個餐牌見價錢合理，款式唔錯，都有少少期待。只有外賣所以服務還OK，亦唔需要等好耐。返到屋企拆開嗰刻，ok …俾大家評價啦…真心可能大家自己係屋企整會伸好食啲。

點了三色芋圓西米露，取食物的時候有點嚇到，份量是容量的三份二，不知道是否標準份量，如果商家認為份量是這樣，應該用別的包裝吧，不致令食客觀感有點落差。味道方面，芋圓口感是不錯的，西米略淋口感不佳。