石記廚房的食记– 香港天后的粤菜 (广东)

路人甲

(非会员)

今日同老公兩個人行到天后, 求其揀左一間野食飯.見到石記, 入面咁多人, 諗住無衰la~面口睇係茶記, 入到去見到個餐牌就知唔係果回事.價錢拍得住酒樓. 環境講真好一般. 算乾淨, 但係坐得極之迫. 麻麻地舒服.我地兩個叫左兩個小菜, 一碗飯, 一碗湯.湯話無味精, 應該係. 不過都無味. 同平時響自家湯拎就差得遠. 不過價錢平返, $18碗都okay la.西芹雞丁. 極普通, 比平時酒樓叫既份量少. 但係要$62個. 超級唔抵食.芝脆班塊. 呢個就唔錯. 班塊唔似平時雪藏野. 但都係無咩味. 芝士汁同班塊分開上, 都算細心. 但係個芝士汁比較水, 麻麻好dip. 呢個要$78, 全碟得8塊比壽司蛋細既魚, 老公話唔抵食. 因為我地尋晚響酒樓食左條$58游水海班仔. 所以呢碟野超級貴.埋單2人百幾蚊. 唔可以話貴. 不過響茶記環境食呢d咁普通既小菜, 就真係唔抵. 呢餐咁既野最多比100蚊佢. 下次響天后都唔會再食佢~~

今日同老公兩個人行到天后, 求其揀左一間野食飯.
見到石記, 入面咁多人, 諗住無衰la~
面口睇係茶記, 入到去見到個餐牌就知唔係果回事.
價錢拍得住酒樓. 環境講真好一般. 算乾淨, 但係坐得極之迫. 麻麻地舒服.
我地兩個叫左兩個小菜, 一碗飯, 一碗湯.
湯話無味精, 應該係. 不過都無味. 同平時響自家湯拎就差得遠. 不過價錢平返, $18碗都okay la.
西芹雞丁. 極普通, 比平時酒樓叫既份量少. 但係要$62個. 超級唔抵食.
芝脆班塊. 呢個就唔錯. 班塊唔似平時雪藏野. 但都係無咩味. 芝士汁同班塊分開上, 都算細心. 但係個芝士汁比較水, 麻麻好dip. 呢個要$78, 全碟得8塊比壽司蛋細既魚, 老公話唔抵食. 因為我地尋晚響酒樓食左條$58游水海班仔. 所以呢碟野超級貴.

埋單2人百幾蚊. 唔可以話貴. 不過響茶記環境食呢d咁普通既小菜, 就真係唔抵. 呢餐咁既野最多比100蚊佢. 下次響天后都唔會再食佢~~

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

抵食

人均消费

$80 (晚餐)

Papanana

等级3

近年天后區地鐵站一帶成了食街, 充滿了各式各樣的中小食肆, 不過很可惜, 區內真正好吃的不多.

電器道有一間茶餐廳叫石記餐廳, 開了也有三幾年, 也有賣小菜的, 初時食物水準不錯, 也間中去堂吃或者買外賣, 但近兩年已大退步, 兼且繁忙時分去食件油多飲杯茶, 嘆耐 d 都會可能俾佢既環境同面口搞到想快 d 走, 已經不再幫襯.

前星期行過電器道後面條街銀幕街, 很熟面口的不鏽鋼邊門面裝修呈現眼前, 原來石記又開多間小菜飯店取名石記廚房. 望入去新裝修, 簡簡單單, 算幾乾淨, 門口也列出一些街坊小菜, 招排上又打出了絕無味精. 這晚於是便特別走去試新店, 心想食物都是出自同一家, 只是抱著一試無妨的心態.

菜色都是大路街坊菜色, 兩個人, 叫了三菜一湯.

標明沒有味精的住家老火例湯滾熱辣的用瓦煲上, 喝落實是冇騙人, 夠火又夠原味, 簡簡單單的豬骨雞腳花生眉豆, 沒有味精或代用品, 十足家中自己煲一樣. 份量亦足, 可倒六滿碗. 唯一可改善的就是石老板沒有替雞腳去爪, 尖尖的雞爪并不雅觀, 也影響了進食的順暢, 也形住好像會爪損我的口腔,

石老板似乎煮雞有一手的, 餐牌上的雞款頗多: 如客家雞, 菜膽雞, 霸王雞, 鹽涮雞, 此外蒸雞也有五款蒸法. 今晚我們叫的是石記是日推介的鹽香雞. 用的是冰鮮雞, 肉質過得去, 鹽腌得入味, 皮也局至金黃, 斬件後再淋上油香荵粒. 只可惜, 這本來甚美味的雞, 上檯卻不熱, 明顯一早製作好後放左埋一邊, 又唔翻局熱一下, 白白浪費自己的心機.

原先想食炒蜆, 但見到鄰檯的蜆較細粒, 打消了主意. 選了個芒果帶子牛柳粒 - 炒得不錯. 芒果香甜, 西芹青嫩, 加埋白色的帶子, 顏色很柔和, 不油膩, 很家常的感覺. 牛柳粒的肉質尚佳, 不過帶子聞上有腥味, 是較次級的急凍貨. 最後上的椒絲腐乳通菜屬中規中矩, 味度足, 很下飯, 瞬間便送了一碗飯落肚.

總的來說, 石記廚房算是不過不失. 餐廳雖說沒有落味精, 但除了湯外, 這餐的菜餚,味精代用品是有用來提味的. 不過, 我對味精沒反感, 當然, 食物新鮮天然味佳, 沒有理由要用味精影響食物本身鮮味. 如果食物品質不佳, 用上一些化學物質腌製食物, 也是個可理解的經濟的做法. 反而, 用上一些雞精, 雞粉或雞湯等等味精代用品, 卻是不必, 因為他們只不過是貴價而含雜質的味精類調味料而已.

相對上手的老巴剎, 石記的廣東菜始終較受街坊歡迎, 也是新開張. 星期日晚七時半, 外面已有人排隊, 我們也通氣的叫埋單. 怎料他們這時才遞來兩碗紅豆沙, 我們其實已頗飽, 不過也吃下了大半才走.

後記: 吃完飯, 順便行過去電器道, 看看兩間石記的相對位置, 原來又真是兩間背對背的, 中間一條後巷相隔, 石老闆又真聰明, 隨時一個廚房煮兩邊都得, 一個洗碗又可兩邊洗, 自己又可很方便地後門兩邊走, 那邊忙便那裡幫手.