砵蘭街小廚

营业中

休息中

呢排又懶左出post😗 今晚試左旺角一間新開張既小菜，餐廳啲枱都擺得幾鬆動，侍應服務都熱情周到。 涼菜有話梅涼瓜，甜中帶微微既苦的確幾開胃。 點左個孖寶HKD268 ，有豉油王蝦碌同脆皮雞半隻。 🦐 蝦碌size 合理， 隻隻都爽口彈牙。 豉油好靚， 鮮香得黎唔會太咸。 啲料頭啲黎送白飯好正☺️ 脆皮雞🐔：皮真係炸得好脆， 但雞就唔算多肉， 部分位會鞋口啲。 另外再散叫左個黃金金沙茄子🍆HKD98 呢個都好出色 🌈 好足咸蛋黃， 金沙完全包裹住每條茄子，金沙唔會好咸，仲帶啲甜， 外脆內軟，食到停唔到口🤣每道菜上菜都好熱辣辣香噴噴 ,雖然我哋叫咗三樣都係香口濃味嘅嘢，但3樣調味都唔會好鹹👍🏻人均HKD250， 貼近酒樓價， 唔係平，但幾好食😋

我哋每個月聚餐都盡力搵好嘢食， 今次選擇咗依間係因為其中兩位極力推介話之前嚟過食2-3次小菜好好味而且價錢合理， 後嚟亦知道係來自利園酒店前總廚助陣， 所以8個人決定2月29日約好開心食晚餐， 今次早兩日預訂咗象拔蚌刺身同雞煲翅，很新鮮、很濃郁雞好滑好嫩😋其他小菜亦係好味平均都係$100鬆啲就食到個個好飽咁， 一間「砵蘭街小廚」能每款好菜式都做到好食真係唔簡單， 最重要係平靚正坐得舒服， 極力推介，可以再encore 聚餐🥰好似係新開店無耐， 希望好嘢食仍keep 到高水準， 支持香港小店💪🏻

<Hong Kong🇭🇰•Mongkok>“咬我唷！生死戀蒸馬友”😎最近都約團年飯開年飯，有朋自遠方來，緊係食香港嘅地道菜！喺砵蘭街搵食，唔一定淨係叫雞，仲有雞、牛、羊、豬！羊肚菌燉湯牛肚菌燉湯特別清甜，足料仲有雞腳龍眼肉！脆皮蜜椒金薯牛柳粒Sooo juicy!!蜜汁牛柳粒粒粒香，粒粒嫩！唔好睇小薯仔粒啊，薯仔粒金黃焦脆，甜香不得！生死戀蒸馬友這個名字真可愛🤣蒸魚真係要趁熱食，馬友新鮮，蒸得剛剛好，魚肉香滑不得！生馬友+死馬友（鹹魚）配搭，簡單嘅蔥油上面，撈飯又食多一碗啦！鐵板燒脆皮鹹豬手大排檔必食嘅鐵板燒豬手！夠晒鑊氣！豬手香脆鹹香送啤酒一流啊！仲有嫩薑食多兩嚿肉都可以解膩唷芥菜鹹排骨煲下火啊！芥菜排骨煲識食嘅都知道正！芥菜排骨煮得軟腍腍入味，鹹鹹甘甘，火氣重啱晒！嚟緊去砵蘭街又有一個着腳地啦😋砵蘭街小廚📍砵蘭街163號地下#砵蘭街美食 #旺角美食#砵蘭街

位於旺角砵蘭街中菜館，主打多款港式潮式菜餚，前利苑大廚主理，性價比高，絕對值得一試！中菜館環境乾淨企理，座位寬舒適敞，空間感十足，更設VIP 貴賓房，私隱度高，非常適合大伙兒親友或同事聚餐！📌椒鹽白飯魚白飯魚即叫即炸，熱騰騰奉上，外層炸到金黃鬆脆，白飯魚相對大條，與手指相約，口感香脆無比，沾上喼汁，更添滋味📌紅燒BB鴿即叫即燒，相當惹味！BB鴿骨軟肉嫩，肉質富豐富油脂，經過以秘製滷水汁慢煮後再紅燒，外皮酥脆，肉質Juicy，必食！📌芋頭梅子雞非常巧工夫的一道菜，工序繁複，值得一試，酸梅子令整道菜不油不膩，拔絲芋頭令人吃唔停口，雞肉酸酸甜甜，菜式別具特色，滿滿家鄉風味！📌淮山百合炒藕片養生美顔穫氣小炒！以白色食材淮山、百合、藕片入饌，廚師炒得香口，不但質感清脆爽口，充滿口感，且具食療功效，具養顔清熱、潤肺止喝，女生恩物📌水煮田雞正宗川菜水煮田雞！分量超級多，盛滿一整鍋，田雞味帶麻辣，質感嫩滑鮮味，配菜有芽菜、木耳、寬粉等，惹味萬分，大滿足小菜足料岀色有水準，份量超班，色香味俱全，一試難忘，價錢親民，絕對值得回訪！砵蘭街小廚 📍旺角旺砵蘭街163-173號萬生大廈地下A-C號舖

之前喺朗豪坊睇戲經過見到 佢哋新開張裝修環境唔錯👍🏽 新派小菜加上有天麻魚頭湯 😍🥄今日天氣又好凍想飲燉湯於是我哋6:45pm 就到！目的係避開繁忙時間嘅人潮 😜 好可惜嘅係原來天麻魚頭湯係要預訂🫣 職員介紹咗👇✅羊肚菌螺頭 ( 有助增強免疫力 益腸胃 滋陰補腎 ） 飲完暖笠笠，而且真材實料冇味精 👍🏽💯無介紹錯wo另外再叫咗三個小菜一個湯飯 🥢✅黃金海蝦 🍤 蛋黃份量厚薄恰當，🦐新鮮肉嫩大大隻，每口都又爽又彈牙✅ 薑蔥田雞煲 🥘 用料十足，一打開個蓋，味道勁香，份量都唔小，而田雞就幾肥美🈵 ✅ 西蘭花鮮魷 🦑 新鮮蔬菜鮮魷，味道👍🏽✅ 冬菜蠔仔肉碎泡飯 🍚 用料都係💯 而湯汁又唔會鹹，足足有成五碗份量，我都食咗兩碗，好食😋📌 色香味味俱全 ⭐️⭐️⭐️⭐️⭐️ 夠晒鑊氣📌 環境方面都唔錯，有一圍色四圍枱包廂，大堂寬敞嘅空間 👍🏽 下次帶埋屋企人一齊去食先 👏🏻

最近旺角開咗間新嘅中菜館主打多款港式大排檔美食價錢相宜兼且大大碟佢嘅川菜亦都好正宗酒水方面亦好抵飲啱哂同家人朋友聚餐🔸脆皮拔絲黑豚肉 $138我哋加咗$20要埋冰鎮效果，賣相100分，打卡影相一流。每一年黑豚油都炸到好香脆，沾上酸酸甜甜嘅醬汁，真係好味到停唔到口。🔸砵蘭街小炒皇 $128上菜時熱辣辣，夠哂鑊氣，用料好豐富，有魷魚、蝦仁、蝦米、腰果，當然唔小得主角韭菜啦。全部食材嘅味道同口感都好夾，鹹度亦都啱啱好，食落口感夠哂豐富。🔸椒鹽九肚魚 $138九肚魚嘅外層炸到金黃香脆，食落完全唔厚粉，就算食食吓攤凍咗都依然脆口。魚肉非常滑溜多汁，鮮味十足，加埋椒鹽爆香，惹味到不得了。🔸金箔欖角骨 $98一碟共有八件欖角骨，每件都洒上金箔，非常瑰麗堂皇，氣派十足，新年食呢道菜夠哂好意頭。欖角骨口感軟腍，完全唔韌，欖味夠哂香。🔸京都炸大腸 $108一碟嘅份量好多，大脆炸得好酥脆，，食落完全無騒味，配搭埋底下嘅菠蘿一齊食更可以減去油膩感。🔸南乳燒雞（半隻） $148上菜時已經聞到好香嘅南乳味，雞皮燒完後色澤好亮麗，食落香脆可口，雞肉非常嫩滑，雞味同南乳味嘅平衡做得好好