磯の水產

营业中

休息中

好耐冇食刺身～刺身拼盤（五種） $268刺身拼盤有三文魚腩、劍魚腩、吞拿魚、油甘魚同帶子。之前冇食過劍魚腩，一試之下覺得去好特別～有別於其他刺身，佢嘅質地係偏硬，油脂亦比其他刺身多，食落幾特別。上壽司拼盤（七件） $168七件壽司入面我最鍾意帶子壽司同魚子壽司！呢兩款壽司都好新鮮、味道鮮甜。帶子壽司嘅帶子好大舊，一入口就食到嗰種甜，真係好正呀！和牛牛肉烏冬 $118食咗啲生冷嘢之後我地都想食返啲熟食，於是叫咗一碗和牛牛肉烏冬。烏冬份量好大，應該唔止一人份量！和牛美味，湯底香濃。

呢間日本菜喺觀塘海濱附近，店舖都幾大，有日式感覺！我地2個人嗌左唔少野食，刺身拼盤有5款刺身，都好厚身同肥美，個帶子同埋吞拿魚好好食，啲刺身都好新鮮👍🏼吞拿魚腩卷啲魚油好香，啲吞拿魚帶有少少鹹味，紫菜夠爽脆，推介👍🏼另外嗌咗三款炸物，分別係炸魷魚圈、炸豆腐同埋炸芝麻雞翼，炸得好香脆，唔會一咬落去成口油，一上菜就聞到好香，係岩岩炸起，好熱辣辣。牛肉烏冬嘅份量好多，又多餸！個湯清清地，有健康嘅感覺！飲品方面嗌左櫻花可樂同埋水蜜桃梳打，個樽好靚😍 櫻花可樂個味道都唔錯，好特別！整體嚟講呢間餐廳嘅性價比高，平日夜晚都好多人食，證明有返咁上下實力，見到其他枱多數都會食燒物，聞到好香，下次要試下☺️

磯の水產 📍：觀塘海濱道133號萬兆豐中心地下3號舖🚗：牛頭角地鐵B6出口 步行6分鐘📞：+852 5500-2591💲：~HKD330/head for dinnerFood quality✔️：刺身拼盤5種 $268、甲羅燒 $78👌🏼：虎蝦 $78、炸櫻花蝦沙律 $78、牛肉烏冬 $88、水蜜桃梳打 $48、靜崗蜜瓜梳打 $48總結：😋海濱新開嘅日式居酒屋🏮質素比我想像中好 刺身5種有三文魚油甘魚 劍魚腩 吞拿魚同帶子 溶雪做得好 新鮮厚切 滿意有突 唯有劍魚腩溶雪還未夠 不過改善下就更好了😋甲羅燒係將蟹膏釀蟹蓋然後係烤爐上燒 會有人幫你哋燒 配埋米通 幾好食🤤😋環境幾有居酒屋feel 坐得頗為舒服😌 又唔會太逼 最重要又冇咩人 隔離就係海濱公園 食完行長廊都幾chill🤔️虎蝦都係有人幫你係烤爐燒 都唔錯嘅不過比起甲羅燒就有啲失色🤔️炸櫻花蝦沙律🥗櫻花蝦份量都唔少 如果落多啲芝麻醬就更好 另外將蕃茄切好擺放得靚靚仔仔就加分嘅🤔️牛肉烏冬係比較下好似顯得cp值較高 唔夠飽嘅朋友食埋呢碗嘢就冇可能肚餓了🤔️飲品就試咗汽水水蜜桃梳打同靜崗蜜瓜梳打 幾好飲嘅不過略貴就顯得中規中矩🤣😨唯一缺點就係

最近MGTower樓下嚟咗間新嘅日本餐廳，見同老公好耐冇拍拖仔，一於同佢一齊放鬆下！刺身併盤：甘目鯛、吞拿魚、帶子、三文魚、深海池魚（各三片）平時三文魚、吞拿魚就食得多、金目鯛同深海池魚都係第一次食！金目鯛肉質爽口、鮮甜，而深海池魚食落肉質爽脆啲，加埋魚油香味。不過～豬太郎就比較偏好前者。串燒：秋葵、雞肉大蔥、雞肉丸值得一提嘅係口感豐富嘅雞肉丸串燒，咬落有粒粒軟骨，沾點濃郁嘅生蛋黃，更加享受豬太郎就揀咗草莓梳打，香甜嘅士多啤梨味，唔會有藥水feel，好味喔！

好滿足既一餐👏🏻因爲晏晝無時間食野，變相早d食晚餐。早食晚飯既好處係唔洗等位 👍🏻芝麻醬豆腐蕃茄沙律作為前菜非常開胃👏🏻 沙律菜同蕃茄都食得出非常新鮮👍🏻明太子雞亦、炸豬扒、都炸得不油膩而保留到肉汁，仲有炸豆腐都香脆可口，佐酒一流。牛舌燒得爽口，火喉控制得好好👍🏻因為知道會食得炸物多，所以除左沙律仲有叫多個炒雜菜。晚餐就當然要食返個稻庭牛肉烏冬！咁就唔驚夜d肚餓啦🤣甜品係一定要食既！菠蘿sorbet 清新甜而不膩，椰子偏雪糕味多一點而椰子味香濃。完美既一餐由美味既甜品畫上完美句號☺️真心推介👍🏻環境開揚、服務員服務友善一流，今次因為腸胃不適，所以唔敢叫刺身魚生吃，下次會再試下魚生刺身，之後再去隔離觀塘海濱公園再欣賞迷人海景。

✅磯之水產觀塘放工後雖然成日都好多人但仲係有時會過去揾食~今次就去左係觀塘海濱碼頭附近既日本餐廳環境坐得好舒服 好闊落！🔆刺身拼盤5種 $268試左刺身拼盤 餐廳會俾時令既刺身今次就有 三文魚 呑拿魚 油甘魚腩 劍魚 帶子五款每款都有3大件~ 全部都好肥美同厚切！食落好夠凍 都好新鮮！特別油甘魚腩最正！啖啖魚既油香！💕🔆香蔥呑拿魚腩卷 $88呢到除左刺身 仲有壽司同卷物選擇！呢個香蔥呑拿魚卷細細粒 面頭佈滿香蔥粒同呑拿魚蓉 呑拿魚一啲都唔腥！好好食！👍🏻🔆雜錦天婦羅 $178另外叫左個個即將推出既新菜式！天婦羅！一份有兩隻炸蝦 紫蘇葉 茄子 南瓜 蕃薯 冬菇除左一般會有既天婦羅汁外 佢哋特別配埋三款唔同味道既味鹽包括普通鹽 抹茶鹽 同咖哩鹽咖哩鹽淨係聞薄都好香咖哩既香味點知食落真係有微微咖哩味🤣🤣要黎點蕃薯食就正啦🥰🔆和牛牛肉烏冬 $118最後點左主食 和牛烏冬~估唔到碗烏冬既份量都幾多🤣應該有平時食既1.5碗🤣🤣真係有和牛既羶香味啊！又唔韌喎！😀用左鰹魚湯 個湯底好清甜！🔆靜岡蜜瓜梳打 $48蜜瓜梳打一支裝 好重蜜瓜味🔆巨峰提子梳打 $48呢個提子梳打就加左乳酸係

今日放工之後朋友過嚟搵我食飯，我哋就沿着觀塘海濱搵食，見到有一間新嘅居酒屋「磯の水產」。咁鍾意食日本嘢俾我哋二話不說走入去試吓👏！發現佢哋餐牌都非常多選擇，刺身、手握壽司、串燒 同 浜燒，真係樣樣都想叫。🐟刺身拼盤 5 種 (💰$268)油甘魚、劍魚腩、三文魚腩、帶子、吞拿魚油甘魚肉質幼滑，劍魚腩肉質柔軟鮮，甜美味又大隻！刺身性價比非常之高！因為”浜”，所以真係好新鮮，而且勁厚切，食完之後更加思鄉，點算！！！ 🍣上壽司拼盤(7件) (💰$168)壽司上面嘅刺身同拼盤嘅一樣都係好新鮮，重有一件係漬物，夠特別🤭呢度嘅壽司係手握，唔係用機做好過飯底。呢個價錢可以有7件手握壽司，加上食材夠晒新鮮，絕對唔係連鎖店質素可以比較，性價比唔錯。🍢雞肉丸串燒 (💰$58)  + 🍢小青椒串燒 (💰$38)雞絞肉外層微焦，咬落幼嫩多汁而且有雞肉香。雞絞肉造成長條形，方便入口，而且軟硬適中，唔會實得得。沾上濃郁的生蛋黃同混合醬料，好滿足🤤日本小青椒，帶來少少辛勁，幾醒神。唔食得辣嘅朋友都可以試吓。🍜牛肉烏冬 (💰$88)男人點都要有飯麵先至飽肚嘅，我就揀咗個牛肉烏冬。牛肉份量非常多，唔夾開都見唔到下面嗰啲野

觀塘海濱附近新開嘅-磯の水產，以日式居酒屋做主軸，裝修設計好有特式。多款刺身、壽司、浜燒和串燒提供。仲有窗邊枱，可以望到海濱走廊的景色刺身拼盤五種：5種刺身，分別是吞拿魚、三文魚、油甘魚、劍魚腩和帆立貝。厚切且新鮮，非常有滿足感😚壽司八點定食：8款新鮮壽司，配上茶碗蒸，沙律同麵豉湯。推介鮮甜嘅海膽同口感脆嘅三文魚子😎鰻蒲燒定食：鰻魚肥美，燒得超級香。肉質厚實，配上日式燒汁，同大量蛋絲。又飽又滿足飲品：水蜜桃梳打青森蘋果汁

觀塘海濱愈開愈多高質餐廳，以前成日覺得牛頭角無啖好食嘅我最近都多咗去嗰邊搵食😛 路過見到呢間環境唔錯又幾好feel嘅磯の水產就去試吓❣️🌃 環境 (4/5)餐廳喺觀塘海濱道，喺牛頭角站沿住海濱方向行大約8分鐘～ 雖然唔係特別近地鐵站但沿海嘛，值得嘅🌊磯の水產係一間日式居酒屋，所以餐廳都仿照日本地道居酒屋嘅設計🇯🇵 一入門口已經見到滿牆嘅Sake🍶 而天花就掛住日式燈籠，真係好有日本嘅感覺🏮😋 食物 (4.5/5)🐟 刺身拼盤(5種) $268🍣 三文魚籽軍艦 $28/2件🍣 蟹籽壽司 $28/2件🍣 三文魚壽司 $48/2件🐔 雞肉大蔥串燒 $58🐤 雞肉丸串燒 $58😋 辛辣炸豆腐 $58🍜 牛肉烏冬 $88🍑 水蜜桃/ 巨峰提子梳打 $48/樽磯の水產提供各式各樣嘅日式料理，刺身，壽司，浜燒，串燒，鍋物應有盡有😛 特別推介刺身同壽司，新鮮又大件🍣 刺身拼盤(5種) 分別有帶子，劍魚腩，三文魚，吞拿魚同油甘魚🐟 刺身全部都勁厚切🤩 帶子好新鮮；劍魚腩油花好靚，入口即溶；油甘魚魚油味好濃，三文魚同吞拿魚都好唔錯❣️ 刺身好味，壽司都一樣掂🍣 壽司飯軟硬適中，飯粒分別唔會過酸😋 三文魚比我想

觀塘海濱真係好靚 成日都有唔同裝飾可以影下相今晚放工去散完步 喺附近食埋飯先走呢間日本菜真係好受歡迎好彩仲可以坐到板前最後兩個位咋芥辣八爪魚餐前小食 八爪魚夠鮮有咬口又唔會太勁芥辣味蟹籽沙律勁多青瓜絲同蟹柳 加埋多到好似唔洗錢咁嘅蟹籽 口感好清爽 份量都比想像中大份刺身拼盤五款落order時問職員有邊五款 職員話要睇師傅發辦應該係每次都唔同嘅 好彩嚟到五款都啱我口味深海池魚 吞拿魚 三文魚腩 劍魚腩 帶子全部都勁厚切又新鮮最鍾意深海池魚 肉質細嫩肥美 魚油豐富三文魚籽軍艦&三文魚壽司要讚一讚壽司飯真係有水準 三文魚籽鮮甜唔腥辛辣炸豆腐外脆內嫩 不過唔辣 只係加左七味粉嘅程度野菜烏冬食左咁多刺身 食番碗熱辣辣嘅烏冬暖下肚舒服晒稻庭烏冬好幼滑彈牙 湯底係蔬菜嘅清甜味 唔錯埋單時問我有冇openrice訂枱原來訂枱有七折 蝕左添 下次再嚟都係訂左枱先唔好walk in咁傻豬喇

今晚兩人世界，出發觀塘搵新野食🥳呢間新開水產店，經過就比佢個門口吸引住！幾年無去日本旅行嘅我，認真懷念水產的味道～一入到嚟，鋪面唔算大，但係裝修好精緻，加上日文歌做背景音樂，成個感覺真係好似返咗日本咁。窗口位設六人枱，座位與座位之間空間充足，唔會太迫，窗外街景設有吧檯位置，可見刺身師傳現點現切靜岡抹茶可樂 $48靜岡蜜瓜梳打 $48牛油果沙律 $68牛油果🥑份量足，啱食鐘意食牛油果嘅我🥳而且無論菜底、牛油果、蕃茄，都睇得出好新鮮唔會有黃邊👍🏻刺身拼盤5種 $268全厚切！厚切是我的最愛！大大件入口嘅感覺超爽😆上壽司拼盤7件 $168三文魚子正正👍🏻唔會死咸，有一陣海洋味道帶子超大件！飯都不見了煎餃子 $58皮煙韌脆，肉汁豐富雞肉丸$58 （配蛋黃汁）雞肉大蔥串$58雞肉丸入面軟骨脆脆，入口感覺好豐富我哋兩個食到捧住個肚走，大滿足😋無論環境，舒適度，食物質素都要比👍🏻👍🏻👍🏻

喺觀塘海濱附近有一間新開嘅居酒屋✔️友人係附近番工 所以決定一試呢間餐廳有刺身 壽司 串燒 同浜燒地方都幾大 仲好有日本Feel 🇯🇵坐window seats 感覺開陽舒適新張優惠 仲有晚市全店七折👍🏻1️⃣我就叫左個刺身拼盤 有5種刺身 三文魚 油甘魚 劍魚腩 吞拿魚同帆立貝刺身係好厚切 同埋新鮮 值得一試💯2️⃣另外再叫左一個 浜燒海鮮拼盤店員會係你面前燒有生蠔 鮑魚 帆立貝 同埋其他貝類即燒即食 都好鮮甜👍🏻👍🏻▪️位置: 7/10▫️環境: 8/10▪️衛生: 9/10▫️服務: 8/10▪️食物: 8/10

鄰近觀塘海濱，窗邊雅座可以一邊望住海濱走廊一邊享受美食 🧡磯の水產既午市定食有8款選擇，可以因應自己既喜好選擇 😗如果鍾意食壽司，可以揀壽司8點定食師傅會為你準備8款不同款式壽司各一件而且必定會有一份海膽壽司🍣想食飯類仲可以揀豚肉生薑燒 🐖豚肉既五花肉少肥，但係配上生薑燒既薑味同燒汁味，食落唔會太油膩👌🏻配搭得宜💛定食有湯，小食，同茶碗蒸，份量十足黎到海邊食日本菜，點少得刺身😂我地叫左份刺身拼盤5種每款三片，每份都好厚身而且都好鮮舖頭位置唔算當旺，假日時間一家大細黎散心，或者情侶飯後散下步，欣賞下夜景都好寫意 🌼唔會嘈雜，可以享受下時間，慢慢enjoy😘ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ ◇◇◇◇◇◇◇◇◇💌 有咩好野快啲分享比我地知啦 😎 期待你嘅推介 ❤️🔎 #cass_japanese🔎 #cass_日本菜🔎 #cass_牛頭角🔎 #cass_ntk 🔎 #eatwccinhk

年初七人日諗住一家開開心心，搵間日本餐食五點幾去到餐廳六點鬆啲開始嗌嘢食可能我好耐冇食日本餐，原來而家35分鐘先有刺身係正常呢一間餐廳規矩先食刺身後上熱食坐低咗35分鐘，都冇刺身食 同我講同我安排刺身先再食熱食追單後20分鐘開始見到食物日本炒雜菜需時30分鐘最慘就係睇住師傅整咗一條刺身一份壽司可能我嗌得太多嘢啦師傅整唔切嚟呢度最好叫係一樣食一樣咁樣慢慢坐兩三個鐘，應該感受會好啲燒嘢食都OK嘅，味道唔錯你哋食唔食自己諗？

海濱道真係無乜好揀，見到呢間新開又做緊7折就去試試，很不錯！店員幫手燒生蠔、蟹腳、甲羅燒，生蠔本身就生蠔囉無驚喜既，蟹腳就女人唔係咁鐘意乾身既，我就覺得幾香，甲羅燒配米餅就真係我兩個人都覺得好味。西京燒銀雪魚同埋個壽司拼盤反而有驚喜。因為我地岩岩先食完好味拖羅，佢地個拖羅就無乜特別，反而海膽、金目鯛、劍魚腩同埋帆立貝就出奇地好味 （明明磯燒係主題🤣）最尾嗌多個烏冬打底就飽飽因為有7折所以都算好抵