快樂蜂 (亞皆老街)

营业中

休息中

香港的連鎖式快餐店唔知幾時開始漢堡只係得「金拱門」同「漢堡王」兩個選擇，而想食炸雞就窮得只剩下上教KFC，除此之外，一定個諗起中環果間Jollibee呢隻姐姐好喜歡幫襯的小蜜蜂，估唔到响旺角都食得到。呢間Jollibee响正朗豪坊正門對面，行上一層樓梯就到，地方尙算闊落，可遠眺旺角閙巿街景。入到黎大大個廣告sell緊個$35蚊雞肶餐，埋到櫃位先知原來無野飲，食炸雞唔飲埋汽水點掂呀？就乖乖地比多五蚊。炸雞睇落有少少乾，咬入去雞上肶啖啖肉，入邊都算JUICY!唯一要彈係隻雞上肶比起同級對手細！跟餐有兩款汁，大果個係磨菇汁，用黎配雞鎚食一流，細果款係茄汁愛黎點薯條，薯條岩岩炸起好新鮮好正！得閒經過一定要黎試下菲式炸雞！

Jollibee嚟咗香港咁耐都去試過，聞記喺菲律賓，M記都唔夠佢嚟，咁經過緊係要試一試啦。炸雞比美國上校連鎖店好食，多汁唔乾，薯條同M記差不多，個熱狗叫OK，不過成個餐價錢就唔平。但見到外藉傭工係好支持家鄉美食，個個都食得好滋味。

今晚做完野不經不覺已經9點幾接近10點尋尋覓覓搵下有咩好食經朋友介紹就決定入黎試試拉當炸雞遇上蘑菇汁係完美結合炸雞肉嫩，粉薄超值之食薯條也很好熱呼呼呼的，也沒有鹽粒平時不多吃菠蘿的我也愛上了這個包

本身對炸雞都好有興趣，咁啱經過見冇乜外籍人士就諗住試吓啦。都係叫返普通一個chickenjoy, 盛惠$40。一口咬落隻雞度，滑到呢！真心顛覆你對炸雞嘅諗法。原來炸雞可以滑到咁樣。相信以後食炸雞都會揀返Jollibee

很多吃過快樂蜂的朋友，都認為這家的炸雞比某大型連鎖店的好吃，的而且確是，因為小蜜蜂炸雞皮簿，粉漿少，脆而多汁。 這次點了Chicken joy 炸雞和芝士著條，炸雞一如以往的美味，熱呼呼的，差點熱得拿不穩炸雞，每人吃了三大件炸雞，不知是幸運還是現在已實行全上脾及下脾來配餐，再不會吃到骨多肉少的後背部位， 啖啖肉吃雞腿，實在過癮。較失望的是芝士薯條上桌時冷掉，薯仔較乾身及硬，大失所望。幸好薯條一早預拌好香濃的芝士粉，尚可接受。順道一提，星期日很多菲律賓客人光顧，較難找到位置，要吃需預早找位置。

今日同陳生出mk睇衫，行到有小小餓，於是去覓食今次係第二次食，上次食左個芝士肉醬意粉，已經覺得好有驚喜，好好味！今次就想試下佢個主角，炸雞。呢個套餐48元，有1碗細既磨茹飯，2件炸雞，1個芒果蜜桃批，連飲品。炸雞真係不錯肉質好嫩滑，一d都五乾，而且仲熱辣辣外皮好脆香口，食落又五會好油膩雖然有提供磨菇汁配炸雞食，但五點醬汁已好夠味。芒果蜜桃批的組合好特別，批內埋藏住粒粒的果肉，加埋脆卜卜的皮，好夾！但可惜個size出奇地細，若單買要8元，我覺得稍為略貴。

十一黃金週 旺角多人到爆 想搵個地方食快餐都難走左上去Jollibee 睇下多唔多人點知見到仲有好多空位 即下坐落享受下見到下午茶都唔係平好多又無咩特別直接試C1 炸雞餐 +mango peach pie 好了炸雞無得選辣味 原味炸雞一般好過KFC少少 又唔夠Popeye好食薯條就跟M記差不多 唯獨價錢真心不平如果下次經過旺角 又想搵地方坐下食下快餐我覺得Jolliee 可以一戰 但平日的話就算了因為真的沒有想像中那麼好吃!!

很喜歡食炸雞，一直很想試這間新開的菲律賓店子，終於有機會試。裡面都係菲律賓人😂，不過我都是去食雞，滿心歡喜以為它會比其他大型炸雞店好味，但味道實在不太好，下次一定不會再來。蘑菇飯都不好味。。。太失望了

見到佢咁開心嘅logo，你就知係快樂蜂冇食過佢嘅炸雞你都唔好意思行出嚟以為入面全部都係菲律賓人嘅時候你就錯啦，你間鋪最少都有八成都係香港人食佢啲雞就得同零一間香港大型連鎖炸雞店嘅唔一樣，佢有一種炸雞專用嘅汁，送飯食一流正評不解釋

位於旺角既Jollibee 開左甘耐，一直都話想試，終於今日試到!!食之前，要做下運動>>>行樓梯! 為左食好野辛苦行樓梯都底💪💪當然一定要食物好味道.一上到去，叫餐條龍超多人排隊， 分頭行事 (1個去搵位等食😛😛，1個辛苦去買餐)， 等左陣。。。炸雞到分別叫左2仲餐， 有炸雞(雞胸，雞腿), 薯條，蘑菇飯, 飲品先食炸雞，味道好嫩 有肉汁 感覺上5熱氣 *(係感覺上, 當然係熱到🔥🔥🔥👿) ，炸雞都好好味，啖啖肉😋5會話無咩肉薯條一般般， 蘑菇飯都麻煩地，個汁怪怪地整體上淨係得炸雞可再食，其他5食都得

每次經過旺角這間Jollibee, 都想試一試, 因為聽說雞不錯。愛試新野的我, 今天就給它一個機會, 試試它和KFC,麥當勞有什麼差別。差別果然很大! 炸雞, 不過不失, 但沒有KFC來得脆口多汁, 雞肉也完全比不上KFC的滑。塊皮炸得若為硬了, 感覺後一炸再炸那隻硬, 不是脆。點雞的gravy, 稀到一個點, 真的溝得太稀了。我本身喜歡點gravy sauce, 但這完全吸引不了我。薯條, 一點也不鬆軟, 硬硬的, 感覺很"死", 沒有香噴噴的薯味。麥當勞的薯條都已經不特別好吃, 它比麥記的薯條還差。蘑菇飯。我第一之吃一個如此難吃的蘑菇飯....汁得少少, 飯軟到一個點, 唔知自己食緊D咩, 仲要覺得一舊舊黏埋, 我食左幾啖就放棄了。個飽是唯一一個沒有太大劣評的。它就是M記的孖芝, 漢堡稍為厚一點點, 加上蕃薯, 還有千島醬什麼的, 味道還不錯。但是, 整餐的味道, 遠不如KFC或M記。終於明白它為什麼做不起來, 只有一班回憶家鄉味的外傭是長期客人。因為, 我也不會給下一次機會它。

經常路過但都冇食過. 今日難得收工早左又冇喉嚨痛生飛滋, 就做隻快樂蜂 肉醬意粉+雞鎚+雜果賓治 $45炸雞x2 + 細薯條 $35先講意粉，賣相一般。但出奇好味，上面既碎芝士粒配上甜甜既肉醬，意粉又有咬口，食晒成個都唔會覺得膩薯條🍟新鮮，每條都係爽口唔多油又唔會太咸！漢堡包 $25個包脹卜卜，好軟熟，好juicy，但比想像中細，我諗我要食兩個先夠飽但對比M叔叔同K 伯伯果d，呢個包個賣相好好多（姐係冇壓扁過既感覺）蘋果批 $8 唔夠飽叫黎試下。只有手掌心咁大，夠脆唔太甜。想過下口引呢個係個好選擇。雞要等20分鐘先有！ 慢慢咁食晒野隻雞就上場喇！有蘑菇汁點個味道好夾，竟然雞胸d肉質都幾滑下最後想提一提，果到有個外表同身形都好吸精既清潔姐姐如果佢日日都會番工，我諗有部份男士會係想見下佢而黎食野

成日聽身邊朋友講Jollibee 好好食，今日經過旺角一試！旺角呢間分店，雖然係樓上鋪，但係entrance係馬路，加上有好大塊嘅廣告牌，好 eye-catching，好易搵。因為純粹想過下口隱，所以就叫左招牌上面做緊promotion果個$35蚊餐，有2舊炸雞、一份細薯條，但係冇野飲（要加埋野飲就要點$48個餐啦）炸雞，的確皮脆，肉質幾juicy，above average (K記) 不過好奇怪，唔知點解冇比膠手套我😢😭🧐，搞到食得好麻煩

星期六晚十點半到鋪頭，頌有差不多十個人排隊等買炸雞. 點左一個兩件雞嘅套餐配薯條. 可能多人買嘅關係，要等十分鐘先有炸雞. 所以就食住薯條等. 薯條對比紅色快餐店，佢嘅薯條炸得較出色. 每一條都均勻咁炸. 無出現燶左，‘淋’左嘅薯條. 而且都幾有薯味，唔係只有鹽味同油味炸雞佢嘅特色係比個蘑菇汁可以點黎食. 不過我個人覺得唔點都好味. 雞的肉質係好滑嘅. 不過雞皮炸完好重油味. 所以我係食肉唔食皮. 如果對比K字個間炸雞， K字的皮更出色. 汽水正常有汽嘅總括黎講，$40黎個價錢絕對食得過！

約朋友喺旺角行街兼食晏，食飽後唸住去砵蘭街裝修材料舖買濾芯，經過jollibee突然想試佢哋嘅蜜桃芒果批，第一次幫襯，去counter點餐原來要用英語，窒咗一窒，用有限的英語點咗個芒果蜜桃批試吓芒果蜜桃批size比麥記的批小三份一，的的式式，幾口就可以食曬，當小食唔會太飽太膩一口咬下去皮很脆很香口，唔油膩，芒果醬汁傾瀉而出，蜜桃肉細細粒很香甜，芒果同蜜桃味好夾，香香甜甜，食後滿口仍有蜜桃味餘韻，真想再來一個，可惜價錢有點貴