快樂蜂 (亞皆老街)

营业中

休息中

今日去砵蘭街買完d地磚後，見有d肚餓，咁就去搵下野食啦，見到e間Jollibee 極力推介炸雞，平時食kfX就多啦，但係e間就未試過啦，好啦，就走上去試2啦！好啦，可能下午茶時間無咩人，都好多位，我就叫左個c4餐啦，兩件雞加個蘑菇加個汽水。首先說當然係食左件雞先啦，件雞本身都炸得幾脆，但係d雞肉食落去都幾林，無咩雞肶本身有嘅彈性，都係不過不失啦！到個飯啦，感覺上比較少汁，但係都幾香菇味呀，好彩就重有d點雞嘅醬汁係度，最後都食得晒，好又一餐，唔好又一餐，快餐係咁啦！食完就繼續買野。

我一嚟到見到部𨋢封住咗，唔知係突然壞咗定一直都係咁啦，溫馨提示：有需要搭既吃貨留意喇~第一次食Jollibee，驟眼睇非本地人多過香港人，可能呢一個係非本地人嘅天堂，呢度名不虛傳，果然係姐姐們嘅天堂，因為當時我四周都被姐姐們包圍住， 好不熱鬧。咁第一次食Jollibee，第一件事梗係睇咗餐牌有咩食先啦。食香港嘅快餐店大既我 e.g.食麥當勞同kfc咁，見餐店都好少有粉麵類， 我第一下見到有意粉 真係覺得新奇又有趣，但我見到我隔離嘅姐姐都有食，唔知係咪真係咁好食呢？去到呢到又好肚餓既吃貨有興趣可以試下可惜我今次就無食到而我今次order咗兩個set，一個係兩件樂脆雞配指定美食，另一個係滋味套餐；佢地惟一既分別就係前者配薯條，後者配磨菇飯+香芒蜜桃批，而兩者都有兩件雞件同汽水先講一講個主角 - 炸雞佢配有一個醬汁，試真啲，佢嘅醬汁正正係蘑菇飯嘅蘑菇汁，呢個汁我食到一半先知道原來for點雞嘅。佢嘅雞其實唔點汁到ok，都夠鹹，而佢嘅皮 脆得黎唔覺得熱氣，程度點到即止；而最難忘必定係佢裏面既肉質，不單單係雞搥，連雞上脾都嫩滑到冇得彈，juicy既！個飯就比較硬，無汁都好難食得到，磨菇少，磨菇都

我記得細細個呀媽成日帶我同哥哥食哈迪司同jollibee 我都好開心架！因為2間嘅炸雞都系好好食～但好可惜無幾耐2間野都撤離左香港，不過近幾年jollibee 又回歸香港啦👏🏼👏🏼。佢個炸雞真系幾好食架，外皮炸得夠脆、內裡又夠juicy、肉質又滑。我地淨系叫左個chickenjoy bucket ，有6件雞，3件雞腿同3件雞上脾，盛惠$90。咁嘅價錢都唔算貴啦～同KFC相比～價錢差唔多但好味好多囉，同韓國炸雞相比又比較平。鐘意食炸雞嘅朋友不坊試下啦

jollibee簡真可以話係兒時回憶而家專登黎食都係為左食番細個既味道😂雞係夠大件既雞皮夠脆唔會淨係得炸粉味雞肉炸完之後都唔「鞋」但係價錢比起kfc黎講的確係貴左唔少呢種兒時味道都係耐唔耐先食番餐就算😂

今日返半日工早食飯,食完又行左一陣,個人都肚餓係旺角搵間野食個tea其實都唔易,人多到傻行到咁上下見到招牌就上左去快樂蜂人都唔算好多叫左個餐再加多杯黑牛薯條唔算好多,正常野雞係好滑同好有雞既味,真係雞有雞味配合埋蘑菇汁黎食,個汁好好食..連茄汁都唔開,直接薯條點蘑菇汁仲好食黑牛,可樂加雪糕,好正呀,又有汽水飲又有雪糕食,一次過滿足兩樣野

今次其實都唔係第一次來食快樂蜂了，其實這裡都不錯的，不過就位置就有dd迫左少少，不過還可以接受！（快餐店都差不多吧）其實最值得一提當然是炸雞⋯的汁！呢個汁配埋炸雞，真的是把炸雞推到另一個層次，而且呢到的炸雞唔會未咬落口塊皮就甩左出來，肉質滑，唔會太亁，而且味道都幾特別，是有點與別不同的⋯不錯不錯點埋汁之後，味道就更加提升了，我都係第一次那麼喜歡食炸雞要點汁。不過除左炸雞，呢個炸雞塊都係值得一嘗的味道，肉質雖然沒有炸雞咁滑，但他們調過的口味又係另一回事。好味道。

細細個除左好鐘意食麥記kxc之外，仲好鐘意食呢間“小蜜蜂”。好記得細個食到覺得呢間啲薯條真係好好味！！可惜之後呢間快餐店好快就全線倒閉左！估唔到呢間快餐店竟然係咁多年後重開！真係太開心了！😊今日一於去尋回我既童年回憶！上到去同以前一樣都係咁多賓賓坐哂係度以為有下午茶叫，原來星期六日無既……套餐價錢都唔平，4×蚊一個set.見到有芝士肉醬意粉，又試下先。味道都幾好的！夠多芝士。都唔錯！黎到當然要叫佢既炸雞套餐！炸雞都幾嫩但覺得kxc好似再嫩d.佢好味在於個秘製醬。味道似係磨菇醬咁！沾完令到個炸雞更加好味！同炸到個皮好脆。薯條同以前食既味道一樣，好重薯味！！價錢如果平番d就更好喇

今日行過朗豪坊，抬頭見到Jollibee，仲以為眼花....原來佢重遊香港😄咁我又重遊吓Jollibee閒日下午四點幾，都好多賓賓試咗個$25雞柳下午茶餐，加$6芒果批雞肉較乾身，調味好好，蛋黃醬好味芒果批好細，算好味

$43 兩件雞 + 細薯條 + 汽水 真係好唔抵 呢個價錢係m記可以食得好飽啦D雞係嫩既 但係無味 皮又太粉薯條都係無味🤦🏻‍♀️🤦🏻‍♀️🤦🏻‍♀️🤦🏻‍♀️Ketchup就酸酸地咁 真係麻麻地I will vote for kfc and mcdonald’s lollllllllllllllll..............................

原本同男朋友想食某間韓式炸雞 不過個間兩個人食 人均都接近hkd 200 窮學生自問未去到非食不可好彩佢醒目 記得我之前有話過好想試jollibee 於是就過左去食旺角個間間店既design都係kfc啲朋友個種既快餐setting 無咩值得留意因為想食炸雞 當然就即時叫個桶雞 不過我地無跟餐既 因為對汽水 飯個啲都無興趣最吸引我既係個芝士薯條 16蚊有L size, 平平地試得過啲雞個人認為係好食過kfc既 有肉汁 唔會太乾身 不過塊皮就可以再脆口少少 同埋多返啲調味 配雞既汁如果有多啲味揀都會開心啲最令我surprise既係芝士薯條 真心食到唔停口

🐥C2 Set $43(兩件炸雞+薯條/薯蓉/粟米+汽水)🐥食過jolibee嘅人一定All in炸雞😏真係上癮嫁😍😍😍好開心食到新鮮炸起嘅雞件 炸皮有點厚度 脆卜卜👍雞肉非常多汁 嫩滑 唔會好濃調味 所以更能食到雞肉味道😚唔係快餐店質素咁簡單👏👏👏雖然貴過kfc少少 但雞件大好多 多肉細骨 味道同肉質亦好好多😎.套餐小食嘅薯條同薯蓉都好正🍟薯條亦係新鮮炸起 幼長形 全部都外脆內軟粉粉的 芝士薯條係灑上芝士粉 甜甜地 似芝士波嗰種🙆仲試咗漢堡同新地😈😈漢堡肉厚又唔乾 有驚喜到我🍔新地雪糕唔快溶 朱古力同士多啤梨醬都好味🍦.員工超細心又好人👏👏👏

要食認真既炸雞🍗，一定要食快樂蜂 ！！！！皆因佢d雞啖啖肉 用炸粉又唔多 😯炸雞冇散過 🤗一直都係皮連肉名副其實皮脆肉嫩👍🏻⭐️價錢又平仲要高質 呢d🐤點揾呀

Jollibee 出名受菲律賓姐姐們歡迎因其家鄉味，就試試是否合香港人口味！炸雞配蘑菇飯套餐雞腿及雞胸各－。炸鷄出色！炸鷄熱辣辣，鷄肉嫩滑没有雪藏味，鷄胸肉也不鞋，炸粉脆口，不會太厚。只是味道清淡點，沒有其他連所快餐店的濃味。飯正常只是蘑菇和醬汁過少。蘑菇漢堡扒飯套餐（另加粟米杯$6）白飯份量大，２片漢堡扒但同樣地蘑菇和醬汁過少。套餐另有－盒醬汁，不知用來配炸雞或飯。反正我們用來送飯就剛剛！粟米杯，粟米帶牛油味！整體來說，Jollibee的炸雞出色特別炸粉較薄但其他食物就正常，環境清潔，價錢亦合理。

食炸雞我好少會去韓式個啲舖到食，除非去開食飯卷會食埋，如果唔係我都會食KFC，因為KFC嘅上脾真係好好食架快樂蜂男朋友成日都想試，仲話好食過KFC好多，佢都講到咁樣，咪食下囉。我信男朋友唔會伏我因爲佢仲咀叼過我買咗個餐+一個茶餐+一個桃批。份量嚟講真係唔多，但佢個雞真心好食。雞胸同脾都好滑，皮脆肉嫩又多汁，佢個炸漿嘅調味調得好好，唔會好鹹。燒汁個味似蘑菇黑椒汁，配埋雞肉食超夾。薯條係比麥當勞粗身，食落薯味濃，又熱又脆口。雞肉條無食到係男朋友食嘅，佢話好重調味，雞肉較乾，不建議嗌依個茶餐。芒果桃批比我想像中好食喎，批皮好脆好多層，果餡好多汁又好多，熱辣辣咁食一啖，好暖心。快樂蜂嘅雞同薯條，真係好食嘅！但係份量真係好少，同埋價錢真係偏貴，不過味道搭救，我一定會再翻頭食架！

星期日行經中環，總會見到Jollibee 擠滿菲律賓傭工，究竟它有什麼好味之處，能吸引一大群菲律賓人呢？奉上的炸雞是剛剛炸好，外皮香脆，肉質細嫩，有肉汁，味道較KFC重，個人覺得做得比KFC好。