神廚館 墨東東店 (已結業)

呢日要在大角咀覓食，路過呢間主打墨魚餅的，好似幾特別，於是就入去試下。間店好細，一眼睇哂，座位不多，全部係高枱高櫈，好彩未到午飯時間，所以冇咩人客唔洗等位。佢店員好少，基本上好似快餐店的運作模式，客人自己去收銀處落單畀錢，然後等佢嗌number自己去捧餐回座位享用。試左佢個墨魚餅漢堡，冇記錯好似係揀左芥末醬汁，漢堡可單買或跟餐，套餐就包埋薯角同汽水。價錢都唔平，但一分錢一分貨既，因為個墨魚餅真係超級好食，裡面好多墨魚肉非常彈牙。而且個醬都好夾，配埋佢啲菜好fresh。食完過一排成日都心思思想去回味。

去到大角咀工作,做完野梗係要食午餐啦,不過就無咩頭緒要食D咩野四周行下其實都有D鋪頭,行左一陣發現原來都唔早要快手買野食走返公司食慳返D時間諗住外賣食算喇,跟住今日選中左墨東東店,墨作為主題好似有D特別,又行開E頭咁就試下佢啦抬起我低過的頭來,為既係望下食咩啫由於今日餓所以要叫一人一個餐再加個小食去醫下個肚墨小鬼加個泰式醬,墨窩餅飯加凍檸茶同可樂墨小鬼加個泰式醬--熱辣辣既,個味都OK既墨窩餅飯---有飯有太陽蛋,太陽蛋可以有少少燶燶地會比較好,塊肉都唔算大,味道都OK有菜放底,個份量偏細

幫襯無10年都8年喇, 由匯豐下面既小店,之後搬到埃華街, 到而家轉左形象既新舖, 始終佢地既墨魚餅係幾獨特, 出面較難搵到類似。唔知係咪舖頭細左好多, 無位洗碗, 而家轉左用紙盒上菜, 老實講, 令整體感覺差左, 我係舊顧客就無所謂, 但對新客黎講, 感覺不太好吧。墨魚餅飯依舊好食, 只係今次炸得有少少乾, 但墨魚餅,加飯,蛋,紫菜,甜豉油, 呢個組合係perfect。每次都清晒成碟。以前黎食會有個胡椒魚湯,唔知遲啲會唔會有番呢？見到神廚館正在轉型, 成唔成功要遲啲先知, 希望成功啦, 就算唔得, 做番茶餐廳風格都完全無問題架。加油!!

早幾年前食過神廚館既墨魚餅飯,一直念念不忘,近期聽寶寶講尼間墨魚餅飯店好似搬左,我都想睇吓佢搬左去邊同有咩唔同～之前裝修係以茶餐廳模式,都坐得幾舒適!而家佢以快餐模式,店入面有兩張長枱,大概每張枱坐6-8個人,另外有一行面壁既枱,近鋪面外都有一行自閉位,對於玩電腦同要呼吸既客人就唔錯既選擇!我就覺得新店有點侷促同迫迫地,但專誠黎到,點都要叫個招牌窩燒墨魚餅飯食吓啦⋯⋯以前係食完先俾錢既碟頭飯,而家就俾左錢先既紙飯盒,好唔環保!買左2個招牌窩燒墨魚餅飯同凍熱檸檬茶各1因為現炸,要等一陣既關係,留意到面壁牆上有食法教學,我就依佢既方法加豉油落太陽蛋度撈飯食,佢隻蛋煎得好靚,唔捨得整爛佢,墨魚餅就食到有墨魚粒,彈牙有咬口好嘢味~雖然墨魚飯既味道差唔多,但我就鍾意以前既舒適茶餐廳風味~

墨魚餅係大角咀代表美食之一，之前餐廳係叫神廚館，類似茶餐廰，改咗名叫墨東東同搬㫓新舖都係第一次來。舖面似trendy設計，無咗以前茶餐廰feel。新舖食物以墨魚為主，刑式似西餐，除咗飯仲多咗飽類，但我最掛住都係墨魚餅太陽蛋飯。所以都係叫番呢樣。叫完野食要先俾錢，之後野食就送黎。雖然係用紙盒載，但個presentation 唔錯。入口墨魚餅夠熱，墨魚餅水準依舊，附有紫菜碎，太陽蛋篤穿再撈飯一齊食一流。下次有機會試下墨魚餅漢堡

初頭都不知道是吃什么的，乱撞入去，地野都ok，主打墨魚餅，总之大部分餐都有墨魚餅，太阳蛋白飯加個墨魚餅，少少椰菜少少紫菜絲這樣一個紙盒便當款式，墨魚餅彈牙不過不失，位置很小，用紙盒裝食物感覺不環保，

今天因工作關係路過此店 看看店內的歺牌圖畫被給吸引入內光顧 我點了一客65元墨魚餅飯 價錢雖然貴了一點 不過沒有問題 心想好食的話是值得的 但是到了我面前的時候 不是話 那麼少得過份的份量真令我吃一驚 而且那塊墨魚餅是炸到乾乾的 你叫我怎麼吃啊 同那個女子説這樣可給人吃的嗎吓 大約是老板娘嗎？她好像沒有什麼反應 吃不吃隨便你 這樣的一間店舖好似是你不來 還有大多人來 所以請來光顧的朋友還是去別處地方 這樣的價錢可找一間不知多好的食店 何必要受妳這樣的氣？永遠不會有下一次😡😡😡😡😡本文屬個人意見

幫襯了近10年，由以前係滙豐銀行大廈對面開始幫襯，之前聽到話搬舖，到今日先有時間去，點知結果得來是失望。。沒有了湯飯，沒有了美極牛扒，變左係以快餐店模式經營，講真，當初喜愛去食，係個墨魚餅飯吸引我，但後來係人情味，見到老闆兩母女努力，有時見到我同我老公，會傾幾句，但今日。。。。。人情味沒了，變成快餐店。各樣食物轉左新名，但我梗本唔知其實係咩黎，本來想食個墨魚餅餅，點知見到用紙盒裝住，食慾程度即刻減少。。我明白現在舖頭細左，有好多食物要作出取捨，但無理由以前係滙豐對面個陣都做到，反而而家做唔到講真，應該不會再去了，因為我老公係一個不吃海鮮的人，但對佢既湯飯情有獨鍾，現在沒了，沒理由再去

公司附近有餐廳專賣墨魚餅飯，自從餐廳搬了鋪位後，座位少了很多，十次中才有一次有座位可以入坐。而我每次選擇的都是墨魚餅飯，墨魚餅上有新鮮又脆口的紫菜，而飯上更有一隻太陽蛋。構圖都不錯，絕對可以影相呃Like。餐廳牆壁會有吃用指引。今次太陽蛋煎的時間長了，沒有流芯效果，有少少失望。但雞蛋味道頗香，用料都是新鮮的。而墨魚餅依舊都是熱騰騰、厚底、不油膩、擁有彈性口感。而且墨魚餅內有粒粒墨魚，增加彈性口感。墨魚餅外的炸粉不多，而且夠貼形，可以完全反映墨魚餅的外形，這個炸法我喜歡～這個飯餐份量很夠，直到黃昏時還未消化完，哈哈。

先做個利申：這並非試食報告，然而我對這小店確實有感情分加，至於內容是否公允，則由各食友自行判斷。自她們第一次搬舖，我已有給予意見、甚至幫眼搵舖，建議了當時尚未炒高的西港島沿線(也方便作為街坊的我到時搵食，我是這樣想的)。之後她們搬到了同區的大街，我和同伴第一時間去恭賀。再之後，租約快滿了，她們思索出路，想到搞美食車，我更出力幫忙(雖都是幫口居多)。當時已經跟她們說：就算投不到 (其實即使投到也不一定是好事)，若概念發展得好，或許能吸引發展商或美食廣場邀請進駐。現在證明不是空談：她們真的進軍CB了。「銅鑼灣喎！」大家都興奮。(在那裡經營得怎樣，那是另一碼事了；去問她們，或許會告訴您。)為何要做這些？當然跟利益無關。(跟口腹的利益卻有關！) 不為甚麼，就是為了保存、延續城中的美食，在水漲船高的洪流中，尋找一些生存空間。如今，他們搬到更寬闊的大路上，而因經營體系的重新設定，店面邊窄了；但生存的本錢，卻變多了。初到一望，您無法馬上認出這是神廚館。她確實不是；該說，不只是。多了的，明顯有下工夫的branding、創作的得意故事與 icon、顯出融合心思的中英文產牌、新的食品款式。少了的，則是幾味

I was a fan of their signature octopus cake and decided to check out their new location on Tai Kok Tsui Road. They have changed their concept to fast food-like and all the set meals feature only the octopus cake. I ordered the rice set for hkd 55 and it comes with a hot drink. There is additional charge of hkd 3 for cold or soft drinks. The rice set comes with an octopus cake,rice, fried egg and a few strands of cabbage. They no longer have the seaweed soup and somehow to me the portions have sh